ज्योतिष और उपाय

jyotish aur upay  

Ank ke aur Lekh | Sambandhit Lekh | Views : 4951 |  
jyotish aur upay acharya avinash sinh prashna: upayon ka jyotish men kya mahatva hai? uttara: upay jyotish ka abhinn ang hai. jahan jyotish grahon ke shubhashubh prabhavon ko darshata hai vahin upayon dvara vyakti vishesh par parne vale grahon ke ashubh prabhavon ko dur kiya jata hai. prashna: kya upayon dvara grahon ke kuprabhavon ko purnataya samapt kiya ja sakta hai? uttara: grahon ke shubhashubh prabhavon se ane vali choti-bari samasyaen to apne samay par aengi hi, lekin upayon dvara grahon ke kuprabhavon ko kuch kam kar suli ko shul banaya ja sakta hai. jaise varsha ya tej dhup se bachne ke lie chata karya karta hai usi tarah upay bhi ane vale prakop se kuch rahat dilate hain. prashna: upay kitne prakar ke hote hain? uttara: upay mukhyatah tin prakar ke hote hain - shubh grah ko bali banane ke lie, ashubh grah ko nishfal karne ke lie aur ashubh grah ko shubh men badlne ke lie. pratham shreni men ratn v rudraksh dharan, dusri shreni men vastu visarjan, vastu ko jamin men garna aur tisri shreni mane mantra jap, yantra sthapna evan dan labhdayak hote hain. prashna: upay kis grah ka karna chahie? uttara: janmapatri ka achchi tarah vishleshan kar yah jana jata hai ki jatak ko kaun sa grah ashubh fal de raha hai jisse vah pareshan hai. usi grah ka upay kar use shant karna chahie. prashna: yah kaise janen ki kaun sa grah shubh hai aur kaun sa ashubh? uttara: janmapatri men lagn ke anusar grahon ki shubhta aur ashubhta jani jati hai. jaise- mesh: lagn ke lie surya, mangal, guru aur chandra shubh aur shukra, budh v shani ashubh hote hain. vrish: lagn men surya, shukra, budh v shani shubh aur chandra, guru, mangal ashubh hote hain. mithun: lagn men budh, shukra v shani shubh hote hain aur mangal, guru, surya tatha chandra ashubh. karka: lagn men chandra, mangal v guru shubh hote hain aur budh, shukra, surya tatha shani ashubh. sinh: lagn men surya, mangal v guru shubh aur budh, shukra, chandra tatha shani ashubh hote hain. kanya: lagn men budh, shani v shukra shubh hote hain aur mangal, chandra, surya v guru ashubh. tula: lagn men shukra, shani tatha budh shubh hote hain aur surya, chandra, guru v mangal ashubh. vrishchik: lagn men mangal, surya, chandra v guru shubh hote hain aur shukra, budh tatha shani ashubh. dhanu: lagn men guru, surya v mangal shubh aur budh, shukra tatha shani tatha chandra ashubh hote hain. makr: lagn men shani, budh tatha shukra shubh aur chandra, guru, surya v mangal ashubh hote hain. kunbh: lagn men shani, shukra v budh shubh aur surya, chandra, guru aur mangal ashubh hote hain. min: lagn men guru, mangal v chandra shubh aur surya, budh, shukra tatha shani ashubh fal dene vale hote hain. grahon ki bhav sthiti aur grah yuti ke anusar shubhta ashubhta men antar a sakta hai. upay karne se purva iska bhi dhyan rakhna chahie taki jis grah ka upay kiya ja raha ho us ka ashubh fal kam ho sake. prashna: bhav sthiti aur grah yuti ke anusar upay hetu grah ka chayan kaise karen? uttara: bhav sthiti aur grah yuti ke anusar shubh grah ka bal kamjor hone par vah purnataya fal nahin de pata, islie koi grah yadi lagn ke lie shubh ho lekin apni bhav sthiti aur grah yuti ke anusar kamjor par jae, to uska upay avashya karna chahie taki uska shubh fal jatak ko prapt ho. lagn ke lie ashubh grah ki sthiti evan yuti ke anusar uska upay kar uski shanti karvani chahie jisse us grah ka ashubh prabhav kam ho jae aur jatak ko kasht kam ho. prashna: janm patri ke anurup upay ke lie aur kin baton ka dhyan rakhna chahie? uttara: upay ke lie nimnalikhit baton ka dhyan rakhen: kadane ra arai trikane a ki bhav sthiti aur yuti. ast aur vakri grah. grah ki shatru bhav men sthiti. yog karak grah aur uski kundli men sthiti. grah ki uchchata aur nichta. kaun sa grah pirit hai. jatak ko kya samasya hai aur us samasya ka sanbandh kis bhav v grah se hai. us bhav ke svami aur sthit grah ka upay karna chahie taki jatak ko pira kam ho. vartaman mahadsha aur antardasha ko bhi dhyan men rakhna chahie. prashna: kaun sa upay sarvadhik prabhavshali hai- ratn dharan, puja, ya mantra jap? uttara: har upay apne ap men purn prabhavshali hota hai. yah jatak par bhi nirbhar karta hai ki vah samay ke rahte kis upay ko asani se kar sakta hai. jo upay jatak asani se kar sake, use vahi karne ki salah deni chahie. prashna: kis grah ke lie kaun sa ratn dharan karna chahie? uttara: sabhi grahon ke apne-apne ratn hain. surya ka ratn manikya hai jise angreji men ise rubi kahte hain. chandra ka ratn moti arthat parla, mangal ka munga arthat koral, budh ka panna arthat aimarald, brihaspati ka pukhraj arthat yelo saifayar, shukra ka hira arthat daymand, shani ka nilam arthat blu saifayar, rahu ka gomed, ketu ka lahsuniya arthat kaitsaai. prashna: ratn kitne bhar ka, kis dhatu men, kis ungli men kab dharan karna chahie? uttara: ratn ka bhar jatak ki ayu v sehat par nirbhar karta hai. fir bhi ratnon ke nyunatam bhar, unse sanbandhit dhatuon aur ungliyon ko byorebar vivaran is prakar hai manikya kam se kam sava 3 raÿai ka sone men anamika men ravivar ko pratah dharan karna chahie. moti kam se kam sava 3 raÿai chandi men, kanishthika men somvar ko dharan karna chahie. munga sava 4 raÿai sone ya chandi men anamika men manglvar ko pratah dharan karen. panna sava 3 raÿai sone ya chandi men, kanishthika men budhvar ko pratah dharan karen. pukhraj sava 4 raÿai sone men tarjani men guruvar ko pratah dharan karen. hira ( raÿai chadi ya sone men anamika ya madhyama men shukravar ko pratah dharan karen. nilam sava 4 raÿai ka panchdhatu ya chandi men madhyama men shanivar ki sham ko dharan karen. gomed sava 5 raÿai ashtadhatu ya chandi men madhyama men shanivar ko suryast ke bad dharan karen. lahsuniya sava 5 raÿai chandi men anamika men manglvar ko suryast ke samay dharan karen. prashna: ratn kya anguthi men hi dharan karna chahie? uttara: anguthi ke atirikt ratn ka laeket bhi dharan kiya ja sakta hai. lekin laket men ratn ka vajan do guna hona chahie. dhyan rakhen ki dharan kiya gaya ratn sharir ke angon ko chuta rahe chahe vah anguthi men ho ya laeket men. prashna: kis ratn ko kis ratn ke sath dharan karen? uttara: shatru grah ka ratn dharan nahin karna chahie jaise munge ke sath nilam, panna ya hira dharan nahin karna chahie. hire ke sath pukhraj, munga ya moti, panne ke sath munga, pukhraj, manikya ya moti, moti ke sath panna, hira, manikya ya nilam, manikya ke sath panna, hira, nilam ya moti aur nilam ke sath moti, pukhraj manikya, munga dharan nahin karen. isi tarah gomed ke sath man iakya ya munga aur lahsuniya ke sath manikya, moti ya nilam dharan nahin karna chahie. prashna: kai bar jyotishi nav ratn anguthi ya laeket dharan karne ki salah dete hain. kya yah sahi hai? uttara: nav ratn anguthi ya laeket tab dharan karna chahie jab kai prakar ki pareshaniyon ya rogon se jivan grast ho anyatha ek ya do ratn dhaaran karna hi kafi hota hai. prashna: yadi kisi jatak ki janmapatri n ho, to vah upay kaise kare? uttara: janmapatri n hone ki sthiti men jatak ki pareshani ya bimari jis grah se sanbandhit ho, use us grah ka upay karne ki salah di jani chahie. prashna: kis bimari ya pareshani ka karak grah kaun hai yah batlaen. uttara: grahon se hone vali pareshaniyan is prakar hain. surya: sarkari naukri ya sarkari karyon men pareshani, sir dard, netra rog, hriday rog, asthi rog, charm rog, pita se anaban adi. chandra: mansik pareshaniyan, anidra, dama, kaf, sardi, jukam, mutra rog, striyon ko masik dharm, nimoniya. mangl: adhik krodh ana, durghatana, rakt vikar, kushth rog, bavasir, bhaiyon se anaban adi. budh: gale, nak aur kan ke rog, smriti rog, vyavsay men hani, mama se anaban adi. guru: dhan vyay, ay men kami, vivah men deri, santan men deri, udar vikar, gathiya, kabj, guru v devta men avishvas adi. shukra: jivan sathi ke sukh men badha, prem men asflta, bhautik sukhon men kami v aruchi, napunskta, madhumeh, dhatu v mutra rog adi. shani: vayu vikar, lakva, kainsar, kushth rog, mirgi, pairon men dard, naukri men pareshani adi. rahu: tvacha rog, kushth, mastishk rog, bhut pret vadha, dada se pareshani adi. ketu: nana se pareshani, bhut-pret, jadu tone se pareshani, rakt vikar, chechak adi. is prakar grahon ke karakatva ko dhyan men rakhte hue upay karna chahie. prashna: yantra kya hain aur ye kaise karya karte hain? uttara: yantra ek prakar se jatak ke lie suraksha kavach ka karya karta hai. pratyek grah, devi aur devta ki puja yantron ke madhyam se ki jati hai. yantron ka nirman is prakar se kiya jata hai ki sanbandhit devi ya devta ki shaktiyan unmen sama jaen. yantra kagaj, bhoj-patra, tanbe, sone ya chandi ke patra par banae jate hain aur vidhi vidhanpurvak shuddh kar unki pran pratishtha ki jati hai. yantra ko puja sthan par sthapit kar pujan karne se jatak ki ashubh prabhavon se raksha hoti hai. prashna: upayon men mantron ka kitna mahatva hai? uttara: pratyek grah ke mantra hote hain jinke jap karne se grah ka kuprabhav kam ho jata hai. mantron ke jap karne se grah devta prasann hote hain aur jatak ko labh milta hai. mantra jap se jatak ke irda-gird ek suraksha kavach ban jata hai jiske karan nakaratmak shakti us par prabhav nahin dal pati aur vah ashubh prabhavon se bacha rahta hai. prashna: upayon men rudraksh ka bhi prayog hota hai? uttara: upayon men rudraksh ka vishesh mahatva hai jiska prayog amtaur par rudraksh ki mala dharan kar kiya jata hai. rudraksh ki mala dharan karne se uchch raktachap aur hriday ke rogiyon ko vishesh labh hota hai. unmad, akal mrityu, bhut pret badha, grah badha ityadi se raksha hoti hai. rudraksh ki mala se ¬ namah shivay ka jap karne se kai atyadhik labh hota hai. usmen vishesh shakti aur sfurti ka sanchar hota hai aur uske irda-gird ek suraksha kavach ka nirman hota hai. sath hi dhan-dhanya ki vriddhi hoti hai. prashna: shani ki sarhesati ke lie kya upay karna chahie? uÿar: sadhse ati s e pidit lage a ne ko shani ki puja karni chahie. shani mantra ka jap, shani yantra ki puja aur nilam evan lohe ka challa dharan karna chahie. rudraksh ya rudraksh ki mala dharan karen. shivling par dudh charhaen aur ¬ namah shivay ka jap karen. hanuman ji ki puja karen. shanivar ko satnaja, tel aur kale kapre dan karen aur pipal ke per ko kachche dudh aur jal se sinchen, uski puja karen aur dip jalaen. mrityunjay ka path karen. adhik kasht ho, to mahamrityanujay ka jap karen aur shanivar ko vrat karen. in upayon men jo asani se ho sake, yathasadhya aur yathasanbhav karna chahie. isse shani ke prakop se rahat milti hai. prashna: kalasarp yog ka kya upay karna chahie? uÿar: kalasarp yog se pirit jatkon ko sarpon ki puja karni chahie. nag panchmi ke din nagon ki puja karen. hanuman ji aur ganesh ji ki puja karen. shivling ko chandi ke nag aur nagin ka jora arpit karen. gomed aur lahsuniya ek hi anguthi men dharan karen. pitron ka shraddh karen. mahamrityunjay mantra ka jap karen. rahu aur ketu ki vastuon ka dan karane jaise kale til, tel, svarn, kale rang ka vastra, kale aur safed rang ka kanbal, kasturi, nariyal adi.
Kya aapko lekh pasand aaya? Subscribe

Kya aapko lekh pasand aaya? Subscribe


tairo kard evan bhavishya kathan ki vaikalpik padvatiyan  May 2007

bhavishya kathan men tote ka prayog, kya hai ram shalaka ? nadi shastra aur bhrigu sanhita ka rahasya, tash ke paton dvara bhavishya kathan, kristal bal, pandulam dvara bhavishya kathan, hastakshar, ank evan gharelu vidhiyon dvara bhavishya kathn

Subscribe

Apne vichar vyakt karein

blog comments powered by Disqus
.