ज्योतिष एवं स्वास्थ्य

jyotish evan svasthya  

Ank ke aur Lekh | Sambandhit Lekh | Views : 1467 |  
svasthya shabd multah su $ avastha se vyutpattit hai: arthat sharir ke ang-avyvon ki su (sundar, ya shubh) avastha. jyotish ke vyakhyata rishiyon evan akashiya pind vettaon ne ekamat se ”yat brahmande tat pinde“ ki avdharna ko pramanit kiya hai. vyavharik rup se bhi manav sharir men grahon ki sthiti evan prabhav spashtatah anubhut hota hai. janmakalik grah sthiti sharir ke samast tantron ko ajivan prabhavit karti hai. jis prakar pratyek rashi ke tin dreshkan ;10°10°10°tra30°ddh hote hain, usi prakar sharir ke samast bahya angon men tin-tin vargikaran parilakshit hote hain. inhin dreshkanon men karak, ya akarak grahon ki sthiti sharir ke sanbandhit angon evan unke karyon ko sabal, ya nirbal karti hai. pratyek grah apne sthitik kshetra men, gun dharm ke anusar, avshisht padarth (karbana) avashya chorta hai. tabhi to ‘shariram vyadhi mandiram’ ke anusar koi bhi sharir purn svasth nahin hota. vishesh grahon ki vishesh bhavon men sthiti rog utpatti ka karan banti hai. grah is prakar ki manovritti jatak ko dete hain ki vah svayan rog marg par agrasar ho jata hai. kuch anubhut udaharan nimn hai: û jin jatkon ke guru chathe, ya athven bhav men sthit hote hain, unmen paryapt matra men jal pine ki anichcha rahti hai aur yahi manovritti unhen mutra rog tak pahuncha deti hai. û dusre, chathe, satven, athven aur barhven bhav men sthit shukra jatak ko mishthann premi bana kar madhumeh pradan kar deta hai. û chaithe, chathe, satven evan dasham bhav men sthit rahu jatak ko aniyamit evan asantulit bhojanacharya ke lie prerit karte hain aur udar rog dete hain. û chaturth evan dasham bhav men sthit shani jatak ko bhojan se ruthne ki pravritti dete hain aur jatak vayu vikar se sankramit ho jata hai. û dvitiya evan ashtam bhav men sthit surya, jatak ko ugra vani evan mansik udveg de kar, raktachap utpann karta hai. û dvadashasth surya, jatak ko anupyukt sharir sanchalan, shayan karne ki avaigyanik sharirik avastha rakhne ki prerna de kar, merudand vikar evan adha shishi rog (maigren) deta hai. û ashtamasth chandra, aniyamit snanadi dinacharya de kar, jatak ke sharir ki rog pratirodhak kshamata nasht karte hain aur kaf, jukam, najla (isnofiliya) elarji ityadi rog utpann ho jate hain. kintu kuch vishesh grah sthitiyan, bina kisi utprerak pravritti ke bhi, rogkarak siddh hoti hain. û dhan sthan par pap grah ho , dhanadhish papyut trik sthan men, nich, ya astagat ho, to jatak ko mukh ka rog avashya hota hai. û yadi dhanadhish evan guru donon nirbal sthiti men hon, sath hi donon trik bhav men hon, to vak dosh (vani adi men) hota hai. û isi prakar dvitiyesh evan shukra ye donon, nirbal ho kar, 6, 8, 12 bhavon men hon, to jatak netra rogi hota hai. û dvitiyesh rahu ke sath 6ven bhav men ho, ya rahu jis rashi men ho uske svami se yukt ho, to dant rog hota hai. û 6 ven guru 9, 12 men chandra ho to kushth rog hota hai. ashtamesh apne navansh men rahuyut 12 men, 4 men ho, to prameh evan gathiya rog hote hain. surya se chandra 12 hon, to jal bhay hota hai. shani-chandra chathen hon, to rakt kushth hota hai. shashthesh svagrihi, ya lagn men, athva ashtam men hon, to sharir men vran adhik hua karte hain. isi prakar pita adi ke bhavon ke svami bhi shashthesh ke sath hon, to unhen bhi vran se klesh hota hai. vishesh: yadi lagnesh shashthesh surya se yukt ho, to jvar se pira hoti hai, chandra yukt ho, to jalaj gand rog, bhaum yukt ho, to gulan rog, yuddh se, ya shastra vran se, ya visfot adi se pira hogi. budh yukt ho, to mansik rog, shukra ho, to stri dvara rogotpatti, shaniyut ho, to vayu vikar, rahu-ketu ke sath ho, to sarpa-chor-agni evan vayu vikar se klesh hota hai, guru yut ho, to jatak nirogi hota hai. kuch vishesh rog evan unke karak grah evan jyotishiya upchar is prakar hain: surya rog: jvar, tvacha rog, raktachap, pitt vikar upchar: suryadh evan aditya hriday stotra ka path chandra rog: kaf, shit, netra reag, shvas upchar: chandrardh, palash samidha ka havan, chakshusi path budh rog: adhasisi, shvas, dama, tvacha rog, mansik vikar upchar: apamarg (latjira) evan ghi ka havn guru rog: pitt prakop, gurde ki nirbalata, mutra rog, karn rog upchar: pile kapre men haldi ki sabut ganth, puja kar ke, dahini bhuja men bandh len. shukra rog: gupt rog, madhumeh, kaf vikar upchar: gular ki lakri evan ghi ka samidha havn shani rog: vat vikar, joron ka dard, pittashay ki pathri upchar: shami ki char angul ki lakri, kale kapre men, shanivar ki rat men, banh men bandh len. shanivar ko pratah shami ki 10 pattiyan dudh men bhigo den. 1 ghati (24 mint) bad patti chan kar dudh pi len. joron ke dard men shanivar ki rat men, ‘¬ shanaishcharay namah’ kahte hue, shami patra evan shatavri bhigo kar rakh den. dusre din pratah vahi tel pirit sthan par lagaen evan punah ‘¬ shanaishcharay namah’ ka jap karen. mangal nich rashi: nimn raktachap, raktalpata (enimiya) mangl-rahuyut: kushth, ekjima mangl-rahuyut kark rashistha: hriday rog mangal uchch rashi: uchch raktachap, sthulta upchar: khair ki lakri evan ghi ka samidha havan. pranayam manglvar ko naya lal vastra orh kar, bahte jal, nadi, ya samudra ke kinare baith kar, ‘¬ manglay namah’ka 108 ya 1008 jap karen. jap ke bad lal vastra jal men pravahit kar den. rahu rog: udar rog upchar: ganga jal men jal evan durva dal kar, pratah, sarvapratham pien. jal pite samay ‘¬ rahve namah’ ka chah bar jap karen. ketu rog: rajakshama, murcha (mirgi) upchar: ganga jal men jarshit kush dubo kar pien aur ‘¬ ketve namah’ ka chah bar jap karen.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2004

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.