sheyar bajar men labh kamane ke lie pancham bhav sabse mahatvapurn hai. pancham se pancham bhav navam bhav hai. jiska sheyar markit men bahut yogdan hai. iske alava 2 v 11van bhav bhi jatak ke jivan men uski dhan v labh ki sthiti ko darshata hai. grahon ke mangal tatha rahu ka sheyar bajar men vishesh yogdan hai. brihaspati grah dvitiya, pancham, navam evan ekadash bhav ka sthir karak hai. atah kundli men guru ki sthiti sheyar bajar men labh dilane men mahatvapurn bhumika nibhati hai.
sheyar bajar men unnati prapti ke yog yadi kark tatha dhanu lagn vale jatkon ka mangal labh bhav ya bhagya bhav men ho to aise jatak sheyar bajar men khub labh kamate hain.
1. yadi mangal v rahu labh bhav men ho aur inka sanbandh pancham tatha navam bhav ke svamiyon se ho to jatak is kshetra men bahut labh kamate hain.
2. yadi dvitiya bhav men mangal tatha rahu ho aur labh bhav men guru v shukra ho to jatak is kshetra men bahut labh kamata hai.
3. yadi rahu ka sanbandh lagnesh v pachanmesh se kisi bhi kendra ya trikon men banta ho to jatak bahut dhan kamata hai.
4. yadi vrish lagn ho budh dvitiya ya pancham bhav men ho tatha shani 11ven bhav men ho to jatak sheyar bajar men khub labh kamata hai.
5. yadi kundli men chandra mangal yog ho tatha budh, guru rahu 11ven bhav men ho to jatak bahut labh kamata hai.
6. dvitiya tatha labh bhav ke svamiyon ka yadi pancham tatha navam bhav ke svamiyon se rashi parivartan yog ho to jatak khub dhan kamata hai.
7. yadi di/9 men chandrama, budh kanya rashi men ho to bahut achcha hota hai.
8. yadi sarvashtak varg ke dvitiya tatha pancham 11ven bhav men sabse adhik bindu ho to jatak khub dhan kamata hai.
9. yadi mahadsha labh ka sanbandh 2, 5, 9, 11 bhav se ho to us dasha men jatak khub dhan kamata hai.
10. surya ke bhinnashtak varg men surya ko lagn manakar, char-char rashi ke bindu ayen jin char rashiyon men adhik bindu ayen us pahar men yadi sheyar kharide v beche jayen to jatak ko khub labh hota hai.
11. yadi guru, ........sab bhav, budh, guru, v chandrama ki rashi ke ho to jatak is kshetra men khub dhan kamata hai.
12. yadi lagnesh bali ho tatha pancham ya navmesh apni uchch ya svarashi ke kendra ya trikon men sthit ho to jatak khub dhan kamata hai.
13. chandrama ke bhinnashtak varg ke jis rashi men isse adhik bindu ho vah samay sheyar kharidne tatha bechne men achcha rahta hai. sheyar bajar men nuksan ke yog
14. yadi 8ven bhav ka svami 4, 5, 9, 10 bhav men ho to jatak ko nuksan hota hai.
15. yadi surya$rahu 1, 5, 9 men sthit ho tatha lagnesh guru se drisht n ho to jatak ko nuksan hota hai.
16. yadi ashtamesh balvan hokar 10ven bhav men ho tatha chandrama makar rashi men ho to nuksan hota hai.
17. yadi 5ven, 9ven ya 11ven bhav ke svami 12ven bhav men ho to sheyar men nuksan hota hai.
18. yadi 6the tatha 11ven bhav ka svami vakri hokar 12ven bhav men ho to sheyar men nuksan hota hai.
19. yadi dvitiya bhav ke svami ka sanbandh 3, 6, 8, 12 bhav ke svamiyon se ho jay to jatak ko sheyar bajar men nuksan hota hai.
20. yadi jatak ki kundli men kendra bhav rikt hon aur chandrama 6, 8, 12 bhav men ho to jatak ko sheyar bajar men nuksan hota hai.
21. yadi tisre, chathe, athven tatha barhven bhav ke svamiyon ka rashi parivartan anya bhavon se ho jay to jatak ko sheyar bajar men hani ki sanbhavna hoti hai aur jatak apna sara dhan lutakar kangal ho jata hai. sheyar men teji ke yog
22. yadi tula rashi men vakri shani sthit ho to sheyar bajar men teji hone ki sanbhavna banti hai.
23. yadi vakri shani-budh ek rashi men yuti karen to sheyar bajar men teji ati hai.
24. yadi budh vakri ho to sheyar bajar men teji ati hai. kunbh rashi ka shani sheyar bajar men teji deta hai.
25. yadi shukra kark rashi men sthit ho to sheyar bajaron men teji ati hai.
26. yadi mesh ya sinh rashi men shani-mangal ki yuti hoti ho to sheyron men tatkal teji ati hai.
27. dhanu rashi men shukra jab tak rahta hai tab tak sheyar men teji lata hai.
28. jab shani vrishchik rashi men jyeshtha nakshatra se gochar kare to us samay chandi ki khariddari karna bhavishya men fayde ka sauda hota hai. sheyar men mandi ke yog gochar ka guru jab bhi sinh rashi men pravesh karta hai to sona, chandi, loha aur tanbe par atyadhik mandi ati hai.
29. jab bhi shani margi hota hai to sheyar bajar men mandi ati hai.
30. budh, guru aur shukra jab bhi ye apas men yuti sanbandh banate hain to sheyar bajar men mandi jarur hota hai
sheyar bajar men invest karne se pahle desh, kal, paristhiti tatha vatavaran ka dhyan rakhte hue kundli men chal rahi dasha, gochar evan kundli men vidyaman shubh ev evan ashubh yog ka adhyayan avashyak hai.