आतंकी घटनाओं का ज्योतिषीय विश्लेषण

atanki ghatnaon ka jyotishiya vishleshn  

Ank ke aur Lekh | Sambandhit Lekh | Views : 497 |  
gat 11 julai ka din bhartvasiyon ke lie atank ka paigam lekar aya. us din manglvar tha aur jahan ek or log guru purnima ka parva mana rahe the vahin dusri or jammu-kashmir men sailaniyon par atankvadi hathgole barsa rahe the. is atankvadi hamle men 5 sailani mare gae v kai anya ghayal hue. isi tarah munbai men sat jaghon par lokal trenon par hamla hua aur 200 vyakti mare gae tatha saikron anya ghayal ho gae. akhir manglvar ko grahon ki aisi kya sthiti thi ki uttara-pashchim aur pashchim men itne log mare gae. yahan ukt ghatna ka jyotishiya vishleshan prastut hai. ghatna manglvar ko ghati. us din purnamasi arthat shukla paksh ki 15 vin tithi thi aur yog vaidhriti tha. is prakar panchang ke anusar ashubh din tha. yah din upadravkari yogon se bana tha. us din suryoday 5 bajakar 31 mint 16 sekend par hua. dilli ke anusar us din purnamasi bhi thi. chandrama apne purn yauvan par tha. us ka bhi manav ke man par purn prabhav tha. purnamasi 8 bajakar 33 minat par thi. jab bhi ashtam bhav, ashtamesh v surya pirit hote hanai to vyapak star par mauten hoti hain. munden men chaturth bhav janta ka bhav hota hai. isi karn kal purush ki kundli men guru chaturtha bhav men uchch ka hota hai. guru prithvi ka rakshak v uske vikas ka grah hai. mangal chaturth bhav men nirbal ho jata hai arthat nich ho jata hai. islie guru v mangal ka sanbandh janta ke lie kashtakari hota hai, yadyapi donon mitra grah hain. guru rakshak hai to mangal bhakshak hai. mangal men sanhar shakti us samay barh jati hai jab vah shatru ya nich rashi men ho ya shatru grah se yut ya drisht ho. ya fir navansh men uski uparyukt sthiti hoti hai jab vah kisi shubh grah se yut ya drishta nahin hota. anek kundliyon ko dekhn ke bad yah siddh hota hai ki jab mangal shatru grah ke nakshatra men sthit hota hai ya uska rashish pirit hota hai, tab bhi uski sanharak shakti barh jati hai. budh bhi ek sanvednshil grah hai. yah jiske sath hota hai, usi ka prabhav deta hai. is karan budh ka yuti ya drishti sanbandh yadi shani, guru ya mangl ke sath ho, to vah ashubh prabhav deta hai. isi karan hamare maharshiyon ne budh ko bhi chaturth bhav ka karak grah mana hai. budh uttar disha ka pratinidhitva karta hai, to shani pashchim ka, surya purva ka, mangal dakshin ka, chandrama vayavya (uttara-pashchim) kon ko guru ishan (uttara-purva) kon ka, shukra agni kon (dakshin-purva) ka aur rahu nairritya kon (dakshin-pashchim) ka pratinidhitva karta hai. jyotish ke siddhanton ke adhar par uparyukt kundliyon ka sankshipt vishleshn yahan prastut hai. suryoday ki kundli men mithun lagna ka uday ho raha hai. lagn men surya sthit hai, jo tritiya bhav ka svami hai tatha navansh men bhi lagn men shatru rashi men sthit hai. lagnesh budh vakri tatha ast hai, shani aur mangal ke sath dvitiya bhav, marak bhav men sthit hai jo ashtam bhav ko purn drishti se dekh raha hai. navansh men surya ki rashi men rahu v shukra ke sath chaturth bhav men sthit hai. shani, ashtamesh v navmesh mangal (shashth v ekadash ka svami) ke sath sthit hai. mere vichar men ekadsh bhav, chaturth se ashtam bhav hone ke karan vyapak star par mrityu ka sanket deta hai. is kundli men ekadash bhav ka svami mangal hai jo lagnesh, ashtamesh ke sath marak bhav dvitiya men aur nich rashi men tatha navansh men ekadsh bhav men sthit hai jo janmakundli ke marak bhav, saptam bhav ka svami hai. is prakar lagnesh v chaturthesh budh, ashtamesh v navmesh shani v shashthesh va ekadshesh ki dvitiya bhav men yuti hai, ashubh guru saptamesh ki lagn par va lagnesh par drishti hai tatha vah mangal se drisht hai. rahu v ketu ka dasham va chaturth bhavon ko pirit karna, panchang se pirit din ne milakar 11-7-2006 manglvar ko sanharak bana dala. chandrama ko lagn man len to bhi ashtama bhav men budh, shani v mangal sthit hain. lagnesh guru ekadash bhav men shatru rashi men sthit hai v dvadshesh mangal se drishta tatha navansh men dasham bhav men ketu ke sath sthit hai. ashtamesh chandrama lagna men tatha navansh men shatru rashi men shashtha bhav men sthit hai. yadi rahu ko lagn man kar dekhen to lagnesh guru shatru rashi men ashtam bhav men sthit hai. rahu ke ek or panch grah sthit hain tatha rahu se trikon men budh, shani v mangal aur kendra men surya tatha chandrama sthit hain. is prakar sare grah rahu ke prabhav men a jate hain rahu, surya aur chandrama ki digri bhi saman hai. rahu (30-4) 260 ka min rashi ka sanchar kar chuka hai. surya 250 va chandrama 230 ka hai. purnamasi hone ke karan surya v chandrama 250 ke ho jaenge. yadi ham purnamasi ki kundli ko dekhane to lagn ke sivay sare grah apni-apni usi rashi men sthit hain. lagn sinh ke agni tatva hone par bhi sthiti men vishesh parivartan nahin ata. ashtam bhav men rahu sthit hai. chaturtha bhav v chaturthesh mangal ko dekh raha hai. budh, shani v mangal dvadash bhav ma rahu se pirit hai. lagnesh surya ekadsh bhav men budh ki rashi men sthit hai jo ast v vakri hai tatha dvadash bhav men sthat hai. navansh men surya dvitiya bhav men shatru rashi men sthit hai. yadi in sab grahon ko nakshatra ki drishti se sanghatak chakra men dekhen to paenge ki sare grah ashubh nakshatron par sthit hain. lagn v surya punarvasu nakshatra, jiska svami guru hai. tatha saptam bhav ka svami hai, par sthit hain. chandrama purvasharh, par sthit hai jiska svami shukra chandrama ka shatru hai. mangal ashlesha par sthit hai jiska svami budh mangal ka shatru hai. budh pushya nakshatra par sthit hai. jiska svami shani ashtamesh hai. guru rahu ke nakshatra par, shukra mangal ke nakshatra par tatha shani budh ke nakshatra par sthit hai jo ast v vakri hai. rahu shani ke nakshatra par sthit hai jo ashtamesh hai. is prakar sare grah pirit hain. ab yadi sanghatak chakra ki drishti se dekhane to guru rahu v budh se pirit hai. uttar bhadrapad v pushya shani ke nakshatra hain. shani ashtamesh v navmesh hai. navm bhav ka svami ya bhav pirit hota hai, to dharm ke viruddh ghatnaen hoti hain arthat vah atankvad jaisi ghatnaon ka pratinidhitva karta hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  October 2006

plenchit se karen atmaon se bat fluto ab keval laghu grahon ki shreni men navratra men kyon kiya jata hai kumari pujan shardiya navratra evan panch parva dipavli ke shubh muhurt

Subscribe

Apne vichar vyakt karein

blog comments powered by Disqus
.