अरविंद घोष

arvind ghosh  

Ank ke aur Lekh | Sambandhit Lekh | Views : 1089 |  
arvind ka uddeshya kisi dharm, astha ya sangh ko sthapit karna nahin apitu antrik utthan karna tha, jisse pratyek manushya sabhi ke andar ke ek rup ko samajh sake aur mahan gyan ko prapt kar sake, taki manav men ishvariya gunon ki utpaÿia ho. rishi arvind mahan hindu sant, krantikari, kavi, darshanik, lekhak, yogi aur adhyatmik guru the. unke vyaktitva par bhartiya v pashchatya sabhyata ka sanyukt prabhav tha. rishi arvind yogiyon ke adarsh aur mahan samaj sudharak the. rishi arvind ka janm kolkata ke ek bangali parivar men san 1872 i. men hua. unke pita pashchatya sabhyata aur sanskriti se atyadhik prabhavit the. unhonne arvind ka palan poshan angreji vatavaran men kiya. arvind ko apni matribhasha ka bhi gyan n ho saka. sat varsh ki avastha men unhen inglaind bhej diya gaya. parhai men ati medhavi arvind angreji, grik, laitin, french, jarman, italiyan aur aur spainish bhashaon ke prakand vidvan the. unhonne indiyan sivil sarvis ki pariksha bhi uÿairn ki. san 1893 men rishi arvind ne 21 varsh ki avastha men barauda ke maharaja ke adhin kam karna shuru kiya. tatpashchat, barauda kaelej men lekcharar ke pad par karya karna shuru kiya. uske bad angreji ke lekcharar ka karyabhar sanbhala aur fir kaelej ke vais prinsipal ban gae. yahan unhonne sanskrit, bhartiya itihas aur anek bhartiya bhashaon ka gyan prapt kiya. san 1906 men rishi arvind bharat ke kolkata sthit pratham rashtriya vishvavidyalay ke prinsipal ke pad se tyagapatra dekar sakriya rajniti men a gae. unhonne svatantrata andolan men bhag liya aur shighra hi bandemataram men desh bhakti se sarabor apne sanpadkiya lekhon ke karan vishesh prasiddh ho gae. si.ar. das ke anusar rishi arvind bhartiyon ke lie ‘‘deshabhakti ke kavi, rashtravad ke masiha v manvta ke premi’’ ban gae. subhashchandra bos ke anusar arvind ka nam svatantrata senaniyon ke lie prerna srot ban gaya. lekin us samay ke vaisray laerd minto ne kaha tha ki ‘‘yah hamare lie sabse adhik khatrnak vyakti hai, jise hamen rokna hoga’’. arvind svatantrata ke nirbhik pracharak the. angrejon ne unhen shighra hi bandi bana liya aur 1908 se 1909 i. tak jel men rakha. parantu ekant ka yah varsh n keval arvind apitu sanpurn manav jati ke lie ek chipa vardan siddh hua. jel men rahakar unhonne mahsus kiya ki manav ko mahamanav banakar is sansar men daivi jivan ka srijan karne ki ichcha karni chahie. drishtikon men is prakar ka parivartan hone se unki chetna shakti adhyatmik unnati ke prayas men purnataya niyojit ho gai, jiske karan unka krantikari adhyatmik utthan hua. kahte hain ki ek bar dhyan se uthte hue unhonne ailan kiya ki bharat ko 15 agast 1947 ki madhyaratri ko svatantrata prapt hogi. san 1910 men antahprerna milne par rishi arvind paendicheri pahanuche aur rajnaitik jivan ka parityag kar manav jati ki unnati ke lie yog sadhna men lin ho gae. rishi arvind kai varshon tak man, ichchashakti, hriday, jivan, sharir v chetna shakti ke vikas ke lie kathin yog sadhna karte rahe. unhonne satya, shanti v shashvat anand ki prapti ka marg khoj nikala. unhonne mana ki ishvar tak pahunchne ke lie yahi hamara sanbal ho sakta hai. arvind ka uddeshya kisi dharm, astha ya sangh ko sthapit karna nahin apitu antrik utthan karna tha, jisse pratyek manushya sabhi ke andar ke ek rup ko samajh sake aur mahan gyan ko prapt kar sake, taki manav men ishvariya gunon ki utpaÿia ho. rishi arvind ek mahan sahityakar the. ve apne piche janta ko prabuddh karne vala sahitya chor gae. unki mahan kritiyon men d laif divain, d sinthesis aef yoga, esej aen gita, kaementrij aen ishopnishad aur pavars vidin shamil hain. in sabhi pustakon men rishi arvind ne us gyan ki vistrit charcha ki hai, jo unhen yog sadhna se prapt hua tha. arvind ki anya pustakon men d faudeshan aef indiyan kalchar, d hyuman saikal, d fyuchar poitri, d sikret aef d veda adi prasiddh hain. angreji sahitya ke vidyarthiyon men rishi arvind ‘savitri’ nam se vikhyat mahakavya ke lie jane jate hain. san 1950 men 72 varsh ki ayu men rishi arvind ka dehant ho gaya. vah apne piche adhyatmik kirti ki amulya sanpda chor gae. prastut hai is mahan yogi ki janmakundli ka jyotishiya vishleshan. rishi arvind ki janmakundli men uchcharashisth guru panchmesh mangal ke sath lagnasth hai. dvitiya bhav vani aur sarasvati ka bhav mana gaya hai. is bhav par surya, shukra v budh ki yuti ati uÿam hai. dvitiyesh ka shubh grahane ke sath dvitiya bhav men hona us sthiti men shreshth yog hai jab panchmesh ki vidya karak guru ke sath yuti ho. iske atirikt vidya v buddhi ke pancham bhav men ketu ki sthiti v guru ki us par drishti ke karan rishi arvind mahan buddhiman tatha vidya-buddhi se sanpann hue. kark lagn kalpana, antahpragya, sahanubhuti ityadi ka pratik hai. dvitiya bhav men surya budh aur shukra ki yuti ne unhen mahan kavi banaya. chaturthesh budh se yukt hai. chaturth bhav par yogkarak mangal ki drishti hai. panchmesh mangal pancham ke karak uchcharashisth guru se yukt hai. islie arvind vishesh pratibhasanpann vidyarthi the. shiksha aur sanskriti ke bhavon par mangal, guru aur shukra ka purn prabhav hone ke falasvarup vah anek bhashaon ke prakand vidvan the. kark lagn ka svami chandra rajnaitik grah mana jata hai, kyonki chandra aur surya donon rajsi grah hain. dashmesh mangal lagn men bhagyesh se yukt hai. rajsi grah surya svagrahi aur shubh grahon ke prabhav men hai. mangal ki sthiti ne unhen nirbhik aur lauh sankalp vala purush banaya. chathe bhav men sthit shani prabal shatruhanta yog banata hai. mangal aur guru ki yuti jatak ko lauh purush banati hai. apni kundli men ye sabhi gun hone ke karan rishi arvind ne rajniti men uchchakoti ki saflta prapt ki aur british sarkar unse ghabrane lagi. adhyatmik unnati ka karak guru lagn men hans yog bana raha hai aur lagn men baithakar unki atma aur vyaktitva ko daivi gunon se sanpann kar raha hai. pancham bhav se bhakti aur navam bhav se adhyatmik unnati v dharmik astha tatha ishvar v guru kripa ka vichar kiya jata hai. guru lagn, pancham v navam in tinon bhavon ko purn rup se prabhavit kar raha hai islie unhen uchch koti ki adhyatmik unnati prapt hui. pancham bhav men ketu ke sthit hone ke falasvarup adhyatm ke kshetra men unki vishesh ruchi hui. panchmesh mangal guru ke hi sath hai. pancham bhav aur ketu par guru ki drishti hai. guru svayan pancham bhav ka karak hai. is prakar, pancham bhav, panchmesh aur pancham ke karak in tinon ki sthiti shubh hone ke karan rishi arvind vishesh bhakti bhav se yukt aur buddhiman tatha gyani purush hue. shani aur chandra ki yuti ke karan jatak shreshth vicharak banta hai. rishi arvind ki kundli ke anusar un par 1896 tak shukra ki mahadsha chal rahi thi, jiske falasvarup unhen shiksha ke kshetra men purn saflta prapt hui. dvitiya bhav se sarasvati kripa, chaturth bhav se shiksha, pancham se buddhi, navam se uchch shiksha v dasham bhav se vidya janit yash ka vichar kiya jata hai. vidya prapti ke grahon men guru, shukra v budh ka mahatva sarvopri hai. kisi bhi kshetra men purn saflta ke lie surya, guru v mangal ka mahatva sarvadhik hai. rishi arvind ki kundli men ye sabhi paksh purn bali hain. unhonne shiksha, adhyayan, adhyapan, rajniti v yog sadhna men uchchastariya saflta prapt ki. shiksha kal men shiksha bhav ke svami shukra ki dasha men unhen shiksha ke kshetra men vishesh samman prapt hua. shukra ki mahadsha men amatyakarak budh (jo chandra kundli men dashmesh bhi hai) ki antardasha aranbh hone par unhonne barauda men naukri karna aranbh kiya. chathe bhav men lagnesh aur ashtamesh ki yuti jel yog ka sanket deti hai. islie chandra men shani ki antardasha ane par unhen jel jana para. chandra men budh ki antardasha men vah atmotthan ke lie kathin yog marg par chal pare aur adhyatmik chintn-manan kiya, lekin lagnesh chandra ke ashubh bhav men ashtamesh se yukt hone ke karan unki sadhna ka aranbh jel se hua. chandra ki mahadsha men ketu ki antardasha men arvind ne rajnitik jivan ka parityag kar adhyatm sadhna ka marg apna liya. chandra aur ketu donon adhyatm ke karak grah hain. ketu bhakti ke pancham bhav men adhyatm ke grah guru se drisht hai. rahu ki dasha men arvind ki prasiddh pustaken prakashit huin aur guru ki mahadsha men unka nam ek utkrisht adhyatmik guru ke rup men jagatprasiddh ho gaya. jyotish sikh û bhakti yog: lagn men bhakti bhav v dharm bhav ke svami ki yuti tatha hans yog ke karan uchch koti ka bhakti yog ban raha hai. û chandra shani ki yuti vyakti ko shreshth vicharak banati hai - yadi guru uchch rashisth ho. û uchch koti ke vidya yog hone ki sthiti men shiksha kal men shubh grah ki dasha vidya prapti men vishesh unnatidayak hoti hai, jaise arvind ki shukra ki mahadsha. û dvitiya bhav men surya, shu aur budh ki yuti shreshth sahityakar banne men sahayak ho sakti hai - vishesh rup se guru ke uchch rashisth hone par. û guru ke uchch rashisth hone ki sthiti men panchamasth ketu adhyatmik unnati ke lie sarvashreshth yog banane ke sath-sath jatak ko mahabuddhiman bhi banata hai.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh visheshank  May 2010

rudraksh ki utpatti v prapti sthal, dharan niyam v vidhi, rudraksh ke prakar, aushdhiya upyog, jyotishiya mahatva aur upay ke rup men iske prayog adi vishyon par gyanavardhan hetu aj hi parhe fyuchar samachar ka rudraksh visheshank.jyotish premiyon ke lie vichar goshthi stanbh ke antargat vaivahik jivan dosh evan nivaran vishay par ki gai jyotishiya paricharcha atyant upyogi hai.

Subscribe

Apne vichar vyakt karein

blog comments powered by Disqus
.