भावों का एक साथ प्रभाव देखने का ढंग

bhavon ka ek sath prabhav dekhne ka dhang  

Ank ke aur Lekh | Sambandhit Lekh | Views : 4294 |  
bhavon ka ek sath prabhav dekhne ka dhang pan. umesh sharma lal-kitab paddhati men kai bhavon ke prabhavon ka ek sath adhyayan kiya jata hai aur falit dekha jata hai. is sutra men iska vistar se vichar kiya gaya hai. 1. khana nan0 1-7-11-8 ke ikatthe ka asr: man len, khana nan. 1 men koi ek ya ek se jyada grah hain. lagn ke grahon ko lal-kitab paddhati men raja mana jata hai tatha khana nan. 7 ke grahon ko vajir mana gaya hai, khana nan. 11 ke grahon ko pahle ghar ke grah ke pair mana hai tatha khana nan. 8 ke grahon ko ankh mana hai. khana nan0 11 aur khana nan. 8 agar khana nan. 1 men sthit grah ke mitra hon ton chahe lagn aur khana nan. 8 ke grahon ka takrav hi kyun n ho lekin fir bhi ve khana nan. 7 men sthit grah ke dvara lagn men sthit grah ki madad karegen shart yah hai ki lagn men sthit grah ginti men khana nan. 7 ke graho se jyada n hon. ismen ap sirf ginti ka dhyan rakhen n ki mitrata aur shatruta ka. kyonki raja kai aur vajir ek ho to vah grah kai rajao ke hukm ke niche dab kar apni jar katvata hoga arthat ab khana nan. 7 ke grah ka asar khana nan. 7 se sambandhit vastuon, kam ya sambandhiyon par ashubh prabhav ka hoga. udahrn: lagn men rahu, budh, brihaspati v chandra hon tatha khana nan. 7 men akela ketu ho to jatak ki 35 varsh (budh ki ayu tak) nar aulad (ketu) ya to hoti nahin ya paida ho kar mar jaye aur 48 sal ayu (ketu ki ayu) tak ek hi larka kayam rahe aur aulad paida hone ke din se lagn ke grah rajyog ke hogen arthat thore se parishram se jatak ko dhan, yash, kirti evan shreshthatva ka labh hone lagta hai aur uske viprit jab tak nar aulad kayam nahin hoti tab tak jatak ko karya kshaitra men vyarth ki uljhnon ka samna karna parta hai. paristhitiyan aniyantrit rahti hain. pratyek drishti se kuch n kuch durbalata rahti hai. khana nan. 7 ke grahon ko agar vazir mana hai to khana nan. 8 ke grahon ko hukmanama yani vajiron ki dimagi dalil. udahrn: mana ki khana nan. 7 men mangal hai to shubh mangal satven, sab kuch umda, dhan daulat parivar hi sab parantu agar budh khana nan. 8 men ho to mangal ghar v apne se sambandhit sabhi vastuon dvara apna manda prabhav prakat karega. isi tarah agar budh khana nan. 1 aur mangal khana nan. 7 men ho to bhi mangal khana nan. 7 ke lie apna ashubh fal prakat karega. upar ki dono halaton men antar ye hua ki budh khana nan. 1 ke samay raja (khana nan. 1) ki jalimana karyavahiyon se dhan-daulat ki hani v parivar ko hani ka samna karna para parantu kudarat ki or se koi dhokha n hua. magar budh khana nan. 8 ke samay kudarat ki taraf se mangal khana nan. 7 ka fal raddhi ho gaya chahe raja (lagn ka grah) uski kitni bhi madad karta raha ho. dusre shabdon men svasthya aur grihasth dono maden. khana nan. 2, 8, 12, 6, 11 ka ikattha prabhav: a. rat ka aram adi ya achanak maut ya musibat us grah ki shubh ya ashubh halat par nirbhar karegi jo ki khana nan. 8 men sthit ho. khana nan. 8 ka asar khana nan. 2 men mila karta hai magar us samay agar khana nan. 11 ke grah khana nan. 8 men sthit grah ke shatru hon to khana nan. 8 ki zahar khana nan. 2 men nahin jayegi. isiprakar khana nan. 2 ka prabhav khana nan. 6 men mila karta hai aur khana nan. 6 sirf apna prabhav (bina khana nan. 2 ke prabhav ke) jo uska apna hai utna hi khana nan. 12 men milaya karta hai. khana nan. 12 khana nan. 6 men apna asar nahin dalta. sirf budh 12 ven bhav se apna asar khana nan. 6 men dalta hai aur khana nan. 6 apna asar khana nan. 2 men nahin dalta sivay shani ke jon khana nan. 6 se apna asar khana nan. 2 men dalta hai. b. khana nan. 2 aur 12 ke grah apas men milte milate rahten hain aur khana nan. 6 aur 8 ke grah bhi aise mile jule rahten hain jaise ki 2-12 ke grah. s. khana nan. 8 khana nan. 6 ki salah leta hua khana nan. 11 ke raste khana nan. 2 men achanak ane vali musibat, jo ki khana nan. 8 men sthit grah se sanbandhit ho bhejega jo ki insan pashu-pakshi kisi par bhi hogi. aisi grahchal men vyakti par achanak koi musibat ya maut ka bhay a khara ho to sansar ke dusre sathiyon ke sanbandh men bhi bhagya ka achcha prabhav nahin hoga. lekin agar khana nan. 2 aur 12 men mitra grah hon aur khana nan. 8 aur 11 ke grah shatru ho to n achanak koi musibat ayegi aur n hi koi sansari sanbandhi use dhokha dega balki agar koi musibat a bhi jaye to sansari sanbandhi uski madad karke bacha legen. d. agar khana nan. 8 aur 12 men aise grah hane jo apas men shatru hon aur khana nan. 2 khali ho to aisi halat men agar jatak mandir men ane jane lag jaai to shatru grahon ka bura asar hona shuru ho jayega parantu mandir n jane par aur bahar se hi apne ishtadev ko matha tekne se bura asar n hoga. iske viprit agar khana nan. 8-12 men mitra grah hon ya khana nan. 6 men koi uttam grah ho aur khana nan. 2 khali ho to jatak ko mandir men jakar murti ko chukar namaskar karne se sab prakar se achcha fal sakta hai. udahrn: khana nan. 12 men shani v khana nan. 8 men surya ho aur bhav nan. 2 khali ho aur jatak ko mandir jane ki adat ho to jatak ka grihasth jivan thik nahin rahta. patni ke sath vaicharik matbhed itne barh jate hain ki algav ki sthiti banti hai aur nyayalay ki sharan leni parti hai athva patni ka svasthya thik n hone se bhi grihasth jivan astavyast rahta hai. jivan men kai bar apkirti evan rajkiya dand ka samna karna parta hai. lekin agar khana nan. 12 men surya ke mitra grah brihaspati ya mangal ho aur jatak ko mandir jata ho to in grahon ke shubh falon ko prapt karta hai. khana nan. 3, 11, 5, 9, 10 ka ikattha fal: kismat ka mila hua prabhav, utar-charhav, purvajon se sanbandhit kismat ki chamak ka samay, apni javani aur bachchon ke janmadin se age ane vale jivan ka hal, apne baron aur apni santan ka hal, apna gujra hua zamana naur age ane samay ka kya hal hoga ye jana jata hai. a. khana nan. 9 aur 3 men koi grah sthit ho to bhai ke janm ke bad khana nan. 9 ke grah ka prabhav jatak par shuru hoga aur santan ke janmadin tak rahega. santan ke janmadin ke bad iska prabhav khana nan. 5 ke grah ko lekar hoga. agar bhav nan 5 aur 9 ke grah apas men mitra ho ton jatak ko un graho se sanbandhit shubh falon ki prapti hogi aur apas men shatru ho ton jatak ki paristhitiyon men koi khas parivartan nahin hoga . b. khana nan. 5 aur khana nan. 8 shatru ya mande grah baithe ho to khana nan. 11 ka grah bijli ki tarah bure asar dena shuru kar dega jo khana nan. 8 se sambandhit sanbandhiyon ya khana nan. 5 se sambandhit sanbandhiyon par hoga. s. khana nan. 11 agar khali ho to apni ay ke sambandh men soi hui kismat ka samay hoga. d. khana nan. 10 aur khana nan. 5 men koi n koi grah hone se dono gharon ke grah apas men zahri dushman honge. jaise khana nan. 10 men chandra aur khana nan. 5 men mangal ho chahe dono grah apas men mitra hai parantu jatak ko ayu ke 24van (chandra) aur 28(mangl) van varsh mata (chandra), bhai (mangl) par bhalaa n hoga. dh. khana nan. 9 ko samudra mana hai aur khana nan. 2 paharo ka ek lamba silsila. khana nan. 9 se nikli mansuni hava khana nan. 2 se takra kar varsha karegi. lekin agar khana nan. 2 khali ho to khana nan. 9 ki hava bin barse nikal jayegi. isi prakar khana nan. 2 men grah ho aur khana nan. 9 khali ho to purvajon ki dhan-daulat ka aise prani ko sirf bhram hi hoga, labh n hoga. p. khana nan. 2 tatha khana nan. 9 dono bhav men agar mitra grah hon ton jatak ki bhagyashakti uttam hogi. khana nan. 2 men sthit grah ki ayu men apne puvarjon dvara arjit dhan v yash ka labh hoga lekin shatru grah hone par sirf bhram hi hoga, vastav men koi labh n hoga. khana nan. 4,10 v 2 ka ikattha asr: kismat ke maidan ka kshaitrafal khana nan. 10 men sthit grah batata hai. magar us maidan ki mitti ki chamak khana nan. 2 men sthit grah se aur maidan men kaisa pani ho, yah khana nan. 4 men sthit grah se pata chalta hai. agar khana nan. 4 khali ho ya usmen papi(shni, rahu, ketu) ho to jatak apni himmat se bahut kuch bana to lega magar thaili men hath dalne par kuch n milega. lekhak ke kahne ka arth yah hai ki aisa jatak jiski kundli men 10 ven bhav men grah ho magar chaturth bhav men ya to koi bhi grah n ho ya shani, rahu aur ketu men se koi ek ya ek se jyada grah sthit ho to aisa jatak atyant parishram se saflta prapt karta hai parantu us saflta ka sukh svayan nahin bhog pata varan anya log uski saflta ka labh lete hain. lekin agar mitra grah sthit hon to jatak ka jivan sampann v sukhi hota hai, vyavsayik rup se atyant safal hota hai tatha apni saflta ka sukh bhi bhogta hai. agar khana nan. 2 men koi bhi grah sthit n ho to kismat ka maidan (khana nan. 10) chahe kitna hi lamba-chaira ho usmen shayad hi chamak hogi arthat duniyavi zindgi ka sazo-saman aur aram shayad hi kabhi prapt hota hoga. khana nan. 2 men koi grah baitha ho aur khana nan. 10 khali ho to bhagyashali hote hue bhi jatak ko apne bhagya ko savarnen men atyadhik parishram karna parega. is udaharan ke dvara is sthiti ko samjhen ki man len ki apki koi vastu dakaghar ya relve steshan par pahuench gai ho, magar usko churvane ke lie apni pahchan ka sabut, mal churane ki rasid kho gai ho jisko dhudhanne ke lie kai kuch kiya, kai dakiye bheje, par unmen se koi bhi vapas n aya aur rasta dekhte dekhte thak gaya aur uske n milne ke karan us vastu ko dakaghar se churvane men asamarth rahe aur uske dvara milne vale labh se vannichat rahe. isi prakar khana nan. 2 v 10 men koi grah n ho aur khana nan. 4 men koi shubh grah baitha ho to jatak ki sthiti registan men ghumte hue us yatri ki tarah hoti hai jise pine ke lie pani to nazar ata hoga magar pata nahin chalta hoga ki is jagah pahanuchne ka rasta kidhar hai. mrigtrishna men aisa prani ummidon par ummiden bandhta hua apni kismat ke maidan se bandha hua pasine ke pani se tarabatar hota chalega. yani ki jatak ke pas maya-daulat hogi to jarur magar kab apni jarurat ke lie pure hogi is bat ka jabav shayad hi kabhi ayega.
Kya aapko lekh pasand aaya? Subscribe

Kya aapko lekh pasand aaya? Subscribe


Deepawali  अकतूबर 2017

फ्यूचर समाचार का अक्टूबर का विशेषांक पूर्ण रूप से दीपावली व धन की देवी लक्ष्मी को समर्पित विशेषांक है। इस विशेषांक के माध्यम से आप दीपावली व लक्ष्मी जी पर लिखे हुए ज्ञानवर्धक आलेखों का लाभ ले सकते हैं। इन लेखों के माध्यम से आप, लक्ष्मी को कैसे प्रसन्न करें व धन प्राप्ति के उपाय आदि के बारे में जान सकते हैं। कुछ महत्वपूर्ण लेख जो इस विशेषांक में सम्मिलित किए गये हैं, वह इस प्रकार हैं- व्रत-पर्व, करवा चैथ व्रत, दीपावली एक महान राष्ट्रीय पर्व, दीपावली पर ‘श्री सूक्त’ का विशिष्ट अनुष्ठान, धन प्राप्त करने के अचूक उपाय, दीपावली पर करें सिद्ध विशेष धन समृद्धि प्रदायक मंत्र एवं उपाय, आपका नाम, धन और दिवाली के उपाय, दीपावली पर कैसे करें लक्ष्मी को प्रसन्न, शास्त्रीय धन योग आदि।

Subscribe

Apne vichar vyakt karein

blog comments powered by Disqus
.