व्यावसायिक एवं गृह वास्तु

vyavsayik evan grih vastu  

Ank ke aur Lekh | Sambandhit Lekh | Views : 3703 |  
prashnah vyavsayik evan grih vastu men vishesh rup se kya antar hota hai. inke vastu doshon ka sudhar kis prakar sanbhav hai? bhartiya jyotish vigyan bahut samriddh evan vishal hai, vastushastra uski ek shakha hai. bhartiya jyotish shastra vyakti ke har karya v vyapar par grahon ka prabhav dekhta hai. uska sharir, rang, ruchi, svabhav adi sabhi kuch grahon se prabhavit hota hai. jivn-yapan ke lie ya jivikoparjan ke lie vyapar, vyavsay evan vidya ka chunav bhi grahon ke anukul hona chahie. iske atirikt jab vah apne vyapar sthal ya karyasthal se ghar pahunche tab bhi sukh, shanti, samriddhi tatha bhagya, uske sath hamesha bana rahe, isi tathya ko dhyan men rakhakar vastushastra ka nirman kiya gaya hai, jisse vyakti is shastranusar apne karyasthal, faiktri tatha nivas sthan ka chayan evan nirman karae. bhumandal men dishaon ka mahatva: grih vastu athva vyavsayik vastu donon me sarvapramukh bat bhukhand chayan aur dishaon ke chayan ki hai ya yon bhi kah sakte hain ki dishaon ke anusar hi bhu-khand chayan kiya jana chahie. purva evan uttaramukhi bhukhandon ko sarvadhik shubh islie mana gaya hai ki chahe vah rahne ka ghar ho ya vyavsayik sthal, bharpur prrakash urja rahne se usmen rahne ya karya karne vale naisargik rup se svasth rahenge. isi prakar prakritik vayu pravah sarvadhik uttar se dakshin hua karta hai. agar vyavsayik parisar ya ghar men uttar disha se vayu pravesh ka achcha avasar hai to vah ghar hamesha sakaratmak pran vayu se bhara hua rahega tatha usmen rahne ya karya karne vale vyakti hamesha sakaratmak urja se bharpur rahenge. vastu shastra bharat ki aisi gurh vidya hai jiske niyamon ka palan karke ham prakriti ko santulan men rakhte huai apne samanya jivan men prakritik sroton se labh uthakar adhik sukhamay ho sakte hain tatha samasyaon ka nivaran kar sakte hain. dishaon ke tatvon ka gyan bhi vastushastra ki adbhut khoj hai. parmatma ne prakriti men jis disha ka jo tatva banaya hai yadi us disha men usi tatva se sanbandhit karya kiya jaye to prakriti hamare liye jivan yapan men sahayak hoti hai. vastu ke anusar dishaen disha tatva svamigrah purva agni surya pashchim vayu shani uttara jal budh dakshin bhumi mangl ishan jal brihaspati agney agni shukra vayavya vayu chandrama nairritya bhumi rahu bhukhand chahe grih nirman ke liye ho ya vyavsayik, sahi disha v tatvon ke anurup tatha vastu ke niyamon ka palan karte huye yadi nirman karen to sadaiv samriddhi karak hota hai. vastu ke mukhya niyam: pratyek bhukhand par vastu purush niche ki or mukh karke vishesh akriti men nivas karta hai jiska sir ishan men, donon bhujaen vayavya v agnikon men tatha panje nairritya kon ki or hote hain, jisse vargakar akriti banti hai. atah vargakar bhukhand shreshth hota hai. aytakar bhukhand bhi shubh mana jata hai. gaumukhi grihnirman men tatha sinhmukhi vyavsayik nirman men shubh hota hai. anya akriti ke ya kisi kon ke ghate v ishan ke atirikt kisi kon ke barhe bhukhand par nirman hanikarak ho sakta hai. û bhukhand men ishan, purva v uttar sadaiv niche, halke v khali hone chahiyen. ishan kon sadaiv svachch rahna chahiye. û bhukhand men nairritya, dakshin v pashchim sadaiv unche, bhari v bhare hue hone chahie. nairritya kon sadaiv bhara hua hona chahiye. û bhukhand men pani ka bahav sadaiv nairritya se ishan kon ki or ho ishan, purva, uttar ya vayavya kon se ghar ka jal bahar niklna chahiye. ishan se dushit jal nahin niklna chahiye. û bhukhand par nirman aranbh ishan kon se karna chahiye. praranbh men hi ishan nicha ho jayega to sabhi karya shubhta se sanpann honge atah nivpujan ishan men hi karen. grih evan vyavsayik vastu men antar uprokt niyamon ke anusar hi grih ya vyavsayik bhukhand ka nirman kiya jata hai. vartaman men nivas sthan ya vyavsayik sthan par jis-jis chij ya kaksh ki avashyakta hoti hai, sabhi ke liye alg-alag disha v tatva nishchit hain. grih vastu men jahan shayan kaksh, svagat kaksh, rasoi, mandir, jina, svadhyay kaksh adi par adhik dhyan dena hota hai. vahin vyavsayik sthal par mukhya karyalay, mashinon ki jagah, bikri hetu vastuon ka sthan, prashasnik karya adi par adhik dhyan dena hota hai. grih nirman men vastu prayog: û grih nirman men sarvapratham ishan kon men ninv pujan avashya karana chahie. û boring: boring karane, nalkup adi ke liye ishan kon ya uttari ishan ya uttar disha shreshth hai. û shayan kaksha: shayan kaksh ya baidrum nairritya kon, dakshin ya pashchim disha men banaen. grih svami ko nairritya kon vale kaksh men hi rahna chahie. û svagat kaksha: svagat kaksh ya draing rum vayavya kon men banaen. iske atirikt purva v ishan ke madhya bana sakte hain. vayavya kon (muvment) ki disha hone se adhik uttam hai. û adhyayan kaksha: parhne ke liye ishan kon v purva ke madhya ya ishan v uttar ke madhya uttam sthan hota hai. û puja sthala: puja sthal ke liye ishan, ishan v purva ke madhya, ishan v uttar ke madhya shubh sthan hota hai. û rasoi: rasoi ya bhojnalay agni v urja sanbandhi hain. atah yah agney kon men shreshth hain. iske atirikt vayavya kon men bhi bana sakte hain. û shauchalay v snangrih: shauchalay v snangrih dakshin v nairritya ke madhya ya nairritya v pashchim ke madhya banana chahiye tatha vayavya kon bhi donon ke liye uttam hai. saiptik taink vayavya kon ke atirikt agney kon men bhi bana sakte hain. û jina, lifta: jina ya lift nairritya kon ya dakshin men uttam hote hain tatha vayavya men bhi bana sakte hain. kyonki yah (muvment) gati ki disha hai. vyavsayik bhukhand men vastu prayog û purva v uttar mukhi bhukhand shreshth hota hai. û mukhya karyaly: vyavsay ka malik ya sarkari sansthan men uchch padadhikari ka karyalay sadaiv nairritya kon men ya dakshin men hona chahiye. û baithne ki sthiti: prayas yahi karen ki baithte samay mukh purva ya uttar men ho parantu aefis ke get ki or pith karke kabhi nahin baithna chahiye. û mashinon ki sthiti: vyavsayik bhukhand par bhari mashinane dakshin ya nairritya kon men hi lagayen, sahayak mashinane pashchim men laga sakte hain. kachcha mal bhi isi disha men rakhen. û bikri hetu taiyar samagri: bikri ke liye taiyar samagri ya bechne hetu koi vastu sadaiv vayavya kon men rakhen. û naukron ya karigron ka kaksha: naukar, karigar, majdur adi ke liye kaksh bhi vayavya kon men hi banayen. û dhan ya bahikhata adi: vyavsayik sthan par dhan rakhne ya baink adi men bhi dhan ya bahikhata adi rakhne ke liye kaksh uttar disha men hi banana chahiye. û mandir adi pujasthala: vyavsayik sthal par ishan kon v purva disha ke madhya mandir banana shreshth hai tatha ishan kon ko khali rakhna chahiye. vahan chote-chote paudhe rakh sakte hain tatha unche v ghane paudhe dakshin men laga sakte hain. û pani ki tanki: boring ishan kon men karakar pani ki tanki sadaiv chat par nairritya kon men hi rakhni chahie. û janretar : janretar, vidyut kaksh, bhatti, kaintin adi agney kon men hi rakhen. kisi bhi grih ya vyavsayik sthal par utpann vastu dosh v unke nivarn û ishan v purva disha unchi v nairritya, dakshin niche hon: aisi sthiti men sanbhav ho to nairritya kon men ek kamra banvakar bhari saman us kamre men bhar den. iske alava chat par nairritya kon men ek unchi lohe ki paip khari kar den. niche dakshin v nairritya men bhari saman rakhen v dakshin ki divar par unche sthal pahar adi ke chitra lagayen. û mukhya dvar ke samne aspatal, kabristan, faiktri, kichar adi ho to: aisi sthiti men mukhya dvar par ashtakoniya uttal darpan lagayen, svastik lagana bhi shubh hai. û bhukhand par yadi shauchalay purva, uttar, nairritya adi men galat sthiti men ho to: yadi shauchalay galat disha men ho to uske andar charo divaron ko sparsh karta hua mota tanbe ka tar bandhe, kanch ki katori men dali vala namak pani men bhigokar rakhen prati saptah use badlen tatha shauchalay men disha ke rang ka balb lagayen. yadi ishan kon men shauchalay ho to upay karne par bhi labh nahin hota atah ishan men bane shauchalay ko to parivartit hi kar dena chahiye. û yadi bhukhand men bane kakshon ka dvar agney, vayavya ya nairritya men ho to agney, vayavya ya nairritya kon men get shubh nahin hai. aisi sthiti men us get ke piche disha ke rang ka balb athva ful avashya lagayen. û bhukhand par jina yadi ishan ya purva men bana ho to aisi sthiti men apne nairritya kon ko bhari karna chahiye tatha jine ki paidiyon par chote-chote hare paudhe rakhen, said vali divar par ek golakriti ka shisha (darpana) lagayen tatha disha ke rang ka balb lagayen to labh hoga. û ghar men ya vyavsayik sthal par bim ho to bim hone se dosh ho to bim ke madhyabhag (saintr) men ek kristal bael lagayen. û rasoi sahi disha men n ho to rasoi yadi uchit sthan par n bani ho to rasoi ke andar gais ka chulha rasoi ke agney kon men rakhen. pine ka pani ishan kon men rakhen. û ishan kon men yadi kamra bana hua ho aisi sthiti men us kamre ko khali hi rakhna chahiye vahan koi bhari ya asvachchata vali vastu n rakhen kamre ka upyog keval puja, dhyan, parhai adi ke liye karen v ghar ke nairritya kon ko bhari karen. û bhukhand ka nairritya kon barha hua ho to aisi sthiti men barhe huai hisse ko katakar bhukhand ko sahi akriti men layen v barhe hue hisse ka upyog n karen vahan unche per ya bhari saman rakh sakte hain. û nairritya ya dakshin men boring ho to aisi sthiti men nal adi ko vahan se hata hi dena chahiye. is sthiti men upay adhik karagar nahin hote. turant n hata sake to uska upyog band karke ishan kon men ek boring avashya kara len. chitron dvara vastu doshon ka sudharah chitron ka itihas ati prachin hai. puranon men vastu doshon ko dur karne ke lie chitra, nakkashi, bel, bute, manohari akritiyan adi ke upyog ka varnan hai. chitron ke lie gay ke gobar ka upyog kiya jata tha. prachin vastu shastra ke granthon men chitron ka upyog vastu doshon ko dur karne ke lie varnan kiya gaya hai. kuch doshon ki mukti ke upay nimnalikhit hain. û yadi ishan kon men shauchalay ho to uske bahar shikar karte hue sher ka chitra lagaen. û agney kon men rasoi ghar n ho, to us kon men yagya karte hue rishi priya jan ki chitrakriti lagvani chahiye. û yadi rasoi men keval shakahari bhojan hi pakta ho to usmen annapurna ka chitra shubh hota hai. û yadi rasoi men matsya ya mansadi bhi pakta ho to mahavidya chinnamasta ka chitra lagvana chahie. û yadi mukhya dvar vastu siddhant ke pratikul tatha chota ho uske irda-gird bel-bute lagane chahiye. û yadi shayan kaksh agney kon men ho to purva madhya divar par shant samudra ka chitra lagvana chahiyen. û dakshin mukhi makan men svarn palish yukt navagrah yantra mukhya dvar ke pas lagana chahiye. dvar par haldi ka svastik chinh bhi labhdayak siddh hota hai. û safed akre ki jar ki ganesh ji ki akriti bana kar uski niyamit rup se vidhivat puja karte rahen, ghar vastu doshon se surakshit rahega. yantron dvara dosh nivarn: û siddh bisa yantra: yah ek shaktishali yantra hai. ismen mata jagdanba ke nivarn mantra ki shakti samavisht hai. ise dukan ki chaikhat ya dahlij ke upar lagane se najar nahin lagti. yah dukan ya vyavsay sthan ke raksha kavach ka karya karta hai. û indrani yantra: vastu ke vyavsayik drishtikon ke anukul hone tatha nanavidh yatn ke bavjud bhi yadi hani ho rahi ho to indrani yantra ki sthapna karni chahie. û mangal yantra: yadi dukan v karyalay men chori ho to is yantra ko purvottar kon athva purva disha men farsh ke niche do fut gadrha khodakar sthapit karna chahiye. yah yantra agni se bhi raksha karta hai. û sarvavighn nivaran surya yantra: yadi sarkari tantra dvara bar-bar pareshan kiya ja raha ho athva kisi anya prakar se badha pahunchai ja rahi ho, to sarva vighn nivaran surya yantra ki sthapna karni chahiye. isse vyavsay men vighn kam ho jaenge tatha uttarottar labh ki sthiti sudrirh hogi. û maruti yantra: yadi ichcha ke anurup koi jamin bik nahin rahi ho ya us par koi vivad ho to manglvar ki dopahar barah baje is yantra ko us jamin men sava hath gaddha khodakar purvabhimukhi hokar gar den. fir is par dudh aur gangajal charhaen. yah kriya grihasvami ko svayan karni chahiye. to jamin shighra bik jaegi ya vivad mukt ho jaegi. û kali yantra: yah yantra faiktri, udyog ki bhatthi, baeyalar, transfaermar ya jenretar par sthapit kiya jata hai taki udyog men agni ka sanchar santulit rahe. û varun yantra: yah yantra jal sanbandhi samast doshon ko dur karta hai. yadi jal sthan, nalkup ya pani ki tanki agney ya galat disha men ho to varun yantra ko us sthan par sthapit karna chahiye. isse sabhi prakar ke jal sanbandhi dosh dur ho jaenge. vibhinn dishaon se jure dosh v nivarn: ishan kon: yadi ishan kon kata hua ho to is kate hue bhag men ek bara shisha lagaen, isse ishan kon pratikatmak rup se barh jata hai. kisi sadhu purush athva apne guru ki ya brahma ji ka chitra lagaen. athva guru ki seva karne se kate ishan kon ke dushprabhav kam ho jaenge. purva disha: yadi purva disha kati hui ho to is disha men ek shisha lagaen, isse purva disha pratikatmak rup men barh jati hai. yadi purva disha kati ho to surya devta ki tasvir ya murti jo sat ghoron ke rath par savar hon lagane se dosh ke dushprabhav men kami a jati hai. agney disha: û yadi agney disha men barhi ya kati hui ho to ise kat kar vargakar ya aytakar banaen. û yadi is disha men koi dosh ho to lal rang ka ek dipak athva balb kam se kam 1 prahar (tin ghante) tak jalae rakhen. û agney kon ke dosh dur karne ke lie agney kon men shukra yantra ki sthapna vidhivat karen. û dakshin disha: yadi dakshin disha kati ho ya barhi ho to us kshetra ko kat kar vargakar ya aytakar banaen. û dakshin disha ke dosh dur karne ke lie dakshin disha men hanuman ji ka lal rang ka chitra lagaen. û dakshin disha men vidhipurvak mangal yantra ki sthapna karen. nairritya disha: û yadi yah disha kati ho ya barhi ho to us kshetra ko kat kar vargakar ya aytakar banaen. û rahu ke mantron ka jap karen. û tanbe, chandi, sone ya stil se nirmit sikke ya nag-nagin ke jore ki prarthana kar nairritya disha men daba den. û nairritya disha ke doshon ke shaman hetu is disha men rahu yantra ki vidhipurvak sthapna karen. pashchim disha: û yadi pashchim disha barhi hui ho to use kat kar vargakar ya aytakar banaen. û pashchim disha ke doshon ko dur karne ke lie is disha men shani yantra ki sthapna karen. û shani ka jap karen anyatha pashchim disha ke adhipti varun ki prarthana karen. û suryast ke pashchat koi shubh karya n karen. vayavya disha: yadi vayavya disha barhi ho to ise katakar vargakar ya aytakar banaen. û vayavya disha ke doshon ki mukti ke lie gangajal men kachcha dudh milakar shivling par charhaen aur shiv chalisa ka path karen. û vayavya disha ke doshon ko kam karne ke lie is disha men maruti yantra evan chandra yantra ki sthapna karen. uttar disha: yadi uttar disha ka bhag kata ho to is disha men uttari divar par ek bara shisha lagaen. û yadi uttari disha kati ho to is disha men lakshmi devi ka chitra v murti sthapit karen. û is disha men halke hare rang ka pent karvaen. û uttar disha ke doshon se mukti pane ke lie budh yantra, kuber yantra athva lakshmi yantra ki vidhi purvak sthapna karen.
Kya aapko lekh pasand aaya? Subscribe
Kya aapko lekh pasand aaya? Subscribe


shani kashtanivarak hanuman visheshank  September 2009

shani kashtanivarak shri hanuman visheshank adharit hai- shani grah env hanuman ji ke apsi sanbandhon, hanuman ji ke janm evan jivan se sanbandhit kathaen, hanuman ji ke tirth sthan, yatra evan mahatva, hanuman ji se sanbandhit pujaen, puja vidhi evan mahatva.

Subscribe

Apne vichar vyakt karein

blog comments powered by Disqus
.