karya pragti men badhak hai vastudosh pan. gopal shama lagabhag do mah purva panjab prant ke patiyala shahar ke shri vijay mehandiratta ke ghar ka vastu nirikshan kiya gaya. ghar men kai dosh the jo shri mehandiratta ki pragti men badhak the. in doshon ko is prakar dur kiya gaya. bhukhand ka kon 90 digri nahin tha. ise chardivari ki lakri ki divar banakar thik karvaya gaya. makan ke uttarapurva v dakshinpurva ke bhag kate hue the. jinhen mandap banvakar santulit karvaya gaya. uttar men chimni lagi hui thi jiske karan uttar uncha tha. faltah unke parivar ke sadasyon ki sehat kharab rahti thi. unmen apas men matbhed rahta tha evan kharcha atyadhik hota tha. is dosh ko dur karne ke lie dakshin men entina, jhanda v hava ka rukh dikhane vala yantra lagvae gae. rasoi ghar men khana banate samay grihini ka mukh dakshin disha men hota tha jo ek ganbhir vastu dosh hai. chulhe ko purva ki taraf sthanantrit karvakar grihini ko purvamukhi hokar khana banane ke nirdesh die gae isse unke svasthya men sudhar hua. yutiliti aur gairaj ke bich ke darvaje par pila pent karvakar chandi ki patti lagvai gai. isse vyapar men unnati ke marg khule. dakshin-purva ki khirki ke barhe hue dosh ko kam karne ke lie lakri ka ek raik banvaya gaya, isse parivar ke sadasyon ke svasthya men sudhar aya. kuch hi din pahle shri vijay mehandiratta ne bataya ki in sare upayon ke falasvarup unke ghar men pahle se jyada apsi pyar paida hua hai ghar men sukh v samriddhi ai hai, vyapar men unnati hui hai, gharvalon ke svasthya men bhi ashcharyajanak sudhar aya hai aur parivar men prem tatha sneh ka mahaul utpann hua hai.
Kya aapko lekh pasand aaya?
Subscribe