गया का वास्तु-विश्लेषण

gaya ka vastu-vishleshn  

Ank ke aur Lekh | Sambandhit Lekh | Views : 789 |  
kisi bhi rashtra, shahar ya kaeloni ke behatar vikas ke lie uske vastu ka anukul hona nitant avashyak hai. yadi vastu anukul n rahe to rashtra ya shahar ke vikas men kai badhaen ati hain. gaya shahar ke vastu ka jahan tak saval hai, gaya ke dakshin evan pashchim men sthit pahariyan iski majbuti, sthayitva evan nagrvasiyon ke atma-vishvas ko banae rakhne men mahatvapurn bhumika ada kar rahi hain. gaya ke purva ki or vishal falgu nadi ka hona, purvi bhag ka nicha evan khula hona, sath hi shahar ke sare nalon ka pravah purva ki or hona gaya ki prasiddhi, adhyatmik vikas evan man-samman ke lie mahatvapurn karak hai. tabhi to gaya ko gaya ji ke nam se jana jata hai. dur-dur se akar log apne purvajon ki atma ki shanti ke lie pinddan karte hain. gaya moksh ki nagri ke rup men vishvavikhyat hai jiske falasvarup gaya ki prasiddhi kalantar se desh videsh men tha, hai evan sadaiv rahegi. gaya ki naisargik prakritik sthiti hi aisi hai ki mahatma buddh jaise yug purush ka bhi yahan padarpan hua aur unhonne yahan tapasya karke advitiya yash prapt kiya. gaya ki vastu men pratikulta iske uttara-purva men ramshila pahar ka hona hai, jo gaya ke logon ke mansik evan arthik vikas men sabse bara avrodhak hai. gaya ki naliyon ka avruddh hona bhi iske arthik pragti men badhak hai. sarvatra kura-karakat ka hona gaya ke vastu ko kharab kar raha hai. gaya ki vastu ko thik rakhne ke lie gaya ki uttari kshetra men adhik se adhik talab, jharna evan usmen favvara lagai jae, sath hi sath gaya ke purva men sthit nadi men pani ka samuchit pravah rakha jae to gaya vasiyon ke arthik, mansik evan samriddhi men maddgar sabit hoga. ramshila parvat ke uttar men kaeloni ka nirman karna bhi yahan ke vastu ke lie labhaprad hoga. gaya ki naliyon ko saf rakhakar usmen pani ka uchit pravah rakhna avashyak hai, tabhi gaya ki dharmik pragti ke sath-sath samriddh arthik evan samajik pragti ki asha ki ja sakti hai.
Kya aapko lekh pasand aaya? Subscribe
Kya aapko lekh pasand aaya? Subscribe


dipavli visheshank  October 2008

panch parva dipavli tyauhar ka pauranik evan vyavharik mahatva, dipavli pujan ke lie muhurt vishleshan, sukh samriddhi hetu lakshmi ji ki upasna vidhi, dipavli ki rat kiye jane vale mahatvapurn anushthan evan puja, dipavli par vishesh rup se pujya yantra evan unka mahatva

Subscribe

Apne vichar vyakt karein

blog comments powered by Disqus
.