hastarekha shastra ki prishth bhumi men ratnon ka prayog  

hastarekha shastra ki prishth bhumi men ratnon ka prayog rima arora arastu ne kaha tha ‘‘manav ke hath ki rekhaon ka anusaran nahin kiya gaya hai - ye svarg tatha manav ke vyaktitva ke prabhav se utpann hoti hai.’’ hatheli par pai jane vali rekhaen vyakti ke svabhav evan visheshtaon ki or sanket karti hain. hath men in rekhaon ka sthan evan visheshtaen is prakar hain: 1. jivan rekha: yah rekha shukra parvat ke charo or faili hoti hai tatha vyakti ke samanya jivan star, uski bimariyane evan ayu tatha sharirik svasthya evan kshamata ke bare men batati hai. 2. mangal rekha: yah rekha mangal parvat se praranbh hokar jivan rekha ki sahayak rekha ke rup men hoti hai jo jivan rekha par paye jane vale doshon evan kashton ko dur karti hai. 3. mastishk rekha: yah jivan rekha ke praranbhik sthan se aranbh hokar hatheli ke dusri or tak jati hai. yah rekha vyakti ke man, mansik sthiti evan buddhimatta ki or sanket karti hai. 4. hriday rekha: yah rekha mastishk rekha ke samanantar chalti hai tatha hriday se sanbandhit vishyon ke bare men tatha vyakti ke vyavharik svabhav ko darshati hai. 5. bhagya rekha: yah rekha hath ke madhya bhag men pai jati hai tatha kalai se praranbh hokar shani ke parvat tak jati hai aur sansarik karya, vyavsay men saflta evan asflta evan sabhi prakar ke vyavharik labhon ki or sanket karti hai. 6. surya rekha: yah rekha kalai se praranbh hoti hai tatha mangal ke maidan se hoti hui surya ke parvat tak jati hai. yah rekha vyakti ki sansarik sthiti tatha star ko majbut banati hai. yah jivan men saflta, nam, yash evan unnati deti hai. 7. budh ki rekha: yah rekha manibandh se praranbh hokar budh parvat tak jati hai. yah rekha vyakti ke svasthya evan sharirik kshamata ki or sanket karti hai. rekhaon ke sath-sath hatheli par paye jane vale parvat bhi vishesh mahatva rakhte hain. donon hathon ki charon ungliyon tatha anguthe ke niche ke ubhre hue sthanon ko parvat ka nam dete hain. pratyek parvat kisi n kisi grah se sanbandhit hai tatha usi nam se pukara jata hai. pratyek parvat us grah ki visheshtaon ko darshata hai. parvaton ka sthan evan visheshtaen brihaspati parvat: tarjani ungli ke mul men sthit brihaspati parvat lakshya tatha shakti ki or sanket karta hai. shani parvat: madhyama ungli ke mul men sthit shani parvat darshanik vidyaon ke adhyayan men ruchi aur udasi evan nirsta ki or sanket karta hai. surya parvat: anamika ungli ke mul men sthit surya parvat buddhimatta, faldayak evan saflta ki or sanket karta hai. budh parvat: kanishthika ungli ke mul men sthit budh parvat vigyan tatha vanijya, vani v achar-vichar ki or sanket karta hai. shukra parvat: anguthe ke mul men sthit shukra parvat prem tatha josh ki or sanket karta hai. chandra parvat: hath ke nichle bhag men bayin or sthit chandra parvat asthirta, prem tatha kalpanashakti ki or sanket karta hai. nimn evan uchch mangal parvat: mastishk rekha aur anguthe ke bich sthit nimn mangal parvat aur hriday rekha aur chandra parvat ke bich sthit uchch mangal parvat josh, pranashakti, sahas tatha virta ki bhavna ki or sanket karta hai. nepachyun parvat: manibandh ke sath, chandra parvat tatha shukra parvat ke bich sthit nepachyun parvat bechain evan bekhabar svabhav, samudri yatra men ruchi ki or sanket karta hai. in parvaton evan rekhaon ke adhar par ratn ka chunav kiya ja sakta hai. kisi bhi anukul grah ka hi ratn dharan karna chahiye. kisi pratikul grah se sanbandhit dan karna uchit hai tatha kisi anukul grah se sanbandhit rang ka prabhav barhana labhdayak hai. nau grahon ke nau ratn prachin shastron men spasht ullekh milta hai ki suryadi nau grahon ke pratinidhi manikya, moti, munga, panna, pukhraj, hira, nilam, gomed aur lahsuniya adi nau ratn hai. in ratnon ke adbhut prabhav ko vyaktiyon ne svikara hai tatha vibhinn grahon se sanbandhit samasyaon ko dur karne ke liye aur vanchit labh pahunchane ke liye unka ratn dharan karaya jata hai. parvato ke adhar par ratn dharan yadi hatheli par koi parvat samanya sthiti evan ubhar liye huye hoga to vyakti apne jivan evan un parvaton ki visheshtaon ke anusar sakaratmak bhavna rakhega evan uske mahatva evan prabhav ko barhane ke liye use usse sanbandhit ratn pahnna chahiye. yadi koi parvat kam ubhar liye huye hoga to vyakti jindgi ke prati udasin hoga evan kisi karya ko karne men ruchi nahin lega. atah uske prabhav ko barhane ke lie bhi us parvat ke grah se sanbandhit ratn pahnna chahiye. vishesh dhyan diya jana chahiye ki yadi kisi bhi parvat par nakaratmak chinh jaise ki bindu, kraes, dvip, jal ityadi paye jayen to us parvat se sanbandhit ratn dharan nahin karna chahiye. aur agar kisi parvat par sakaratmak chihn jaise ki varg, trikon, trishul, shankh ityadi paye jayen to us parvat se sanbandhit ratn dharan kiya ja sakta hai. rekhaon ke adhar par ratn dharan hatheli par payi jane vali rekhayen unse sanbandhit grahon ke anusar unke vyavharik labhon ki or sanket karti hain. yadi hatheli par lanbi, svasth evan sundar rekhayen hon to unse sanbandhit grahon ke anusar unke vyavharik labhon ki or sanket karti hain. yadi hatheli par lanbi, svasth evan sundar rekhayen ho to vyakti apne jivan men unse sanbandhit visheshtaon ke anusar sakaratmak bhavna rakhega evan uske mahatva tatha prabhav ko barhane ke liye usse sanbandhit ratn pahnna chahiye. svasth, mahin, lanbi tatha sundar rekhaen achcha prabhav deti hain tatha uske prabhav ko barhane ke liye usse sanbandhit ratn dharan karna chahiye. gulabi evan lal rekhayen joshile evan sakaratmak soch ki or sanket karti hai tatha usse sanbandhit ratn dharan bhi faldayak hai. janjirdar rekhaen, puchchadar rekhaen, tuti hui rekhaen, dvipyukt rekhaen, asamanya rekhaen ityadi khatrnak sanket tatha nakaratmak prabhav deti hain. atah vyakti ko unse sanbandhit ratn nahin pahnna chahiye balki unke upay ke liye mantra jap ya unse sanbandhit dan karna chahiye.