कुछ उपयोगी टोटके

kuch upyogi totke  

Ank ke aur Lekh | Sambandhit Lekh | Views : 21273 |  

chote-chote upay har ghar men log jante hain, par unki vidhivat jankari ke abhav men ve unke labh se vanchit rah jate hain. is lokapriya stanbh men upyogi totkon ki vidhivat jankari di ja rahi hai...

vivah men vilanb hone par

vivah men vilanb ho raha ho to chandi ki ek thos goli chandi ki hi chen men pirokar, shukla paksh ke pratham somvar ko pratah ganga jal v kachche dudh se pavitra karke, dhup dip dikhakar mandir men shivling ya shiv parvati ke charnon se chuakar nishthapurvak prarthana kar gale men dharan kar len. pahnne ke pashchat garibon ko kuch avashya khilaen.

larke ke vivah men vilanb ho raha ho to mitti ke kulhar men mashrum upar tak bhar kar dhakkan laga kar kisi bhi dharmik sthan, mandir ya masjid men dan kar aen. larka shukla paksh ke pratham shukravar ko suryast se purva vivah shighra hone ki ishvar se prarthana kar bhojan rasoighar men baithakar kare, rishte ane lagenge.

uchch shiksha v kairiyar ke lie

chandi ka chaikor tukra hamesha apne pas rakhen. budhvar ko lal kapre ki thaili men saunf bharakar takie ke niche rakhen sath hi ravivar ko tanbe ka sikka safed ya lal dhage men gale men dharan karen. achche sakaratmak parinam ke lie suryast ke bad ratri men dudh n len. din men dudh, dahi, panir le sakte hain. dahi v panir ratri ko bhi le sakte hain, par dudh nahin.

vyapar men samasyaon ko dur karne ke lie

paket men chandi ka chota sa thos hathi sada sath rakhen. yad rahe vah khokhla nahin hona chahie varna labh nahin mil paega. ghar ki naukrani ko yada-kada mishthann, kapre, chaval dete rahen. uske sath achcha bartav karen v uska ashirvad len, samasyaen dur hone lagenge aur vyapar gati pakrne lagega. amavasya ko mandir ke bahar baithe bhikhariyon ko khir (chaval ki) banten, ashatit labh prapt hoga.

bachchon ka parhai men man lagane ke lie

jin bachchon ka parhai men man n lagta ho, pariksha men nanbar kam ate hon ve yah saral upay karen. apne adhyayan kaksh men man sarasvati ki tasvir avashya lagaen tatha roj parhne baithne se purva us tasvir par gulab ki 3 agarabattiyan jala kar avashya ghumaen v vahin staind par laga den aur hath jor kar prarthana karen.

vyavsay men hani hone par

yadi kisi ke vyavsay men hani ho rahi ho, to shukla paksh ke budhvar ko vyavsay sthal par lal reshmi kapre par ganesh shankh sthapit kare. shankh men gay ka dudh v jal bhar kar uske adhe se achaman kar aur adha apne vyavsay sthal par chirke. shankh ko sthapit karne se purva use shuddh kar uska roli kumkum se tilak kare. fir laddu ka bhog charhae. shraddhapurvak yah upay karne par band udyog bhi shighra chalu ho jate hain aur jo ghate men chal rahe hote hain, ve labh dene lagte hain. band pare karkhanon ko fir se chalu karne ke lie yah totka sarvottam hai. ganesh shankh ko jis or se bhi dekhen, usmen ganpti ke darshan hone ki anubhuti hoti hai. yah shankh jahan sthapit ho us sthan par koi sankat nahin ata. shatru bhi mitra ban jata hai.

bimar vyakti ko thik karne lie

yadi ghar men koi bahut bimar ho, to moti shankh men jal bhar kar puja ghar men rakhen aur davai ka sevan moti shankh ke jal se karvaen. bimar ke svasthya men sudhar ane lagega aur vah shighra hi puri tarah thik ho jaega. moti shankh durlabh v atyant khubsurat shankhon men se ek hai.

bhayanak sapnon se mukti ke lie

yadi ratri men bhayanak sapne ate hon, ya kisi bhi prakar ka dar lagta ho to sirhane men pipal ki jar v uski tahni ka chota sa tukra un namo bhagvte vasudevay jap karte hue rakh kar soen. bure sapnon ka ana band ho jaega aur dar bhi dur ho jaega. dhyan rakhen, jar v tahni suryast se purva lani hai. sirhane rakhne ke pahle use ganga jal se shuddh karke dhup dip avashya dikhaen. yah upay shukla paksh ke somvar ya purnima se shuru karen. shraddha v nishtha ka hona jaruri hai.

Kya aapko lekh pasand aaya? Subscribe
Kya aapko lekh pasand aaya? Subscribe


hastarekha evan mukhakriti visheshank  January 2008

hastarekha vigyan ka itihas evan parichay, hastarekha shastra ke siddhant evan niyam, hastarekha vishleshan ki vidhi, hastarekha evan jyotish ka sanbandh, mukhakriti vigyan kya hain? mukhakriti vigyan se jatak ka vishleshan evan bhavishya kathan kaise kiya jaen ? yah visheshank kuch aise hi gudh vishyon par adharit hai.

Subscribe

Apne vichar vyakt karein

blog comments powered by Disqus
.