धार्मिक क्रियाकलापों का वैज्ञानिक महत्व

dharmik kriyaklapon ka vaigyanik mahatva  

Ank ke aur Lekh | Sambandhit Lekh | Views : 3225 |  
dharmik kriyaklapon ka vaigyanik mahattva hamne apko pichle ankon men urja ke bare men bataya ki hamara pura brahmand urja ke pravah par hi adharit hai. urja alg-alag rangon ki kanpanashakti se milakar kahin adhik, kahin kam, kahin sakaratmak tatha kahin nakaratmak rup men pravah hoti rahti hai. yadi urja ka pravah hamare sharir, ghar, mandir ya kisi bhi sthan par asantulit hota hai, to vah kisi bhi sajiv vastu ke lie sharirik ya mansik asantulan paida karne ka karan hota hai. prachin samay men hamare rishi-muniyon ko har prakar ki urja ke bare men gyat tha, isilie unhonne hamari puja ke kriyaklap ya dharmik kriyaklap ko is tarah se bataya ki vah hamari sharirik v mansik urja ko sakaratmak tarike se santulit banaye rakhta hai. isi prakar kuch aise pashuon v peron ko pahchanakar jinka urja kshetra manav ke urja kshetra se doguna ya chaiguna bara ho, hamari dharmik kriya men shamil kiya gaya tha. jis tarah hamne apko sabse pahle ank men sharirik urja ke vishay men bataya tha ki nakaratmak urjaen hamare sharirik v mansik svasthya ko kaise eprabhavit karti hain. yadi ham nakaratmak vichar rakhte hain, to mansik asthirta ka karan hote hain aur hamare sharir ki kanpanashakti men badlav la sakti hai. n keval hamare sharir men, balki yah hamare ghar ke vatavaran ko bhi prabhavit karti hai kyonki yah nakaratmak vichar ek kanpanashakti ke rup men pravah karte hain. hamne vastu ke bare men bhi bataya tha ki adhikatar har koi sanrchnatmak vastu par hi dhyan dete hain jo ki hamen keval 20 pratishat tak hi prabhavit karta hai, jabki hamari mansik sthiti us dosh ki tivrata ko doguna ya chaiguna kar deti hai. hamare nakaratmak vichar kanpanashakti ke rup men usmen jurte rahte hain, iske bad ratn v ratnon ki urja ke bare men bhi bataya tha. iske sath hi tantra-mantra tatha yantra ke bare men bhi bataya gaya tha. is ank men ham apne dharmik kriyaklapon v vidhiyon ka vaigyanik mahatva kya hai, ke bare men batayenge. ghar men pratidin ham dipak jalate hain, dipak jalate samay ham gay ka ghi, sarson ka tel ya til ka tel adi prayog karte hain. iska vaigyanik karan yah hai, ki gay ka ghi sakaratmak urja ko barhata hai tatha sarson ka tel v til ka tel nakaratmak urja ko khatm karta hai. atah hamen dipak jalate samay yah dhyan rakhna chahie ki ham kis uddeshya se dipak jala rahe hain. ham ghar men kapur bhi jalate hanai, kapur ko jalane se pahle uski kanpanashakti kam hoti hai, parantu jalane ke bad kanpanashakti barh jati hai. tirupti bhagvan ke prasad ke laddu men bhi khane vale kapur ka prayog kiya jata hai. kapur vayaras ko rokta hai. ghar ya mandir men puja karte samay jo ham ghanti bajate hain, us dhvani se ek kanpanashakti utpann hoti hai jo nakaratmak urja ko katti hai. isilie ghar ke har kone men ghanti bajani chahie. puja men nariyal ka bhi apna mahatva hai,nariyal ko panchbhuton ka pratik mana jata hai. jab ham choti vala nariyal hath se pakarakar torte hain, to hamari hatheli ke sare ekyupreshar binduon par davab parta hai. isi prakar jab ham kisi ko tilak lagate hanai to uska bhi ek apna mahatva hai. hamari panchon anguliyan panchbhuton ka pratik hain. angutha agni ka, tarjani anguli vayu ka, madhyama anguli gagan ka, anamika prithvi ka tatha kanishthika jal ka pratik hoti hain. ham tilak lagane men adhikatar anamika anguli ka prayog karte hain iska arth hai, ki jisko tilak laga rahe hain vah bhumi tatva se jura rahe. prachin samay men yoddh a jab yuddh par jate the, to unhen anguthe se trikon ke rup men tilak lagaya jata tha, agni vali anguli se agni ke pratik ke rup men tilak lagane se unke agney chakra men agni rup shakti samahit ho jati thi, jisse vah bari virta ke sath yuddh sthal men yuddh karte the. tilak hamesha golakar ya trikon (piramid akar) ke rup men hi lagaya jata hai. pahle samay men tilak ko lagane ke lie kumkum, sindur aur kesar ko milakar prayog kiya jata tha, jisse baingni rang ki urja niklti thi jo hamari agney chakra ki adhyatmik shakti ko barhati thi. us samay striyan jab tilak lagati thin tatha mang bharti thin, to vah hamare upar ke chakron ko baingni rang ki urja se hamare adhyatmik chakron ko urja pradan karti thi. ajakal ham bindi ke nam par stikar lagate hain uske piche jo chipkane vala padarth hota hai vah suar ki charbi se bana hota hai, jinko lagane se hamari buddhi bhrasht hoti ja rahi hai. striyan jo kanch ki churiyan pahnti hain vah silikaen (epv2) mitti se bani rahti hain tatha ye bhumi tatva ka pratik hoti hain. striyon ke upar nakaratmak urja ka pravah hone par churiyan us urja ko apne upar lekar tut jati hai. striyon ki kalai men garbhashay ke ekyupreshar bidun bhi hote hain jo churiyon ke idhr-udhar khiskne se un par davab parta rahta hai jisse ve sakriya rahte hain aur striyon ko garbhashay sanbandhi pareshani ka samna bahut kam karna parta tha parantu ajakal faishan ke is daur men keval shadi ya parti ke samay jab sari pahnte hain to ham kabhi-kabhi ek-do ghante ke lie kanch ki churiyan pahan lete hain, anyatha inka prayog visheshakar shahron men striyon ne bilkul hi band kar diya hai. navjat shishu ko kali pot ki mala pahnane se unapar rahu-ketu v shani ki nakaratmak urja ka prabhav nahin hota hai. striyon ko kamar se nichle bhag men chandi ka abhushan pahnne ke lie kaha gaya. iska vaigyanik karan yah hai ki chandi nakaratmak urja ko rokti hai, stri ka garbhashay ek ulta piramid shep men hai jiska niche ka nukila hissa urja upar ki taraf khinchta hai tatha stri jab garbhadharan karti hai, tab garbhashay muladhar chakra se upar ki taraf urja khinchta hai jo bachche ke vikas men sahayak hota hai. pairon se hoti hui nakaratmak urja garbhashay tak n pahunche, use rokne ke lie pairon men chandi ki payal tatha kamar bandh ka prayog kiya jata tha. dakshin bharat ki striyan pairon men haldi lagati hain, jo nakaratmak urja ko rokne men sahayak hoti hai. prachin samay men purush bhi pairon men chandi ke mote-mote kare pahnte the jiska karan tha ki ve nagen pair lanba safar bhi paidal hi karte the. pairon ke dvara nakaratmak urja unke sharir men n a sake, islie pairon men chandi ka prayog kiya jata tha. hamare bharat men menhdi lagane ka ek vishesh mahatva hai. jab mausam badlta hai to sharir ki sari garmi nikalne ke lie menhdi ka prayog hath aur pairon men lagakar karte hain kyonki hath-pairon men hamare nariyon ke bindu hote hain jiske dvara yah urja bahar niklti hai. bharat men shadi bhi ek uchchatar vaigyanik prakriya hai. shadi se pahle larke aur larki ko haldi aur besan ka ubatan lagaya jata hai jo sharir ke andar vali nakaratmak urja ko bahar nikalti hai tatha bahar se ane vali nakaratmak urja ko rokti hai. ag ke charon taraf bhanvar ya sat fere lene ka bhi apna mahatva hai kyonki panchbhuton men agni hi sabse pavitra urja mani jati hai. kisi bhi vastu ko shuddh karne ke lie use ag men tapaya jata hai tatha ichchanusar akar diya ja sakta hai tatha var-vadhu ek-dusre ka hath pakarakar jab sat fere agni ke charon taraf lete hain, to un donon ke bich ki jo nakaratmak urja hoti hai vah us agni men bhasm ho jati hai aur unka ek naya rishta akar leta hai. sat fere sat din ka bhi pratik hote hain. vadhu ko lal kapre pahnne ko kaha jata hai kyonki lal aur pila rang nakaratmak shakti ko rokta hai. shadi ke bad larki ko kali pot ka mangal sutra pahnaya jata hai jisse usko koi nakaratmak shakti prabhavit n kare. puja sthal jaise, mandir hamare yahan sabse jyada sakaratmak urja ka sthan mana jata hai. yahan par log apne duahkh-dard lekar ate hain tatha yahan par akar unko mansik shanti ka anubhav hota hai. islie iski sthapna karte samay hamen bahut hi dhyan rakhna chahie. mandir ko bahut hi sakaratmak urja ka kshetra banana chahie. jab mandir ke lie bhumi pujan hote hain tab vahan par murti ki sthapna honi hoti hai, vahan par nav dhanya navaratn gar dete hain tatha vahan par gaymutra chirkte the tatha mandir ka nirman fai resho ya goldan resho men (jise hamne pichle ank men apko bataya tha) kiya jata hai. mandir men hamesha mantronchcharan hote rahte hain tatha havan v yagya hote rahte hain jisse mandir ki sakaratmak urja bani rahti hai tatha bhagvan ko fulon se alankrit kiya jata hai kyonki pratyek ful ka urja kshetra manav ke urja se adhik hota hai islie dakshin bharat ki striyan apne balon men fulon v gajron ka prayog karti hain. puja ke samay hath men kalava bandha jata hai. yah bahri nakaratmak urja ko rokta hai tatha sharir ke andar ki urja ko khinchta hai. jab iska rang fika parne lage ya adhik se adhik nau dinon men hamen ise apne hath se khol dena chahie. ved mantron ka uchcharan kapur adi jalakar mandir ki sakaratmak urja itni barhayi jati hai ki vahan par jakar hamen ek atmik anand ka ahsas hota hai. bharat men kai tirth sthal aise hain, jinka apna ek vishesh mahatva hai tatha vah aisi urja grahit kshetron men sthapit kiye gaye hain ki vahan jane par vahan ki sakaratmak urja hamari nakaratmak urja ko nasht kar deti hai. udaharan ke lie tirupti ke pas shri kale hasti ek sthan hai. vahan par lanbavat v khanbavat rekhaon ke milap se ek aisi urja niklti hai jisse vahan par kisi bhi prakar ke rahu-ketu v kalasarp dosh ka nivaran ho jata hai. isi prakar shani signapur dham jo shirdi ke pas hai, vahan par jane se shani ka prakop kam ho jata hai. yunivarsal tharmo skainar ke bare men ham pahle bhi apko bata chuke hain ki yah kisi bhi prakar ki urja ko pahchan sakta hai. mandir banate samay ham sakaratmak urja vale kshetra ka chayan iski sahayta se kar sakte hain tatha murti ki sthapna mandir men kis sthan par karni hai yah bhi bata sakte hain tatha kshetra men koi nakaratmak urja pravah to nahin kar rahi hai. skainar ki sahayta se ham kisi bhi sajiv vastu ki urja ko jan sakte hain ki usmen nakaratmak ya sakaratmak urja kitni hai.
Kya aapko lekh pasand aaya? Subscribe

Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.