आरुषि की हत्या में फ्लैट के वास्तु दोषों की अहम भूमिका

arushi ki hatya men flait ke vastu doshon ki aham bhumika  

Ank ke aur Lekh | Sambandhit Lekh | Views : 2823 |  
arushi ki hatya men flait ke vastu doshon ki aham bhumika kuldip saluja paya gaya hai ki har hatya men vastudoshon ki bhumika aham hoti hai. kai gharon ki banavat men itne ganbhir vastudosh jis ghar men hatya hoti hai, usmen ukt karnon ke atirikt do ya do se adhik ganbhir vastudosh bhi hote hain. yadi kisi ke ghar men keval ek ganbhir vastudosh ho to us ghar men hone vale hadse men keval ganbhir chot ke yog bante hain, kisi ki mrityu nahin hoti. hatya kis karan hogi, yah is par nirbhar karta hai ki us ghar men vastudosh kis disha men kis prakar ka hai. parantu, yah nishchit hai ki hatya vale ghar ka rnaitya kon doshpurn hota hai. jaise is kon men bhumigat pani ki tanki, kuan ya borvel ho athva farsh nicha ho ya fir dakshin ya pashchim rnaitya kon barha ho. iske atirikt ghar ka mukhya dvar pashchim rnaitya kon men ho to ghar ke kisi purush sadasya ki aur dakshin rnaitya kon men ho to kisi stri sadasya ki hatya ki atyadhik sanbhavna rahti hai. hatya vale gharon men dusra vastudosh ishan kon men bhi hota hai. is kon ka kata ya kam hona, gol ya uncha hona, vahan taeylet hona ya kon ka kamre ya shed ke karan dhaka hona ek ganbhir vastudosh hai. daektar talvar ke ghar ko bahar se dekhne par hi yah vastudosh saf dikhai de raha tha jo us flait men hue dohre hatyakand ka karan bana. prashn uthna svabhavik hai ki us bahumanjil imarat men daektar talvar ke flait men hi yah ghatna kyon hui? noeda ke sektar 25 ke el blaek men bane sabhi gharon ki banavat aniyamit akar ki hai jinki sabhi dishaon men katav evan barhav hai. in sabhi gharon ki dishaen madhya men n hokar lagabhag 30 digri dahini or khiski hui hain. daektar talvar ka ghar dusri manjil par sthit hai. is blaek ki sirhi se upar jane par pahli evan dusri manjil par char-char flait hain aur uske bad chat hai. in charon flaiton men daektar talvar ka ghar dakshinmukhi hai. baki tin flaiton ke dvar kramshah pashchim, uttar, evan purvamukhi hain. daektar talvar ke ghar ka pravesh dvar dakshin rnaitya kon par sthit hai aur keval daektar talvar ne hi apne mukhya dvar (get nanbar 1) ke samne vale paisej par atikraman karke ek aur get age ki taraf barhakar lagaya hai, jaisa ki chitra men get nanbar 2 darshaya gaya hai. is barhav se unke ghar ka dakshin rnaitya barh gaya aur kachra fenkne ka sthan, jo bahar ki or tha, bhi unke ghar ka bhag ho gaya. is tarah us sthan ke karan dakshin rnaitya men ek gaddha ban gaya. get ke ek taraf kachra fenkne ka sthan aur dusri taraf pashchim nairritya ki or utar li hui sirhiyan pahle se hi thin. is tarah rnaitya kon men yah is flait ka pahla ganbhir vastudosh tha. ukt dosh ke alava kisi ghar ke ishan kon men doshpurn hone par bhi us ghar men hatya hone ki prabal sanbhavna rahti hai. is flait ke ishan kon men golai ke sath-sath katav bhi hai, jaisa ki chitra men dikhaya gaya hai. yahan par bane sabhi flaiton ka ek kona jahan baramda hai, golai lie hue hai. daektar talvar ke ghar ka golai vala bhag ishan kon men hai, jahan flavar bed hai. iske viprit anya flaiton men agney, rnaitya ya vayavya kon vala bhag golai v katav lie hue hai. ishan kon ko chorakar kisi anya kon men is prakar ki golai ya katav vishesh vastudosh utpann nahin karta hai. yahan bhi keval daektar talvar ne ishan kon ke is baramde vale bhag ko lohe ki gril lagakar dhak rakha hai. ishan kon ke dhake hone ke karan bhi ganbhir vastudosh utpann ho gaya. daektar talvar ke ghar men bhi aspas ke flaiton ki tarah esi lage hue hain. kintu keval daektar talvar ke flait ki chat par hi ek bare akar ka vatar kular rakha hua hai, jiske taink ka akar bhi bahut bara hai. isse juri nali se thandi hava flait men jati hai. yah vahi kular hai jiske pani men hatya ke bad kuch dhoya gaya tha, kyonki pulis janch men us pani men khun mila hua paya gaya. yah kular flait ki chat ke agney kon vale bhag men rakha hua hai. aspas dur-dur tak kisi bhi flait ke upar kular nahin tha. is janbo ke akar ke kular ka vatar taink bhi janbo ke akar ka hai. vastu siddhant ke anusar yadi ghar ke agney kon men chat par vatar taink ho ya kisi bhi tarah adhik matra men pani rakha gaya ho to ghar ki arthik sthiti kharab rahti hai athva parivar ki kisi kanya ko bevajah badnami ka samna karna parta hai. is tarah pani ka yah jamav daektar talvar ki beti arushi ki badnami ka karan bana. yahan ek bat dhyan dene ki hai ki daektar talvar ne ghar ki suraksha ke lie ek or get nanbar 2 banvaya jo rnaitya kon ke dosh ka karan bana aur dusri or ishan kon ke khule baramde ko dhakne ke lie lohe ki jali lagvai, jisse ishan kon ka dosh aur ganbhir ho gaya. is flait ke bahri vastu ka vishleshan karne se hi yah bat saf ho jati hai ki unki beti aur naukar ki hatya men flait ke vastudosh ki bhumika aham rahi. jin gharon men upar varnit vastudosh hon, unhen dur karvana chahie, anyatha vahan rahne vale parivar ko kisi anhoni ka samna karna par sakta hai. vastudoshon ka nivaran ghar ki banavat men vastu ke siddhanton ke anusar parivartan kar kiya ja sakta hai. chote-mote vastudosh piramid, pakua ya bagua darpan, ghantiyan, kristal bael ya feng shui ki anya samagri lagane ya puja-path adi karne se bhi dur ho sakte hain. behatar to yah hai ki dosh nivaran ke upay kisi visheshagya ke paramarsh ke anusar karen.
Kya aapko lekh pasand aaya? Subscribe

Kya aapko lekh pasand aaya? Subscribe


ank shastra visheshank  September 2008

ank shastra men prachlit vibhinn padvatiyon ka vistrit vivaran, ank shastra men mulank, namank v bhagyank ka mahatva, ank shastra men mulank, bhagyank v namank ke adhar par bhavishya kathan ki vidhi, ank shastra ke adhar par pida nivarak upay, namank parivartan ki vidhi evan prabhav

Subscribe

Apne vichar vyakt karein

blog comments powered by Disqus
.