हस्त रेखा द्वारा जन्मकुंडली

hast rekha dvara janmakundli  

Ank ke aur Lekh | Sambandhit Lekh | Views : 18276 |  
prashna: yadi kisi jatak ke pas apna janm vivaran n ho to kya hastarekha ke dvara janm vivaran janakar janmakundli banayi ja sakti hai. yadi han to vistrit varnan karen athva prashn kundli dvara vanchit prashn ka uttar kaise denge, vistar purvak varnan karen. yadi kisi jatak ke pas apna janm vivaran (janm dinank, samay v sthan) n ho to vah hastarekha dvara janm vivaran ki jankari hasil kar janmakundli banakar bhavishya kathan jan sakta hai. hastarekha shastra dvara janm vivaran (tarikh, samay, sthan) ki jankari: 1. chandra rashi se janmadin/tarikh, surya chihn se janmamas (mahina) evan guru v shani se janm varsh ka pata lagaya ja sakta hai. 2. paksh tatha samay (din, ratri) ka nirdharan - yadi jatak ke ek anguthe men yav chihn ho to krishnapaksh v donon anguthon men yav chihn ho to shukla paksh ka janm hota hai. - yadi daen hath ke anguthe men yav chihn ho to shukla paksh v din ka janm hota hai. - yadi baen hath ke anguthe men yav chihn ho to shukla paksh v ratri ka janm hota hai. - yadi donon hath ke anguthon men yav ho to krishn paksh men din ka janm hota hai. jain samudrik shastranusar yadi daen anguthe men yav ho to shukla paksh v din ka janm tatha baen hath ke anguthe men yav ho to krishn paksh v rat ka janm hota hai. 3. janm mas v rashi ka nirdharan - donon hathon ki tarjani anguliyon ke dusre v tisre por men sthit dosh rahit lambavat rekhaon ke yog ko 23 se guna karne par jo sankhya ae ismen 12 ka bhag dene par jo sankhya shesh bache vahi janmamas aur rashi hoti hai. udaharan yadi shesh 1 bache to jatak ka janm mesh rashi, vaishakh mas men mana jata hai. isi prakar kramshah age bhi. - iske alava, anamika anguli (surya ki) ke niche surya kshetra men jis bhi rashi ka spasht chihn yadi ho to, isse bhi janmamas gyat kar sakte hain. 4. janmatithi ka nirdharan - madhyama anguli ke dusre v tisre por mane sthit lanbi rekha ka yog kar usmen 32 jodakar 5 se guna kar fir gunanafal men 15 ka bhag dene se jo shesh sankhya ae, vahi janmatarikh (tithi) hogi. - anguthe ke niche sthit shukra kshetra par sthit doshrhit kul lanbavat rekhaon ko 6 se guna kar usmen 15 ka bhag dene par jo shesh bachta hai vah tithi hogi. yadi shesh shunya bachta hai to janm purnima ka hota hai. 15 ke bad 30 ke andar ka kram hone par janm krishn paksh ka hota hai. 5. janm var ka nirdharan anamika ke dusre v tisre parva men sthit doshrhit kul rekhaon men 517 jodakar 5 se guna kar gunanafal men 7 ka bhag dene par shesh bachi sankhya uska var hogi. yadi shesh 1 to ravivar, 2 somvar, 3 manglvar, 4 budhvar, 5 guruvar, 6 shukravar v 7 shesh ane par shanivar hoga. 6. varsha/janm san ka nirdharan hastarekha men brihaspati v shani kshetra men sabhi doshrhit lanbavat rekhaon ka alg-alag yog karen. ye rekhaen anguliyon ke mul ke antim (tritiya) parva se niklti hui milegi. is tarah brihaspati ki kul rekhaon ko dedh se v shani ki kul rekhaon ko dhai se guna karke apas men jod den. is jod men mangal parvat ki rekhaon ka yog karne par jatak ka janm varsh a jayega. isse jatak ki vartaman ayu/umra ka bhi pata chal jayega. 7. janm lagna/ samay ka nirdharan anamika v madhyama parva par tatha surya v guru parvat par jitni doshrhit khadi rekhayen hon, unhen ginakar ismen 811 jodakar, 124 se guna kar, 60 se bhag dene se jo bhagafal aega usse janm ka samay ghante men tatha shesh minat men spasht hoga. yogafal 24 se adhik hone par punah 24 ka bhag den. panchang dekhakar lagn nikalen. 8. janm lagn ka anya vivechan angutha jatak ki kundli ka ‘lagnesh’ kahlata hai. yadi tarjani v anguthe ke bich nyunkon hai to jatak men ichcha shakti ki kami hai. faltah lagnesh nirbal hoga. yadi donon ke bich samkon ya adhik kon hai to prabal ichcha shakti hai tatha lagnesh bali (uchch, svagrihi, mitrarashi ka) hoga. atah angutha ‘lagna’ ka darpan hai. - yadi anguthe par mashal ya agni jaisi jalti hui lapten upar ki or uthti hane to jatak ka lagn mesh, sinh ya dhanu hoga. - yadi anguthe men tanbu ya vayu ke gubbare jaisa bich se utha hua bhag ho to jatak ka lagn, mithun, tula ya kunbh hoga. - yadi anguthe se uthti hui lahren, parvat ya tekri jaisa koi chihn ya akriti ho to jatak ka lagn vrish, kanya ya makar hoga. - yadi anguthe men chakra ya samudri lahron ke chihn jaisi koi akriti ho to lagn, kark, vrishchik ya min hota hai. hath - - char lagn (mesh, kark, tula, makr) men janme jatkon ka hath chapta ya vargakar hota hai. - yadi kisi jatak ka hath nukila v lanba ho to lagn ‘sthir’ (vrish, sinh, kunbh, vrishchik) hota hai. - hath-darshanik ho to jatak ka lagn ‘dvisvabhav’ (mithun, kanya, dhanu, min) hota hai. 9. kundli men surya ki sthiti ka vivechan janm mas ka nirdharan - yadi mastishk rekha, chandra parvat par samapt hokar do ya tin bhagon men vibhakt ho jaye ya yav, kraes ka chihn bane to jatak ke janm ke samay surya, kark ya sinh rashi men hota hai. - yadi mashtishk rekha, mangal parvat par samapt ho to surya, mesh ya vrishchik rashi men hota hai. hast rekha ke udahrn-2 men mastishk rekha, mangal kshetra par samapt ho rahi hai inki kundli men surya uchch (mesh) ka hai. atah inka janm mas chaitra ya aprail hai. - yadi mastishk rekha, shani parvat ke niche samapt ho to surya makar, kunbh ya budh ki rashi mithun athva kanya men hota hai. udaharan -1, sayan ka surya dasham bhav men kanya rashi men hai, mastishk rekha, shani ke niche samapt ho rahi hai adi. is tarah janm mas ki ganna kar sakte hain. - yadi anamika, tarjani se badi ho to surya ki sthiti kundli men chaturth bhav se navam bhav ke bich men hoti hai. udaharan 2 men surya mesh ka hokar saptam bhav men sthit hai kyonki inki anamika lanbi hai. saptam bhav men mesh rashi ane par lagn ‘tula’ ho jata hai. - yadi tarjani, anamika se badi ho to surya 10 se 3 bhav men hota hai. udaharan 1 men manmohan ji ki kundli men surya dasham bhav men hai. inki tarjani lanbi hai. 10. chandra sthiti - yadi chandra parvat se koi rekha, surya parvat ki or jati ho to chandra bali, (uchch, svagrihi, mitra rashi) hota hai. - chandra parvat par ubhar, akriti v chihn ki janch karte hain. 11. mangal sthiti - yadi shukra parvat se rekhayen mangal parvat par ati hon to mangal ki sthiti kundli men shatru rashisth jaise- shukra ki rashi adi athva nichasth hoti hai. arthat mangal nirbal hota hai. -papaddh mangl-parvat daba ya kata-fata ashubh ho to mangal nirbal hota hai. 12. budhaditya yog yadi donan parvat hath men ek dusre ki taraf jhuke han to janmapatri men budh evan surya sath-sath hote hain. 13. budh sthiti yadi budh parvat unnat hai to budh grah bali hai. nirbal hone par budh parvat daba hoga. 14. guru sthiti - yadi guru parvat par kras ho tatha yah parvat daba ho evan jivan rekha se koi rekha guru parvat par jati ho to kundli men guru grah ki sthiti char rashiyon-mesh, kark, tula, makar men hoti hai. - bindu upper men yadi guru parvat utha ho tatha baki sari sthitiyan hon to guru grah dvisvabhav rashi men hota hai. - guru ka kshetra bada, unnat, saf-suthra ho to guru sthir rashiyon men hota hai. 15. shukra sthiti - yadi shukra parvat par adi-tirchi rekhayen ya jal ho tatha budh parvat se koi rekha shukra parvat par jati ho to shukra dvisvabhav men hota hai. - yadi shukra parvat utha hua ho to shukra vrish athva tula mane hota hai. - yadi shukra parvat daba ho, sukshm dhariyan najar ayan to shukra grah nirbal, ast, shatrurashi men hota hai. 16. shani sthiti - shani parvat mansal, unnat hone tatha shani, surya rekha suspasht hone par shani bali hota hai. - shani parvat daba hua, shani rekha tuti hui ho to shani nich, shatru, ast tatha nirbal hota hai. grahon ki kundli men vibhinn sthanon par sthiti - yadi parvat hath men apne sthan se bayin or jhuke hon to unse sanbandhit grah janmapatri men 2, 3, 5, 6 bhavon men hote hain. - dayin or jhuke hone par - 8, 9, 11, 12 bhavon men hote hain. - yadi parvat hath men apni sahi jagah par ubhar liye hain to 1, 4, 7, 10 kendra sthanon men grah sthit hote hain. uparyukt vivechan ke adhar par jatak ka janm vivaran gyat kar janmapatrika bana sakte hain.
Kya aapko lekh pasand aaya? Subscribe
Kya aapko lekh pasand aaya? Subscribe


paravidya visheshank  June 2013

fyuchar samachar patrika ke paravidya visheshank men shani jayanti, vivah, vivah men vilanb ke karan v nivaran, kundli men panchmhapurush yog evan ratn chayan, tabadla ek jyotishiya vishleshan, shukra ki dasha ka fal, shani chandra ka vish yog, ungli aur ungliyon ke duri ka fal, dakshinavarti shankh, brihaspati ka priya kesar, dah sanskar-antim sanskar, parvej musharraf ke sitare gardish men, chand ne duboya taitenik ko, ank jyotish ke rahasya, vibhinn bhavon men mangal ka fal, svargiya jagdanba prasad ki jivan katha, mahotkat vinayak ki pauranik katha ke atirikt, kal sarp dosh se mukti ke lie lal kitab ke achuk upay, vastu prashnottari, yantra samiksha/mantra gyan, helth kaipsul, prakritik urja santulan, vivadit vastu, vishisht mahatva hai kashi ke kal bhairav ka tatha hastarekha dvara janmakundli nirman ki vidhiyon par vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.