सूर्य किरण चिकित्सा का संक्षिप्त इतिहास एवं उपयोग

surya kiran chikitsa ka sankshipt itihas evan upyog  

Ank ke aur Lekh | Sambandhit Lekh | Views : 1994 |  
srishti ki utpaÿia evan prani ka janm aj tak rahasyamay bana hua hai. koi nishchit siddhant aj tak is samasya ke samadhan hetu sarva sammati se nahin ban paya hai. charam shikhar par pahunche vigyan ke pas aj bhi kai ansuljhe prashn hain. mahatvapurn bat yah hai ki gyan ya vigyan ek nishchit sima par ja kar khatm ho jata hai. kisi bhi vishay par vigyan ek nishchit sima tak hi jankari rakhta hai evan uske pashchat ki jankari ya to nahin hoti ya vah khamosh ho jata hai, kyonki vigyan ne yahin tak ka safar tay kiya hai. manushya ke jivit rahne ke us rahasya, jise ham ‘‘pran’’ kahte hain, ke sanbandh men jankari aj tak nahin ho pai. yah pran kya hai? sharir men iska vas kahan hai? pran ek tatva hai jiske nikal jane par sharir ke ang apna karya karna band kar dete hain aur tab ham kahte hain, vah mar gaya. ham purnatah ishvar evan prakriti par nirbhar hain. vigyan ka ant hai, kintu adhyatm anant hai. ise thora aur vistar dete hue ham yah kah sakte hain ki apne sharir ki raksha jitni ham prakritik rup se kar sakte hain utni kritrim rup se nahin. vastav men anant prakriti ke anusar pran ki suraksha karna hi ‘‘surya-chikitsa’’ hai. chikitsa ki vibhinn vaikalpik pranaliyon men surya kiran chikitsa ka apna alag sthan hai. is pranali men rogi ki chikitsa surya ki rashmiyon se ki jati hai. surya shakti ka panuj hai, jivan ka pratik hai. hindu dharm granthon men surya ko ishvar ka sthan diya gaya hai. samast manav jati adi kal se hi uski puja archana karti rahi hai. adi kal men chikitsa ki koi vaigyanik pranali nahin thi. tab apne kashton se mukti pane ke lie log surya ko hath uthate the aur prayah tabhi se shuru hai surya chikitsa. samy-samay par ismen khoj evan shodh hote rahe aur aj bhi ho rahe hain. jaisa ki upar bataya gaya hai, surya chikitsa ka itihas bahut prachin hai. yah chikitsa ki yah pranali sarvapratham bharat men viksit hui aur fir mishra, yunan, chin, iran adi vibhinn deshon se hoti hui amerika evan iglaind jaise ati viksit deshon men pahunchi jahan yah atyant lokapriya hone lagi hai. aj ikkisvin sadi ke is yug men is pranali ke prati logon ka akarshan ek bar fir se barhne laga hai. iske chamatkarik parinamon evan sahaj upalabdhata ke karan yah pranali dinanudin lokapriya hoti ja rahi hai. is barhti lokapriyata ke falasvarup sanbhav hai, ane vale kuch hi samay men yah chikitsa jagat men sarvopri ho jae. kintu vidanbna yah hai ki iski sarlta ko dekhte hue logon ko is chikitsa pranali par vishvas nahin hota. vartaman samay men log har bat ko tark ki kasauti par kaste hain aur uska vaigyanik adhar khojte hain. jab vah bat tark sangat evan vaigyanik adhar par khari utrti hai tabhi ve us par vishvas karte hain. aise men aj ke yug men pramanikta anivarya ho gai hai. jabki hajaron aisi baten hain jinka praman dena sanbhav nahin hai, unka adhar sirf anubhav evan paranpra hui hai. prachin kal men is chikitsa ka koi vaigyanik adhar khoja nahin gaya tha. un dinon log yah chikitsa sirf dharm aur anubhav ke adhar par karte the. atah un dinon is chikitsa ka vishesh prachar prasar nahin ho paya. kintu aj is chikitsa paddhati ka jo svarup samne aya hai uska vikas amerika, iglaind adi pashchim ke deshon men adhik hua hai. ab elopaithik chikitsa ke prati vahan ke logon ka bhi moh bhang hone laga. ve bhi ab vaikalpik chikitsa ko apnane lage hain. majdur din bhar kheton men ya raston par kam karte hain, tej dhup ke karan unki tvacha jal kar kali par jati hai, fir bhi ve am admiyon se adhik svasth evan takatavar hote hain, jabki unhen n to bhar pet bhojan milta hai n hi koi svasthyavardhak padarth. iske thik viprit jo log vatanukulit kamron men baith kar bhar pet svasthyavardhak bhojan karte hain, dudh, malai, ghi, makkhan adi ka sevan karte hain, unki sharirik kshamata apekshakrit kam hoti hai. unhen bimariyan bhi adhik hoti hain. iska mukhya karan sirf dhup ka abhav hai. prayah sabhi log kisi n kisi rup men dhup ka sevan karte hain par vaigyanik jankari ki kami ke karan iska uchit labh unhen nahin mil pata. arthat unhen surya ki kirnen prapt to hoti hain par ve sharir ki avashyakta ke anurup urja nahin de patin. am taur par prani nirog janm lete hain. kintu aj prakriti se dur hote jane ke karan logon ko nai-nai bimariyon ka samna karna par raha hai. ek prachin kahavat hai- pahla sukh nirogi kaya. yadi sharir svasth nahin ho to sanpurn sanpannata nirarthak ho jati hai. manav ka pratham lakshya hona chahie svasthya raksha ke niyamon ko samjhna evan unka palan karna n ki rogi hokar svasthya raksha ke niyamon ko samjhna aur unka palan karna. chalis varsh ki umra ke bad hamen ratri men bhojan nahin lena chahie balki kuch halka sa satvik bhojan jaise dudh, thori si khir adi ka sevan karna chahie. aisa karne se ham svayan furtila evan svasth anubhav karenge. svasthya raksha ke niyamon men vayu, shram, ahar evan jal anivarya hain, to kuch parhej bhi jaruri hai. achche svasthya ke lie sabhi prakar ke nashile padarthon ka tyag karna chahie kyonki ye dimag ki snayuon par kuprabhav dalte hain. ye padarth vastav men dimag ko supt evan snayuon ko uÿojit kar dete hain, jiske falasvarup dimag ke nyuraens men kharabi a jati hai aur manushya dhire-dhire nistej hone lagta hai. vah apni sochne ki shakti ko kho baithta hai. pran shakti ke jagriti karan se samast rogon ka upchar ho jata hai. iske lie surya kiran chikitsa pranali ka sahara liya ja sakta hai. surya ki visheshtaen: û koi said ifekt nahin hota. û lanbe samay tak ya bar-bar ke ilaj se sharir arthat imyun nahin ho hota. û ismen bimari dabai nahin jati balki sistam ko durust kiya jata hai. û yahan ek prakritik upchar hai jiske falasvarup koi bimari bar-bar nahin hoti. is chikitsa se anidra, avsadakh tanav, pagalapan, maigren, parkinsan rog, mirgi adi se bachav hota hai. iske atirikt smaran shakti tatha dimag ki koshikaen pusht hoti hain. vahin bachchon ke dimag ka samuchit vikas hota hai. yah chikitsa kil-munhason aur fore-funsiyon se bachav men bhi sahayak hoti hai. yah thairaeid ki bimari sainas, dama, ti. bi. adi se bhi hamen bachati hai. spaundlaitis, aestiyo artharaitis, gathiya, shiyatika, ghutne ke dard evan unki nirbalata, pith dard, kamar dard, rirh ke antim chor par dard, pasliyon men dard adi ke ilaj men bhi yah labhdayak hoti hai. û is chikitsa se pet dard, hajme ki samasya, esiditi, alasar, pet men kire adi se bhi bachav ho sakta hai. û yah lakva, poliyo, manspeshi ki kamjori adi ke ilaj men atyant labhdayak hoti hai. koi bat nahin. istemal karen surya kiran chikitsa. û yah upchar niyamit rup se karte rahne se thakan, badan dard adi se mukti tatha kisi ang ke jal hone par uske jalan se rahat milti hai.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2008

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.