nyuyark men rahne vale ek vyavsayi ke kahne par abhi kuch samay pahle pandit ji gudganv ki unki ek garment faiktri ko dekhne gaye. vyavsayi ki aur bhi kai kanpniyan hain jo barhiya chal rahi hain parantu is nai faiktri men manchahi groth nahin ho pa rahi hai. iske banne ke bad unka bharat ana bhi kam ho gaya hai.
faiktri ke pichle hisse men bahut dinon se ve ai0 ti0 park banana chah rahe the lekin koi n koi arachan, paise ki kami, laisens ityadi ke karan yah projekt talta hi ja raha tha. pan. ji ke puchne par unke janaral mainejar ne bataya ki dakshini disha men bane kaintin ke shed dalne ke bad se kam bahut kam ho gaya hai tatha samasyaen jyada barh gai hain.
vastu nirikshan ke samay paye gaye dosh :
- mandir ke karan ishan kon band ho gaya tha jo dhan ke pravah ko rokne tatha mansik tanav ko barhane ka karya karta hai. iske sath hi bhari stor bhi pement ke tut-tut kar ane ka karan banta hai.
- vayavya kon ka band hona bhi apsi samanjasya ki kami v dhan hani ka karan hota hai.
- plaet ke purva v dakshin men sarkane thin. ek get dakshin-pashchim men tha tatha ek uttara-purva men. pan. ji ne bataya ki dakshin men khula sthan bhari kharch, har kam men vighn badha v ay men kami deta hai. nairritya men get ka hona bhi anchahe kharche, kanuni samasyaon tatha malik ko bahar rakhne ka karya karta hai.
sujhav :
- uttara-purva ke kamre ko gira dena chahie. adhikatam dhan pravah v chahunmukhi vikas ke liye vahan favvare banane chahie.
- ishan kon ke kamre men rakhi murtiyon ko bagal vale kamre men purva ki divar par halke lakri ka slaib dalakar punah sthapit kar dena chahie.
- dakshin men kaintin ki unchai kam hone se faiktri purnataya kam nahin kar pati hai use mukhya bilding se alag kar dena chahie. faiktri ke dakshin men char fut unchi divar banakar pichle hisse ko alag kar dena chahie. isse usmen bhi jald kam shuru hoga tatha chalti faiktri jyada chalegi.
jivan men jarurat hai jyotishiya margadarshan ki? abhi bat karen fyuchar point jyotishiyon se!