सूर्य - धूप

surya - dhup  

Ank ke aur Lekh | Sambandhit Lekh | Views : 2454 |  
yah to ham sabhi jante hain ki dhup se hamen vitamin ‘di’ prapt hoti hai. yah vitamin bhojan pachane vali anton men pahanchakar amla aur kshar ki utpatti kar bhojan ko pachane men sahayta karta hai jisse kailshiyam aur fasforas jaise tatva nikalakar rakt men milte hain. rakt men in tatvon ka hona surya ki dhup par hi nirbhar karta hai. dhup haddiyon ki kamjori ko dur karti hai, kailshiyam pradan karti hai, sharir ki raksha aur vikas men sahayak hai tatha rakt men himoglobin tatva ki vriddhi karti hai evan thayraid glaind ko adhik karyashil banati hai. dhup surya se prapt hoti hai aur surya-dhup snan se tvacha sanbandhi rogon se mukti milti hai. yadi surya n ho to hamen n to garmi mil sakegi aur n prakash. chunki ham surya prakash ka sahi dhang se upbhog nahin karte isilie ham purn rup se arogya nahin hote. thik usi tarah jis tarah ham jal snan kar svachch aur taro-taja mahsus karte hain usi prakar surya snan se ham sharir ke kai prakar ke rogon ko dur kar sakte hain. pratah kal surya ki kirnen nagn sharir par lene se chehre ka fikapan aur durbalata dur ho jati hai. pachan shakti badhti hai. nange sharir dhup men ghumna bhi labhdayak hai. koi dekh n sake, aisa sthan dhandhakar yah karya kiya ja sakta hai. yadi aisa sthan upalabdh n ho to barik langoti pahan kar surya snan karen. sharir panch tatvon ka putla hai arthat agni, jal, vayu, dharti aur akash. agni tatva ki prapti surya se hai. arthat surya ke bina prani ka jivit rahna asambhav hai kyonki iske bina paryapt garmi tatha jivan ke anivarya sajiv vayu aur jal nahin mil sakta. surya ke nitya sevan se vat-pitt evan kaf ke prakop se utpann samast rogon par vijay pakar manav sau varsh tak jivit rah sakta hai. surya kirnon men bauddhik shakti badhane ki vishesh shakti hoti hai aur usi shakti dvara karya men rat hone ki prerna milti hai. suryoday hote hi sabhi jivon ka alas dur hokar un men navin sfurti, chetna, asha evan utsah ka sanchar hota hai. surya-dhup svasthyavardhak hoti hai. prayah parde men rahne vali aurton ka mukh jard, haddiyan kamjor, tvacha rukhi murjhai si dikhti hai. iska karan unka surya-prakash se dur rahna hai. iske viprit nange sharir bahar khalihanon, kheton men kam karne vale logon ki tvacha kitni satej chikni svasth aur sundar hoti hai yah bas dekhte hi banta hai. unke bachche jo hamesha dhup men nange sharir ghumte-firte hain, kabhi asthi vikriti evan anya rogon se pidit nahin hote. iska karan surya-prakash se pasine ka niklna, charbi ka pighlna, jisse motapa ghatta hai, sharirik-shakti aur utsah men vriddhi aur sabhi vikaron se mukti prapt hoti hai surya-dhup-prakash, rashmiyan tvacha rog jaise dad, fafole, kodh, rakt bahav, jalodar,jvar,atisar dard evan vedna ko nissandeh thik karti hai. yakrit, gurda, stan, pliha chullika, kalom adi granthiyon ke srav men paraspar santulan tatha samanta paida kar sharir ko unnat banati hai. dhup lene ke niyam dhup lene ke lie mausam ka vishesh dhyan rakhen. garmi men dhup hamesha pratah kal surya uday ke samay hi leni chahie. uprant garmi badhne se dhup hanikarak ho jati hai. pratah kal surya uday ke samay ki altravayalat kirnen hamare sharir ke lie uttam hain. sardi ke mausam men dhup bahut suhani lagti hai. pratah kal se dopahar tak dhup li ja sakti hai. dhup jab bhi len sir ko hamesha saye men rakhna chahie athva sir par thande pani se bhigi nichudi tauliya rakhni chahie aur yadi dhup tej ho to aisa karne ki avashyakta nahin hai. surya se garmi aur prakash danon milte hain. prakash men poshak gun hota hai usse shakti milti hai. kintu garmi se kamjori ati hai. atah garmi ki apeksha prakash men rog nivarak gun hai. pahadon par dhup snan ka vishesh mahatva hai kyonki vahan ka prakash thanda aur chamatkari hota hai. isi adhra par kshaya-rogiyon ko pahad par rahne ki salah di jati hai. pahadon ki dhup ka upyogi hone ka karan yahi hai ki vahan dopahar ki dhup halki hoti hai sath hi us samay ki surya rashmiyon men nile, asmani evan altaªvayalat, jo kshaya-rogiyon ke lie upyogi hain, ki pradhanta hai iske viprit maidani ilakon men dopahar ki dhup ko bardasht karna mushkil hota hai islie apni shakti aur samathrya ke anusar dhup snan ko ghataya-badhaya ja sakta hai. samudra ka kinara dhup lene ke lie sarvottam mana gaya hai kyonki vahan dhup ke sath-sath snan ka bhi anand liya ja sakta hai. thandi hava ke jhanke man ko bhav-vibhor kar dete hain. surya-rashmiyon ki shakti apne sharir ke andar jajb karne ke lie shital pani athva shital pani men bhigoi nichodi tauliya se sharir ko halke-halke ragdna chahie. surya jalvayu evan ritu men pratah 6 se 7 baje tak samay upyukt hai. pachn-pranali aur surya rashmiyan surya rashmiyon se sharir ki pachn-pranali kriyashil hoti hai. surya ki garmi ke anusar hi pachan pranali prabhavit hoti hai. barsat ke mausam men jab dhup nahin milti to pachan pranali mand ho jati hai. yahi karan hai ki un dinon keval ek hi samay bhojan karne ki pratha hai kai dharmon men yah pratha prachlit hai. suryast ke bad n khane ka vidhan bahut hi gunkari hota hai. iske labh hain ki bhojan sarlta se pach jata hai aur nind gahri ati hai. surya rashmiyon men poshan tatva: fal, sabji evan anaj jitna hi surya rashmiyon ko apne men jajb karte hai utna hi usmen poshan tatva prakritik lavan evan vitamin adhik matra men paya jata hai. yahi karan hai ki chaval ki apeksha gehan anya falon ki apeksha santra, seb, am, badam, kaju pista adi men adhik poshak tatva hota hai. hamare khadyon men jitni hi dhup lagti hai ve utni hi poshak gun vale svadisht evan upyogi siddh hote hain. atah fal sabji adi ko vrikshon par hi puri tarah se pakne dena chahie. jo fal vrikshon, surya ki dhup aur prakash men pakte hain unhen khane se sharir ko surya-rashmiyon ka svasthyaprad labh milta hai.
Kya aapko lekh pasand aaya? Subscribe

Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.