शिक्षा एवं परीक्षा में सफलता

shiksha evan pariksha men saflta  

Future Point
Views : 2814 | February 2017

vidya prapti v pariksha men saflta prapti men badha dene vale jyotishiya yog kya hain tatha inhane dur karne hetu achuk upay vidya ya shiksha ka vichar mukhyatah ‘panchm’ bhav se kiya jata hai. parantu ‘vidya’ ko ‘dhan’ kaha gaya hai atah dvitiya dhan bhav se kisi bhi balak ki praranbhik shiksha’ ka vichar kiya jata hai. sath hi chaturth bhav se bhi shiksha ka nirnay karte hain. navam bhav jise ‘bhagya’ bhav kahte hain, yah pancham se pancham bhav hone tatha dasham bhav ‘karma’ bhav hone se in donon se bhi ‘uchch shiksha’ ka vichar kiya jata hai. is tarah shiksha ka vichar 2, 4, 5, 9, 10 bhavon se kiya jata hai, lekin pancham bhav shiksha ya vidya ke sath kisi bhi kshetra se jura ‘gyan’, buddhi evan vivek ka bhi hai. vidya ke karak grah brihaspati, budh v chandra tatha lagnesh evan rashish ka vichar bhi shiksha prapti men mahatvapurn hai.

yadi uprokt bhavon ke svami, karak, lagnesh v rashish bali hokar kendra, trikon men sthit hon tatha pap prabhav se rahit hane to vidya asani se prapt ho jati hai. iske viprit yadi inke svami nirbal hokar, trik bhav men hane ya pap prabhav yukt hon to vidya ya pariksha men badha v parhai men aruchi hoti hai. vidya prapti ke yog

1. yadi panchmesh pancham men svagrihi ya navam ya lagn men bali (uchch, svagrihi ya mitrarashigt) ho to jatak vidvan hokar asani se shiksha arjit karta hai.

2. yadi tinon hi trikon bhav men bhav parivartan ho arthat lagnesh-panchmesh men, lagnesh-navmesh men ya panchmesh-lagnesh men ho to jatak gyani hota hai. inke lagnesh-panchmesh men bhav parivartan hai tatha lagnesh, rashish guru pancham men uchch ka sthit hai, atah niyam-1, 2 ka palan ho raha hai. sabhi jante hain ki ye mahapurush gyani hone ke sath prasiddh kavi the. sath hi atmakarak grah ‘surya’ uchch ka dvitiya bhav men ‘budhaditya’ yog bana raha hai.

3. kark lagn men lagnesh pancham bhav ya lagn men (svagrihi) ho to jatak ko vidvan banata hai. javahar lal nehru ji ki kundli men chandra lagn men svagrihi tha. arthat, chandra lagnesh, rashish hokar lagn men bali tha.

4. dvitiyesh, kendra ya trikon men ho to jatak anek vidhaon ka gyata hota hai. ravindranath taigor ki kundli men dvitiyesh chaturth kendra bhav men sthit hai.

5. guru ka 2, 4, 5, 9 se ya chaturthesh ka navmesh se sanbandh ho to jatak ki shiksha men gahri ruchi hoti hai.

6. yadi 11ven bhav men budh, guru ya guru, shukra sthit ho to jatak ki shiksha men gahri ruchi uski ajivika ka sadhan banti hai.

7. lagnesh v ashtamesh men bhav parivartan yog ho to jatak shiksha men gahri ruchi ke sath vaigyanik banta hai.

8. lagn men chandra aur budh ki yuti jatak ko vaigyanik, acharya ya kavi banati hai.

9. yadi lagnesh, panchmesh aur navmesh ki yuti dasham bhav men ho to jatak ki shiksha men gahri ruchi ke sath vah vaigyanik hota hai, vaigyanik albart ainastin ki kundli men yah yog maujud hai.

10. navmesh ki budh ke sath yuti jatak ko vidyabhilashi v buddhiman banati hai. vaigyanik albart ainstin ki kundli men navmesh shani, budh ke sath sthit hai. arthat yah yog maujud hai.

11. yadi kundli men budhaditya yog maujud ho to jatak vidvan v khoji pravritti ka hota hai. kundli-1 ya 2 men yah yog maujud hai faltah gurudev ravindranath taigor v vaigyanik albart ainstin donon hi vidvan aur khoji pravritti ke the.

12. mesh lagn men pancham bhav men surya ho arthat svagrihi ho tatha sath men budh ke sath budhaditya yog banta ho to jatak buddhiman v gyani hota hai.

13. tritiya men sthit budh, buddhi v parakram ke sath shiksha karvata hai.

14. yadi surya dasham bhav men sthit ho tatha dashmesh ki is par drishti ho to jatak ki shiksha men ruchi hoti hai tatha vah vidvan hota hai.

15. yadi budh, 11ven bhav men sthit ho tatha is par drishti ya yuti dvara shubh prabhav ho to jatak ki vidya v kavya kala men vishesh ruchi hoti hai.

16. panchmesh, navam bhav men ho ya navmesh, pancham bhav men sthit ho ya donon men bhav parivartan yog ho to jatak vidya men ruchi lene vala tatha buddhiman hota hai.

17. panchmesh, dasham ya navam bhav men sthit ho to jatak vidya ka dhani hota hai.

18. chaturthesh lagn men vargottam ho to uchch shiksha ka yog banta hai.

19. yadi dvitiya bhav men vargottam guru ya shukra sthit ho to jatak anek vidya ka gyata hota hai.

20. yadi 2 ya 11 bhav men budh v shukra ho to jatak vedanti hota hai.

21. yadi saumya grah, lagn men uchch ke sthit ho to jatak uchch koti ka vidvan hota hai.

22. budh se trikon men mangal tatha chandra se trikon men guru ho to jatak ekadhik vishyon ka gyata hota hai.

23. yadi guru, pancham bhav men bali ho to jatak buddhiman hone ke sath ka shikshit uchch koti ka hota hai.

24. yadi 1 v 4 bhav v inke svami tatha budh ka sanbandh ho to jatak vidya men ruchi ke sath safal hota hai.

25. yadi navam bhav men shani v guru ki yuti ho to jatak ki vidya men vishesh ruchi hoti hai v safal hota hai.

26. yadi shani ka prabhav 2, 4 bhav v inke svamiyon tatha guru par ho to jatak shiksha kshetra men ruchi ke sath safal hota hai.

27. pancham bhav men shukra sthit ho to vidya ke prati ruchi darshata hai tatha jatak granthkar banta hai.

28. yadi panchmesh saumya grah hokar kendra men bali (uchch, svagrihi ya mitrarashigt) sthit ho to jatak adhyayan hetu videsh jata hai. yadi lagnesh bhi bali ho tatha saumya grah yukt ho to bhi jatak videsh men shiksha arjit karta hai.

29. yadi pancham bhav men shubh grah shubh rashi men sthit ho to jatak karya kshetra men ruchi ke sath uchch shiksha hasil karta hai.

30. yadi pancham bhav v bhavesh par shubh grahon ka drishti/ yuti dvara prabhav ho to jatak vidvan, gyani hota hai.

31. yadi panchmesh, dasham ya ekadash bhav men sthit ho to jatak vidvan hota hai.

32. yadi chandra, budh ya guru bali hokar kendra men sthit ho to jatak uchch shiksha hasil karta hai tatha vah buddhiman, gyani hota hai.

33. yadi budh v guru ki yuti ho.

34. yadi chandra v budh men paraspar 3-11 ya 5-9 sthiti ho tatha brihaspati se drisht ho to jatak prakhar buddhi ke sath shiksha arjit karta hai.

35. yadi lagn evan chaturth bhav men bhav parivartan yog ho to jatak uchch shiksha arjit karta hai. yadi chaturthesh v lagnesh bhi apne-apne bhav men svagrihi ho to panch mahapurush ke yog banakar uchch shiksha hasil karta hai. yah yog udaharan kundli -3 (pan. nehru) men asani se dekh sakte hain.

36. yadi brihaspati, navam sthan men sthit ho tatha budh aur shukra ki is par drishti ho ya navam men ye tinon grah hane to jatak vidvan hokar shiksha men safal hota hai.

37. yadi budh v guru ke sath shani navam men sthit ho to jatak vidvan hokar shiksha arjit karta hai.

38. guru, chandra, budh yadi saptamesh se 4, 8, 9 bhav men ho to jatak uchch shiksha hasil karta hai.

39. chandra se trikon men guru, budh ho tatha inse trikon men mangal ho.

40. shukra v budh uchch ke hon tatha guru kendra trikon men ho to jatak profesr/vaigyanik hota hai.

41. lagn men mangal ho, chaturth men budhaditya yog ho tatha dasham men shani$chandra ho to jatak uchch shiksha hasil karta hai.

uchch shiksha yog

1. sarasvati yog: yadi guru v chandrama men bhav parivartan yog ho ya chandra par guru ki drishti ho to yah yog banta hai. aise vyakti sarasvati ke putra kahe jate hain. ye kavya, sangit, sahitya v kala kshetra men vilakshan hote hain. udaharan kundli-1- ravindranath taigor ji ki kundli men yah yog maujud hai.

2. shankh yog: yadi panchmesh v shashthesh kendra men lagnesh ke sath sthit ho to yah yog banta hai. aisa vyakti shiksha ke kshetra men apar unnati karta hai.

3. budhaditya yog: yadi patri men surya$budh ek sath sthit ho to yah yog banta hai, ye khoji pravritti ke hote hain aur shiksha kshetra men saflta hasil karte hain. udaharan - ravindra nath taigor, vaigyanik albart ainstin adi ki kundli men yah yog maujud hai.

vibhinn lagnon men uchch shiksha yog

1. mesh lagn men pancham men budh sthit ho tatha panchmesh surya par guru ki drishti ho.

2. mithun lagn men lagn men shani, tritiya men shukra, navam men guru ho.

3. kark lagn men lagn men budh, guru (uchch ka) v shukra sthit ho.

4. kanya lagn men 11ven bhav men guru v chandra tatha budh (lagnesh) navam bhagya bhav men sthit ho.

5. tula lagn men ashtamasth shani, guru se drisht ho tatha navam bhagya sthan men budh (svagrihi) ho.

6. vrishchik lagn men, lagn men budh v suyar, navam men guru v chandra ho.

7. dhanu lagn ho, lagn men guru, pancham men mangal v chandra sthit ho to uchch shiksha ka yog banta hai.

vigyan v takniki kshetra men shiksha prapti yog

1. budh yog: guru lagn men ho tatha chandrama se tritiya bhav men surya v budh ke sath mangal ho to jatak vigyan ke kshetra men unnati karta hua vaigyanik banta hai.

2. yadi lagnesh v ashtamesh men bhav parivartan yog ho to jatak vaigyanik hota hai. udaharan kundli-4 (vaigyanik jagdish chandra bos) men lagnesh shukra ashtam bhav men v ashtamesh guru lagn men sthit hai.

3. yadi mangal uchch ka hokar navam bhagya bhav men sthit ho tatha is par shani ki purn drishti ho tatha mangal ki purn drishti se shani ko dekhta ho tatha panchmesh ya guru kendra men sthit ho to jatak vigyan ya takniki kshetra men saflta hasil karta hai. kundli-4 (shri bos) men mangal navam men uchch ka, mangal, shani men paraspar drishti sanbandh tatha guru lagn kendra men sthit hai faltah shri bos vaigyanik hue.

4. yadi ashtamesh bali hokar, tritiyesh se yuti kare to jatak vaigyanik, avishkarak, anusandhanakatrta hota hai.

5. yadi dasham men chaturthesh budh, shani ke sath sthit ho to jatak vaigyanik, takniki visheshagya hota hai. udaharan kundli-2 (albart ainstin) ki kundli men yah yog maujud hai, faltah ve vaigyanik the. inka chaturthesh budh, dasham men shani ke sath sthit hai.

6. yadi mangal, dashmesh hokar ekadash bhav men budh ke sath sthit ho, navansh kundli men dashmesh ke navanshesh par mangal evan shani ka prabhav ho tatha navmesh svayan navam yani bhagya sthan ko dekh raha ho to jatak takniki kshetra men uchch shiksha hasil karta hai. vidya badha, pariksha men asflta ke yog vidya karak grahon ka nirbal hona:

1. yadi chandra, budh, guru nich, vakri, ast, mritavastha, shatrurashigat sthit hokar pap prabhav (drishti ya yuti dvara) men ho tatha ye trik bhav men hane to vidya men man n lagna, vidya men badha, pariksha men asflta deta hai.

2. kundli men kalasarp yog ho ya pitridosh (grahan, jar, chandal adi) ho to vidya men badha utpann hoti hai sath hi rahu, ketu ki dasha chal rahi ho.

3. kundli men vish yog ho tatha shani ki sarhesati, dhaiyya, shani ki dasha adi ka samay chal raha ho.

4. ‘kundli men kemadrum yog ho.

5. chandra ka nich ya amavasya ka hona.

6. yadi 2, 4, 6, 9, 10 bhav men nirbal ashubh grah ho ya inke svami nirbal (nich, shatrurashigat, ast, vakri adi) hokar trik bhav men sthit ho ya in par pap prabhav ho ya pap kartari prabhav men ho to jatak ko vidya badha, man n lagna, pariksha men asflta deta hai.

7. yadi ashubh rahu 2, 10, 6, 8, 12 bhav men ho to jatak ka parhai men man nahin lagta jisse shiksha badhit hoti hai. yadi ashubh shani 5, 8 bhav men sthit ho to vidya badha deta hai.

vidya badha, dur karne ke upay:

1. lagnesh, panchmesh, navmesh tinon ka sanyukt rup se trishakti pendent gale men dharan karen. yadi kalasarp yog, grahan yog ho to is trishakti pendent ko vashikaran ya bisa yantra laeket men banvakar gale men dharan karen.

2. yadi kundli men kemadrum yog ho to uprokt, pendent gale men dharan karen.

3. yadi kundli men kalasarp yog ho to iska kavach gale men dharan karen.

4. dvitiyesh, chaturthesh, dashmesh yadi lagnesh se mitrata rakhe to inke ratn dharan karen anyatha mantra jap ya dan karen.

5. yadi guru, chandra, budh kamjor ho aur lagnesh ke ratn se mitrata rakhte hon to inke ratn dharan karen ya upay karen.

6. jab jatak par jis grah ki mahadsha chal rahi hoti hai to vah grah adhikatam prabhavi hota hai atah jis grah ki mahadsha chal rahi ho iske yantra ke niche uska ratn lagvakar iske dayin v bayin or isko shubhatva pradan karne vale grahon ke ratn ko jarakar shubh prabhav men vriddhi ki jati hai. isse samay anukul hota hai tatha vidya badha dur hoti hai.

7. ganeshji v sarasvati ji ki nitya puja karen, isse rahu, ketu ke ashubh prabhav bhi dur hote hain. buddhi, vivek, gyan, vidya men vriddhi hoti hai. inke mantra jap karen. ganesh rudraksh v sarasvati kavach gale men pahnen. inke mahayantra sthapit karen.

8. dashmhavidya men bhuvneshvari v tara ji ki puja karen. isse vidya badha dur hoti hai. yantra sthapit karen.

9. vidya, svasthya hetu gayatri mata v shivji ke mahamrityunjay mantron ka nitya jap karen.

10. yadi kisi jatak ke pas janmapatri n ho to sarni anusar navagrah paindal gale men pahnen.

11. vidyarthi ki smaran shakti men vriddhi tatha pariksha men saflta hetu ramayan ki nimn chaipai ka vishvas ke sath jap karen- ‘‘jehi par kripa karhin karu jani, kavi ur ajar, namavhi bani. mori sudhar hi so sab bhanti, jasu kripa nahin kripa aghati.

12. bhuli hui parhai yad karne, smriti barhane hetu kamalagatte ki mala se pratidin ek mala nimn mantra ka jap karen: ‘‘gai bahor garib nebaju. saral sabal sahib raghuraju..’’

13. uchch shiksha hetu rudraksh mala se pratidin 1 mala nimn mantra ka jap karen: ‘‘guru grah gaye pathan raghurai. alp kal vidya sab ai..

14. vidyarthiyon ko purva ki or sir karke sona chahie.

15. parhte samay munh purva, ishan ya uttar ki or rahe ya yadi janmapatri men ekadshesh jis rashi men sthit hai, us rashi ke svami grah ki jo disha hoti hai us disha men munh/ sir (mastaka) karke hi sona/prhai adi karya karne chahie. isse saflta milti hai.

16. parhai karte samay piche ki divar thos ho. khirki ya darvaje n hane. bim ke niche baithna, sona nahin chahie. is dosh ko dur karne hetu khirki/drvaje ke sthan par pahar ka foto lagana chahie aur bim par bansuriyan tang deni chahie. ismen piramid ka upyog bhi labhaprad hai.

17. bachchon ke pustak adi pathyasamagri, almariyan dakshin divar par banayane tatha band rakhen. tebal lakri ka ho tatha trikon n ho. parhai mej ke upar divar par ganesh ji-sarasvati ji ka foto lagayen. uttar men pine ke pani ki vyavastha karen.

18. parhai mej par kristal bael rakhen tatha din men nyunatam ek bar ise avashya ghumayen. iske alava manchitra vala glob, sfatik kachua bhi shubh rahta hai. mej par ejukeshan tavar bhi rakhna achcha rahta hai.

19. pariksha dene jane se purva mitha dahi khakar, ganeshji - sarasvatiji ka ashirvad lekar jayane tatha gay ko gur, roti khilakar jayen.

20. shishu jatak ke garbh se niklne ke bad uski jibh par, chandi ki shlaka shahad men bhigokar, usmen ‘ain’ mantra likh dene se balak vidvan banta hai. yadi janm samay aisa sanbhav n ho to yah kriya budhvar ya panchmi ko karen.

21. yadi man ki chanchlta ke karan parhai nahi ho rahi ho to laung ko apne upar se 7 bar utar kar bahar sarak par fenk den, man ki chanchlta dur hokar nirnay kshamata men vriddhi hogi.

22. ganesh ji ko pratidin (kam se kam budhvar/chturthi ko) 3 se 5 pattiyon vali 21 durva ka pura banakar charhayen. lal pushp gulab, kaner, gulahar adi charhayane. laddu ka bhog lagayen. un gan ganptye namah mantra ka jap kar inke 12 nam ka path karen. shiksha badha dur hogi.

23. pariksha dene jate samay yadi vidyarthi ko raste men kisi bhi per ka patta girta dikhai de, to use jamin par girne se purva hi pakar kar jeb ya baig men rakh len, us din pariksha achchi hogi.

24. svar shastranusar jab dayan svar (surya) chal raha ho tab kathin vishay parhen. pariksha men jate samay jo svar chal raha ho usi ke anurup pair ghar se bahar rakhen. pariksha rum men bhi aisa hi karen.

25. bachche ki kalpanashakti men vikas hetu mej par urne vale pakshi finiks ka chitra, piramid ya unchi minar ka chitra rakhna chahie.

26. bachchon men karyakshamata men vikas hetu sat ghantiyon vali pavan ghanti kamre men pashchim men lagayen.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

shani visheshank  February 2017

futuresamachar-magazine

sarvashreshth jyotishiya patrika fyuchar samachar ka shani visheshank pathkon men vishesh lokapriya hai. gat 1 dashak men iski vishesh mang barhi hai. islie ise har varsh prakashit kiya jata hai. is visheshank men shani grah se sambandhit anek gyanavardhak lekh shamil kie gaye hain, jinmen shani ek parichay, sannyas ka karak shani, shani ki sarhesati v dhaiyya ka prabhav, surya shani yuti, shukra-shani ka vichitra sambandh tatha rog ka karak shani ityadi lekh samavisht hain. iske atirikt samyik charcha ke antargat panch rajyon ke agami vidhansbha chunavon par jyotishiya paricharcha vishesh akarshan ka kendra hai. is visheshank men virat kohli v anushka ke prem sambandh tatha vailentain de ke atirikt sthayi stambhon men shamil kie gaye lekh v panchang se sambandhit jankari bhi pathkon ke lie upayogi rahegi.

Subscribe


.