शुभ मुहूर्त में कार्य करने से क्या भविष्य बदल सकता है?

shubh muhurt men karya karne se kya bhavishya badal sakta hai?  

Ank ke aur Lekh | Sambandhit Lekh | Views : 2287 |  
shubh muhurt men karya karne se kya bhavishya badal sakta hai ? manav sadaiv, apne jivan ko sukhamay banane hetu, karya aranbh karne se purva ek achche samay, ya avasar ka chayan karta hai, taki, bina kisi pareshani ke saflta prapt kar, jivan ko unnati ke marg men agrasar karne ke sath-sath, man-samman bhi prapt kar sake. samay chayan ki prakriya hi ‘muhurta’ kahlati hai. muhurt ke chayan men ham, panchang, tithi, var, nakshatra, karn aur yog ka upyog karte hue, har karya ke lie alg-alag samay ka nirdharan karte hain, taki manvanchit fal ki prapti ki ja sake. samay kisi ko bhi balvan aur nirbal banane ka samathrya rakhta hai. ek muhurt kisi ke lie labhkari to kisi aur ke lie vinashkari ho sakta hai. iska sabse uttam udaharan hamen mahabharat ke samay men prapt hota hai. mahabharat ke yuddh men svayan vijay prapt karne aur pandvon ki parajay sunishchit karne ki kamna se dhritrashtra ne yuddh aranbh karne ke lie muhurt niklvaya. is tathya ka pata shri krishn ko tha. atah shri krishn arjun ko, moh ke vash kar, svayan hi use gyan dene lage. jaise hi kaurvon ke paksh ka samay samapt hua tatha padanvon ke lie uttam samay aya, yuddh ka shri ganesh kar diya gaya. jo uttam samay dhritrashtra ne yuddh ke lie chuna tha, vah samay shri krishn ne arjun ko updesh dene men vyatit kar diya. is udaharan se yah spasht ho jata hai ki vibhinn jatkon ke lie ek hi samay, vibhinna-vibhinn karyon hetu upyukt ho sakta hai. is prakaran men jatak, ya ghatna ke lie, panchang dvara, lagn aur chandra lagn ka upyog kar, uchit muhurt ka chayan kiya ja sakta hai. is tarah spasht hai ki shubh muhurt men karya karne se bhavishya ko badla ja sakta hai. janm samay ko ek muhurt mana ja sakta hai, kyonki janm samay aur chandra ke uday hone ke samay ki sthiti par shishu ka bhavishya adharit hota hai. is sandarbh men akabar ke janm ka udaharan sarvacharchit hai. kaha jata hai ki akabar ki mata ko jis samay prasav pira shuru hui, us samay ke anusar bhavishya uttam nahin tha. parantu prasav pira ruk gai (ya roki gai yah tark ka vishay hai). fir kuch samay uprant jab pira fir shuru hui, tab grah lagn ki sthiti men a kar ujjval bhavishya ko dikha rahe the. akabar mugal samrajya ke mahan shasak siddh hue. tatparya yah ki shubh muhurt men kiya gaya karya jivan ko uttam path par le jata hai. muhurt ka arth hai kisi karya ko aranbh karne ka falit jyotish ke anusar nikala gaya shubh kal.shis tarah shubh muhurt men aranbh kie jane vale karya ki saflta ki sanbhavna prabal ho jati hai. sachcha muhurt ek hai, jab aye hari nam. lagn, muhurt jhuth sang, aur bigare kam.. jyotishiya muhurt vidhata ke vidhan ko nahin tal sakte. han, usmen sakaratmak badlav avashya kar sakte hain. jyotish ke prakand pandit muni vashishth ne prabhu shri ram ke rajya tilak ka muhurt nikala. lekin thik usi samay ram ko banvas men jana para. vashishth ke muhurt ka sakaratmak parinam yah nikla ki shri ram ka van gaman lok kalyankari evan dharmarakshak siddh hua. muhurt paristhitiyan nahin badal sakte, par unki disha avashya badal sakte hain. is drishti se muhurt atyant mahatvapurn hote hain. jivan men aise kai akasmik karya hote hanai, jab muhurt dekha hi nahin ja sakta. kya sipahi yuddh kshetra men muhurt dekh kar jate hanai ? agar kisi ko hridyaghat ho gaya ho, athva uske sath koi durghatana ho gai ho, to kya muhurt dekh kar use daktar ke pas le jaya jae ? avashyakta hai muhurt ke saragarbhit arth ko samjhne ki, n ki uske andhanukaran ki. sabhi vivah shubh muhurt men hi hote hain. parantu anekanek asafal hote hain. saflta ki kunji shuddh bhavna se karya ko praranbh kar uske nishpadan men chipi hai. inhin bhavnaon ke sath muhurt prabhavi hote hain. muhurt ke bare men kuch kahna vaise hi hai jaise ki kisi kar ke bare men kahen ki kya yah kar sahi salamat chal kar hamen hamare gantavya sthan tak pahuncha degi? yah bat nirbhar karti hai us kar ki har mashin ki achchi halat par, pahiyon men uchit matra men hava hone par, usmen uchit matra men sahi map ka petrol ya dijal hone par aur sahi daksh chalak par. inmen se kisi ke bhi sahi nahin hone par kar gantavya sthan tak sakushal evan samay par nahin pahuncha sakti. usi prakar shubh muhurt bhi hamare, athva kie gae karya ke bhavishya ko purn rup se nahin badal sakta. ashubh muhurt, arthat tithi, var, nakshatra, yog, karan aur ghati, chaighriya, hora adi ke sanyog se hone vale ashubh fal se shubh sanyog vale shubh muhurt men karya kar ke shubh fal prapt kiya ja sakta hai tatha tithi, nakshatradi se hone vale bure fal se bacha ja sakta hai. shubh muhurt anya baton se hone vale kuflon ko nahin hata sakta, jaise kar ki jo chij thik hogi, keval usse hone vali rukavat, ya pareshani hi dur hogi, anya chijon ki kharabi dur nahin ho sakti. muhurt ka mahatva ek chota sa bachcha bhi janta hai. vah janta hai ki mata-pita se yadi uchit samay par, arthat jab unka mijaj achcha ho, koi mang ki jae, to uske pure hone ki sanbhavna adhik hoti hai, basharte mang aisi ho, jise pura karne men mata-pita samarth tatha saksham hon. atharva ved men shubh muhurt men karya praranbh karne ke vibhinn sutra bikhre pare hain. is ved men arogya, dirghayu, dhan-samriddhi, vyavsay men unnati, rajapaksh se anukulta, padonnati, vidya, buddhi men pragti, shatru par vijay, dampatya evan santan sukh adi ki prapti ke lie vibhinn karyon ko shubh muhurt men aranbh karne ka vidhan spasht rup se milta hai. vaidik-pauranik kathaon ke anusar shubh muhurt mane karya aranbh karne ka mahatva duryodhan bahut achchi tarah se janta tha. shubh muhurt ki jankari panch pandvon men sahdev ko thi. yuddh praranbh hetu muhurt nikalne ke lie duryodhan sahdev ke pas gaya. sahdev ne shubh muhurt nikal kar amavasya ka din bataya. duryodhan ke vapas jane ke bad shri krishn ne sahdev se uske ane ka karan pucha. sahdev ne unhen sari bat bata di. tab shri krishn ne kaha ki jo shubh muhurt nikal kar diya hai, us muhurt men yuddh praranbh hone se tumhari parajay nishchit hai. tab pandvon ne shri krishn se is sankat se bachane ki prarthana ki. tab shri krishn ne kuch upay kiya. amavasya se ek din pahle hi apne sab shishyon ko le kar shri krishn nadi ke ghat par gae aur ‘aj hi amavasya hai’ bol kar tarpan adi karne ka svang kiya. iska samachar jab duryodhan ko mila, to duryodhan ke man men sanshay hua ki kya aj, ek din pahle hi amavasya hai ? galat soch kar duryodhan ne amavasya se pahle din ko amavasya samajh kar yuddh praranbh kar diya. falasvarup yuddh men kaurvon ki har aur pandvon ki jit hui. is tarah se shubh-ashubh muhurt men karya praranbh karne se bhavishya badal jata hai. krishak dvara shubh muhurt men aktubr-navanbar men bij boe jane se achchi fasal hoti hai. yadi krishak sitanbar ya agast ke muhurt men bij boe, to fasal kam hogi. yadi ashubh muhurt, ya soi hui jamin par bij boega, to fasal nahin uthegi. bhavishya parivartan ka bhavarth udhrvamukhi bhavishya parivartan se hai, jisse arth, dharm, kam evan moksh prapti ka marg prashast ho. shubh muhurt men karya karne se karya men saflta ki sanbhavna prabal hoti hai, jo udhrvamukhi bhavishya parivartan ka karan banti hai. is prasang men kashyap evan vashishth ji ka vachan ullekhniya hai: ‘siddha tithi siddhida syatsarvakaryeshu sarvada’ manonukul karya nishpadan se sankalp shakti ki drirhta men vriddhi hoti hai evan drirh sankalp shakti karyakshamata vriddhi ki setu hai. acharya ke adholikhit vachnon se spasht hoga ki shubh muhurt men karya karne se jatak vidvan, dhani, yashasvi aur shubh karmi to hota hai aur uske karya ki saflta sunishchit hoti hai. vyayasht shuddhopchye lagnake shubhdrigyute. chandre trishaddashayasthe sarvarambhah prasiddhayati.. arthat dvadash evan ashtam bhav shuddh ho, upachay ki kisi rashi men lagn ho, jo shubh grah se yukt ya drisht ho, chandra bhav 3, 6, 10 ya 11 men ho, to us muhurt men aranbh kie hue sabhi karya safal hote hain. ‘surye shukre kuje rahau mande chandre budhe gurau. agratah shobhna yatra prishthato marnan bhavet.. yatra ke sanbandh men uparyukt vachan svayan sthiti bodhak hai. janmakrshamas lagnadau vrate vidyadhiko bhavet. arthat janm nakshatra, janm mas, janm lagn, janm tithi evan janm din men upanayan sanskar hone se jatak prasiddh vidvan hota hai. ashubhrvgairnvashtamapadasthai hibuk sahodrlabh grihasthah. kavirih kendragegishpati drishto vasuchay labhkrahkhluyogah.. arthat bhav 6, 8 aur 9 ko chor kar anya bhavon men yadi pap grah hon tatha bhav 4, 3 ya 11 men shukra ho, jis par kendrasth brihaspati ki drishti ho, to yah yog yatra karne valon ko dhan dilane vala hota hai. anyo'nya mitratvavshen sa vadhurbhavetsutaygrihsaukhyabhagini. arthat grahon men paraspar maitri hone par var-vadhu putra, ayu evan grihasthashram ke sukh ke bhagi hote hain. in vachnon se spasht ho jata hai ki shubh muhurt men karya karne se bhavishya badal jata hai. muhurt ki ganna ke lie nimnalikhit kuch mahatvapurn baton ka dhyan rakhna avashyak hai. ghari ka samay sahi hona chahie, taki muhurt ki ganna evan muhurt par sanpann karya sahi falit ho. jis sthan ke lie muhurt nikalna ho, us sthan ke akshansh aur rekhansh ki ganna karni chahie. aisa muhurt nahin chunna chahie ki muhurt ke samay lagn evan chandra vakri grah ke nakshatra, ya nakshatransh par paragaman kar rahe hane. shani-chandra ki yuti bhi nahin honi chahie, anyatha karyon men rukavten aengi, ya karya sahi falit nahin honge. suchak grahon par dusre grahon ki koniya drishti nahin honi chahie. karya shubh muhurt men hi sanpann karna dena chahie; chahe apke mukhya atithi, ya anya ganmanya vyakti samay par padhare n hon.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2009

dipavli par kie jane vale mahatvapurn anushthan evan puja archanaen, dipavli ka dharmik, samajik evan pauranik mahatva, dipavli par panch parvon ka mahatva evan vidhi, dipavli ki pujan vidhi evan muhurt, dipavli par ganesh-lakshmi ji ki puja hi kyon tatha dipavli par prakash evan atishbaji ka mahatva.

Subscribe

Apne vichar vyakt karein

blog comments powered by Disqus
.