अध्यात्म ज्योतिष और वास्तु

adhyatm jyotish aur vastu  

Ank ke aur Lekh | Sambandhit Lekh | Views : 1385 |  
kutah sarvamidan jatan kasmishch laymefyati. niyanta kashch sarveshan vadasva purushottam.. yah jagat kisse utpann hua hai aur kismen ja kar vilin ho jata hai? is sansar ka niyanta kaun hai? he purushottam ! yah batane ki kripa karen. maheshvarah paro'vyaktah chartuvyuh sanatnah. annanta prameyashch niyanta sarvatomukhah.. sanatan anant apramey sarvashaktiman maheshvar sabke niyanta hain. tatva chintko ne unhen hi avyakt karan, nitya, sat, asatya rup, pradhan tatha prakriti kaha hai. vah (parmatma) gandh, varn tatha ras se hin, shabd aur sparsh se vanchit, ajar, dhruv, avinashi, nitya aur apni atma men avasthit rahte hain. vahi sansar ke karan, mahabhut parabrahm, sanatan, sabhi bhuton ke sharir, atma men adhishthit, mahat, anadi, anant, ajanma, sukshm, trigun, prabhav, avyay, aur avigyaey brahm sarvapratham the. atmapurush ke gun samya ki avastha men rahne par jab tak vishva ki rachna nahin ho jati hai, tab tak prakrit pralay hota hai. yah prakrit pralay brahma ki ratri kahi gayi hai aur srishti karna unka din kaha gaya hai. vastutah brahma ka n din hota hai, n rat. ratri ke ant men jagne par jagat ke antaryami, adi, anadi sarvabhutamay, avyakt ishvar prakriti aur purush men shighra (halchl) pravesh kar ke param yog se spandan utpann karta hai. vahi parmeshvar kshobh utpann karne vala hai. vahi kshubdh hone vala hai. vah sankuchan aur vikas (lay aur srishti) dvara pradhanatva prakriti men avasthit hota hai. spandit prakriti se puratan purush se pradhan purushatmak bij utpann hua. usi se atma, mati, brahma, prabuddhi, khyati, ishvar, pragya, dhriti, smriti aur savit ki utpatti hui. yah srishti manomay hai. yahi pratham vikar hai. yah tin prakar ke hain- tejas, bhutadi, tamas. vaikarik ahankar se vaikarik srishti hui. indriyan tej ka vikar hain. inke vaikarik das devta hai. gyarhvan man hai, jo, apne gunon se, ubhyatmak hai. bhutadi (tamas ahankar) se shabd tanmatra ko utpann kiya. usse akash utpann hua, jiska gun shabd mana jata hai. akash ne bhi vikar ko prapt kar ke sparsh tanmatra ki srishti ki. usse ayu utpann hua, jiska gun sparsh kaha gaya hai. vayu ne bhi vikar agni ko utpann kar ke rup tanmatra ki srishti ki. usse agni se jal utpann hua, jo ras (jihva) ka adhar hai. jal ne bhi, vikar ko prapt kar ke, gandh tanmatra ko utpann kiya. usse gun sanghatmyi prithvi utpann hui. uska gun gandh hai. is prakar puranasammat utpatti vishayak tathyon se yah gyan prapt hota hai ki yah vyavharik jagat us pratham purush ke adhin ek satta hai. satogun, rajogun tamogun se yukt yah prithvi ishvar ki maya ke adhin hai. prithvi kabhi nasht nahin hoti hai. pralay ke pashchat iska praktikaran hota hai. yah jagat vastav men kya hai? kahan se iski utpatti hui aur kahan iska lay hai? vyavharik jagat men iska uttar hai mukti se hi jagat ki utpatti hui hai. mukti men hi vishram hai aur mukti (nivritti) men hi ant men lay ho jata hai. yah bhavna ki ham mukt hue ek ashcharyajanak bhavna hai, jiske bina ham ek kshan bhi nahin chal sakte hain. is vichar ke abhav men hamare sabhi karya, yahan tak ki hamara jivan bhi vyarth hai. pratyek kshan prakriti yah sandesh siddh kar rahi hai ki ham das hain. par uske sath hi yah bhav utpann hota hai ki ham mukt hain. pratikshan ham maya se ahat ho kar bandhan men pratit hote hain. usi kshan antaras men halachal hoti hai. ham mukt hain. yah mukti ki bhavna hi hamen ishvar ansh jiv avinashi ka bodh karati hai aur yah bandhan hamen hamari shesh ichchaon aur vasnaon ka. ichchaen, vasnaen jagat prapanch ke antargat hanai, jabki bhukti jagat se upar hai. jahan kisi prakar gati nahin hai, kisi prakar ka parinam nahin hai, yahi moksh hai. jagat ka koi bhi padarth svatantra nahin hai. pratyek padarth par uske bahar sthit anya koi bhi padarth karya kar sakta hai; arthat paraspar sapekshata samast vishva ka niyam hai. karya-karan ka siddhant hi punarjanm ki manyata ko siddh karta hai. jo kuch ham dekhte hain, sunte hain aur anubhav karte hain, sankshep men jagat ka sabhi kuch ek bar karan banta hai aur fir karya. ek vastu apne ane vali vastu ka karan banti hai. vah svayan apni purvavarti kisi anya vastu ka karya bhi hai. ham apni hi vasnaon ke parivartit rupon ko har janm men jite hain. gita ka yahi sandesh hai. jagat ka pratyek prani vaikarik ahankar ke adhin hi karm karta hai aur karm ke parinamon se sukhi aur duahkhi anubhav karta hai. jyotish aur vastu ka gyan vyakti ko mukti ka marg dikha sakta hai. karm pradhan sansar hone ke karan hi yoniyan nirdharit hain. dishaon aur brahmandiya urja, chunbkiya bal ka prabhav samast andaj, pindaj, svadej udbhij par parta hai. ismen manav yoni hi karmashil aur vivekyukt hai. anya sabhi bhog yoniyan rahti hain. atharva ved se nikle sthapatya ved ke niyamanusar bhavan nirman ki prakriya purnataya vaigyanik hai. grahiya prabhav, uttari aur dakshini ankshash ke prakritik antar ko dhyan men rakh kar, vastu ka purn labh liya ja sakta hai. akash, vayu, agni, jal, prithvi in panch mahabhuton, tamogun, rajogun aur satogun, inke prabhav ko manav apne aur prakriti ke madhya ek samanjasya bana kar hi dharm, arth, kam aur moksh ki prapti kar sakta hai. vastu shastra ko sarlta se samjhne ke lie rishiyon ne ise vastu purush ki sangya di, jo vibhinn dishaon par rajya karte hain, jinka prabhav, surya ke uday aur ast hone ke karan, jaivik urja aur pranik urja ke sakaratmak aur nakaratmak prabhavon ko darshate hain. pratyek disha apna shubh aur ashubh prabhav rakhti hai. uttara-purva disha, aishvarya aur som (amrit) pradan karti hai aur sharir men vani, buddhi, vidya, nramta, adhyatmik shakti ka vikas karti hai. purva disha man-mastishk ko svasth rakhne, asthiyon ke vikas aur vansh vriddhi men sahayak hone ke sath-sath dirghayu karak hai. japan men ayu ka pratishat vishva men sabse adhik hai. use ugte hue suraj ka desh kaha jata hai. agni kon aur dakshin, jahan shukra aur mangal se yukt hai vahin, pradushnyukt aur jivanurhit kshetra hone ke karan, svasthya aur samriddhi, josh evan utsah ka sanvahak hai. uttara-purva dishaen jahan sakaratmak prabhav dalti hanai, dakshin aur dakshin-pashchim dishaen nakaratmak urja ki sanvahak hai. purva se pashchim saur urja ka prabhav kshetra rahta hai. suryoday se tin ghante surya jivan ke lie labhdayak hain aur vriddhi deta hai. agle tin ghante surya ke agni aur prakash tatva barh jate hain. urja ka adhik vikiran hone ke karan ye hanikarak urja dete hain. agle tin ghante surya apne sanpurn prabhav se yam disha men sthit hota hai. yah surya ki vidhvansak avasstha hoti hain. agle tin ghante surya pashchim disha men fir saumya rup men hota hai. ratri bhar surya ki kirnen chandrama ke upar par kar prithvi par ati hain aur manav, vanaspati aur sabhi jar-chetan par apna prabhav dalti hai. jyotish aur vastu men, sanpurn saur mandal men surya hi ek niyamak grah hai, jiski kirnon ke saton ansh grahotpadak hain. sushumn, harikesh, vishvakarma, vishvashrrava sanyadvansu, arvavsu aur saptam svar hanai. inmen sushumn namak kiran chandrama ko pusht karti hai. harikesh namak kiran nakshatron ko pusht karti hai. vishvakarma namak kiran budh ka poshan karti hai. shukra ka poshan vishvashrava namak kiran karti hai. sanyadvansu namak kiran mangal ka poshan karti hai. arvavsu kiran brihaspati ko pusht karti hai. saptam svar namak kiran shani ko pusht karti hai. is prakar surya ke prabhav ko prapt kar ke tare-nakshatra vriddhi ko prapt hote hain aur prani jagat ko prabhavit karte hain. ta
Kya aapko lekh pasand aaya? Subscribe
Kya aapko lekh pasand aaya? Subscribe


  October 2004

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.