pariksha men saflta hetu pariksha men saflta hetu ganesh rudraksh dharan karen. budhvar ko ganesh ji ke mandir men jakar darshan karen aur mung ke ladduon ka bhog lagakar saflta ki prarthana karen. grih kalah se mukti hetu parivar men paise ki vajah se kalah rahta ho, to dakshinavarti shankh men panch kauriyan rakhakar use chaval se bhari chandi ki katori par ghar men sthapit karen. yah prayog shukla paksh ke pratham shukravar ko ya dipavli ke avasar par karen, labh avashya hoga. krodh par niyantran hetu yadi ghar ke kisi vyakti ko bat-bat par gussa ata ho, to dakshinavarti shankh ko saf kar usmen jal bharakar use pila den. makan khali karane hetu shanivar ki sham ko bhojapatra par lal chandan se kirayedar ka nam likhakar shahad men dubo den.
sanbhav ho, to yah kriya shanishchari amavasya ko karen. kuch hi dinon men kirayedar ghar khali kar dega. dhyan rahe, yah kriya karte samay koi toke nahin. bikri barhane hetu gyarah gomti chakra aur tin laghu nariyal ki yathavidhi puja kar unhen pile vastra men bandhakar budhvar ya shukravar ko apne darvaje par latkaen tatha har purnima ko dhup dip jalaen.
yah kriya nishthapurvak niyamit rup se karen, grahkon ki sankhya men vriddhi hogi aur bikri barhegi. paitrik sanpatti prapti hetu kai bar dekha gaya hai ki paitrik sanpatti hone ke bavjud vah prapt nahin hoti.
koi n koi arachan bani rahti hai. kai bar adrishya karan bhi ho sakte hain, to is upay ko karen. 21 shvet chitkbri kauri lekar achchi tarah pis len. is kriya ko somvar ko karen. pise hue churn ko jisse sanpatti prapt hogi, us vyakti ke mukhya dvar par chirak den. is kriya ko 43 din lagatar karen. koi n koi hal nikal aega.
padonnati hetu shukla paksh ke somvar ko siddh yog men tin gomti chakra chandi ke tar men ek sath bandhen aur unhen har samay apne sath rakhen, padonnati ke sath-sath vyavsay men bhi labh hoga. mukdme men vijay hetu panch gomti chakra jeb men rakhakar kort men jaya karen, mukdme men nirnay apke paksh men hoga.