मिट्टी: श्रेष्ठ व उत्तम प्राकृतिक औषधि

mitti: shreshth v uttam prakritik aushdhi  

Ank ke aur Lekh | Sambandhit Lekh | Views : 3469 |  
panch mahabhuton men ek tatva mitti hai arthat prithvi tatva mitti hi hai. manushya ke sharir ka adhikatar bhag prithvi tatva (mitti) ka hai. manushya jitna adhik mitti ke samip rahakar svasth rah sakta hai, itna dusri kisi vastu se nahin. isi tathya ko samne rakhte hue chikitsa shastriyon ne mitti ko chikitsa ka sadhan uchit hi mana hai aur mitti ko svasthya shakti, sundrta aur lanbi ayu ka mul tatva bataya hai. mitti hamari haddiyon ko pusht kar hamare sharir ko balvan aur furtila banati hai. hamare maharshiyon ne mitti ko shreshth aur uttam aushdhi batate hue rogon ki chikitsa men sarvadhik upyukt bataya hai kyonki sharir ki tvacha, manspeshiyan, haddiyan adi sabhi mitti tatva se bani hai atah jab mitti ke sharir ko mitti tatva se jora jata hai to sharirik rog nasht ho jate hain aur sharir svasth ho jata hai. isilie sharir par mitti ka lep, sharir par mitti ki malish ya mitti par let kar sharirik rog ka upchar kiya jata hai. mitti ka chunav: mitti kai prakar ki hoti hai lekin jis mitti ka prayog kiya jana ho, uska chunav karte samay is bat ka dhyan rakhna bahut avashyak hai ki vah achchi gandh vali ho, usmen se sondhi-sondhi sugandh ati ho, vah acharya avinash sinh n bahut chikni ho aur n bahut retili. vah khub saf, mahin, kankar patthar rahit aur mulayam honi chahie. prayog se pahle use channa bhi avashyak hai. chikitsa ke rup men mitti ko taiyar karna: isi tarah mitti bilkul sukhi honi chahie. yadi vah gili ya sili ho to use prayog se pahle dhup athva anya kisi tarike se sukhana chahie bad men use pisakar channa chahie taki kankr-patthar nikal jaen. yadi mitti ke prayog men mitti ko gila karna ho to iske lie shuddh, svachch, shital pani ka prayog karna chahie. jab mitti bhingakar achchi tarah ful jae to use ate ke samne achchi tarah gunthna chahie. yadi patti ka istemal karna ho to avashyaktanusar chairi patti lane. fir patti ke upar mitti ko achchi tarah lesakar pira-sthal par rakhen aur upar se dusre kapre ki patti bandh den. mitti men rog nivaran ki adbhut shaktiyan vidyaman hain. manav sharir men utpann hone vale har prakar ke rogon men mitti-upchar uttam hai. kabhi-kabhi to mitti chikitsa se turant aram ho jata hai. rog men itni teji se aram hota hai ki kisi aur sadhan ki avashyakta hi nahin rahti. mitti vastav men ek gharelu upchar hai jo har prakar ke rogon vyadhiyon aur vikaron men asani se shighra chutkara dila sakta hai. mitti ka adbhut aur ashcharyajanak prabhav bas dekhte hi banta hai. khatrnak aur janleva rogon men bhi mitti atyant labhkari siddh hoti hai. vibhinn rogon men mitti chikitsa pet ke rog: pet ke rog jaise kabj, pet dard, anton men vikar, mutra sanbandhi rogon men gili mitti ki patti aur lep se in rogon men vishesh labh hota hai. kamjor meda v antane pusht hokar sucharu rup se apna karya karti hai. mitti ki patti rat men sote samay bandhni chahie aur pratahkal uthte hi hata deni chahie. yah prayog do-tin rat karen ya fir us samay tak karen jab tak rog purnataya thik n ho jae. sir darda: sir dard kaisa bhi ho, gili mitti ki patti sir par rakhne ya bandhne se thori hi der men aram milta hai. mitti ki patti peru par rakhne se bhi sir dard men aram milta hai. yadi adha shishi ka dard ho to mastishk par aur gardan ke charon or gili mitti ka lep kar dene se rogi rogmukt ho jata hai. jvar: jvar kaisa bhi ho, tayfaid ya sadharan jvar gili mitti ki patti peru par vidhipurvak bandhne se aram milta hai. iske lie chikni mitti ko hi prayog men laen. is kriya se sharir ka tapakram kam hokar rogi ki bechaini dur hoti hai. kabhi-kabhi gili mitti ki patti mathe par rakhne se bhi labh hota hai. fore fanusi: fode-funsi bachche aur har umra ke vyakti ko hote hain. yadi potaishiyam parmaingnet ke gulabi jal men svachch kapre ko bhigokar usse fore ko achchi tarah saf kar len, iske bad us par pulatsi ki bhanti gili mitti bandhne se fora pakakar fut jata hai aur mavad bahar niklne se rogi ko aram milta hai. bahte hue fore par bhi mitti ke prayog se labh hota hai. chot aur ghav: chot lagne par bhi mitti ka prayog labhkari hai. chot-ghav men gili chikni mitti ki patti bandhne se labh hota hai. mitti men aise gun vidyaman hain jo chot ki pira aur jalan ko shant kar dhire-dhire thik karta hai. mavad ko jar se saf kar deti hai aur saiptik bhi nahin hone deti aur ghav ko sukha deti hai. charm rog: har prakar ke charm rog fore-fanusi, sujan, pira, ghav, sir ke bal jharna, chechak, khujli, munhase, pasina, dad, ekjima adi sabhi rogon men mitti chikitsa upyogi hai. gili mitti ke prayog se in sabhi charm rogon ko dur kiya ja sakta hai. rogi pirit sthan par gili mitti ki patti bandhe. sukh jane par patti badal den. kuch hi dinon men charm rog purnataya thik ho jayenge. karn rog: kan ka dard, kan ka bahna, karnamul pravah (kan ke samne aur niche kai giltiyan hoti hain in giltiyon men pravah hone par karnamul pravah kahte hain), yah sankramak rog hai. mitti ke upchar se ismen labh hota hai. gili mitti kan ke andar, bahar v charon taraf kanpti par lagani chahie. isse kan ke har rog men labh hota hai. gathiya rog: gathiya rog men dard v sujan vale sthan par gili mitti ki patti bandhne se shighra aram hota hai. dard, sujan dhire-dhire samapt ho jata hai. gili mitti ka lep bhi labhdayak hai. chehre ke dag dhabbe: chehre mane dag-dhabbe, munhase ya bhaddapan ho to chikni-gili mitti chehre par lagaen aur sukhne den. jab mitti achchi tarah sukh jae to chehre ko gungune pani se dho dalen. kuch hi dinon men chehra saf hokar nikhar jayega. chikni mitti ke sthan par multani mitti ka bhi prayog kiya jata hai. jannendriya rog: purushon ke har prakar ke jannendriya rog men gili mitti ki patti labhkari hai. andkosh vriddhi, sujak, napunskta hone par chikni gili mitti ka lep vidhivat guhya bhagon par nitya karne se labh hota hai. stan rog: striyon ke stan men ganth si paida hona ya dudh pilate samay chot a jana, stan pak jana aur mavad ekatra ho jana, stan men bhari pira, fora adi rogon men stan par gili -mitti ki patti ya lep karne se stan kainsar jaisa rog bhi samapt ho jata hai.
Kya aapko lekh pasand aaya? Subscribe
Kya aapko lekh pasand aaya? Subscribe


ratn evan rudraksh visheshank  May 2014

fyuchar samachar ke ratn evan rudraksh visheshank men anek rochak aur gyanavardhak alekh hain jaise- rudraksh ki aitihasik prishth bhumi, rudraksh ki utpatti, rudraksh ek vardan, rudraksh dharan karne ke niyam, jyotish men ratnon ka mahatva, ratn dharan ka samuchit adhar, ratn dharan se rogon ka nidan, uparatn, lagnanusar ratn nirdharan, ratnon ka mahatva aur svasthya adi. iske atirikt panch pakshi ke rahasya, vat savitri vrat, akshay tritiya evan apki rashi, grah aur vakalat, ek sabhya samaj ke nirman ki prakriya, agla pradhanmantri kaun, kundali ke vibhinn bhavon men ketu ka fal, satya katha, punsavan sanskar, hailth kaipsul, shankh therepi, jyotish aur mahilaen tatha vastu prashnottari v vastu paramarsh jaise anya rochak alekh bhi sammilit kiye gaye hain.

Subscribe

Apne vichar vyakt karein

blog comments powered by Disqus
.