जन्मकुंडली में रोगों के संकेत एवं उनके उपाय

janmakundli men rogon ke sanket evan unke upay  

Ank ke aur Lekh | Sambandhit Lekh | Views : 569 |  
manushya ki janmakundli uske jivan ka aina hoti hai. jivan men kya hone vala hai yah samy ke pahle bari asani se jana ja sakta hai. kundli men barah bhav hote hain, har bhav ka apna-apna karya kshetra hota hai. kundli ka pratham bhav lagn jatak ke svasthya se vishesh rup se sanbandhit hota hai. vahin shashth bhav rog ka bhav hai, to dvadash aspatal jane ka. vaidik jyotish men lagn evan lagnesh ki sthiti, lagn par parne vali ashubh grahon ki drishti ya lagn men sthiti svasthya ke thik rahne ya garabar hone ka sanket karti hai. vahin krishnamurti paddhati men lagn ke up svami ki sthiti is or sanket karti hai. agar lagn bhav ka ya lagn ke up svami ka sanbandh tritiya, pancham evan ekadash (char lagna valon ke lie ekadash badhak sthan hota hai.) bhavon se ho to svasthya thik rahega, par agar inka sanbandh shashth, ashtam evan dvadash se banta hai to svasthya ke kharab hone ki puri sanbhavna hoti hai. lagn evan lagnesh ko dushit karne vale grahon ke dasha samay men bimari ki puri sanbhavna banti hai. kundli ke barh bhav sharir ke pure angon ke dyotak hanai. dasha vishesh men kundli ka koi bhav dushit ho raha ho to usse sanbandhit sharir ke ang men rog hone ki sanbhavna hoti hai. koi bhi jatak jivan bhar ek hi tarah ke rog se grast nahin hota hai. samay ke badlav ke sath-sath rog ka sthan badlta rahta hai. kisi jatak men kis tarah ke rog ke jyada hone ki sanbhavna hai, yah lagna evan lagn nakshatra ke svami se spashta hota hai. man liya ki koi jatk mesh lagn ka hai evan lagn spasht 00 se 130 20’ ke bich kahin hoga, to mesh (mangl) evan ketu ke sanyukt prabhav se rog hone ki sanbhavna hogi. ismen mathe men chot, behoshi, dimag men rakt ke prabhav men avrodh, mirgi, adhkpari, koma men jane ki sanbhavna, lakva, menenjaitis, chechak, maleriya adi ki sanbhavna banti hai. vahin agar lagn mithun ho evan vah 200 se 300 ke bich ka ho to lagn nakshatra punarvasu hota hai jiska svami guru hota hai. is sthiti men plurosi branekaitis, nimoniya, banh evan chati ko jorne vali haddi men kharabi, hriday ke upar jhilli ka barhne, fefre se sanbandhit mirgi ki bimari ki sanbhavna rahti hai. ab sochne vali bat yah hai ki kya har kisi ko, jo mithun ke 200 se 300 ke bich paida hua hai, yah bimari bhogni hogi? javab hai nahin. yahan par lagn, lagn ka svami budh evan lagn nakshatra ka svami guru, tin tatva maujud hain. ye tinon agr sabal hote hain evan anya grahon ka kisi tarah ka kuprabhav nahin parta hai to bimari nahin hogi, svasthya thik rahega. par agar kisi kundli men lagn mithun ho aur vah 200 se 300 ke bich ho, sinh rashi par tritiya men shani aur mangal hon, shashth par surya budh hon, saptama men dvadash ka svami shukra ho evan guru nich rashi makar men ho, rahu min men, ketu kanya men aur chandra kunbh men ho to lagn, lagnesh evan lagn nakshatra ka svami sabhi ke sabhi dushit evan kamjor honge aur is sthiti men bimari hogi hi. yahan par sinh rashi mangal aur shani ki vajah se, pancham bhav shani ki drishti se evan lagnesh aur surya mangal ke drishti prabhav men dushit hain, to hriday rog to hona hi hai. kundli men is tarah ki sthiti ke karan ane vale rog ko rokne ka prayas pahle se kiya jae. suraksha ke lie surya evan budh ka ratn pahnna, duri ke hisab se guru ashtam men nahin ho kar saptam men ho to pila pukhraj pahnna anyatha guru ka yantra pahnna labhaprad ho sakta hai. iske sath-sath sanbhav ho to ravivar ko bina namak khana khaen, jyada tel, ghi, mirch, masale, mansahari khana adi nahin khana chahie. iske atirikt pratidin subah men tahlna labhaprad hoga. is tarah ke upay karne par bimari hone ki sanbhavna kam hoti hai. sharir ki sanrchna men indradhnush ke ranga ka bahut mahatva hota hai. har rang ka ek svami grah hota hai evan jo rang sharir men nirdharit anupat se kam hota hai, uska svami grah kamjor hota hai. aise men sharir ko svasth rakhne ke lie us grah se sanbandhit ratn ko dharan karna labhaprad hota hai. kundli jatak ke sharir men hone vale rog ki jankari deta hai. rog se grast vyakti ko uske anurup puja, jap, ratn dharan aur aushdhi sevn karna chahie. sanatan dharm ke anusar do mantron ko jyada ahmiyat di gai hai. mahamrityunjy evan gayatri. in donon men kiski mahatta adhik hai, yah kahna mushkil hai par agar donon ko ek sath mila diya jae to milakar banne vala mantra mrit sanjivni kahlata hai. niche mrit sanjivni mantra diya ja raha hai. jiske jap se dev-danav yuddh men mritak danvon ko jilaya jata tha. is tarah iski ahmiyat, svatah spasht hoti hai. ¬ haun jun sah ¬ bhubhurvah svah tatsaviturva renyan trayambakan yajamhe bhargo devasya dhimhi sugandhin pushti vardhanam dhiyo yo nah prachodyat urvaruk miv bandhananmrityormukshiya mamritat svah bhuvah bhuah ¬ sah jun haun ¬ jap karane ke samay ek bat ka dhyan avashya hi rakhna chahie ki jis grah ki vajah se bimari ya pareshani ho rahi ho, usi ka jap pahle karana chahie. har samy mahamrityunjay ke hi jap karana uchit nahin hota hai.
Kya aapko lekh pasand aaya? Subscribe
Kya aapko lekh pasand aaya? Subscribe


ank jyotish visheshank  June 2015

fyuchar paeint ke is lokapriya ank visheshank men ank jyotish se sambandhit lekh jaise ank jyotish ka udbhava- vikas, mahatva aur sarthakata, garima ankshastra ki, ank jyotish ek parichay, ankon ki visheshtaen, ank melapk: prem sambandh v dampatya sukh, nam badalakar bhagya badlie, kaise ho apka nam, mobail nambar, gari apke liye shubh, mastar ank, lakshmi ank bhagya aur dhan ka ank, ank falit ke tin chakra prem, buddhi evan dhan, ank shastra ki najar men talak, kaise janen apne vahan ka shubh ank ityadi shamil kiye gaye hain. iske atirikt anya anek lekh jaise ank jyotish dvara namakaran kaise karen, chamatkarik yantra, karmafal heturbh, falit vichar, satya katha, bhagavat katha, vichar goshthi, pavan sthal, vastu ka mahatva, kuch upyogi totke, grah sthiti evan vyapar adi ke sath sath vrat, parva aur tyauhar adi ke bare men samuchit jankari di gai hai.

Subscribe

Apne vichar vyakt karein

blog comments powered by Disqus
.