शुक्र

shukra  

Ank ke aur Lekh | Sambandhit Lekh | Views : 4521 |  
shukra ke jivan se sanbandhit bahut-si prachin kathaen hai. ismen se ek ke anusar shukracharya ko asuron ke hit ki vishesh chinta thi jiske chalte unhonne bhagvan ko prasann karne ke lie atulniya jap, tap, dhyan kiya jisse prasann hokar devadhidev bhagvan shankar ne unhen vardan diya ki vah devtaon par vijay men asuron ke sahayak honge tatha ajr-amar rahenge. bhagvan shankar ne unhen samast sanpda ka adhikari niyukt kar diya. katha ke anusar hi vardan ke prabhav se shukra ko samast sansarik tatha ishvariya sanpdaon par svamitva prapt hua. ek anya prachain granth ke anusar shukra ko keval sanpda par hi nahin varan aushdhiyon, mantra aur ras par bhi svamitva prapt hai. atah iski shakti v prabhav apar hai. inki manyata hai ki apni samast sanpdaon aur upalabdhiyon ko vah apne shishyon v asuron men bantakar ek sachche yogi ki tarah apna jivan shuru kareen. shukra, asuron ke paramarshadata, margadarshak tatha vicharak guru bhi hain. vah ek mahan shikshak hain tatha apne shishyon ke prati daya bhav rakhte hain, vishesh rup se asuron ke prati. bhagvan shiv ki atulniya upasna kar unhonne svayan bhagvan se mritsanjivni vidya ka gyan prapt kiya, jisse unhen mare gaye asuron ko punah jivit karne ki shakti prapt hui. ek aur pauranik katha ke anusar shukra, virya ka rup lekar bhagvan shiv ke ling men jakar chup gaye the. shukra, anttah daityon ko devtaon par vijay dilane men safal hue tatha is prakar vah amaratva ko prapt hue. shukra, sansarik hi nahin, svarg ki bhi samast sanpda ke svami bhi ban gae. jyotish men grahon se sanbandhit ye kathaen apne men grahon ke svabhav v vyaktitva ko spasht karne tatha unke svarup ko vyakt karne ke lie hi hain. shukra ka svabhav multah dusron par apna adhipatya sthapit karna tatha is prakar sada ke lie apni ek pahchan chod jana hai. shukra is sansar ki vishal sanpda ka hi nahin apitu svarg ki amulya sanpda ka bhi svamitva prapt kie hai. shayad isi tathya ke karan grahon men shukra ka mahatvapurn sthan hai. satta aur dhan ek dusre ke sarvashreshth sahmitra hain. kintu sansar men prayah hamen ye donon ek - dusre ko bhrasht karte pratit hote hain. shukra ka utthan satta aur dhan par hi adharit hai. shayad yahi karan hai ki ismen se kisi bhi vastu ko prapt kar lene par log apna ghinauna rup prakat karne lagte hain. kundali ke vibhinn bhavon men shukra ka parinam: pratham bhav pratham bhav men shukra, vyakti ko kala men parangat, sukh-suvidha men ruchi, saundarya v kam kala men pravinta pradan karta hai. vah buddhiman, putravan, kushal tantravadi, kam men ruchi lene vala, gyanvan tatha sansarikta men ruchi rakhne vala hota hai. yadi shukra ka sanbandh labhkari grahon se ho to rupvan, dirghayu tatha shasan se labh prapt karne vala hota hai kintu shukra ko alabhkari sahyogi jatak ko bhayagrast, nashe ka adi, buri laton vala, svasthya ki hani tatha kamuk kamon men ati lipt banata hai. dvitiya bhav dvitiya bhav men shukra hone par vyakti parivar ki mahilaon ka pyar pane vala, vyavsay men labh kamane vala, vaibhvshali tatha parivar ko sukh-suvidha purn jivan dene vala hota hai. sangit men ruchi tatha chandi, dugdh utpad, gahnon athva sundar vastuon ke vyavsay se atyadhik labh pane vala hota hai. gyan dvara achchi ay pane vala tatha paitrik sanpda ka adhikari hota hai kintu badhit shukra jivan men anek kasht deta hai. tritiya bhav tritiya bhav men shukra, jatak ko kamjor, alsi, netra rogi, parijnon ko prem karne vala, samanyatah prasannachit, sangit v kala ka rasik tatha padosiyon se achche sanbandh rakhne vala banata hai. yadi shukra, krur grahon (ahitkari grahon) se badhit ho to vyakti krodhi, vachal, viprit ling valon se sanbandh n rakhne vala kintu santan se sukh pane vala hota hai. vah sahsi, sukhon ka ichchuk, dusron ko prabhavit karne vala tatha tirthayatraon ka premi hota hai. chaturth bhav chaturth bhav men shukra, jatak ko saubhagyashali, dhani, buddhiman tatha nishpaksh aur santulit vani pradan karta hai. iske prabhav se jatak durachari, kamuktapurn, nashe ka premi, viprit ling valon ke vash men, mata ka bhakt, jivan men sab prakar ki sukh-suvidhaon se purn, sundar ghar men nivas karne vala hota hai aur yadi shukra, ahitkari grahon se yuti ho jae to har vastu ki prapti to hoti hai parantu pragti dhimi gati se hoti hai. ayu ka 42van varsh jivan men sabse achcha hota hai. pancham bhav pancham bhav ka shukra, vyakti ko kala evan sangit men parangat, sukh chahne vala tatha mata-pita ke prati nishthavan banata hai. vah jue evan sattebaji men ruchi rakhne vala, sanpatti se labh prapt karne vala, uchch varg ka paramarshadata tatha viprit ling valon ka sahaj mitra ho jata hai. vah purushon men lokapriya, adhik ay vala tatha devi ka bhakt hota hai. shant, virodhiyon par vijay prapt karne vala, aushdhiyon ka gyan rakhne vala tatha parivar ka nam uncha karne vala hota hai. shashtham bhav shukra grah ke shashtham bhav men hone par jatak naukri men sukh pane vala hota hai. krur grahon se prabhavit hone par shukra vyakti ko buri adton ka gulam, gupt rogon se pidit, viprit ling valon men ruchi rakhne vala kintu unke pyar se vanchit karta hai. apratyashit rup se sanpatti ki prapti parantu vyasnon ke karan dhan sangrah nahin kar pata kyonki vah svarthi logon ko apna mitra manakar chalta hai parantu yah sab parinam ulte bhi ho sakte hain yadi shukra shubh grahon ke sath ho. saptam bhav saptam bhav men shukra vyakti ko udaratma, dhani, putravan, prasannachit, vyavharkushal, apne akarshan dvara dusron ko prabhavit karne vala tatha videsh men pravas karne vala banata hai. vah shaskiya karya men unnati karta hai aur sundar vastuon ka vyavsay karne par achcha dhan kamane vala hota hai. parivar ko yash dilvane vala tatha dusron se labh prapt karne vala hota hai kintu badh iat shukra, sabhi prakar ke kasht, jivan sathi se klesh tatha asakt banata hai. ashtam bhav ashtam bhav men shukra hone par vyakti ghamandi, rukha tatha jivan sathi se sukh n pane vala hota hai. yadi shukra, shubh grah ke prabhav men ho to jivan sathi se paritript, sajhedaron, sahyogiyon se labh, prasannachit tatha sarkari adhikariyon se achche sanbandh pradan karta hai kintu badhit shukra, sabhi prakar ke kasht, svarthi svabhav, batuni tatha gupt rogon ka karak hota hai. navam bhav navam bhav men shukra, jatak ko saubhagyashali, najdiki sanbandhiyon se khushi v sukh tatha tirthatan men ruchi pradan karta hai. vah dhani, premi v sahyogi jivan sathi, achchi santan, buddhiman, achchi ay tatha paropkar karne vala hota hai. vah ek shreshth vyakti hota hai. matribhakt, lekhak, buddhivan, kalakar aur vibhinn kalaon ka gyata hota hai. dasham bhav dasham bhav men shukra, jatak ko bhagyavan, adhik dhan kamane vala tatha shasan dvara labh pane vala banata hai. vah dharmik, danshil tatha adhyatm men ruchi rakhne vala hota hai. vah samaj men uncha sthan prapt karta hai tatha santan ko prem karne vala hota hai. dirghayu, vyavsay men saflta, sukh-suvidha prapt hoti hai. jivan men samman prapt pane vala, shadi ke bad bhagyoday, jyotish, kala, kavita v sahitya men ruchi rakhne vala hota hai. ekadash bhav ekadash bhav men shukra, jatak ko atyant khushi, imandari tatha jivan men sabhi prakar ki sukh-suvidha pradan karta hai. shasan se samman tatha viprit ling valon se bahumulya vastuon v labh ka bhagi hota hai. vah dayalu, sabhya, udar tatha bahut-se sevkon ka svami hota hai. santan se sukh v santosh, vibhinn bhashaon ka gyata, buddhiman tatha nakal (svang) karne men mahir hota hai. uske vishva ke anek sthanon par mitra hote hain. apni adhikansh ichchaon ko isi janm men pura karne vala hota hai. dvadash bhav dvadash bhav men shukra, vyakti ko buddhiman tatha lok vyavhar men kushlta pradan karta hai. badhit shukra, pita ki sanpatti ko nasht karne vala, apayash ka bhagi tatha vibhinn prakar ke kasht uthane vala banata hai. viprit ling valon par bahut adhik vyay karne par bhi unse sukh nahin mil pata kintu uchch ka shukra sahayak grahon ke sath sabhi prakar ka sukh deta hai. vah jivan ka pura anand leta hai. jivan bhar dhan ki prapti karta hai. vah vibhinn kalaon vishesh rup se kam kala men nipun hota hai. vibhinn rashiyon par shukra ka parinamah mesh mesh rashi men shukra, jatak ko vyapar se dhan evan yash ka bhagi banata hai. vah jatil se jatil samasya ka bhi samadhan khoj lete hain. vibhinn sthanon ki yatra karta hai. videsh men avas, viprit ling valon se sukh pane vala, khushmijaj tatha sukh-suvidha se rahne vala hota hai. vrish vrish rashi men shukra hone par jatak bhumi sanpann hota hai tatha adbhut achche avas men rahta hai. use sabhi prakar ke sukh tatha uttam vahan prapt hote hain. vah dharmik, dayalu, udar, dusron ki sahayta karne vala tatha achchi santan pane vala hota hai. mithun vyakti buddhiman, bahut-se mitron vala tatha jivant jivan shaili vala hota hai. yadi shukra mithun rashi men ho to vah bahut achcha lekhak, vibhinn kalaon ka gyata aur jivan men bahut prasiddhi pata hai. vah gyanvan tatha apne gyan se logon ko prabhavit karne vala hota hai. kark kark rashi men shukra, vyakti ko vividh kshetron man nipunta pradan karta hai. vah koi bhi karya kushltapurvak kar sakta hai, chahe vah kuch bhi karna chahe. kisi bhi karya ki uski samajh gahri aur spasht hoti hai. vah parishrami tatha aprivartanashil svabhav ke sath atmanirbhar bhi hota hai. sinh sinh rashi men shukra, jatak ko sahsi tatha samy-samay par chunautipunr a karya karne vala banata hai. vah viprit ling valon se sahaj hi dhan labh prapt kar pata hai kintu santan se vishesh sukh nahin pata tatha vahan se kasht ka bhagi hota hai. kanya kanya rashi men shukra jatak ko jivan men anek kashton ka samna karata hai. vah bahut dhan kamata hai parantu nirarthak karyon par apavyay karta hai. use vyavsay men samasyaen, jivan sathi se chinta, vibhinn sharirik kasht tatha gupt rog se bhay rahta hai. tula tula rashi ka shukra, jatak ko sanpattiyon se ay v labh pradan karta hai. usmen vyavsay dvara achcha munafa kamane ki yogyata hoti hai. apne kshetron men uchchatam sthan aur santan ka sukh pata hai. usmen kushal neta ke gun vidyaman hote hain tatha apne virodhiyon par vijay prapt karne vala banata hai. vrishchik vrishchik rashi ka shukra, jatak ko janm se hi dusre sthan ka vasi banata hai. vad-vivad men nipun kintu adhikatar dusron ke lie karya karne vala hota hai. adhikatar sahi-galat men antar nahin kar pata. vah sahsi, kuch bhi kar sakne men nipun tatha jivan bhi karj se mukt rahta hai. dhanu dhanu rashi men shukra jatak ko shasan se samman to dilata hai parantu unnati men badha utpann karta hai. vah apne bhagya ke vishay men chintit rahta hai. parantu jivan ke 42ven varsh ke bad bhagya ke sabhi dvar khul jate hain. vah achche sanbandh banata hai kintu unse labh uthane ke prayas men uska bhed khul jata hai. makar makar rashi men shukra, jivan sathi ko rogi tatha vyakti santan ke hit ke lie chintit rahta hai. samy-samay par svasthya ka dhyan avashyak hai. parivarik chintaen bani rahti hai kintu vidrohiyon par vijay tatha jivan men adhikari pad pane vala hota hai. vah vibhinn deshon ki yatra karta hai kintu vahan ke karan kasht ka bhagi hota hai. kunbh kunbh rashi men shukra vyakti ko vibhinn kalaon men nipun aur patu banata hai. vah santan se sabhi prakar ka sukh pata hai. bahut ay pane vala tatha shiksha ke kshetra men ruchi lene vala hota hai. vyavsay men achcha labh, anek mitra tatha karya kshetra men uchchatam sthan pane vala hota hai. min min rashi men shukra, jatak ko shasan se samman tatha vividh sukh-suvidh pradan karta hai. vah apne karya kshetra men sarvochch pad pata hai. vah sansthan ka pramukh, pradhan ya mantri ho sakta hai. vah sukh-suvidhapurn jivan, uttam vahan tatha sukhi man se jivan vyatit karta hai. jivan men sahaykon aur sevkon ki koi kamin nahin hoti
Kya aapko lekh pasand aaya? Subscribe

Kya aapko lekh pasand aaya? Subscribe


mahalakshmi visheshank  November 2013

fyuchar samachar patrika ke mahalakshmi visheshank dhanagaman ke shakun, dipavli pujan evan shubh muhurt, man lakshmi ko apne ghar kaise bulaen, lakshmi kripa ke jyotishiya adhar, divali ai lakshmi ai dipak se jure kalyankari rahasya, lakshmi ki atipriya vishishtataen, shriyantra ki utpati evan mahatva, kuber yantra, dipavli aur svapn, dipavli par lakshmi prapti ke saral upay, lakshmi prapti ke chamatkari upay adi vishyon par vibhinn alekhon men vistrit rup se charcha ki gai hai. iske atirikt navanbar mah ke vrat tyauhar, gomukhi kamdhenu shankh se manokamna purti, kya narendra modi banenge pradhanmantri, sankalp, viniyog, nyas, dhyanadi ka mahatva, ank jyotish ke rahasya tatha jagdguru shankracharya svami svarupanand sarasvati ki jivnktha adi atyant rochak v gyanavardhak alekh bhi sammilit kie gae hain.

Subscribe

Apne vichar vyakt karein

blog comments powered by Disqus
.