श्री राम का जन्मदिवस

shri ram ka janmadivs  

Views : 414 | May 2005

balkand sarg 18 shlok 8,9 aur 10 (1-18/8,9,10) men maharshi valmiki ne ullekh kiya hai ki shri ram ka janm chaitra shukla paksh ki navmi tithi ko abhijit muhurt men madhyahn men hua. us samay panch grah surya, shani, guru, shukra evan mangal apni uchch rashi men sthit the aur kark lagn purva men uday ho raha tha. punarvasu nakshatra udit tha.

tato yagyae samapte tu ritunan shat samatyayuah.
tatashch dvadshe mase chaitre navmike tithau.. 1-18-8..
nakshatre'ditidaivatye svochchasanstheshu panchsu.
graheshu karkat lagne vakpatavinduna sah.. 1-18-9..
prodyamane jagannathan sarvalokanamaskritam.
kausalyajanayad ramandivyalakshanasanyutam .. 1-18-10..

shri-rams-birth-anniversary

yagya ke pashchat chah rituon ke gujar jane par barhven mas chaitra ke shukla paksh ki navmi tithi ko punarvasu nakshatra evan kark lagn men kaushalya ne divya lakshanon se yukt sarvalokavandit jagdishvar shriram ko janm diya. us samay nau men se panch grah surya, mangal, guru, shani aur shukra apne uchchansh par the, aur lagn men chandrama ke sath guru virajman tha. kanpyutar dvara ganna karne par yah 21 farvri, 5115 i. pu. ata hai.

is din navmi to ati hai, lekin nakshatra pushya ata hai. ganna ke anusar jab surya mesh men hota hai to navmi punarvasu nakshatra men nahin ho sakti, kyonki surya aur chandra ke madhya adhikatam duri 930 20’ hi ho sakti hai jabki navmi tithi ke aranbh ke lie yah duri 960 honi chahie.


apni kundli men rajyogon ki jankari paen brihat kundli riport men


atah maharshi valmiki ke lekhan men kahin bhed hai. navmi tithi ke bare men anyatra jaise tulsi ramchritmanas men bhi ullekh hai evan ramnvmi chaitra shukla ki navmi tithi ko hi manayi jati hai. balkand ke 190ven dohe ke bad ki pratham chaipai men tulsidas ji likhte hain:

naumi tithi madhumas punita. sukal pachch abhijit hariprita. madhya divas ati sit n ghama. pavan kal lok bishrama..

pavitra chaitra mas ke shukla paksh ki navmi tithi ko madhyahn men abhijit muhurt men shri ram ka janm hua.

atah ham navmi tithi ka hi adhar lekar evan nakshatra ki ganna ko andekha kar ram janm tithi ki ganna karte hain to 21 farvri, 5115 i. pu. prapt hoti hai. is prakar 18 aprail, 2005 ko shri ram ke 7119 varsh purn hokar 7120 van varsh praranbh hua. shri ram keval kalpana nahin apitu unhonne itihas men vastav men janm liya tha. shri ram 16ven varsh men rishi vishvamitra ke sath tapovan ko gae the. is tathya ki pushti valmiki ramayan ke balkand ke bisven sarg ke shlok do se bhi ho jati hai:

unshodashavarsho me ramo rajivlochnah. n yuddhayogyatamasya pashyami sah rakshasaiah..

(va.ra.ba.kan. sarg 20 shlok2)

is shlok men raja dasharath apni vyatha prakat karte hue kahte hain ki unka kamalanayan ram solah varsh ka bhi nahin hua aur usmen rakshason ke sath yuddh karne ki yogyata nahin hai. tapovan men unhonne anek rakshason ka sanhar kiya aur pati shrapavash patthar ban gai gautam nari ahilya ka apne charnon se sparsh kar uddhar kiya. uske bad vah shri janak ke desh mithila ae aur shiv dhanush ko tor sita se vivah kiya.

tapovan se mithila ane ke marg men 23 smarak milte hain jo shri ram ke hone ki satyata ko siddh karte hain. vivah ke 1varsh pashchat hi shri ram ne 17 varsh ki ayu men ayodhya se van ke lie prasthan kiya evan 31 varsh ki avastha men ayodhya vapas ae. unki van yatra ke lagabhag 200 smarak abhi bhi vidyaman hain jaise dakshin men rameshvaram mandir, uttar men chitrakut, panchvti, shabri ashram, ilahabad men bharadvaj ashram, atri ashram evan mukhya rup se rameshvaram aur shrilanka ke madhya pattharon ka bana samudra men duba hua setu jis par chalakar unhonne vanar sena sahit lanka men pravesh kiya.


jivan ki sabhi samasyaon se mukti prapt karne ke lie yahan klik karen !


shri ram evan shri krishn ke madhya 60 rajaon ka ullekh ata hai. yadi ek raja ka ausat rajyakal 35 varsh ho to shri ram krishn se lagabhag 2000 varsh purva utpann hue. shri krishn ka janm 21 julai, 3228 i. pu. ko madhya ratri men mathura men hua. mohnjodro ke 2600 i. pu. ke shilalekhon men bhi shri krishn ka vivaran milta hai evan 3000 i.pu. ke misri piramidon men bhagavadgita ke shlok milte hain.

kaha jata hai ki jis kshan shri krishn ne sharir tyaga usi kshan se kaliyug ka praranbh hua, jiski ganna 18 farvri, 3102 i. pu. ati hai. shri krishn ne 125 varsh purn kar 126ven varsh men sharir ka parityag kiya. is prakar shri krishn ki janmatithi 3228 i.pu. tay hoti hai aur shri ram ki janmatithi bhi is ganna se mel khate hue 5115 i.pu. tay hoti hai.

Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

September 2020 Special  सितम्बर 2020

फ्यूचर समाचार के इस विशेषांक में - श्राद्ध, गोल्ड में उतार-चढ़ाव, बहु विवाह के ज्योतिषीय योग, रुद्राक्ष भगवान शिव का आशीर्वाद आदि सम्मिलित हैं ।

Subscribe


.