शारीरिक बाधाएं हरने वाली वनस्पतियां

sharirik badhaen harne vali vanaspatiyan  

Ank ke aur Lekh | Sambandhit Lekh | Views : 631 |  
hamare desh men anek prakar ki vanaspatiyan pai jati hain. ham puri tarah se vanaspatiyon par hi nirbhara hain. inka prabhav poshak, prandayk aur vish dayak bhi hota hai. ayurved aur tantra shastra men inke asankhya prayog batlae gae hain. sanbandhit vanaspati lane aur prayog karne ke purva ‘‘¬ namah shivay ya ¬ namashchandikayai’’ ka uchcharan kar apne isht devta ka smaran karna chahie. tantra men ravi pushya nakshatra ko ati pradhanta di gai hai atah vanaspati tantra ka prayog isi nakshatra men karen to uttam rahega. tantra sadhna ke lie mesh, kark, kanya, tula, vrishchik, makr aur kunbh shubh lagn hain. atah inhin lagnon men apna prayog karen. din aur samay arthat muhurt ke nishchit ho jane ke ek din pahle us vanaspati ke pas ja kar use devta ki tarh pranam karke kahen mam karya siddhi kuru-kuru svaha. fir us roli, akshat, dhup, chandan, dipak adi se pujan karke ek kalava bandh kar punah kahen he ! vanaspati devi main apne kam se ap ko lene pratah kal aunga mere sath chal kar meri madd karen. yah kriya sandhya ke samay 3 baje se 5 baje ke madhya karen jab bhagvan surya ast n hue hon. agle din us vanaspati ko lakar ganga jal se dhokr dhup, dip, akshat, roli adi se pujn karke prayog karen. apamarg ya chirchinta latjira tantra: is vanaspati ko ravi-pushya nakshatra men lakar nimn prayog kar sakte hain. 1. iski jar ko jalakar bhasm bana len. fir is bhasm ka nitya gay ke dudh ke sath sevan karen, santan sukh prapt hoga. 2. latjire ki jar apne pas rakhne se dhan labh, samriddhi aur kalyan ki prapti hoti hai. 3. iski dhai pattiyon ko gur men milakar do din tak sevan karne se purana jvar utar jata hai. 4. iski jar ko dipak ki bhanti jala kar uski lau par kisi chote bachche ka dhyan kendrit karaen to us bachche ko batti ki lau men vanchit drishya dikhai parenge. 5. iski jar ka tilak mathe par lagane se sammohan prabhav utpann ho jata hai. 6. iski dandi ki datun 6 mah tak karne se vakya siddhi hoti hai. 7. iske bijon ko saf karke chavl nikal len aur dudh men iski khir bana kar khaen, bhukh ka anubhav nahin hoga. sahdevi tantra: sahdevi samanya ghas-fus ki shreni ki vanaspati hai. tantrik drishti se yah adbhut gunon se yukt amulya vanaspati hai. iski jar ravi-pushya nakshatra men lakar nimn mantra se 108 bar puja karen. mantra: ¬ namo rupavti sarvaproteti shri sarvajnranjni sarvalok vashikrni sarva sukhranjni mahamail ghol thi kuru kuru svaha. 1. sahdevi ki jar lal kapre men bandhakar ann bhandar, tijori ya kisi anya sampatti ke sath rakhne se usmen vriddhi hone lagti hai. 2. iski jar lal dore men bandhkr kamar men bandhne se prasav vedna se mukti milti hai. 3. iske patte, tana, ful, jar aur fal pis kar pan men khilane se vah vyakti vashibhut ho jaega. 4. iske panchang ka tilak lagane se samaj men samman evan prabhav men vriddhi hoti hai. 5. bachchon ke gale men sahdevi ki jar pahnane se kanthmala rog dur ho jata hai. grah pira nivarak mul-tantra: surya: yadi kundli men surya nich ka ho ya kharab prabhav de raha ho to bel ki jar ravivar ki pratah lakar use gangajal se dhokar lal kapre ya tabij men dharan karne se surya ki pira samapt ho jati hai. dhyan rahe, bel ke per ka shanivar ko vidhivt pujan avashya karen. chandra: yadi chandra anisht fal de raha ho to somvar ko khirni ki jar safed dore men bandh kar dharan karen. ravivar ko is vriksh ka vidhivat pujn karen. mangl: yadi mangal anisht fal de raha ho to anant mul ya nagfni ki jar lakar manglvar ko dharn karen. budh: yadi budh anisht fal de raha ho to vidhara ki jar budhvar ko hare dore men dharan karen. guru: yadi guru anisht fal de raha ho to haldi ya maragriv kele (bijon vala kela) ki jar brihaspativar ko dharan karen. shukra: yadi shukra anisht fal de raha ho to arand ki jar ya sarfoke ki jar shukravar ko safed dore men dharn karen. shani: yadi shani anisht fal de raha ho to bichchu (yah paudha paharon par bahutayat men paya jata hai) ki jar kale dore men shanivar ko dharan karen. rahu: yadi rahu anisht fal de raha ho to safed chandan ki jar budhvar ko dharan karen. ketu: yadi ketu anisht fal de raha ho to asgandh ki jar somvar ko dharan karen. madar tantra: shvet madar ki jar ravi pushya nakshatra men lakar ganesh ji ki pratima banaen aur uski puja karen, dhan-dhanya evan saubhagya men vriddhi hogi. yadi iski jar ko tabij men bharkr pahnen to dainik karyon men vighn bahut kam aenge aur shri saubhagya men vriddhi hogi. nirgundi tantra: nirgundi ek sulbh vanaspati hai lekin yah achcha tantrik prabhav rakhti hai. ravi pushya yog se sat din pahle is paudhe ko nimantran de aen. fir ravi pushya men pura paudha ukhar kar ghar le aen. ek mala- ¬ namo ganptye kuberye kadrik pafat svaha. mantra parhakar paudhe ko abhishikta karen aur fir use lal kapre men bandhakar pujan sthal par rakhen. prayog: pili sarson ke samuche paudhe ko pile vastra ki potli men bandhkr dukan ke dvar par latkane se vyapar men nirantar vriddhi hoti hai. û ayu vardhan ke lie iske churn ka pratidin sevan karen. û nirgundi ka churn dudh ya jal ke sath sevan karne se netron ki jyoti barhti hai. û iske churn ke sevan se jvar ka nash hota hai. gorkhmundi tantra: mundi ek sulbh vanaspati hai. ismen alaukik aushdhiya evan tantrik gunon ka samavesh hai. ise ravi pushya nakshatra men pahle nimantran de kar le aen. û pure paudhe ka churn banakar jau ke ate men milaen. fir use matthe men san kar roti banaen aur gay ke ghi ke sath iska sevan karen, sharir ke anek dosh jinmen burhapa bhi shamil hai, dur ho kaya kalp ho jaega aur sharir svasth, sabal aur kantipurna rahega. û hare paudhe ke ras ki malish karne se sharir ki pira mit jati hai. û iske churn ka sevan dudh ke sath karne se sharir svasth evan balvan ho jata hai. û iske churn ko ratabhar jal ke sath bhigo kar pratah usse sir dhone se keshakalp ho jata hai. û iske churn ka nitya sevan karne se smaran, dharan, chintan aur vaktritva shakti ki vriddhi hoti hai. shrifl: nariyal ki ek choti jati hoti hai. iske fal bahut chote hote hain. yah khane ke kam nahin ata parantu iski banavat bare nariyal ki tarah hoti hai. is shrifal nam ke chote nariyal ko shri samriddhi evan arthik sanpannata ke lie kafi prabhavshali mana gaya hai. is shri fal ka kisi shubh nakshatra men shodshopchar pujan karke ‘‘¬ shrin shriyai namah mantra ka 21 mala jap karen. fir iske dashansh havan karen. havn ke bad brahman ko bhoj karaen. fir shrifal ko chandi ke ek dibbe men rakh den. ab pratidin apni samathrya ke anusar 1, 5, 7 ya 9 mala jap nitya kiya karen, arthik mamlon men chamatkari labh ka anubhav karenge. ekakshi nariyal (ek ankh vala nariyal): tantrashastra men ekakshi nariyal ka bahut mahatva hai. ise lal vastra men lapet kar lakshmi-ganesh ki bhanti iska nitya shodshopchar vidhi se pujan karen sukh sampatti men vriddhi hogi. nag kesr: nag kesar ka dana tantrik drishti se samriddhidata mana gaya hai. ravi pushya ya guru pushya nakshatra men lal kapre men sabut haldi, akshat, chandi ka tukra ya sikka evan nag kesar ke dane rakh kar potli banaen. fir iski shodshopchar puja karke nitya dhup dete rahen. is prayog se daridrata samapt ho jaegi aur arthik vishyon men atyadhik labh hoga. shyama haridra: kali haldi ko hi shyama haridra kahte hain. ise tantra shastra men ganesh-lakshmi ka pratirup mana gaya hai. shyama haridra ko ravi pushya ya guru pushya nakshatra men lekar ek lal kapre men rakhakar shodshopchar vidhi se pujan karne ka vidhan hai. iske sath panch sabut supariyan, akshat evan dub bhi rakhne chahie. fir is samagri ko pujan sthal par rakhakar pratidin dhup den. yah parivarik sukh men vriddhi ke sath hi arthik drishti se bhi labh deta hai. hattha jori: yah ek vanaspati hai. iske paudhe madhya pradesh men bahutayat men pae jate hain. is paudhe ki jar men manav bhujaen jaisi hi shakhaen hoti hain. ise sakshat chamunda devi ka pratirup mana gaya hai. iska prayog sammohan, vashikaran, anukulan, suraksha evan sanpatti vriddhi adi men hota hai. prayog vidhi: ravi pushya nakshatra men hattha jori lekar use snan kara kar lal vastra men lapet kar rakh den. fir ek ghante bad use til ke tel men dubokar pavitra sthan men rakh den. fir 21 dinon bad kisi shubh nakshatra men ise tel se nikal kar sindur, kapur, laung, tulsi patra, akshat evan chandi ka tukra rakhakar iski puja shodshopchar vidhi se karen. fir ‘‘¬ ain hrin chamundayai vichche’’ mantra ka 51 ya 101 mala jap karen. fir jap ke dashansh havan, tarpan, marjan, adi karke brahman ko bhojan karaen. fir nitya apne samathrya ke anusar mantra ka jap karte rahen. yah ati prabhavshali fal dene men samarth hai. grah badha haran ke lie: ravi pushya nakshatra men palas ki barah angul lanbi lakri nimn mantra se ek hajar bar abhimantrit kar ke jii s makan men gar di jae usmen rahne vale sada nirvighn rahenge. mantra:- ¬ shan shan shin shun shun shen shain shon shaun sh shah svah san svaha.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  September 2006

manushya ko jivan ke har kshetra men nana prakar ke kasht, pareshaniyon evan badhaon se do-char hona parta hai. inhen anek sroton se pareshaniyan evan vipatti ka samna karna parta hai. kabhi ashubh grah samasyaen evan kasht pradan karte hain to kai bar kala jadu athva bhut-pret se samasyaen utpann hoti hain. fyuchar samachar ke is visheshank men prabuddh lekhkon ne apne alekhon men inhin sab mahatvapurn baton ki charcha vistar se ki hai tatha inse mukti prapt karne ke nanavidh upay batae hain. mahatvapurn alekhon ki suchi men sanlagn hain- kya hai bandhan aur unke upay, yadi ap ko najar lag jae, sharirik badhaen harne vali vanaspatiyan, bhut-pret badha, mantra shakti se badha mukti, kasht nivaran, badha ke jyotishiya upay v nivaran, kalyankari jivon ke chitra lagaen badhaon ko dur bhagaen adi. in alekhon ke atirikt anya mahatvapurn alekh jivan ke bahuvidh kshetra se sambandhit hain tatha inhen sthayi stambhon men sthan pradan kiya gaya hai.

Subscribe

Apne vichar vyakt karein

blog comments powered by Disqus
.