शनि ग्रह एवं हनुमान

shani grah evan hanuman  

Ank ke aur Lekh | Sambandhit Lekh | Views : 3306 |  
shani grah evan hanuman dae. sultan faij ‘tipu’ sanskriti men arkaputra, sauri, bhaskari, yam, arki, chaya sut, nil, asit, tarnitanay, kon, farsi v arbi men judul, kedvan, huhal tatha angreji men saitarn adi namon se pukara jane vala shani grah saurmandal men surya ki parikrama karne vala chatha grah hai. yah saurmandal ka sabse sundar grah hai. vedon tatha puranon ke anusar yah surya ki dusri patni chaya ka putra hai, aur iska varn shyamal hai. uske isi shyam varn ko dekhakar surya ne use apna putra manne se inkar kar diya. apne prati pita ke is vyavhar ko dekhakar shani ki bhavnaon ko thes lagi jiske parinamasvarup vah apne pita surya se shatrubhav rakhne laga. ramayan se vidit hota hai ki lankapti ravan ke sabhi bhrata v putron ki jab yuddh men mrityu ho rahi thi tabhi apne amaratva ke lie usne saurmandal ke sabhi grahon ko apne darbar men kaidakar liya. ravan ki kundli men shani hi ek matra aisa grah tha jiski vakravastha v yogon ke karan ravan ke lie markesh ki sthiti utpann ho rahi thi, jise parivartit karne ke lie ravan ne apne darbar men shani ko ulta latka diya v ghor yatnaen din. parantu shani ke vyavharon men koi badlav nahin aya aur vah kasht sahta raha. tabhi vibhishan se suchna pakar shri hanuman vahan pahunche aur shani ko ravan ki kaid se mukt karaya. isi upkar ke badle shani ne hanuman ko vardan diya ki ‘jo bhi apki aradhna karega, h m uski sarvada raksha karenge.’ shani ka khagoliya svarup: saurmandal men akar ki drishti se guru ke bad shani ka dusra sthan hai, jiska vyas 1,20,500 ki.mi. hai, jo surya se 1,42,60,000 ki.mi. dur hai. iska varn nila tatha iski gati kafi mand hai. isilie ise surya ki ek parikrama puri karne men 29 varsh v 5 mahine lag jate hain. apne aksh par ghurnan karne men ise 10 ghante 40 minat lag jate hain tatha ek rashi men yah 30 mah tak rahta hai. iska prithvi se gurutva 65 guna adhik hai. shastron ke anusar iske upagrahon ki sankhya 9 hai jo iske charon aur parikrama karte hain jismen chathe upagrah chandramandi ko sabse bara mana gaya hai. parantu rashtriya shaikshik anusandhan ke anusar uske upagrahon ki sankhya 30 se adhik hai. shani ki rashi v svamitva: vayu tatva pradhan shani makar v kunbh rashiyon ka svami hai, parantu kunbh rashi men yah mul trikoni tatha shesh men svagrihi hota hai. tula rashi men yah uchch ka mana jata hai jismen 20 digri tak iski sthiti param uchch ki ho jati hai. parantu mesh men yah nich ka hota hai jismen is rashi ke 20 digri tak iski sthiti param nich ki hoti hai. vinshoÿari mahadsha men iska kal 16 varshon ka tatha ashtoÿari men 10 varshon ka mana gaya hai. janmank chakra men yah jis bhav men baithta hai us sthan se tritiya v dasham bhav ko ek pad drishti se, pancham v navam bhav ko dvipad drishti se tatha tritiya, saptam v dasham bhav ko purn drishti se dekhta hai. budh v shukra iske mitra hain, surya, chandra v mangal se iski shatruta hai tatha guru se yah sambhav rakhta hai. iska ratn nilam, dhatu loha aur priya rang nila v kala hain. ise kalpurush ke ghutnon ka svami mana jata hai. ank jyotish ke anusar shani ank 8 ka aur hastarekha shastra ke anusar madhyama ka pratinidhi hai. shani prabhavit jatk: jis jatak ke janmank chakra men shani anukul avastha men ho vah shmam varn, lanbe kad, nyayapriya, tyagi, sabhya, prabhavshali tatha prabal smaran shakti vala hota hai. yadi shani uchch rashi men ho to jatak kshetrapti, jamin-jaydad ka svami, mul trikon men ho to sugthit sharir ka svami, sahsi v siddhantvadi tatha mitra grah se yut ya drisht ho to dhani, snehshil, paropkari v udar pravritti ka hota hai. shani ki ukt sthitiyon se prabhavit jatkon ki naukri ki apeksha svatantra vyavsay men ruchi adhik hoti hai. ve kisi ke adhin ya ek sthan par adhik dinon tak karya nahin kar sakta. vastutah unmen ganitagya, vaigyanik, rajnitigya, sangitagya, lekhak, manovaigyanik, jyotishi, prakashak adi ke gun paryapt hote hain. parantu jis jatak ki kundli ya janmank chakra men shani nich rashi ka ho vah chintagrast, nirdhan aur kashtapirit hota hai, aur nich karm men lipt rahta hai. yadi shani vakri, shatru rashisth ya dushit bhav men ho to jatak ekaki, nishthur, katubhashi, nastik v svarthi hota hai aur vah adhikatar ghar se dur rahta hai. shani ke karak v akarak gun: shani sansarik safltaon, laetri ke madhyam se dhan ki prapti tatha bhagyoday ka karak grah hai. vyakti ki ayu, moksh, kamna, aishvarya, jivika, vyavhar adi ka vishleshan shani ki sthiti ke adhar par kiya jata hai. vrish v tula lagnon ke lie to shani rajas yog ka karya karta hai. parantu shani ke ye karak fal jatak ko us samay tak milte rahte hain jab tak uski sthiti anukul rahti hai. yadi yah sthiti pratikul ho jae to shani akarak ka karya karne lagta hai. parinamasvarup, vyatha, rog, klesh tatha dhan hani jaise kasht utpann hote hain, kyonki dukh ke karak ke rup men shani ki vishesh pahchan hai. shani dussahsi, hathi, v apangu grah hai islie yadi yah achanak lat bhi mar de to iska pata nahin chalta. yadyapi yah chathe, athven v barhven bhavon ka karak grah hai, parantu yadi yah us sthan par nirbal ho to in bhavon se sanbandh rakhne vale asadhya vat v dirghakalik vyadhiyan jatak ko hone lagte hain. shani kark v dhanu lagn ke lie marak tatha sinh lagn ke lie mukhya marak grah ka karya karta hai. shri hanuman ke bhakton ke lie shani shubh faldayak shri hanuman ne shani ko kashton se mukt karakar uski raksha ki isilie vah bhi shri hanuman ki upasna karne valon ke kashton ko dur kar unke hiton ki raksha karta hai. shani se utpann kashton ke nivaran hetu shri hanuman ko adhik se adhik prasann kiya jae. isse n keval shani se utpann doshon ka nivaran hota hai, balki surya v mangal ke sath shani ki shatruta v yogon ke karan utpann sare kasht bhi dur ho jate hain. shri hanuman ko prasann karne ki vidhiyan is prakar hain- pratyek manglvar ko pratah suryoday ke samay snan ke pashchat shri hanumte namah mantra ka jap karen. pratyek mangal ko pratah tanbe ke lote men jal v sindur mishrit kar shri hanuman ko arpit karen. lal dhage men siddh shri hanuman yantra dharan karen tatha pratyek manglvar ko iski pran pratishtha karen. shukla paksh ke pahle manglvar se praranbh kar lagatar 10 manglvar tak shri hanuman ko gur ka bhog lagaen. pratye mangal ko chameli ke tel men sindur mishrit kar shri hanuman ko arpit karen. shukla paksh ke pahle manglvar se praranbh kar nitya pratyek manglvar ko pratah shri hanuman chalisa ka path karen. chitra v mrigshira nakshatron men kisi bhi manglvar se praranbh kar lagatar 10 manglvar tak shri hanuman ke mandir men jakar kele ka prasad charhaen. shukla paksh ke pahle manglvar ko lal kapre men bandha langot shri hanuman mandir ke pujari ko dan karen.
Kya aapko lekh pasand aaya? Subscribe

Kya aapko lekh pasand aaya? Subscribe


shani kashtanivarak hanuman visheshank  September 2009

shani kashtanivarak shri hanuman visheshank adharit hai- shani grah env hanuman ji ke apsi sanbandhon, hanuman ji ke janm evan jivan se sanbandhit kathaen, hanuman ji ke tirth sthan, yatra evan mahatva, hanuman ji se sanbandhit pujaen, puja vidhi evan mahatva.

Subscribe

Apne vichar vyakt karein

blog comments powered by Disqus
.