समस्या समाधान

samasya samadhan  

Ank ke aur Lekh | Sambandhit Lekh | Views : 2285 |  
jyotish kshetra men sarvamanniya shri arun bansal ji jyotish saftaveyar ke janmadata, bharat ke atirikt videshon men bhi vikhyat, jyotish kshetra men tis varshon se bhi adhik samay se sakriya rup se karyarat hain. jyotish ko am kanpyutar ke atirikt mobail fon tatha endrayad fon par lane men saflta prapt kar chuke hain. fyuchar samachar ke mukhya sanpadak shri bansal ji apni bhavishyavaniyon ki satikta ke liye jane jate hain tatha jigyasuon ki samasyaon ka samadhan bahut hi sahaj rup men kar dete hain. prastut hai bansal ji dvara fyuchar samachar ke pathkon ki samasyaon ka samadhan. prashna: main ek saftaveyar injiniyar hun. mujhe naukri kab tak aur kis vibhag men milegi? videsh jane ka yog kya meri janm kundli men hai? shreyas gulvani, pune 19-04-1989, 04:42, pune uttara: apki kundli men videsh jane ka prabal yog hai. ap prayasarat rahen. apko kisi achchi malti neshanal kanpni ya baink men ai.ti. branch men bahut achchi naukri milne ke yog hain. apko sava 6 ratti ka panna sone ki anguthi men budhvar ki pratah sidhe hath ki kanishthika anguli men dharan karni hogi. prashna: san 1997 se paitrik jaydad ke lie bua se mukdma chal raha hai, kab tak samapt hoga? tatha apna makan kab banega? munish kumar futela, fagvada 11-03-1975, 23:58, panjab uttara: ab apka kharab samay samapt hone vala hai. lekin abhi pitaji ki jaydad milne men tatha mukdma jitne men lagabhag ek varsh ka samay aur lag sakta hai. 2016 tak apka apna makan ban jayega. apko sadhe sat ratti ka muga tanbe ki anguthi men manglvar ki pratah sidhe hath ki anamika anguli men dharan karna chahie. sath hi pratidin pratahkal snanadi ke pashchat tanbe ke lote se surya ko jal dena chahie. is jal men gud aur roli milakar dena chahie. prashna: meri sarkari naukri kab tak lagegi? -kapil gupta, bijnaur 22-12-1978, 03:45, bijnaur uttara: apki sarkari naukri lagne ki asha kam hi pratit hoti hai. fir bhi agar ap sakaratmak prayas jari rakhte hain to 2016 ke purvarddh men sarkari naukri lag sakti hai atah prayas jari rakhen. apki kundli men aisa yog hai ki ap ek samay men ek se adhik kam karte rahenge tatha jaldi-jaldi naukriyan ya kam badlte rahenge. apko sava panch ratti ka nilam panchdhatu ki anguthi men shanivar ki sayan sidhe hath ki madhyama anguli men dharan karna chahie. prashna: punarvivah ka yog kab tak hai? bhavishya men vaivahik jivan kaisa rahega tatha sukhi vivahit jivan hetu upay bhi bataen. -ravi kumar gupta, jammu, tavi 25-3-1964, 14:45, jammu uttara: apka punarvivah 2014 ke uttararddh men hone ki sanbhavna hai. apka dusra vivah pratham vivah se achcha rahne ki sanbhavna hai. apko sadhesat ratti ka moti chandi ki anguthi men somvar ki subah sidhe hath ki kanishthika anguli men dharan karna chahie. sath hi gauri shankar rudraksh safed dhage men somvar ki subah gale men dharan karen, apka vaivahik jivan sukhi hoga. prashna: mera kam har char mah men chut jata hai, jisse main arthik rup se pareshan hun, kripya uchit upay batayen. -chandrahas sarthi, raypur 14-7-1969, 03:45, raypur uttara: apki kundli men prithakkavadi grah surya aur dvadshesh shukra sthit hain jiske karan apka svabhav kabhi-kabhi ugra ho jata hai tatha karya se santushti bhi n rah pane ke karan ap jaldi-jaldi karya badlte rahte hain. atah jivan men sthirta lane ke lie apko apne svabhav men shalinta tatha thande dimag se man lagakar karya karne ka prayas karna chahie. apko guru ka mantra jap pratidin snanadi ke pashchat 108 bar ek mala karna chahiye. guru ka mantra- un gran grin graun sah guruvai namah. sath hi pratidin snan ke bad tanbe ke lote se gud v roli jal men dalakar surya ko aghrya dena chahie. jald hi apko ane vale samay men saflta prapt hogi v arthik sthiti men sudhar ayega. prashna: mera vivah kab tak hoga? -ajay kumar jain, bhind 13-10-1983, 04.00, bhind uttara: apka vivah 2014 ke uttararddh men hone ki purn sanbhavna hai. abhi bhi samay apke lie anukul hai. atah prayasarat rahen. 2014 men vivah hone ki prabal sanbhavna hai. apko shani ka mantra jap yatha sanbhav karna chahie, sham ke samay mantra jap se adhik labh prapt hoga. shani ka mantra- un pran prin praun sah shanaishcharay namah. sath hi sadhe sat ratti ka moti chandi ki anguthi men somvar ki pratah sidhe hath ki kanishthika anguli men dharan karen. prashna: mera niji makan ban payega ya nahin, sath hi kya mujhe koi akasmik dhan prapti ke yog hain? -subhash chandra chaihan, munbai 24-09-1949, 14.30, ratnagiri uttara: apka niji makan 2016 ke uttararddh ya 2017 ke purvarddh men banne ki sanbhavna hai. apko sava panch ratti ka pukhraj sone ki anguthi men guruvar ki pratah sidhe hath ki tarjani agan lui m dharan karna chahie. sath hi apko is varsh ke ant tak akasmat dhan prapti ya jamin jaydad se labh milne ki puri-puri sanbhavna hai, yadi ap abhi jamin jaydad se sanbandhit kharid karna chahte hain to kar lena chahiye. labh hi hoga. prashna: janvri men meri man ki mrityu ho gayi thi tatha naukri bhi nahin hai, jivan men akela mahsus karta hun. kripya upay batayen. -rupindar sinh, agra 02-02-1980, 6.35, agra uttara: apki kundli men abhi shani ki dhaiyya chal rahi hai jo navanbar 2014 tak rahegi. jiske karan apke man men akelapan mahsus hota hai. sath hi ashtamesh ki dasha chal rahi hai jo is varsh ke ant tak samapt ho jayegi. uske pashchat chandrama ki dasha hogi jo ki apke lie anukul samay hoga. vartaman samay men apko pratidin shani ka mantra jap karna chahiye. mantra - un pran prin praun sah shanaishcharay namah aur hanuman chalisa ka path karna chahie. sanbhav ho to manglvar ko hanuman ji ko prasad chadhakar garibon men banten. akele rahne se bachen tatha kisi n kisi karya men jahan tak ho sake sanlagn rahen tatha jarkin ki sadhe sat ratti ki anguthi chandi men jadvakar shukravar ki subah anamika anguli men dharan karen. jald hi apko naukri bhi mil jayegi.
Kya aapko lekh pasand aaya? Subscribe

Kya aapko lekh pasand aaya? Subscribe


paravidya visheshank  July 2013

fyuchar samachar patrika ke paravidya visheshank men shiksha ke kshetra men saflta/asflta ke yog, mansik vedna, vivah ke lie guru, shukra evan mangal ka mahatva, ishvar evan devtaon ke avtar, vastu dosh v atmahatya, shriyantra ka adhyatmik svarup, pitrimoksh dham ka mahatirth brahm kapal, falit jyotish men mangal ki bhumika, prem ka pratik firoja, stri rogon ko jyotish v vastu dvara akalan, hriday rog ke jyotishiya karan, kya hai puja men arti ka mahatva, rajyog tatha viprit rajyog, chaturmas ka mahatmya ityadi rochak v gyanavardhak alekhon ke atirikt dakshinamurti stotra, ank jyotish ke rahasya, sima ka vaham namak satyaktha, arjun ki shakti upasna namak pauranik katha, kalasarp dosh se mukti ke lie lalkitab ke achuk upay, bhagvan shri ganesh aur unka mul mantra tatha jiyopaithik stres v anya nakaratmak urjaon adi vishyon par bhi vistrit rup se charcha ki gai hai.

Subscribe

Apne vichar vyakt karein

blog comments powered by Disqus
.