सम्मोहन उपचार

sammohan upchar  

Ank ke aur Lekh | Sambandhit Lekh | Views : 8864 |  
is ank men tratak aur iski upyogita par charcha karenge tatha sath men tratak aur sammohan ke sambandh ke bare men bhi charcha karenge. hamare kai pathkon ne ‘tratk’ shabd ka bada marmik rup se prayog kiya hai tatha kai logon ne ise sammohan ke paryayvachi shabd ke rup men bhi prayog kiya hai. atah yah avashyak ho jata hai ki is vishay par kuch vistrit charcha ki jaye. tratak kya hai? tratak dhyan lagane ki ek bahucharchit evan prachin vidhi hai. hamara man svabhav se chanchal hota hai jismen vichar lagatar ate rahte hain. ek vichar jitna adhik ata hai utna hi jyada svikar kar liya jata hai. man ke isi svabhav ko maddenajar rakhte hue tratak ka prayog dhyan lagane men kiya jata hai. tratak ka vyavharik arth hai ekatak dekhna arthat ek hi bindu par lagatar dekhna hi tratak hai. jab ham ek hi taraf ya ek hi sthan par dekhte hain to usi sthan ya usi bindu ki chavi bar-bar hamari ankhen hamare mastishk men bhejti hain. atah ek hi sthan par dekhne ka sandesh bar-bar mastishk men ja raha hota hai. barambarta ke niyam ke adhar par hamara dhyan usi bindu ya usi sthan par tikne lagta hai. vicharon ya sandeshon ki adhikta hone par vah chetan man ke adhikar kshetra se bahar ho jati hai tatha avchetan man ke adhikar kshetra men a jati hai. isi avastha ko dhyan ki avastha kahte hain. is varnan se aisa pratit hota hai ki tratak dhyan ki avastha prapt karne ka matra ek sadhan hai jiska karya dhyan men jane ke bad samapt ho jata hai. samne ek bindu ya ek sthan lagatar hone ke karan ham us bindu ko ya sthan ko najar andaj nahin kar sakte. agar dhyan bhatkne bhi lagta hai to bhi vah bindu hamen fir se yad dila deta hai. isi karan se dhyan ki charcha tratak ki charcha ke bina adhuri si lagti hai. tratak v sammohan hamne pichle ank men sammohan ki tin mukhya avasthaon ke bare men varnan kiya tha. usmen pahli avastha hi dhyan ki avastha hai. sammohan men dhyan prapt karne ki to anekon vidhiyan hain. unmen se ek tratak bhi kafi karagar vidhi ke rup men jani jati hai. hamen is bhram men katai nahin padna chahie ki tratak ko hi sammohan kahte hain balki tratak to sammohan ki avastha men jane ka ek sadhan hai. tratak sammohan ka ek ansh hai, yah sammohan nahin hai. kai bar kuch log sammohan dvara hone vale anek labhon ko tratak ka chamatkar kah kar pukarte hain. aisa amtaur par jankari ke abhav men log kahte hain. tratak ke madhyam se sammohan ki avastha prapt ho jati hai aur uske pashchat labh prapti hoti hai. pustakon men atyadhik prachar tatha sammohan par uchit margadarshan karne vali pustakon ke abhav se tratak sammohan ka ek abhinn ang lagta hai tatha log isi prakar isko svikar karne lage hain. lekin sachchai yah hai ki sammohan tratak kiye bina bhi badi asani se kiya ja sakta hai. tratak ke labh tratak dhyan ki ek prakriya hai atah sarvapratham to iska labh ekagrata badhana hi hai. dusre shabdon men ise vicharon ki sankhya men kami lana bhi kah sakte hain. vichar shunyata ke bare men sochna ati avashyak nahin hai. ek hi sthan par adhik der dhyan dene ki vajah se ek hi vichar ki adhikta hone lagti hai tatha dusre vicharon par niyantran badhne lagta hai. ekagrata badhne se aproksh rup se anekon prakar ke labh hone lagte hain jaise apne karya men dil lagna, padhai men man lagna, khelon men tanmayata badhna ityadi. agar ek vidyarthi ka padhai men dhyan lagta hai to uski grahan karne ya yad karne ki kshamata bhi apne ap badhne lagti hai. vidyarthiyon ki ek badi samasya hoti hai pariksha kal men prashn ka uttar bhul jana. aisa chinta badhne se hota hai. chinta ka mukhya karan atmavishvas ka kam hona ho sakta hai. vidyarthiyon ka atmavishvas pathan samagri ke yad n hone ke karan se prayah hota hai. isi prakar khiladiyon ko bhi ekagrata badhne se apna khel sudharne men madad milti hai kyonki ekagrata to khiladiyon ka aham shastra hai. vyavsay karne vale log apne karya par aur behatar dhyan laga kar apna karyakshetra v utpadan bakhubi badha sakte hain. apsi sambandh badhane men bhi iska kafi hath ho sakta hai. ye sare ek bhautik sukh, gyan, dakshata, arth aur saflta se sambandhit hain jisse insan svayan ko labhanvit karta hai, apne parivar ko labhanvit karta hai aur apne se jude huye anya vyaktiyon ko bhi labhanvit kar sakta hai. tratak karne se abhautik labh bhi prapt kiye ja sakte hain. abhautik labh jaise ek sthan ke baithe huye apni divya drishti ko anya sthanon se jodna, tailipaithi karna, atmik shakti badhana, adhyatmik vikas karna tatha kai prakar ki bimariyon aur adton se nijat pana ityadi. tratak se paye jane vale labhon ko ap alaukik shakti n manen aur n hi alaukik duniya se iska koi sambandh manen. ek bar ek vidyarthi ne pucha ki tratak karne se ankhon se ek jyoti punj niklega jo ki dusre logon ko apne vash men kar lega. yah matra ek mithya bhranti hai ankhon ya sharir ke kisi bhi ang se koi jvala ya roshni nahin niklti hai. agar kisi ko kabhi aisa pratit hota hai to matra vah sammohan ki avastha men purva soch par adharit ek bhram hai ya mansik rachna hai. hamare man men vishesh rup se avchetan man men is prakar ke bhram paida karne ki shakti hoti hai jiske karan avajen sunai dena, dikhai dena ya kisi adbhut apratyashit anubhav ka ehsas hona ek am bat hai. kabhi aisa hone par bhaybhit hone ki avashyakta nahin hai aur n hi bahut khush hone ki bat hai. yah to matra apke avchetan man ki ek kalpana hai. is prakar ki kalpanaon ka prayog upchar karne ke lie kiya ja sakta hai. hamara man atma ka ek hissa mana ja sakta hai aur atma ko parmatma ka ek hissa mante hain. atma ek urja hai jo kabhi samapt nahin hoti hai tatha uska sambandh uchchatam shakti ya urja se hota hai jise bhagvan kahte hain. atah tratak karne vale vyaktiyon ko svayan ke bare men tatha dusron ke bare men bhutkal ya bhavishyakal sambandhit gyan hona bhi sanbhav hai. agar is prakar apki adhyatmik shakti ka vikas hokar apko bhi abhas hone lage to kripya apne ap ko mahapurush ki upadhi n den. kai log isi prakar apne ap ko bhagvan ka dut ya avtar manne lagte hain. yah prakriya hona ek svabhavik gun hai jisko hamne viksit nahin kiya hai tatha sammohan ya dhyan ke madhyam se ap ise viksit kar sakte hain. atah yah kaha ja sakta hai ki tratak se sabhi ayu ke log anek prakar se labh utha sakte hain chahe vah sansarik jivan men ho, chahe vidyarthi jivan men ya chahe agyatvas men rah rahe hon. kam-kaji, vyapari, kisan, khiladi, adhikari ya kisi bhi kshetra se jude huye mahila ya purush hon sabhi tratak ka vidhivat prayog karke apne ap ko tatha dusron ko labhanvit kar sakte hain. lekin ‘nim hakim khatre jan’ is kahavat ko kabhi n bhulen. pahle kisi achchi jagah se iski shiksha payen aur fir iska upyog karen. in sabhi labhon ko pane hetu vibhinn prakar ki prakriyaon ka prayog kiya jata hai. ek hi prakriya sabhi kamon ke lie prayog nahin hoti. jaise vidyarthi ko apni shiksha men karya kshamata badhane ke lie jo prakriya karni padegi vah prakriya ek vyapari ko apna utpadan badhane ke lie nahin karni hai ya apsi sambandh badhane ke lie nahin karni hai. tratak karna ek prakriya hai jiske anek dhang hain tatha us prakriya dvara prapt manodsha ka upyog karne ke lie anek prakar ki prakriyayen hoti hain jo uddeshyanusar bhinn hoti hain. in sabhi ko thik se upyog men lane ke lie thik se jan lena ati avashyak hai. tratak karne ki vidhiyan tratak karne ki sabhi vidhiyon ko ek sthan par lana namumkin hai. atah unmen se kuch vidhiyon ka sankshep men varnan apko is avdharna ko batane ke lie yahan par diya gaya hai. ye vidhiyan ho sakti hain shakti chakkar, diya ya momabatti, agarabatti, gol bindu, holografik (chupa hua) chitra, gahra pani, nila akash, chand, tare, suraj, sui ki nok, apni chaya, aina vagairah. ye suchi aur bhi badi ho sakti hai. in sabhi vidhiyon ya is prakar ki vidhiyon ka yathapurvak vistrit varnan age kisi ank men diya ja sakta hai. yahan par kuch vidhiyon ka ek-ek pankti ka prarambhik varnan is prakar hai: shakti chakrah- shakti chakra anek prakar ke milte hain. un sabhi men ek chij am hoti hai ki unke bich men ek bindu hota hai aur charon taraf ya to ek hi gole ki anek rekhayen hoti hain ya fir anek vritt hote hain. shakti chakra ka madhya bindu tratak ke lie prayog kiya jata hai. pratibimbah- svayan ka pratibimb aine men dekhte hain tatha ankhon ya nak ki nok,mastishk ya nabhi adi kisi ang ka tratak karne men prayog kiya ja sakta hai. sui ki nokah- sui ko ya to latka diya jata hai ya fir kisi ek sthan par gad diya jata hai. sui ki nok ka prayog tratak ke lie kiya jata hai. dipkah- dipak jalakar uski lau par tratak kiya jata hai. yah dipak ghi, sarson ka tel ya til ke tel se amtaur par jalaya jata hai. gahra paniah- thame hue gahre saf pani ki gahrai men kisi ek bindu par dhyan laga kar tratak kiya ja sakta hai. nila akashah- akash ki gahrai ko bhi tratak ke lie prayog kiya ja sakta hai. ghana andheraah- kuch bhi n dikhai dene vala andhera bhi tratak ke lie prayog men laya jata hai. ghana andhera, nila akash, gahra pani jaisi vidhiyan pahle kafi abhyas ke bad prayog men lai jati hain. agarabattiah- agarabatti ka sulgta hua sira tratak karne ka ek bindu ban sakta hai. momabattiah- jalti hui momabatti ki lau par bhi tratak kiya ja sakta hai. chayaah- apni chaya ke ek hisse par tratak kiya ja sakta hai. chandramaah- ratri ko chamkte hue chandrama par tratak kiya ja sakta hai. surjah- niklte hue aur badhte hue surya par bhi kuch log tratak karte hain. tareah- chamkdar taron ko pahchanakar kisi ek tare ko tratak ke lie chun kar us par dhyan lagaya jata hai. lejar laitah- kam roshni vale kamre men lejar lait jalakar us par bhi tratak kiya jata hai. isi prakar trikaladarshi shisha, pendulam, kristal bal, kagaj par vrittakar nishan ityadi anek tratak karne ke tarike hain. inmen se kuch vidhiyan kabhi bhi ki ja sakti hain tatha kuch vidhiyan prarambh men nahin ki jati han. bina uchit jankari ya shiksha ke inmen se kisi bhi vidhi ka prayog na karen. tratak karte vakt hamari manodsha ka bahut mahatva hota hai tatha vicharon ko prayog karna ya unka upyog karna prakriyaon ke madhyam se kiya jata hai. pahle in prakriyaon ko sikh lena chahie. jis prakar pustak se padhakar saikil chalana, tairna ya gadi chalana sikhna sanbhav nahin hai usi prakar matra padhakar tratak karna bhi sanbhav nahin hai. yah matra jankari ke lie bataya ja raha hai taki hamare pathakagan kisi ke bahkave men n ayen tatha apni adhyatmikta ka uchit rup se vikas karen aur labhanvit hon. agle ank men tratak ki kuch vidhiyon ka vistar se varnan kiya jayega tatha tratak karte samay kya-kya savdhaniyan barti jayen, kis samay abhyas kiya jae tatha kitna abhyas kiya jaye ityadi bataya jaega. ham apke dvara bheji gai jankariyane aur prashnon ka hamesha svagat karte hain.
Kya aapko lekh pasand aaya? Subscribe

Kya aapko lekh pasand aaya? Subscribe


sanktmochak hanuman visheshank  August 2013

fyuchar samachar patrika ke sanktmochak hanuman visheshank men ram bhakt hanuman ke prakatya ki katha, updesh, pujan vidhi, aishvaryadayi sadhna ke vibhinn sutra, unke vibhinn svarup, vibhinn rupon ki puja se duahkh nivaran, pramukh tirth sthalon ka parichay, puja sadhna ke prabhav, chakra adi gyanavardhak alekh sammilit kie gae hain. iske atirikt uttarakhand ki trasdi, krishn janmashtami vrat, shravan men kyon barh jata hai shiv puja ka mahatva, ank jyotish ke rahasya, satyaktha, purushottam shri krishn ki amritvani, trik bhavon men grahon ka fal evan upay, bhukhand vastu v sammohan upchar tatha dharmik kriya kalap ka vaigyanik mahatva aur urja kshetra badhane ke sadhan v vivadit vastu ityadi rochak alekh bhi patrika ki shobha barhate hain.

Subscribe

Apne vichar vyakt karein

blog comments powered by Disqus
.