इच्छित संतान प्राप्ति के सुगम उपाय

ichchit santan prapti ke sugam upay  

Ank ke aur Lekh | Sambandhit Lekh | Views : 900 |  
santan prapti ki kamna manu maharaj dvara varnit tin naisargik ichchaon men se ek hai. niahsantan rahna ek bhayankar abhishap hai. yah purva janm men kie gae karmon ke fal hai ya fal ka bhog hai. santan ho kintu dusht aur kul -kirtinashak ho to yah sthiti aur adhik kashtadayk hoti hai. jinke santan nahin hoti hai bharat men unki tin shreniyan mani jati hain. 1. janmavandhya 2. kak vandhya 3. mritavatsa. kak vandhya vah hoti hai jiske kevl ek santan hoti hai. 2. mritavatsa ke santan to hoti hai par jivit nahin rahti. 3. janmavandhya ke santan hoti hi nahin. yahan tinon shreniyon ki striyon ki is abhishap se mukti ke kuch totke die ja rahe hain jinka nishthapurvak prayog karne se labh mil sakta hai. janmavandhya: rasna namak ek jari ko ravivar ke din jar danthal aur patte sahit ukhar laen. ise 11 varsha se kam ayu arthat kumari kanya ke hath se ek rang ki gay ke dudh men pisva kar rakh len. ritu kal men masik dharm ke dinon men ise char tole ke hisab se ek saptah pine se santan utpann hoti hai. dhyan rahe yah prayog tin char bar dohrana par sakta hai. - ek rudraksh aur ek tola sugandh rasna ko kumari kanya ke hath se ek rang ki gay ke dudh men pisva kar pien. ‘¬ dadanmahagnpte raksha-mrit matsut dehi’ is mantra se aushdhi ko 21 bar abhimantrit kar le. kakvandhya: kak vandhya vah kahlati hai jiske ek hi bar santan ho. yadi aisi striyan santan ki ichcha rakhti hon to ye prayog karen. - ravi pushya yog men din ko asgandh ki jar ukhar laen aur bhains ke dudh ke sath pis kar do tola roj khaen. - vishnukanta ki jar ravipushya ke din la kar purvokt prakar se bhains ke dudh ke sath pis par bhains ke hi dudh ke makkhan ke sath sat din tak khane se santan prapt hoti hai. yah prayog ritukal men hi karen. mritavatsa: mritavatsa vah hoti hai jiske santan hoti to avashya hai parantu jivit nahin rahti. ismen gay ka ghi kam men liya jana chahie. khas kar uska jiska bachra jivit ho. - majith, murhthi, kut, trifla, mishri, kharainti, mahameda, kakoli, kshir kakoli, asgandh ki jar, ajmod, haldi, daru haldi, higanu kutki, nilakamal, kamod, dakh, safed chandan aur lal chandan ye sab vastuen char-char tola lekr kut-chanakar ek kilo ghi men milakr uplon par mandi anch par pakani chahie. jab keval ghi ki matra ke barabar rah jae to chan kar rakh lena chahie. iska prayog pati-patni donon karen to putra utpann hoga jo svasth tatha sundr hoga. jab tak in vastuon ka sevn kiya jae tab tak halka bhojn karna chahie. bhagvan ke prati purna astha rakhte hue din men sone, tamsik padarthon ke sevan, bhay, chinta, krodh adi tatha tej sardi aur garmi se bachna chahie. kuch aur prayog bhi hain jo is prakar hain. - ritu kal men nae nagkesar ke barik churn ko gay ke ghi ke sath mila kar khane se bhi santan prapt hoti hai. -jatamansi (ek jari ka nam) ko chaval ke pani ke sath pine se santan prapt hoti hai. -manglvar ko kumhar ke ghar jaen aur kumhar se prarthana purvak mitti ke bartan katne vala dora le aen. use kisi gilas men jal bhar kar usmen dal den. kuch samay pashchat dore ko nikal len aur vah pani pati-patni donon pi len. yah kriya manglvar ko hi karen. agar sanbhav ho to pati-patni raman karen. garbh ki sthiti bante hi dore ko hanuman ji ke charnon men rakh den. bar-bar garbhapat hone par - mulhthi, anvla aur satavar ko bhali bhanti pis kar kaprachan kar len aur iska sevan ravivar se praranbh karen. gay ke dudh ke sath lagabhag 6 gram pratidin len. - manglvar ko lal kapre men thora sa namak bandh len. iske bad hanuman ke mandir jaen aur potli ko hanuman ji ke pairon se sparsh karaen. vaps akar potli ko garbhini ke pet se bandh den garbhapat band ho jaega. putra prapti hetu -vijore ki jar ko dudh men paka kar ghi men mila kar pien. ritukal men is prayog ko praranbh kar sam sankhya vale dinon men samagam karne se putra prapt hota hai. - putrabhilashiyon ko apne ghar men svarna athva chandi se nirmit surya-yantra ki sthapna karni chahie. yantra ke purvabhimukh baithakar dipak jalakar yantra aur surya dev ko pranam karte hue surya mantra ka 108 bar nitya shraddha se jap karna chahie. dipak men charon or batiyan (battiyan) honi chahie. ghrit ka chaturmukhi dipak jap-kal men prajvalit rahna chahie. - shashthi devi ka ek varsh tak pujn archan karne se putra-santan ki prapti hoti hai. ¬ hrin shashthi devyai svaha mantra ka pratidin 108 bar jap karte hue shashthi devi chalisa, shashthi devi stotra ka path karna chahie. katha bhi parhni sunni chahie. - shravan shukla ekadshi ka putrada ekadshi vrat putra sukh deta hai. vrat sanpurn vidhi se karen. - striyan putradayak mangal vrat kar sakti hain jise baishakh ya aghn mas men praranbh karna chahie. vrat varsha bhar pratyek mangal ko karen aur nitya mangal ki stuti karen. - jisko putra prapt nahin ho raha hai vah stri ravivar ko pratah kal uthkr sir dhokar khule bal failakar ugte surya ko aghrya de aur unse shreshth putra prapti ki prarthana kare. is prakar 16 ravivar tak kare to saflta nishchit prapt hoti hai. - jis stri ko putra nahin ho raha ho vah apne ghar men 21 tole ka pran pratishthit chaitanya parad shivling sthapit karae aur pratyek somvar ko sir dhokar pith par bal failakar ‘¬ namah shivayah’ mantra se us parad shivling par dhire-dhire jal charhae aur 7 bar us jal ka charnamrit le. is prakar 16 somvar kare to putra prapti ke lie shankar se ki jane vali prarthana avashya falit hoti hai. - pati ko chahie ki vah patni ko kam se kam 4 ( ratti ka shuddh pukhraj svarn anguthi men guru pushya nakshatra men jarvakar tatha guru mantron se abhimantrit karvakar shubh muhurt men patni ko dharn karvae. isse putra prapti ki sanbhavna barhti hai. - pran pratithit santangopal yantra prapta kar use ek thali men pile pushp ki pankhuriyan dalakar sthapit karen. yantra ka pujan pushp, kunkunm akshat se karane, dipak lagakar (yantra ke donon or ghi ke dipak lagaen) nimn mantra ka putra jiva mala se ek mala jap nitya karane. nirantar 21 din tak karen to saflta prapt hoti hai. ..‘‘¬ harivanshay putran dehi dehi namah..’’ 21 din pashchat yantra aur mala bahte jal men pravahit kare den. - rakt guna ki jar ko shubh yog men prapt kar tanbe ki tabij men rakhkr bhuja ya kamar men dharan karne vali stri ko putra ki prapti hoti hai. - ek bedag nibu ka pura ras nichor len. ismen thora sa namak svad ke anusar mila len. ab is drav ko laddu gopal ke age thori der ke lie rakh den. rat ko sone se purva stri is drav ko pi le aur pati-patni apne dharm ka palan karen to avashya putra hi hoga. dhyan rahe yah kriya kevl ek bar hi karni hai, bar-bar nahin. - yadi santan n ho rahi ho to manglvar ko mitti ke bartan men shuddh shahad bhar kar dhakkan laga kar shmashan men gar den. - uttara falguni nakshatra men nim ki jar la kar pas rakhen, santan avashya hogi. - vastushastra ke anusar ghar men boring ke pani taink ya kuen ka uttara-pashchim kon men hona bhi santan utpatti men badhak mana gaya hai. upay ke lie panchmukhi hanuman ji ka chitra aise lagaen ki vah pani ko dekhen. - asgandh ka bhains ke dudh ke sath sat din tak len. yah upay pushya nakshatra men ravivar ko shuru karen. isse putra utpann hota hai. - gokhru, lal makhane, shatavar, kaunch ke bij, nag bala aur kharaunti saman bhag men pis kar rakh len. is churn ko ratri men panch gram dudh ke sath len. - ravivar pushya yog ke din (pushya nakshatra) safed ak ki jar gale men bandhne se bhi garbh ki raksha hoti hai. iske lie dhaga lal hi prayog karen. -‘‘¬ hran hrin hrun putrana kuru kuru svaha’’- yah jap yantra hai. vanchit yantra svarna athva chandi ke atirikt svarn palish vala yantra bhi saman rup se labhkari hota hai. niahsantan danptiyon ko surya ka stavan bhi karna chahie jaise suryashtak, suryamandlashtakam adi. in stotron ka nirantar shraddha bhakti purvak path jatak ko turant sukhanubhuti deta hai. svaruchi ke anusar surya devta ki anya kisi bhi stuti ka path kar sakte hain. (pati patni donon athva koi bhi ek) - kisi yogya jyotishi ke paramarshanusar athva kulguru, purohit se salah lekr santan gopal mantra ka jap svayan karen athva yogya, anubhvi karmakandi brahmana se vidhi vidhan ke sath karaven. mantranushthan ek lakh mantra jap shastra sammat mana gaya hai. ismen nishchit samay, nishchit sthan, nishchit asn aur nishchit sankhya men pratidin jap karne ka vidhan hai. purashcharan purna hone par gau ghrit se havan kar tarpanadi karna chahie. - ashvin nakshatra men bel patra ko ek hi varn ki gay ke dudh men pis kar 40 din sevan karne se stri ka vandhyapn dur ho jata hai. - ravipushya, ya gurupushya yog men prapta lakshman paudhe ko ek varn ki gay ke dudh men pis kar rajodharm se nivritta hokar agle rajodharm tak sevan karne se agle mah men garbhadhan ho jata hai. - madar ki jar ko shukravar ko shubh nakshatra men prapt kar kamar men dharan karne vali stri ki putra prapti ki kamna puri hoti hai. - kisi shubh nakshatra men sahdei ke paudhe ko vidhipurvak prapt kar use kut chan kar churn bana len. uska ghi ke sath masik dharm ke panch din purva tatha panch din bad sevan karen. to vandhya stri garbhavati ho jati hai. - shubh nakshatra men prapt apamarg ki jar ki bhasm banakar gay ke dudh men pati-patni donon pan karen to santan prapt hogi. - ravivar ko sungdhra ki jar ko ek varn ki gay ke dudh ke sath pis kar ritu kal men pine se aur sathi chaval ka bhat evan mung ki dal ka bhojan karne se vandhyapan dur ho jata hai. - safed kataili tatha jatamsi ke patte ko sambhav men pisakar dharoshn dudh (dudh duhte samay svabhavik rup se niklne vala halka garm dudh) ke sath kuch samay tak pratidin niyamit rup se pine se putra labh hota hai. - rajodharm ki shuddhi ke bad kali aprajita ki jar ko savatsa navin gay ke dudh ke sath matra tin mah tak pine se vandhya bhi garbhavati hoti hai. - kadanb ki patti, safed chandan tatha kateri ki jar ko saman bhag men lekar bakri ke dudh ke sath piskr pine se nari putravti hoti hai. -jis stri ka putra hokar mar jata ho vah ravi kritika yog men pitpushpa ki jar prapt kar sat dinon tak pis kar das mase ki matra men pie to uska putra dirghajivi hota hai. - nibu ke purane per ki jar ko dudh men pis kar ghi milakar pine se nari dirghajivi putra prapt kar sakti hai. -nag kesar ka churn savatsa navin gay ke dudh ke sath sat dinon tak lene se tatha ghi, dudh evan paushtik bhojn karne se santan ki prapti hoti hai. - santanhin stri ravivar ko pratah suryoday se purva snan kar pratahkalin lalimayukt surya ko shuddh dugdh mishrit jal ka aghrya den. aisa sat ravivar ko karen. aisa karne se dirghayu va hrishta-pusht santan ki prapti hoti hai. surya ko aghrya dete samay bhagvan surya se prarthana kare ki he surya dev! jis prakar apne kunti ko putrarup men karna diya tha, usi prakar mujhe bhi putra pradan karen.
Kya aapko lekh pasand aaya? Subscribe
Kya aapko lekh pasand aaya? Subscribe


rudraksh evan santan gopal visheshank  May 2006

aisa mana jata hai ki rudraksh ki utpatti bhagvan shiv ke ashru kanon se hui hai. jyotish men prachlit anek upayon men se rudraksh ka upyog grahon ki nakaratmakata evan inke doshon ko dur karne ke lie kiya jata hai taki pira ko kamatar kiya ja sake. anek prakar ke rudrakshon ko ya to gale men ya banh men dharan kiya jata hai. rudraksh anek prakar ke hote hain. inmen se adhikansh rudrakshon ka namakaran unke mukh ke adhar par kiya gaya hai jaise ek mukhi, do mukhi, tin mukhi ityadi. is visheshank men rudraksh ke atirikt santan par bhi charcha ki gai hai. is visheshank ke vishay donon hai. ismen rudraksh evan santan donon ke upar anek mahatvapurn alekhon ko sammilit kiya gaya hai jaise: rudraksh ki utpatti evan mahatva, anek rogon men karagar hai rudraksh, santan prapti ke yog, kaise janen ki santan kitni hongi, larka hoga ya larki janie svar sadhna se, santan badha nivaran ke jyotishiya upay, ichchit santan prapti ke sugam upay, santan prapti ke tantrik upay adi. in alekhon ke atirikt dusre bhi anek mahatvapurn alekh anya vishyon se sambandhit hain. iske atirikt purva ki bhanti sthayi stambh bhi sanlagn hain.

Subscribe

Apne vichar vyakt karein

blog comments powered by Disqus
.