रत्न कौन सा धारण करें

ratn kaun sa dharan karen  

Ank ke aur Lekh | Sambandhit Lekh | Views : 5764 |  
ratn dharan karne ke liye nirnay ka adhar kya hona chahiye, jyotish ya hastarekha shastra? yahan adhar koi bhi kyon n ho, lekin yah hamen avashya dhyan rakhna chahie ki kisi bhi grah ka ratn dharan karne ka uddeshya hai us grah ke bal ko barhana. iske viprit kisi grah se sanbandhit padarth ka dan karna ya jal pravah karne ka tatparya hota hai us grah ke dushprabhav ko kam karna. arthat hamen kisi bhi kundli men uske anukul grahon ko dhanurhna hoga tatha pratikul grahon ko bhi dekhna hoga jo ki jatak ko ashubh fal de sakte hain. yahan yah bhi dhyan rakhna hoga ki kabhi bhi kundli ya hastarekha ke adhar par kisi bhi pratikul grah ka ratn dharan nahin karna chahie. yah thik usi tarah hoga ki jaise hamara labh sirf aur sirf unhin vyaktiyon dvara hota hai jo hamare shubhchintak hote hain ya mitra hote hain. kabhi bhi hamare shatru hamko labh nahin de sakte. agar ham unko bal denge ya unko apne ghar men amantrit karenge to vah hamesha hamen nuksan pahunchane ka hi prayas karenge, aur mauka milte hi ham par prahar karne ka prayas karenge n ki hamen labh dene ka prayas karenge. bahut se vidvan jyotishiyon ka manna hai ki jo grah hamare anukul hain, unke ratn dharan karke bali banane ka koi labh nahin hai, hamen un grahon ka ratn dharan karke bali karna chahie jo hamare pratikul hain. arthat nakaratmak ya ashubh fal dene vale grahon ka ratn dharan karke unhen bali karna chahiye. lekin yah parikalpana bilkul galat hai. atah aise grahon ke ratnon ko kabhi bhi dharan nahin karna chahie anyatha ve ratn hamko nuksan hi pahunchayenge n ki labh. atah kabhi bhi ashubh bhavon ke svami v akarak grahon ke ratn dharan nahin karne chahie. hamen hamesha shubh faldayak v shubh bhavon ke svami ka hi ratn dharan karna chahie. ashubh v shubh grah ka nirdharan karne ke liye hamen grah ki sthiti se jyada uske svamitva par dhyan dena chahiye, yah adhik mahatvapurn hai. kisi bhi grah ke liye char tathyon ko adhar manakar vishleshan kiya jata hai. grah shubh faldayak hai ya ashubh faldayak. iske alava yah dekhna parta hai ki grah bali hai ya nirbal. yadi koi grah shubh faldayak hai aur bali hai, aur aise grah ki dasha chalti hai to jatak shubh fal hi prapt karega. aisi sthiti men to jatak kundli dikhane hi nahin ata hai, jabki shubh faldayak grah ho aur nirbal sthiti men ho aur us grah ki dasha chal rahi ho to jatak ko shubh fal to prapt hote hain parantu utne shubh fal prapt nahin ho pate hain jitna vah prayas kar raha hota hai ya jitna vah apeksha karta hai arthat aisi sthiti men usko ratn dharan karne ki avashyakta mahsus hoti hai. udaharan ke liye yadi koi lagnesh chathe bhav men sthit ho gaya to uska bal nishchit rup se kam ho jata hai. aisi sthiti men lagnesh ki dasha chalne ke bad bhi purn shubh fal prapt nahin ho payenge. iske viprit lagnesh ho aur kundli men kendra men sthit ho ya uchch ka sthit ho jaye to aise grah ki dasha men jatak ko bharpur shubh fal prapt ho rahe hote hain, aisi sthiti men jatak kundli dikhane hi nahin ata hai. iske viprit koi grah 6, 8, 12ven bhav ka svami ho aur uchch ka ho ya kendra men sthit ho jaye aur aise grah ki dasha chale to jatak ko bharpur pratikul parinam mil rahe hote hain to aisi sthiti men amuk grah ka ratn bilkul nahin dharan karna chahie ki grah uchch ka hai ya kendra men sthit hai to shubh fal hi dega, balki iska fal hamen is prakar dekhna chahie ki grah ashubh bhav ka svami hai to pratikul fal hi dega aur kyonki balvan sthiti men hai to bharpur pratikul prabhav dega, aisi sthiti men ratn dharan n karakar hamen aise grah ka dan v jal pravah hi karana chahie. is prakar koi ashubh bhav ka svami hai mana 6, 8, 12 ven bhav ka svami hai aur ast ho gaya hai ya nich ka ho gaya hai ya ashubh bhav men sthit hone ke karan ya shatru rashi men sthit hone ke karan ya bali shatru grah ke sath sthit hokar apne bal ko kamjor kar raha hai, to achcha hai. aisa ashubh falkarak grah kamjor hai, jisse ki vah purn ashubh fal dene men asamarth ho jayega aisi sthiti men bhi ham uska ratn dharan nahin karvayenge, balki aise grah ka jal pravah ya sanbandhit padarthon ka jal pravah karvayenge. kabhi-kabhi grah ek shubh aur ek ashubh ka svami ho jata hai, aise men sanshay ki sthiti paida ho jati hai ki grah ko ham shubh faldayak mane ya ashubh faldayak manen. aise men grah ke shubh ya ashubh ka vichar ham grah ki mul trikon rashi ke adhar par karenge. jis bhav men grah ki mul trikon rashi hogi grah 75 pratishat us bhav ka faldayak mana jayega aur 25 pratishat uske anya bhav ki rashi ka fal dega. aisi sthiti men ratn avashyaktanusar dharan karte hain tatha jab karya men saflta prapt ho jaye ya sanpann ho jaye to aise grah ke ratn ko utar dena chahie. kabhi kisi bhi karanavash yadi grah ke shubh ya ashubh faldayi ka nirdharan nahin ho pa raha ho to us grah se sanbandhit grah ka mantra jap ya vrat ya upasna batani chahiye, kyonki mantra jap, upasna, vrat adi grah ke ashubh prabhav ko kam karta hai aur shubh prabhav ko barhata hai. aisi sthiti men ratn ke bajay rudraksh dharan karna bhi uska upay bataya ja sakta hai. ratn dharan se sanbandhit kuch mahatvapurn prashnon ke samadhan nimnalikhit hain: prashn 1ah ratn kitne vajan ka dharan karen? uttara: samanyatah niyam yah hai ki jatak ke 10 kilo ke vajan par 1 ratti ka ratn dharan kiya jana chahie. yadi isi ko adhar manen to vartaman men vyakti ka ausat vajan 70 se 90 kilo ke bich hota hai aisi sthiti men 7 se 9 ratti ka ratn dharan kiya jana chahiye. yadi nilam ya pukhraj jaise bahumulya ratn ap jatak ko batayen to adhik vajan ke ratn kimti hone ke karan ya to vah dharan hi nahin karega ya sanshypurn sthiti men rahega. atah samanya taur par 21 varsh ki ayu se kam ke jatak ko use 5 ratti tak ka ratn batana chahie tatha 21 se adhik ayu ke jatak ko sava panach se sarhe 6 ratti ka ratn dharan karvana chahie. prashna: 3: vajan men savaya ratn hi dharan karna chahiye, pauna nahin? uttara: yah dharna bilkul galat hai kyonki koi bhi ratn yadi apke liye labhkari hai, to hamesha apko labh hi dega, nuksan nahin. agar nuksan dega to vah galat ratn nirnay ke karan de sakta hai n ki pauna vajan ke karan. vaise bhi ratn ka vajan miligram men hota hai, jisko ratti men parivartit kiya jata hai. ratti koi 180 miligram ko manta hai to koi 200 miligram ko, kuch log 120 ya 160 miligram ki ratti bhi man lete hain. udaharan ke liye mana koi ratn 950 miligram hai to agar 180 miligram ki ratti manen to yah sava panch ratti ke lagabhag hoga jo ki shubh hoga aur yadi 200 miligram ki ratti manen to yahi ratn paune panch ratti ka ho jayega jo ki ashubh ho jayega. islie paune aur savaye vajan ke bare men dharna galat hi hai. prashn 4: lagna-rashi ya chandra-rashi kis adhar par ratn nirnay karen? uttara: ratn nirdharan ke liye lagn rashi ka adhar hi sahi hai kyonki isi ke adhar par shubh faldayi aur ashubh faldayi grahon ka nishchay kiya ja sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


hastalekh evan hastakshar visheshank  February 2014

fyuchar samachar patrika ke hastalekh evan hastakshar visheshank men hastalekh se vyaktitva vishleshan, likhavat dvara rogon ki pahchan evan upchar, hastakshar ke prakar evan visheshtaen, bhinn mansikta ki bhinn likhavat, hastakshar evan grah apke hastakshar kya kahte hain, likhavat se janen vyakti vishesh ko tatha hastalipi evan upyog, kaise len hastakshar dvara svasthya v dhan labh adi gurh evan mahatvapurn vishyon par charcha ke atirikt filmon men kariyar, estro pamistri, mahashivratri vrat ka adhyatmik mahatva, panchapakshi ki kriyavidhi, saflta men dishaon ka mahatva tatha adi shakti jivndayini manglrupa man tarini ke tirthasthal par rochak alekh sammilit hain.

Subscribe

Apne vichar vyakt karein

blog comments powered by Disqus
.