पुरूषोत्तम श्री कृष्ण की अमृत वाणी

purushottam shri krishn ki amrit vani  

Ank ke aur Lekh | Sambandhit Lekh | Views : 2605 |  
panch tatva nirmit is sharir ka antim lakshya jivn-maran ke bandhan se mukt hona hai. yah kisi bhi vyakti ke lie tabhi sanbhav hai, jab vah dharm marg ka avlanban kare. bhagvan shri krishn ne gita ke madhyam se samast sansar ko mukt bhav se jine ka sadhan diya hai. arjun ko madhyam bana kar, karm marg par nisprih bhav se jine ki kala samast praniyon men aye, yahi lakshya tha bhakt vatsal bhagvan shri krishn ka. bhagvan ki lilaen trilok prasiddh hain. unhin kathaon men se ek katha prastut karte hue atyant prasannata ho rahi hai. kartik ka mahina vratan-tyoharon ka mahina hota hai. sharad purnima se le kar kartik, purnima ke madhya bhaiya duj, dipavli, surya shashthi vrat, devotthan ekadshi, hanuman jayanti evan purnima vrat pramukh hain. yah katha isi kartik mahine ki hai. kartik ka mahina tha. bhagvan apne bal kal men kafi chanchal the. kartik ke mahine men striyan putron ke kalyan ke lie yamuna nadi men dip dan karti hain. atah usi kartik mahine men mata yashoda dip dan hetu prasthan karne vali thin. bhagvan krishn bhi unke sath jane ki jidd karne lage. apne bal sulabh hath ka pradarshan karte hue lila purushottam bhagvan shri krishn mata yashoda se bole: maiya, man bhi chalunga. mata yashoda ne kaha: tu vahan mat ja. tu agar vahan jaega, to udham macha dega. putra ke hath ke samne to koi bhi mata apna santulan kho deti hai. yahan to jagat pita hi putra the. atah unke hath ko vah kaise taltin? mata yashoda ki anguliyan pakde nandlal yamuna ki or prasthan kar gaye. jyon hi mata ne dip prajjvalit karna shuru kiya ki bhagvan shri krishn yamuna ki or prasthan kar gaye aur madhusudan yamuna ji men kud pade. mata ne dip dan karne ke bad dekha ki bhagvan shri krishn yamuna men bahte dipon ko kinare laga rahe hain. mata yashoda thodi vichlit huin aur bolin: tu kar kya raha hai natvr? bhagvan bole: kinare laga raha hun. punah mata yashoda boli: tu kisko kinare laga raha hai? bhagvan bole- dipon ko mata ne kaha: kyon? bhagvan ne kaha: maiya, yahi to mera kam hai. punah mata bolin: to itne asankhya dip jo bahte ja rahe hain, tu un sabko kinare kyon nahin laga deta?“ bhagvan ne kahaah maiya, yah to raj ki bat hai. mata yashoda boli: raj ki bat? raj kya hai ? shri giradhar bole: maiya, jo bhi anant se kisi bhi prakar bahte hue mujh tak a jata hai, use to main kinare laga hi deta hun. auron ka mainne theka nahin le rakha hai. vastav men bahna hi to jivan hai. arjun bahe, sudama bahe, mira bahi, raskhan bahe, tulsi bahe, sur bahe, sudama bahe aur n jane kitne bahe. sab bahen aur unhin patit pavan ke shri charnon tak bahen kyonki unhonne hi to kaha hai- ”sarva dharman parityajya mamekan sharnan vraj“ ham sabhi ki priti bhagvan shri krishn ke charnon men ho, isi kamna ke sathah ‘‘jay shiv, jay shri radheshyam“
Kya aapko lekh pasand aaya? Subscribe

Kya aapko lekh pasand aaya? Subscribe


sanktmochak hanuman visheshank  August 2013

fyuchar samachar patrika ke sanktmochak hanuman visheshank men ram bhakt hanuman ke prakatya ki katha, updesh, pujan vidhi, aishvaryadayi sadhna ke vibhinn sutra, unke vibhinn svarup, vibhinn rupon ki puja se duahkh nivaran, pramukh tirth sthalon ka parichay, puja sadhna ke prabhav, chakra adi gyanavardhak alekh sammilit kie gae hain. iske atirikt uttarakhand ki trasdi, krishn janmashtami vrat, shravan men kyon barh jata hai shiv puja ka mahatva, ank jyotish ke rahasya, satyaktha, purushottam shri krishn ki amritvani, trik bhavon men grahon ka fal evan upay, bhukhand vastu v sammohan upchar tatha dharmik kriya kalap ka vaigyanik mahatva aur urja kshetra badhane ke sadhan v vivadit vastu ityadi rochak alekh bhi patrika ki shobha barhate hain.

Subscribe

Apne vichar vyakt karein

blog comments powered by Disqus
.