प्राणायाम : आरोग्य और बल-वृद्धि का साधन

pranayam : arogya aur bal-vriddhi ka sadhn  

Ank ke aur Lekh | Sambandhit Lekh | Views : 4307 |  
pranayam: arogya aur bal-vriddhi ka sadhan dae. bhagvan sahay shrivastav pranayam ke dvara pranon ko sanymit kiya jata hai. jab iska abhyas paripakva ho jata hai, tab iske prabhav se anek asadhya rog sadhya ho jate hain. man ka pran men lay hone se jo sthirta prapt hoti hai usse manushya anek ashcharyajanak karyon ko kar sakta hai. ‘prano viliyate yatra manastatra kliiyate’ (hath yog) arthat jahan pran vilin hote hain, vahin man bhi vilin hota hai.’ is prakar man aur pran men bhed ka pratipadan n hone se mansik shakti men bhi aikya siddh hua, aur jahan man-pran donon ek ho jayen, to vahan ki shakti ka kya thikana? isi pran-shakti ke bal par bhartiya yogiyon ne bare-bare karya kiye the. drishtimatra se sagar ke sath hajar putron ka bhasm ho jana athva agastya rishi dvara samuche samudra ka pan kar lena adi ye sabhi karya mansik shakti ya pran-shakti ke bal par hi hue the. pranayam se kam-vikar, manovikar, tridoshaj rog adi ka unmulan ho sakta hai, asimit rup se sharirik bal prapt kar sakte hain aur logon ko akarshit v sammohit bhi kar sakte hain. koi balvan se balvan hinsak pashu bhi pranayam sadhak ka samna nahin kar sakta aur vah svayan jo chahe, kar sakta hai. pranayam ki vishisht sadhna dvara pratyek prakar ki samasya, ulajhan, viprit paristhitiyane aur nirbalata ke nirmulan ke lie sujh-subuddhi aur parmatma-bal arjit karna sahaj sanbhav hai. jis prakar aj ka vaigyanik prachand atma-sadhna yani purusharth dvara vibhinn kshetron men prakriti ko vijit kar raha hai, usi prakar pranayam ki vishisht sadhna dvara apni prakriti ko jit sakte hain. paristhitiyon ko anukul bana sakte hain, un par vijay prapt kar sakte hain. unhen badal sakte hain. visham paristhiti men bhi khush rah sakte hain. pran chikitsa ki shreshthata jab pran-shakti ya jivni shakti hi sabhi prakar ki bimariyon ka pramanit karan hai aur uski nirbalata hi adhi-vyadhi ki janni hai, to uski sablta hi rog-nirmulan ka ek upay hai? kya pran-shakti ko aushdhiyon dvara sabal bana sakte hain? rasaynik drishti se pran ki vyakhya karne vale log yadi aushdhi ko pran pravardhak mante hon to ashcharya nahin. unki drishti sthul hai. ve pran ko parmanik sanrchna (kampaund aef etamsa) mante hain. vah parmanu ka bhi mul hai. parmanu to uska sthul rup hai. pran vah chidspandan hai jisse parmanuon ka udbhav aur sanshleshn-vishleshan hota hai. atah rasayan ya aushdhi chikitsa to sthul chikitsa hai. prakritik chikitsa, pranayam aur yog chikitsa dvara hi pran ko sabal bana sakte hain. pran ka vipul sangrah karke jivan ko tejasvi, ojasvi aur yashasvi banaya ja sakta hai. aushdhi to bahri upchar hai. pranayam aur pran ye sajatiya sanbandh hai. atah bhavna bharit pranayam hi sajatiya karshana-niyam ke anusar pran-pravardhan ka saral, niahshulk evan naisargik upay hai. ap bhi jyotishrup shakti pravah ko thore se abhyas se hi sahaj hi apne men pravhman dekh sakte hain. vah halke gulabi rang ke prakashamay vidyut sfulligon (chingariyon) ya kirnon ke rup men sharir ke andar aur sharir ke as-pas kuch dur tak manomugdhakari ghere ke rup men spasht dikhai deta hai. jo log abhyasi nahin hain, ve bhi yadi dhyan den, to unhen bhi pran men (chulhe) se nikli hui hava, bhap ya kanpti hui dhvani tarang (lahr) ki tarah anubhav hogi. nabhi ke pas sthit surya chakra rupi sukshm dibbi ke andar, jar men bhari gais ke saman sangrah kar sakte hain aur antravyvon ko is prakar sanchetit rakha ja sakta hai ki ve antriksh vyayi mahapran ke divya pravah se yathapeksh (jitna avashyak ho) pran ka svabhavik rup se len-den karte rahen jisse bahte hue jal ke saman hamara pran sadaiv taja, shuddh, nirmal, shital aur gatimay bana rahe. pranayam ki vidhi-vyavastha yah vyavastha pran ke akarshan aur kudrti-fitrti-bahav ko svabhavik banaye rakhti hai jisse pran ka adan-pradan karne vale antrik ang svasth rahte hain, ve apna karya sucharu rup se karte rahte hain. atah pranayam arogya aur bal-vriddhi ka sadhan to hai hi, rog-nivaran aur svasthya-labh ka bhi achuk upay hai. iska prabhav sthayi hota hai. vah aushdhiyon ke saman rog ya rog ke karan ko dabata nahin he. pranayam se sabhi rog samul nasht ho jate hain. kuch prayog, rog-nivarak upchar nimn prakar hain. rogopchar v upay yadi apke kisi ang men dard ya sujan ho, hath-panv thand se sunn ho rahe hon, sir men ashniya dard ho ya ankh, nak, kan adi ang ka koi vishesh rog ho, to uske nivaran ke lie pran se pusht rudhir ka us-us avayav ki aur tivra gati se sancharan ya preshan bara labhkari hota hai. aisa karne se rog nirodhini shakti prabal hoti hai aur rogabal shanaiah shanaiah kshin hota jata hai. kabhi-kabhi to ek do bar ke abhyas se hi purn labh ho jata hai. abhyas ang vishesh ki or rudhir aur pran ka sanchar karne ke lie sidhe baith jaiye. yadi baithna sanbhav n ho to pith ke bal sidha letne men bhi koi hani nahin hai. ab sabse pahle panch se das bar tak is prakar shvas niahshvas karen ki shvans nikalne men jitna samay lage utna hi samay shvans ko bahar aur andar rokne men lagaya jaye. kriya 1: man len das bar un kahte hue shvans li hai, to use tab tak andar hi roke rakhie, jab tak ap panch bar un un n kah len. tatpashchat das bar un kahte hue sans chorna chahiye aur panch bar un kahne tak dusri sans nahin leni chahie. sans bharne aur sans chorne par sans ko andar ya bahar rokne ki matra, bharne aur chorne ki matra ki adhi honi chahie. kriya 2: jab yah kriya panch das bar kar chuken, tab sans bharte hue aisi bhavna karni chahiye ki rakt sanchar ke sath hi sath mera suryachakra sthit pran-pravah rogpirit sthan ki or daur raha hai. sans ko andar roke-roke fir bhavna dvara pran ko pirit ang ki or pravahit hone ka manas chitra khinchen. aisa tab tak karte rahen, jab tak ap sans ko asani se rok sakte hon. kriya 3: tatpashchat dhire-dhire shvans ko bahar nikalen aur ise vishvas ke sath bhavna karen ki sab dosh, vikar aur sujan ya dard bhap banakar ure ja rahe hain. sans ko bahar hi rokakar punah man hi man kahen ki pran-shakti pakar mera vah ang svasth aur sabal ho gaya hai. is kriya ko pandrah minat se adha ghanta tak karna chahie. nishkarsh ap is kriya ke pashchat is avdhi men pratyaksh anubhav karenge ki apki pira ka pariman vegpurvak ghat raha hai. is kriya ko 6-6 ghante ke antar se din men tin bar tak kiya ja sakta hai. halke kasht ek do bar ke karne se hi mit jate hain. kintu jirn rog ki shanti men kuch din ya kuch saptah lag sakte hain. atah dhairyapurvak bina ghabraye bhav-bharit hriday se yah pranayam avashya karna chahiye. avashya labh hoga. û pira-shaman ke is upchar ke samay dukhit ang ko apne hi hathon ka mridu sparsh dekar pran-vidyut ke pravah ko drut karne men bari madad milti hai. bhavna sabal hoti hai kyonki sparsh se rakt aur pran us or daurte hue pratyaksh dekhe jate hain. û yah dhyan rahe yadi sir men ya udhrvagon men pira ho to pran sanchar ko niche ki or hi prerit kiya jaye kyonki udhrvangon men rakt dabav barhne se hi pran-pira hoti hai. aisi dasha men yadi rakt ke bahav ka dhyan mastishk ki or karenge to rakt dabav barh jayega. aise men labh ke bajay hani ki sanbhavna hai. û pirit pradesh par anguliyon ko morakar man hi man atma dvara kahen ‘nikal jao’ ‘vikar bhag’ ‘tanav bhag’ ‘dard -bhag’ aisa kahte hue marjan bhi kiya ja sakta hai. yah kriya usi dhang se karni chahiye jis prakar tamasha dikhane vale kisi madhyam ko behosh (sammohit) karne ke lie karte hain. û yah bhi satya siddh hai ki anguliyon ke siron se chunbkiya kirnen (jinhen adhyatm shastra men pran kahte hain) barabar niklti hain. atah marjan ke dvara vidyut-pravah vikrit ang par dalne se prakritik rognivarini shakti ko bal milta hai aur rog ke shaman karya men teji ati hai. pranayam ke prayog se vividh rogon ko nasht kiya ja sakta hai. dhire-dhire prayatn karna chahiye ki apki sans kahan ruke, aur vah shvansropan lagabhag 6 minat se ath minat tak ho. jab ap chah ya isse jyada minat tak shvans sthapit karne men safal ho jaen to shvans skhalit nahin hoga. tabhi apko age barhne ka prayas karna chahiye.
Kya aapko lekh pasand aaya? Subscribe

Kya aapko lekh pasand aaya? Subscribe


Vastu Visheshank  दिसम्बर 2016

ज्योतिषीय पत्रिका फ्यूचर समाचार के इस वास्तु विशेषांक में बहुत अच्छे विवाह से सम्बन्धित लेखों जैसे वास्तुशास्त्र का वैज्ञानिक आधार, वास्तु निर्माण काल पुरुष योग, वास्तु दोष शांति हेतु कुछ सरल उपाय/टोटक,वीथिशूल: शुभाशुभ फल एवं उपाय आदि। इसके अतिरिक् प्रत्येक माह का राशिफल, वास्तु फाॅल्ट, टोटके, विचार गोष्ठी आदि भी पत्रिका का आकर्षण बढ़ा रहे हैं।

Subscribe

Apne vichar vyakt karein

blog comments powered by Disqus
.