पितृ कौन, उनकी पूजा आवश्यक क्यों

pitri kaun, unki puja avashyak kyon  

Ank ke aur Lekh | Sambandhit Lekh | Views : 432 |  
mata-pita ki seva ko sabse bari puja mana gaya hai. jo jivan rahte unki seva nahin kar pate, unke dehavsan ke bad bahut pachtate hain. isilie hindu dharm shastron men pitron ka uddhar karne ke lie putra ki anivaryata mani gai hai. raja bhagirath ne apne purvajon ke uddhar ke lie ganga ji ko svarg se dharti par la diya. janmadata mata-pita ko mrityoprant log vismrit n kar den islie unka shraddh karne ka vishesh vidhan bataya gaya hai. prastut hai pitri evan pitri paksh ke mahatva ki vishesh jankari- ekaikasya tilairmishranstrinstrin dadyajjalajjalin. yavajjivkritan papan tatkshanadev nashyati. arthat jo apne pitron ko tilmishrit jal se tin-tin anjliyan jal ki pradan karta hai, uske janm se tarpan ke din tak ke papon ka nash ho jata hai. hamare hindu dharm darshan ke anusar jis prakar jiska janm hua hai, uski mrityu bhi nishchit hai usi prakar jiski mrityu hui hai uska janm bhi nishchit hai. aise kuch virle hi hote hain jinhane moksh ki prapti ho jati hai. pitripaksh men tin pirhiyon tak ke pita paksh ke tatha tin pidhiyon tak ke mata paksh ke purvajon ke lie tarpana kiya jata hai. inhin ko pitar kahte hain. divya pitri tarpan, dev tarpan, rishi tarpan aur divya manushya tarpan ke pashchat hi sva pitri tarpan kiya jata hai. bhadrapad purnima se ashvin krishnapaksha amavasya tak ke solah dinon ko pitripaksh kahte hain. jis tithi ko mata-pita ka dehant hota hai, usi tithi ko pitripaksh men unka shraddh kiya jata hai. shastron ke anusar pitripaksha men apne pitron ke nimitt jo apni shakti samathrya ke anurup shastra vidhi se shraddhapurvak shraddh karta hai, uske sakal manorath siddh hote hain aur ghar, parivar, vyavsay tatha ajivika men hamesha unnati hoti hai. pitri dosh ke anek karan hote hain. parivar men kisi ki akal mrityu hone se, apne mata-pita adi sammanniya janon ka apman karne se, marne ke bad mata-pita ka uchit dhang se kriyakarm aur shraddh n karne se, unke nimitt varshik shraddh adi n karne se pitron ka dosh lagta hai. iske falasvarup parivar men ashanti, vansh vriddhi men rukavat, akasmik bimari, sankat, dhan men barakat n hona, sari sukh suvidhaen hote hue bhi man asantusht rahna adi pitri dosh ho sakte hain. yadi parivar ke kisi sadasya ki akal mrityu hui ho, to pitri dosh ke nivaran ke lie shastriya vidhi ke anusar uski atm shanti ke lie kisi pavitra tirtha sthan par shraddha karvaen. apne mata-pita tatha anya jyeshth janon ka apman n karen. prativarsh pitripaksh men apne purvajon ka shraddh, tarpan avashya karen. yadi in sabhi kriyaon ko karne ke pashchat pitri dosh se mukti n hoti ho to aisi sthiti men kisi suyogya karmanishth vidvan brahman se shrimad bhagavat puran ki katha karvaen. vaise shrimad bhagavat puran ki katha koi bhi shraddhalu purush apne pitron ki atma shanti ke lie karva sakta hai. isse vishesh punya fal ki prapti hoti hai.
Kya aapko lekh pasand aaya? Subscribe
Kya aapko lekh pasand aaya? Subscribe


paravidyaon ko samarpit sarvashreshth masik jyotish patrika  September 2006

manushya ko jivan ke har kshetra men nana prakar ke kasht, pareshaniyon evan badhaon se do-char hona parta hai. inhen anek sroton se pareshaniyan evan vipatti ka samna karna parta hai. kabhi ashubh grah samasyaen evan kasht pradan karte hain to kai bar kala jadu athva bhut-pret se samasyaen utpann hoti hain. fyuchar samachar ke is visheshank men prabuddh lekhkon ne apne alekhon men inhin sab mahatvapurn baton ki charcha vistar se ki hai tatha inse mukti prapt karne ke nanavidh upay batae hain. mahatvapurn alekhon ki suchi men sanlagn hain- kya hai bandhan aur unke upay, yadi ap ko najar lag jae, sharirik badhaen harne vali vanaspatiyan, bhut-pret badha, mantra shakti se badha mukti, kasht nivaran, badha ke jyotishiya upay v nivaran, kalyankari jivon ke chitra lagaen badhaon ko dur bhagaen adi. in alekhon ke atirikt anya mahatvapurn alekh jivan ke bahuvidh kshetra se sambandhit hain tatha inhen sthayi stambhon men sthan pradan kiya gaya hai.

Subscribe

Apne vichar vyakt karein

blog comments powered by Disqus
.