हस्तरेखा ज्ञान : इतिहास एवं प्रामाणिकता

hastarekha gyan : itihas evan pramanikta  

Views : 879 | June 2005

ayuah karm ch vittan ch vidya nidhnmev ch.
pan´chaitanyapi srijyante garbhasthasyaiv dehinah..
vyakti ki ayu, karm, dhan, vidya aur mrityu ka nirdharan garbh men hi ho jata hai.

karmavadiyon evan jyotishiyon ka vivad yugon-yugon se chala a raha hai. karmavadi apne paksh ki prabal pushti hetu prayah gita ke is shlok ki duhai dete hain:

karmanyevadhikaraste, ma faleshu kadachan.
ma karmafalaheturbhumae te, sango'stvakarmani..

arthat vyakti ko apna karm kartavya samajh kar nirantar karte rahna chahie, kyonki karm karna uske hath men hai. jahan tak kie gae karm ke fal pane ki bat hai uski chinta nahin karni chahie. yadi fal ki chinta man men rahegi to karm achche dhang se nahin ho paega. yadi karm hi achcha nahin hua to fal kaise achcha milega.


apni kundli men sabhi dosh ki jankari paen kampalit dosh riport men


karm ki abhilasha man men n ho to karm ke bad fal ki prapti n hone par nirasha nahin hogi, kyonki man men pahle se fal pane ki chah balvti nahin thi. ‘jab fal hi nahin milna to karm kyon karen’ ka bhav bhi man men nahin ana chahie. aisa hone par akarmanyata gher legi. islie sachet hokar karm karte rahna chahie. hastarekha dekhne ka prachalan bharat men vaidik kal se raha hai. iska ek sabse purana prasang ramayan men milta hai jab narad muni ne parvatraj himalay ki putri girija ka hath dekhakar bataya:

jogi jatil akam man nagan amangal besh.
as svami ehi kahan milihi pari hast asi rekh..

arthat is kanya ke hath ki rekha ke anusar iska pati yogi, jatadhari, nishkamhriday, addhar nagn aur amangal veshdhari hoga.

atharvaved men bhi hastarekha gyan ka ullekh hai:

krit dakshin haste, jayo me sanay ahitah. (atharvaved-752.8)

arthat vyakti ke daen hath men purusharth aur baen hath men vijay hai.

manav jati ke donon hathon men antar hai. dayan hath karm ka aur bayan hath bhagya ka hai. dayan hath hi dekhna chahie kyonki yahi hamare karm ko darshata hai. hamare har karm mane dayan hath hi sarvapratham age barhta hai. hastarekha vigyan samudra rishi dvara rachit samudrik shastra ka hi ek ang hai. samudrik shastra men shikha se lekar pairon tak sabhi angon ke varnan evan unke dvara bhavishya kathan ki vidhi batai gai hai. lekin unmen lalat evan hast rekhaon ka hi sabse adhik varnan hai.

jyotish evan hastarekha vigyan men ek pramukh antar yah hai ki jyotish men janm ke samay se hi janmang niyat ho jata hai jabki hamare karmanusar hamari hastarekhaen badlti rahti hain aur is prakar ye rekhaen hamare karmanusar parivartit bhagya ko darshati hain. jurvan bachchon ke bhavishya kathan men jyotish puri tarah saksham nahin hai. aise men hastarekha gyan bhavishya kathan men sahayak siddh hota hai. do manushyon ki, jo ek hi samay aur ek hi sthan par utpann hon, hast rekhaen bhi bhinn hoti hain.

palm-knowledge-history-and-authenticity

hastarekha vigyan men anek rikt sthan hain jinke karan bhavishya kathan men kami rah jati hai. jaise ki jivan rekha purn rup se hamari ayu ko nahin darshati hai. jinki jivan rekha choti hoti hai ve bhi dirghayu hote hain evan jo balak janm ke turant bad hi mrityu ko prapt hote hain unki jivan rekha lanbi pai jati hai. isi prakar vivah paksh, santan paksh, matri, pitri evan bhratri paksh, vyapar paksh adi ke bare men satikta se bhavishya kathan karne men anek vyavdhan ate hain. in par aise shodh ki avashyakta hai jismen jivan parichay sahit hastarekha bhandar banaya jae evan unmen se sutra nikal kar hastarekha vigyan ko naya rup diya jae.


to get your personalized solutions, talk to an astrologer now!


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

September 2020 Special  सितम्बर 2020

फ्यूचर समाचार के इस विशेषांक में - श्राद्ध, गोल्ड में उतार-चढ़ाव, बहु विवाह के ज्योतिषीय योग, रुद्राक्ष भगवान शिव का आशीर्वाद आदि सम्मिलित हैं ।

Subscribe


.