kuch din purva pandit ji maedal taun, dilli ke ek vyapari ke yahan vastu parikshan karne gae the. unse milakar pata chala ki vah apni arthik sthiti se bahut pareshan hain. unke vyapar men ek ke bad ek ghate hote a rahe hain aur ab to pichle kuch samay se kam band karne ki sthiti a gai hai. bahut se mukdme bhi chal rahe hain. ghar men har samay tanav ki sthiti bani rahti hai. ghar men ane ka man nahin karta tatha svasthya bhi dhila rahta hai. vastu parikshan karne par pae gae vastu dosh:
1. unke ghar ka mukhya dvar dakshin-pashchim men tha jo ki ghar ke malik ki arthik v svasthya hani karata hai aur malik ko ghar se dur rakhta hai.
2. unke ghar ke dakshin men boring thi jo ki dhan hani, larai -jhagre tatha mukdmebaji ka karan hoti hai.
3. uttara-purva men shauchalay bana tha jo ki sabhi or se dhan ke dvar band hone tatha ganbhir mansik tanav ka karan hota hai.
4. plaet ka uttar ka kona band tha jo ki ganbhir arthik samasyaon ka karan hota hai.
5. purva men bhari stor bana tha jismen bhari mandir plet farm banakar rakha tha jo ki vikas men badhak hota hai tatha isse chati sanbandhi bimari hone ki sanbhavna rahti hai.
6. ghar men rasoighar kuch pashchim tatha kuch dakshin-pashchim men a raha tha jo ki anchahe kharchon ka karan hota hai.
7. ghar ke jyadatar shishe dakshin ki or lage the jo ki kharche aur bimari barhate hain. sujhav:
8. dakshin-pashchim ke mukhya dvar ke niche nau piramid tatha chandi ki patti dabane ko kaha gaya tatha us par dahlij banane ki salah di.
9. dakshin ki boring ko jaldi se jaldi band karne ko kaha tatha gaddhe ko puri tarah bharne ki salah di gai. boring ko uttara-purva men karne ko kaha gaya.
10. uttara-purva me bane shauchalay ki sit ko hatane ko kaha gaya.
11. uttar ke kone ko bilding ki sidh men karne ko kaha gaya jisse plaet ke piche ka kona khul sake aur aisa karne se uttar ka kona bhi khul jaega tatha bilding ki uttar disha barh jaegi.
12. purva men bane stor ko halka karne ki salah di gai tatha mandir ke niche marbal ke bane pletfarm ko torne ko kaha gaya. unhen kaha gaya ki stor men halka, saf, suthra, thora-sa saman dakshin ki or rakh sakte hain tatha halka lakri ka mandir jiske niche paye bane hon, purva ki divar par banayen.
13. rasoighar ko daining ki jagah dakshin-purva men sthanantrit karne ki salah di gai.
14. ghar ke sabhi shishon ko dakshin se hatvakar uttara-purva, purva ya uttar men lagane ki salah di gai . pandit ji ne unhen ashvasan dete hue kaha ki unke batae sabhi sujhavon ko karyanvit karne ke pashchat unhen avashya labh milega.
jivan men jarurat hai jyotishiya margadarshan ki? abhi bat karen fyuchar point jyotishiyon se!