शारदीय नवरात्र व्रत

shardiya navratra vrat  

Ank ke aur Lekh | Sambandhit Lekh | Views : 2912 |  
shardiya navratra vrat pan. braj kishor bharadvaj brajvasi chaitra, asharh, ashvin tatha magh mas ke shukla paksh ki pratipda se navmi tithi tak navratra vrat hota hai. inmen sanpurn manorath purn karne vali, srishti sthiti aur sanhar karya men sanlagn, sabhi praniyon v devtaon ki janni, sagun-nirgun evan kalyanamay vigrah svarup, sat-raj-tam tinon gunon se pare man bhagvti sinhvahini adyashakti durga ki puja aradhna v pujan ka vidhan hai. ye bhagvti mahamaya anadi hain, ataev kabhi bhi inki utpatti nahin hoti. sarvopri virajman rahne vali evan apne bhakton ka sadaiv kalyan karne vali ye devi nitya svarupini hain. karnon ki bhi ye karan hain. ye shaktimyi devi sarvatma rup se sanpurn praniyon ke bhitar virajman rahti hain. yadi antahkaran se bhagvti apna asan hata len to prani nishpran pratit hota hai, kyonki samast dehdhariyon men jo chitshakti hai, vah inhin ka svarup hai. inke prakat aur antardhan hone men devtaon ke karya nimitt hote hain. jab devta ya manushya inki man, shakti v prem se stuti karte hain, tab sanpurn praniyon ka kasht dur karne ke lie ye man bhagvti jagdanba anek prakar ke rup dharan karke bhanti-bhanti ki shaktiyon se sanpann ho svechchapurvak prakat ho jati hain. ye purn svatantra hain. kal ka sahas nahin ki inke pas a sake. in sadsadatmika bhagvti par hi is drishyatmak jagat ki rachna ka bhar hai. atah jo log in lila viharini brahmadi devon dvara aradhit bhagvti jagdanba ki nishtha, bhakti evan prempurvak dhyan aur pujan kiya karte hain, unki sari kamnaen puri ho jati hain. is sanbandh men raja surath aur samadhi vaishya ko munivar sumedha ji dvara devi ki puja-vidhi ka diya gaya gyan anukrniya hai. katha is prakar hai- ek bar raja surath ne munivar sumedha ji ko vinypurvak pranam karte hue kaha, ‘‘bhagavan ! bhagvti jagdanba ki aradhna ki vidhi vistar se mujhe batane ki kripa karen.’’ sumedha ji ne kaha, ‘‘rajan sune main bhagvti ki puja ka uttam prakar batata hun. iske prabhav se logon ki abhilashaen purn ho jati hain. ve param sukhi, gyani aur moksh ke adhikari ban jate hain. shraddhaluon ko chahie ki navratra ane par pahle vidhipurvak snanadi krityon se pavitra ho svachch vastra dharan kar len. savdhani se achaman karen. tadnantar svachch, dhuli aur lipi bhumi par uttam asan bicha len. us par baithakar prasann man se tin bar vidhivat achaman karen. sath hi apni shakti ke anusar pujan ki samagriyan pas rakh len. pranayam karne ke pashchat bhutshuddhi karen. mantra parhakar sabhi samagriyon par jal ke chiente den. fir pran-pratishtha karen. samay ka gyan avashya rakhna chahiye. vidhiuparvak matrika-nyas karen. tanbe ka ek pavitra patra len. usmen shvet chandan athva ashtagandh se shatkon yantra likhen. uske bahar ashtakon yantra likhna chahie. navarna-mantra ke ath bij akshar athon konon men likhen. navan akshar karnika ke madhya bhag men likhen. fir ved men batai hui vidhi ke anusar yantra ki pranapratishtha karen. yantra ke abhav men bhagvti ki dhatumyi pratima rakhne ka vidhan hai. rajan ! yamal adi tantra granthon men pujan ke jo mantra kahe gae hain, unka uchcharan karke yatnapurvak bhagvti ki puja karni chahie. vedokt vidhi se puja karne ke pashchat navarna-mantra ka jap karen. man ko bhagvti ke dhyan se kabhi virat n hone den. dashansh havan karen. havan ka dashansh tarpan karen aur uska dashansh brahman bhojan karaen. pratidin tin charitron ka path hona avashyak hai. fir visarjan karna chahie. vidhi ke sath navratra vrat karne ka bhi vidhan hai. rajan ! kalyan chahne vale purush ko chahie ki vah ashvin aur chaitra ke shukla paksh men navratra-vrat kare. havan vistarpurvak hona chahie. anushthan men lie hue mantra parhakar pavitra khir se havan kare. us khir men ghi, chini aur shahad mila lene chahie. uttam billav patra, shakkaramishrit til adi se bhi havan kiya ja sakta hai. ashtami, navmi aur chaturdashi ke din bhagvti ki visheshrup se puja honi chahie. is avasar par brahmanon ko bhojan bhi karana chahie. aisa karne se nirdhan vyakti dhanvan ho jata hai, rogi ke rog dur ho jate hain, santanhin ko suputra prapt hote hain, rajyachyut naresh ko akhil bhumandal ka rajya sulabh ho jata hai. bhagvti mahamaya ki kripa se shatru dvara pirit vyakti men aisi shakti a jati hai ki vah use parast kar deta hai. jo vidyarthi indriyon ko vash men karke bhagvti ki aradhna karta hai use punyamyi uttam vidya mil jati hai- ismen koi sanshay nahin hai. brahman, kshatrin, vaishya athva shudra sabhi bhagvti jagdanba ki puja ke adhikari hain. jo stri athva purush bhaktipurvak navratra-vrat karta hai, uska har manorath pura hota hai. ashvin shukla paksh ke uttam navratra ko jo bhaktibhav ke sath vrat karta hai, uski sabhi kamnaen siddh ho jati hain. iske lie vidhivat mandal banakar puja ke sthan ka nirman karna chahie, fir kalash sthapan karen. yantra ko bhalibhanti thik karke kalash ke upar rakh den. kalash ke charon or uttam jau boen. upar chandova laga dena chahie. jahan bhagvti ki sthapna ki jae, vahan dhup-dip jalte rahne chahie. pratah, madhyahn aur sandhya-tinon samay bhagvti ki puja karen. devi chandika ke pujan men shakti ke anusar paryapt dhan vyay karen. dhup-dip, naivedya, fal, ful, git, vadya, stotra path aur ved-parayan in sabhi upcharon se devi ka pujan sanpann hota hai. vastra abhushan, chandan, anek prakar ke bhojya padarth, sugandhit tel, har adi samagriyon ke sath kanyaon ki vidhivat puja karen ! fir mantra dvara havan karna chahie. ashtami ya navmi kisi bhi din vidhi ke sath havan kar sakte hain. fir brahmanon ko bhojan karaen. navratra vrat ka paran dasven din karna chahie. is prakar, jo log shraddhapurvak navratra-vrat karte hain unhen is lok men sukh evan manovanchit bhog sulabh ho jate hain. dusre janm men bhi bhagvti jagdanba ki thik vaisi hi bhakti hriday men sfutit ho jati hai. vrati ka uttam kul men janm hota hai aur vah sadachari jivan vyatit karta hai. navratra-vrat sanpurn vraton men shreshth kaha gaya hai. is vrat ke karne se prani samast sukhon ke bhagi ho jate hain. rajan ! ap isi vidhi ke anusar bhagvti chandika ki aradhna karen, apke sare shatru parast ho jaenge aur ap sarvottam rajya pa jaenge. bhupal! apka sharir param sukhi ho jaega. apke bhavan men duahkh nahin thahar sakenge. fir apki stri aur putra apko mil jaenge. fir munivar ne vaishya samadhi se kaha, ‘‘adrniya vaishya ! ab ap bhi inhin bhagvti mahamaya ki aradhna karen. ye vishva ki adhishthatri hain. sabhi manorath purn karna inka svabhav hai. srishti aur sanhar-karya inhin se sanpann hote hain. bhagvti ke prasad se ghar jane par bandhu-bandhav apka adar karenge. fir yathesht sansarik sukh bhogne ke pashchat devi ke pavan lok men ap vas karenge. jo bhagvti ki upasna nahin karte hain, unhen narak men jana parta hai. rajan ! anek prakar ke rogon se grast hokar ve sansar men duahkh bhogte hain. shatruon se unki har ho jati hai. stri aur putra se viyog ho jata hai. trishna satane lagti hai. ve buddhi se kuch bhi nirnay nahin kar pate. jo log bilvapatra, karvir, kamal aur chanpa adi fulon se bhagvti jagdanba ki puja karte hain. unhen atyant sukhi jivan bhogne ka shubh avasar prapt hota hai. bhagvti ki bhakti men tatpar rahne vale ve purush dhanyavad ke patra hain. ve manav is lok men atyant dhani, samast shubh gunon ke bhandar tatha rajaon ke sirmaur hote hain.’’ sumedha muni ki bat sunakar vaishya samadhi aur raja surath ne mastak jhuka diya. unke rom-rom men namrata bhar gai. harsh ke karan unke netra khil uthe aur hriday men bhakti jag uthi. fir bat karne men param kushal un donon ne shantipurvak hath jorakar kaha, ‘‘bhagavan! apke mukharvind se nikli hui vani ne hamen pavitra kar diya. ham anathon ke antahkaran ki jalan shant ho gai hai. ganga se pavitra hue raja bhagirath ki bhanti ham pavan ban gae. jagat men sadhu purushon ka uddeshya dusron ka upkar karna hi hota hai. un atmaram purushon men koi kritrim gun nahin hote. ve sabhi praniyon ko sahaj hi sukhi banaya karte hain. mahabhag ! purva punya ke prasad se hamen apka yah pavitra ashray prapt hua hai. ismen mahan duahkh dur karne ki kshamata hai. apne svarth men tatpar rahne vale manav to jagat men bahutere hain. ap jaise dusron ka upkar karne men nipun vyakti virle hi milte hain. munivar ! ham donon vyakti sansar men atyant santapt the. apke ashram par ate hi hamara duahkh dur ho gaya. apki vani sunne se ab hamara sharirik aur mansik santap bhi shant ho gaya. brahman ! apki amritmyi vani se ham dhanya aur kritarth ho gae. kripasindho ! apki kripa ne hamara antahkaran pavitra kar diya. sadho ! is sansar sagar men thakakar ham dub rahe hain, yah janakar mantra dan dvara hath pakarakar ap hamara uddhar kar den. ab kathin tapasya karne ke pashchat sukhdayini bhagvti jagdanba ki aradhna karke fir ham apke darshan karenge. apke shrimukh se devi ka navakshar mantra hamen mil jae, tadnantar vrat men lagakar upvas karte hue hamlog us mantra ka jap karenge. is prakar, raja surath aur vaishya samadhi ke prarthana karne par munivar sumedha ne dhyan bij ke sath navakshar mantra ka unhen updesh diya. mantra mil jane par muni ke prati unki gurunishtha ban gai. tadnantar ve ek shreshth nadi ke tat par chale gae aur vahan unhonne ek nirjan ekant sthan men asan laga liya. ve chitt sthir karke baith gae aur shant hokar karne lage. tin charitron ka path karna unka nitya niyam ban gaya. yon dhyan karte hue unhonne ek mahine ka samay vyatit kar diya. tadnantar bhagvti ke charnkmlon men unki apar shraddha utpann ho gai. unki buddhi men kisi prakar ka sankalpa-vikalp nahin raha. sumedha muni bare mahatma purush the. kabhi-kabhi surath aur samadhi unke pas jate aur charnon men mastak jhukakar laut ate the. fir asan lagakar baith jate the. unke lie dusra kam nahin rah gaya tha. devi ke dhyan men nirantar lage rahakar ve sada mantra ka jap kiya karte the. is prakar tapasya karte hue ek varsh ka samay pura ho gaya. pahle to ve kuch fal adi kha lete the, par ab fal chorakar keval sukhe patte khakar rahne lage. yon sukhe patte khakar raja surath aur samadhi vaishya ne ek varsh aur tapasya ki. ve indriyon ko vash men karke jap aur dhyan men lage rahe. do varsh ki avdhi samapt ho jane par ek samay svapn men bhagvti jagdanba ke manohar darshan unhen prapt hue. bhagvti jagdanba lal rang ka vastra pahne hue thin. sundar bhushnon se unke sarvang sharir vibhushit tha. svapn men devi ke darshan pakar surath aur samadhi ke man men priti ki dhara umar pari. fir ve nirjal rahakar tapasya karne lage. tisra varsh yon samapt ho gaya. is prakar tin varsh tak tapasya karne ke pashchat samadhi aur raja surath ka man bhagvti jagdanba ka sakshat darshan karne ke lie chatpta utha. ab ve is nirnay par pahunche ki devi ka pratyaksh darshan hi manushyon ko shanti pradan karne vala hai. hamen yadi vah nahin prapt hua to ham atyant duahkhi hokar sharir ka tyag kar denge. yon nishchay karke kathin tap karne par bhagvti ne raja surath aur vaishya samadhi ko pratyaksh darshan die ! us samay ve atyant dukhi the aur priti ke karan unka chitt vikshipt sa ho raha tha. devi bolin, ‘‘rajan ! tumhare man men jo pane ki ichcha ho, vah bar mango. main tumhari tapasya se santusht ho gai hun. main samajh gai hun ki tum mere bhakt ho. tadnantar devi ne samadhi vaishya se kaha- - ‘mahamte ! main prasann ho gai. tumhare man ki kya abhilasha hai, kaho. main ab use purn karne ke lie tatpar hun.’’ devi ki bat sunakar raja surath ka sarvang sharir prasannata se khil utha. unhonne kaha- ‘‘ab ap balpurvak mere shatru ka vadh karke usse mera rajya lautane ki kripa kijie.’’ tab devi ne raja se kaha, ‘rajan ! tum ab apne ghar laut jao. tumhare shatruon ki shakti samapt ho chuki. ab ve parajit hokar bhag jaenge. tumhare mantri akar pairon par girenge. mahabhag ! tum apne nagar men jakar sukhpurvak rajya karo. rajan ! das hajar varsh tak akhil bhumandal ka rajya karne ke pashchat tumhara yah sharir shant ho jaega. iske bad surya ke yahan utpann hokar tum manu ke pad ko prapt karoge.’‘ ab punyatma vaishya ne hath jorakar devi se yah kaha, ‘‘mujhe ghar, stri aur sanpatti se koi prayojan nahin hai. ye sabhi fansane vale hain. svapn ki bhanti inki nashvarta spasht hai. mata ! mujhe to ap bandhan se mukt karne vala vishuddh gyan pradan karne ki kripa karen.’’ samadhi vaishya ne bhagvti mahamaya ke samne khare hokar apna manorath prakat kiya. uske vachan sunakar bhagvti ne kaha, ‘‘vaishyavar ! tumhen gyan avashya prapt hoga.’’ raja surath aur samadhi vaishya ko yon var dekar devi vahin antardhan ho gain. bhagvti ke antardhan ho jane par maharaj surath ne munivar sumedha ji ko pranam kiya. tadnantar ghore par savar hokar ve rajdhani ko jana hi chahte the ki itne men hi unke kuch mantri aur prajavarg vahan a pahunche tatha hath jorakar samne khare ho gae. ve namratapurvak pranam karke kahne lage, ‘‘rajan ! apke sanpurn shatru papi hone ke karan sangram men mar mite. maharaj ! ab ap nagar men virajman hokar apna nishkantak rajya bhogen.’’ yah shubh samachar pakar raja ne munivar ko pranam kiya. unse agya li aur mantriyon ke sath ashram se chal pare tatha shighra hi apne rajdhani men pahunch gae. patni aur bandhu bandhvon se purvavat sanbandh ho gaya. fir to ve samudraparyant sari prithvi ka rajya bhogne lage. vaishya bhi param gyani ban gaya. uske man men purn virakti a gai. vah jagat ke janjal se chutakar apna gyanamay jivan vyatit karne laga evan bhagvti ke charitron ka gan karta hua tirthon men bhraman karne laga. is prakar, devi ki aradhna se raja surath aur vaishya samadhi ko samuchit fal mil gaya- yah katha spasht ho gai. is upakhyan men daityon ka vadh aur devi ke param pavitra avtar pata-i-167, patel nagr-dvitiya, gajiyabad mo. - 09811965774 ka varnan hai. is tarah bhakton ko abhay pradan karne vali devi prakat huin. jo vyakti is uttam prasang ko nirantar sunta hai, use adbhut sansarik sukh prapt hote hain, yah bat sarvatha satya hai. yah atyant alaukik pavitra upakhyan sunne se gyan, moksh, yash aur sukh sabhi sulabh ho jate hain. logon ke sabhi manorath purn karne vali yah katha samast dharmon se otaprot hai. ise dharm, arth, kam aur moksh ka param karan mana gaya hai. navratra vrat men din ke naivedya ki apni visheshta hai. ravivar ko khir, somvar ko dudh, manglvar ko kela, budhvar ko makkhan, brihaspati ko khand, shukravar ko chini tatha shanivar ko gay ka ghi jagdanba bhavani ko naivedya ke rup men arpit karna chahie. ghi, til, chini, dahi, dudh, malai, lassi, laddu, tarfeni, ghritmand, kasar, papar, ghevar, pakauri, kokaras, ghritmishrit chane ka churn, madhu, churma, gur, chiura, dakh, khajur, charak, pua, makkhan, mung ke beshan ka laddu aur anar ka nakshatranusar bhog arpan karne se bhagvti ki kripa prapt hoti hai.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2008

panch parva dipavli tyauhar ka pauranik evan vyavharik mahatva, dipavli pujan ke lie muhurt vishleshan, sukh samriddhi hetu lakshmi ji ki upasna vidhi, dipavli ki rat kiye jane vale mahatvapurn anushthan evan puja, dipavli par vishesh rup se pujya yantra evan unka mahatva

Subscribe

Apne vichar vyakt karein

blog comments powered by Disqus
.