नंदादेवी राजजात

nandadevi rajjat  

Ank ke aur Lekh | Sambandhit Lekh | Views : 2856 |  
nandadevi rajjat nandadevi rajjat uttarakhand ki ek aisi aitihasik dharohar hai, jo bhumi ki sanskritik virasat ki mahak charon or bikher deti hai. jat ka arth hota hai devyatra, atah nanda rajjat ka arth hai raj rajeshvari nandadevi ki yatra. yah yatra isht dev bhumi men manav aur devtaon ke sanbandho ki anuthi dastan hai. yah yatra pahar ke kathor jivan ka aina hai to pahari men dhyani (vivahit beti-bahn) ke sangharshon ki kahani bhi hai. rajjat ki shuruat athvin sadi ke aspas hui batai jati hai. yah vah kal tha jab adiguru shankracharya ne desh ke charon konon men char pithon ki sthapna ki thi. lok itihas ke anusar nanda garhval ke rajaon ke sath-sath kunmau ke katyuri rajvansh ki ishtadevi thi. ishtadevi hone ke karan nandadevi ko rajrajeshvari kahakar sanbodhit kiya jata hai. nandadevi ko parvati ki bahan ke rup men dekha jata hai parantu kahin-kahin nandadevi ko hi parvati ka rup mana gaya hai. nanda ke anek namon men pramukh hain shiva, sunanda, shubhananda, nandini. pure uttaranchal men saman rup se puje jane ke karan nandadevi ko samast pradesh men dharmik ekta ke sutra ke rup men dekha jata hai. rupkund ke narkankal, baguvavasa men sthit athvin sadi ki siddhi vinayak bhagvan ganesh ki kale patthar ki murti adi is yatra ki aitihasikta ko siddh karte hain, sath hi garhval ke paranpragat nanda jagri (nandadevi ki gatha gane vale) bhi is yatra ki kahani ko bayan karte hain. nandadevi se juri jat (yatra) do prakar ki hain. varshik jat aur rajjat. varshik jat prativarsh agasta-sitanbar mah men hoti hai jo kurur ke nanda mandir se shuru hokar vedni kund tak jati hai aur fir laut ati hai, lekin rajjat 12 varsh ya usse adhik samyantral men hoti hai. manyata ke anusar devi ki yah aitihasik yatra chamoli ke nautiganv se shuru hoti hai aur kurur ke mandir se bhi dasholi aur badhar ki doliyan rajjat ke lie niklti hain. nauti se homkund tak ki lagabhag 250 kilomitar ki duri ki yah yatra paidal karni parti hai. is dauran ghane janglon, pathrile margon, durgam chotiyon aur barfile paharon ko par karna parta hai. alg-alag raston se ye doliyan yatra men milti hai. iske alava ganv-ganv se doliyan aur chatauliyan bhi is yatra men shamil hoti hai. kumaun (kumanyu) se bhi almora, kataramal aur nainital se doliyan nandkeshri men akar rajjat men shamil hoti hai. nauti se shuru hui is yatra ka dusra parav ira-badhanin hai. fir yatra lautakar nauti ati hai. iske bad kasunva, sem, koti, bhagauti, kulsari, chaipron, lohajang, van, bedni, patar nachainiyan se vishva-vikhyat rupkund, shila-samudra, homkund se chananyaeghat (chandinyaghat), sutol se ghat hote hue nandaprayag aur fir nauti akar yatra ka chakra pura hota hai. yah duri karib 280 kimi. hai. is rajjat men chaisingya khadu (char singon vala bher) bhi shamil kiya jata hai jo ki sthaniya kshetra men rajjat ka samay ane ke purva hi paida ho jata hai. uski pith par rakhe gaye dotrfa thaile men shraddhalu gahne, shanrigar-samagri v anya halki bhaint devi ke lie rakhte hain, jo ki homkund men puja hone ke bad age himalay ki or prasthan kar leta hai. logon ki manyata hai ki chaisingya khadu age bikat himalay men jakar lupt ho jata hai v nandadevi ke kshetra kailash men pravesh kar jata hai. varsh 2000 men is rajjat ko vyapak prachar mila aur desh-videsh ke hajaron log ismen shamil hue the. rajjat uttarakhand ki samagra sanskriti ko prastut karta hai. isi liye 26 janvri 2005 ko uttaranchal rajya ki jhanki rajjat par nikali gai thi. pichle kuch varshon se paryatan vibhag dvara rupkund mahotsav ka ayojan bhi kiya ja raha hai. sthaniya logon ne is yatra ke safal sanchalan hetu shri nandadevi rajjat samiti ka gathan bhi kiya hai. is simiti ke tatvavdhan men nandadevi rajjat ka ayojan kiya jata hai. paranpra ke anusar vasant panchmi ke din yatra ke ayojan ki ghoshna ki jati hai. iske pashchat iski taiyariyon ka silsila aranbh hota hai. ismen nauti ke nautiyal evan kasuva ke kuvron ke alava anya sanbandhit pakshon jaise badhan ke 14 sayane, chandapur ke 12 thoki brahman tatha anya pujariyon ke sath-sath jila prashasan tatha kendra evan rajya sarkar ke vibhinn vibhagon dvara milakar karyakram ki ruprekha taiyar kar yatra ka nirdharan kiya jata hai. age varsh 2012 men punah rajjat honi tay hui hai. asha karte hain ki sanchar v sarak madhyamon ke, pahle ki apeksha adhik sugam hone aur intrnet par is dharmik yatra ki jankari visheshakar hindi bhasha men upalabdh hone par, yah vyapak, aitihasik v dharmik yatra bahut logon ka shamil hone v janne ke lie akarshit karegi. manyataon ke anusar rajjat tab hoti hai jab devi ka dosh (prakop) lagne ke lakshan dikhai dete hain. dhyani (vivahit beti-bahn) bhumiya devi ufrai ki puja karti hai ise maurvi kaha jata hai. dhyaniyan yatra nikalti hai, jise dol jatra kaha jata hai. kasuna ke kunvar (raj vanshj) nauti ganv jakar rajjat ki manauti karte hain. kunvar ringal ki chatoli (chatri) aur chaisingya khadu (char singon vala bher) lekar ate hain. chaisinga khadu ka janm lena rajjat ki ek khas bat hai. nautiyal aur kunvar log nanda ke uphar ko chaising khadu ki pith par homkund tak le jate hain. vahan se khadu akela hi age barh jata hai. khadu ke janm ke sath hi vichitra chamatkarik ghatnayen shuru ho jati hai. jis gaushala men yah janm leta hai usi din se vahan sher ana praranbh kar deta hai aur jab tak khadu ka malik use rajjat ko arpit karne ki manauti nahin rakhta tab tak sher lagatar ata hi rahta hai.
Kya aapko lekh pasand aaya? Subscribe

Kya aapko lekh pasand aaya? Subscribe


kanvriya visheshank  August 2012

fyuchar samachar patrika ke kavanriya visheshank men shiv pujan aur kavanr yatra ki pauranikta, pujabhishek yatra, kavanr ki paranpra, videshon men shivling puja, kya kahta hai chaturmas manthan, kavanriyon ka atipriya vaidyanath dham, shani shanti ke achuk upay, sarvopyogi kripa yantra, rojgar prapt karne ke upay, adi lekhon ko shamil kiya gaya hai. iske atirikt vastu paramarsh, vastu prashnotri, vivadit vastu, yantra samiksha/mantra gyan, helth kaipsul, lal kitab, jyotish samagri, nanda devi raj jat, kyon hota hai adhikmas, rog evan upay, shriganga navmi, raksha bandhan, krishn janmashtami vrat, dharmik kriya kalapon ka vaigyanik adhar, sammohan, muhurt vichar, piramid evan vastu, satyaktha, sarvopyogi kripa yantra, adi vishyon par gahan charcha ki gai hai.

Subscribe

Apne vichar vyakt karein

blog comments powered by Disqus
.