grahchal ghar bar aur karobar ko kharab karti hai, yah to sabhi jante hain. grahon ki is chal ko hast rekhaon ke madhyam se bhi pahchana ja sakta hai aur samuchit upay kie ja sakte hain. guru grah: yah hath men tarjani ke niche sthit hota hai. yadi jivan rekha sidhi aur guru grah niche baitha hua ho aur is par adhik rekhaen hon to vyakti svabhav ka chirchira ho jata hai.
mastishk rekha doshpurn aur hriday rekha men dosh hone par ghar ki shanti khatm ho jati hai. guru ki anguli choti, hath lal ya kala hone par vyaktiyon ke jivan men kai bar apman ke avasar ate hain. unhen guru grah ki shanti, path aur pujan karne se nishchit rup se labh milta hai. shani grah: shani grah ki sthiti madhyama ke niche hoti hai. yadi hath men shani grah uttam ho to vyakti kai prakar ki vidhaon ka gyata v dhani, adhyatma-chintan karne vala v shantipriya hota hai.
iske viprit shani grah hath men unnat hone ki bajay yadi baitha ho to vyakti ko jivan bhar shanti nahin milti, shani parvat par adhik rekhaen hone par inka svabhav jyadatar jhuth bolne vala hota hai v inko vyavsay men bhi saflta nahin milti. upay: shani mantra, shani chalisa, shani aradhna adi surya grah ke samanvay ke sath karni chahie. surya grah: surya grah ki sthiti anamika ke niche hoti hai. surya ka sanbandh prasiddhi, badnami, rishtedari, dhan-sanpatti adi se hai. yadi surya ki sthiti uttam ho tatha anya grah bhi sath den to vyakti apne jivan men bahut yash-man arjit karta hai. thik iske viprit yadi surya grah hath men baitha ho vyakti jhagralu, evan chirchira rahta hai. upay: surya aradhna, surya ko jal aur surya grah ke sath anya grah ki shanti avashya karni chahie.
budh grah: budh grah ka sthan hath men choti anguli ke niche hota hai. is grah ke baithe hone, ismen kat-fat hone par vyakti chalak, durguni, jelgami, shadyantra rachne vala hota hai. upay: budh grah v iske sath jure anya grahon ki shanti. chandra grah: chandra grah ki sthiti hath men budh ki ungli ke niche aur kalai ke kuch upar hoti hai. chandra grah ka hath men adhik utha hona aur baitha hona donane prakar se hanikarak hota hai. chandra grah ki sthiti kharab hone par vyakti atyadhik vasnapriya hote hain.
anya rekhaon men dosh hone par vyakti paglkhane tak pahunch jata hai. adhik utha hone par atmahatya ka bhi lakshan hota hai. chandra par vrit chihn hone par achanak mrityu ki sanbhavna hoti hai. upay: vidhivat grah ki shanti karaen mangal grah: mangal grah ki sthiti hath men do jagah par hoti hai. ek to anguthe ke pas v dusri kanishthika ke niche. mangal ki uttam sthiti vyakti ko nishthavan banati hai aur uttam padon par asin karvati hai. mangal grah doshpurn hone par vivah men rukavat ya sanbandh hokar tut jana adi lakshan hote hanai.
bhagya rekha men dvip bhi mangal ki sthiti ko adhik kamjor bana deta hai. isse vyakti men chirchirahat, bechaini, pratyek karya men rukavat, karobar men jhagra mol lene valon ki sankhya barh jati hai. mangal ki shanti anya grahon ke sath hi sanbhav hai. shukra grah: shukra ka kshetra hath men sabse adhik hota hai. iska sthan jivan rekha ke bhitar hota hai. shukra grah doshpurn hone par vaivahik jivan bahut achcha nahin hota hai. inhen koi n koi buri adat jaise sharab, sigret ki lat adi bhi lag jati hai, iska nirnay bhagya rekha dekh kar hi karna chahie. shukra ki chal vyakti ka dil-dimag tak hila deti hai.