माइनर अरकाना का विराट कैनवास

mainar arkana ka virat kainvas  

Ank ke aur Lekh | Sambandhit Lekh | Views : 2264 |  
mainar arkana ka virat kainvas fyuchar paeint ke saujanya se in mainar kardon ke hote hain char grup, pratyek grup men raja, rani, yoddha aur pyada to hote hi hain aur hote hain das aur kard, ek nirali aur anuthi kahani samne kholakar rakh dene ke liye. aiye, lete hain sabhi grupon ka vihangam jayja. vaindas grup king aef vaindsa: yah kard khulne par prakat karta hai ki samne vala vyakti urja, josh aur atmavishvas se bhara-pura hai aur apne anuyayiyon ki fauj khari karne men mahir hain. shakti aur satta ko hasil karne ka samay a gaya hai. surakshit aur asan rasta chunne ki apeksha khatron se khelo aur vijay hasil karo. jabki rinatmak paksh - ingit karta hai aise vyakti ki or jo dusron ke adeshon ke anurup karya karta hai, prerna se nahin. kvin aef vaindsa: yah kard niklne par prashnakarta ki chahumukhi unnati ke dvar khul parte hain. uski sari shaktiyan uski unnati ke lie karyarat hain. iska rinatmak paksh vyakti ke chali, svarthi aur atmakendrit vyaktitva ki abhivyakti karta hai. yah kard prashnakarta ke krodhi svabhav, avsad aur ishrya ko bhi ingit karta hai jo sthitiyon ko aisa bana leta hai ki logon ko svayan hamle ke lie amantran deta hai. nait aef vaindsa: yah kard tvarit kriya men vishvas rakhta hai. atah yah prashnakarta ke kamuk, rachnatmak premi, chulbula, krodh aur ishrya ke aveg men bura-bhala karne vale vyakti ki or bhi sanket karta hai. aisa prashnakarta sabhi kam joshpurn dhang se karta hai. yah kard prashnakarta ko ag men bhi kud parne ko prerit karta hai. aisa vyakti svapn dekhne men ruchi nahin leta varan sakar rup men apne drishtikon ko prakat karta hai. iska rinatmak paksh - kam men deri, nirasha, avrodhon ke prati krodh ko ingit karta hai. pej aef vaindsa: yah kard parivartan aur nai shuruat ko darshata hai aur kahta hai ki ap ek sundar aur rachnatmak drishtikon se apni duniya ko badlne ke lie taiyar ho jaen. ek avasar apki pratiksha men hai. ap kisi bhi prakar apna bhagya badal sakte hain. ap apne prem ka ijhar kar sakte hain aur apni bat manva bhi sakte hai. yah samay apke lie ati anukul hai. lekin tunkmijazi se bat bigar sakti hai. atah apne acharan par niyantran rakhen aur kam shabdon ka istemal karen. rinatmak paksh - aise vyakti ka varnan karta hai jo apripakva aur apne astitva ko lekar samasyagrast hai. ten aef vaindsa: yah kard ingit karta hai ki ab samay a gaya hai ki ap duniyadari ki taraf bhi ganbhirtapurvak dhyan den. chetavni deta hai ki savdhani se kam karen. kathin karya ke bich bhi ap safal rahenge. yahan tak ki svasthya aur chinta se ghire rahne ke bavjud ap uchch padasth rahenge. rinatmak paksh -kisi mukdme men harne ke sanket. dusron ki khushi ko barbad karne ki ichcha. svarth ki purti hetu takat aur urja ka prayog. nain aef vaindsa: yah kard kahta hai ki kam aur aram ke bich santulan banae rakhna avashyak hai. ati shram se bachen. adhik vade n karen varna ap har samay tanavagrast rahenge. apni urja ka durupyog karne se bachen. iska rinatmak paksha-labh ke lie sangharsh se vimukhta, dagdar charitra, kharab svasthya, karya ke prati aruchi. et aef vaindsa: yah ingit karta hai ki apke as-pas ke log apke lie karya karne ko tatpar hain. loha garm hai, chot kar den. ap achchi khabar sunne ke lie taiyar rahen aur khabar ke badle rup ke karan ghabraen nahin balki buddhi mattapurn dhang se use sunghe. tabhi vah apke lie sukhad ho sakti hai. yah kard sakriyata, parivartan aur yatra ka suchak hai. iska rinatmak paksh kahta hai apse ishrya karne vale barh rahe hain. ap jis sandesh ko sunne ko betab hain vah abhi tak nahin mila hai. sahas ya khatron se khelne men ati n karen. sevan aef vaindsa: yah kard kahta hai ki dhairya aur atma-vishvas se vyakti chunautiyon ka samna kar sakta hai. chunautiyon ke samne parvat ki tarah adig khare raho fir chunautiyan svayan apse takrakar dam tor dengi. iska rinatmak paksh yah sanket deta hai ki sabhi chunautiyan aur sangharsh apko chukar nikal jaenge. ap tapt ag men se kundan banakar niklenge. siks aef vaindsa: yah kard kahta hai ki mahatvakankshaon ki purti, atyadhik saflta ki upalabdhi aur charon or vijay ka vatavaran apke kadam chumne ko betab rahta hai. log apse milna chahte hain, apka sannidhya pane ko betab rahte hain. yah apke jivan ka sarvochch sukhad samay hota hai. lekin yah kard apko savdhan bhi karta hai ki svayan ko auron se shreshth samjhne ka mithak apne dimag men n palen. rinatmak paksh - shram ka pratifal der se mila hai. jit ki rah men buri khabar. shatruon ki saflta se thes. faiv aef vaindsa: yah kard vyaktigat sangharsh ka parichayak hai. jab yah kard nikle to yah samajh len ki apko samanya dasha se kuch adhik shram karna parta hai. iske age ke kard thri aef svord ya sevan aef svord hone par yah garmagarm bahas aur yahan tak ki khun kharaba hone ki or bhi ingit karta hai. rinatmak paksha-virodh aur sangharsh ke bich chain ki sans ki bhanti hota hai. for aef vaindsa: yah uttejna se bhari ghatnaon ka pratinidhitva karta hai. yah ashcharya ya svatah sfurt romanch ka sanket ho sakta hai. kabhi-kabhi yah kard vivah samaroh, varshaganth, janmadin aur vijay partiyon ka pratinidhitva karta hai. yah kard ajadi ka bhi dyotak hai, jo kai rupon men hoti hai lekin yah hamesha ek ullas ke rup men ise lekar ata hai. yah kard purnata, sthayitva aur astha ka sanketak hai. rinatmak paksh yah hai ki pratibaddhata ka abhav, asthir sanbandh, vicharon men bhinnata, man men bechaini aur asantushti. thri aef vaindsa: jab yah kard nikle to sunishchit samjhen ki yah samay apke vicharon ko manyata milne ka hai aur vishvas rakhen ki ap sabko piche chorne vale hain. yah ingit karta hai ki ap as-pas hone vali ghatnaon par niyantran rakh sakte hain. sanyukt upakram ke madhyam se duniya men apki vittiya sthiti majbut hogi. safal partanar se hath milakar saflta milna nishchit hai. rinatmak paksh darshata hai sahyog ka abhav, nishfal prayatn, vilanb aur vyavsay men durbhagya, atyadhik akkharata. tu aef vaindsa: yah kard ingit karta hai - hani uthane ko taiyar n hon, balki us samjhdar vyakti ki sahayta len jo aisa karne ko tatpar hai. yah kard khoj, sahyog aur prayatn ko bhi darshata hai. apki unnati sunishchit hai. ap dhairyapurvak apne puraskar ki pratiksha karen. rinatmak bat yah he ki ghor nirasha, adhirta, ghamand, uttejna, kamjor atmaraksha, rishton ki tut, vishvas ki kami, upeksha, hatasha aur kuntha ka daur ane vala hai. isse nibtne ke prati savdhani barten. ais aef vaindsa: jab ap is kard ko dekhen to apne jivan ka punravlokan karen. ab kuch kar gujrne ka samay a gaya hai. apki sabhi ichchaen puri hone ka samay sir par hai. apko bas kadam age barhana hai. rinatmak paksh - nae karya men hani, svarthaparata athva drirh nishchay men kami ke karan kisi pariyojna ki apurnata ko prakat karta hai. kaps grup king aef kapsa: is kard ka pratinidhi-raja, apse kahta hai ki samasyaon ka majbuti, tivrata, nishtha aur samagrata se samna karen, sankat men shanti se kam len, takat ki bajay niti se kam nikalen, sahayta ko tatpar rahen aur naya drishtikon banaen. yah kard bhavnatmak, rachnatmak aur anaichchik gatividhiyon ka bhi pratinidhitva karta hai. yah kard kahta hai ki bhavnaon ke kshetra men apko santulan banana chahie. yah karuna ka bhi parichayak hai. rinatmak paksha-dohre acharan vala, dhurt, atanki prakriti, badnam charitra, apradhik chavi, sanvednhin, asabhya, asurakshit, apripakva, kalpanarhit, paini juban, beiman, chalbaj, sust vyaktitva. kvin aef kapsa: yah kard kahta hai ki is samay apke lie vishesh urja pravahit ho rahi hai. is urja se labh uthakar jivan ko safal banaie. ap anya logon ke kalyan ke lie bhi ganbhir prayas karen. rinatmak paksha- suchak hai kalpanahinta, bharose ki kami, chinta, karvahat, asthayitva, svabhav men kathorta, chirchire svabhav, krodh, v bure vyavhar ka. nait aef kapsa: apko apne vyaktitva ko akarshak banana avashyak hai. chahe ap kisi stri se milen ya purush se, svayan ko akarshak dhang se prastut karen. buddhiman log santulan banae rakhne par jor dete hain lekin nait isse sahamat nahin. ve chijon ko ant tak jari rakhna chahte hain. vyaktitva ki visheshta:- asthayi josh, bhavpurn, milnsar. prayah kavi sulabh aur akarshak. rinatmak paksh - prashnakarta apni bhavnaon par purnataya niyantran karne men saksham hota hai. vah chirchira, ishryalu aur svarthi svabhav ka ho sakta hai. bina sare tathyon ko ekatra kie vah nirnay par pahunchne vala tatha uttaradayitvon se bachne ka prayas bhi karta hai. pej aef kapsa: yah kard sukhad jivan, anand, sanvednatmakata, rachnatmak kshamata adi ka pratinidhitva karta hai. is ka upyog ek prabhavshali ya bhavnatmak yuva vyakti ki pahchan ke lie kiya ja sakta hai. yah naya janm, nae sanbandh ki shuruat, ek rachnatmak vichar ya ek joshili nai pariyojna ka bhi sanket de sakta hai. rinatmak paksh - apripakvata aur bhavnatmak kathinaiyon ka parichayak. yah kard nashe aur madak dravyon men dube vyakti ya sansar ki vastavikta se bhagakar apni alag duniya men jine vale vyakti ko ingit karta hai. ten aef kapsa: yah kard achche parivarik jivan ka suchak hai jismen apke mitra, hitchintak aur rishtedar bhi sath dete hain. yah kard apko lanbe samay tak purnatah santushti pradan karega. iske sath hani ya nakaratmak baten juri nahin hoti. rinatmak paksh - parivar men jhagra, mitrata men hani. vishvasghat ki sanbhavna, yuva logon ki apne mata-pita se vimukhta. nain aef kapsa: yah achche svasthya aur apekshit saflta tatha gyanendriyon ki pushtata ko ingit karta hai. inki prapti men kuch utar-charhav to hain lekin ap inhen prapt kar lenge. yah sthayitva, unnati, vijay, vittiya sudrirhta, prem, mitrata, bhautik anand, abhilashaon ki purnata, saubhagya aur samriddhi ka dyotak hai. rinatmak paksha-ap is bat se nirash hai ki apki sansarik ichchaen adhuri hain. sanbhvtah apki ichchaen anant hai aur yah jivan chota hai atah inki apurnata apki nirasha ka karan hai. et aef kapsa: yah kard un lamhon se sakshatkar karata hai jab hamen jivan ki sachchai ke pratyaksh darshan hote hain. in sthitiyon men ane vale bhautik, mansik ya bhavnatmak balidanon ke prati hamen jagruk rahna chahie. yah prem, vyavsay aur bhautik saflta sabhi men nirasha ka dyotak hai. rinatmak paksh - anand ki khoj, saflta, amod-pramod men ruchi. bhautik sukhon ki chah men adhyatmik upalabdhiyon men aruchi. sevan aef kapsa: yah kard sanket karta hai ki yadyapi sapne dekhna achcha hota hai. kyonki ve hamen preran aa dete hain, lekin hamen keval akashi kile hi nahin banane chahie. balki unhen hakikat ka rup dene ka prayas bhi karna chahie. yadi vikalp adhik hon to is kard ke praktikaran ke bad apko sabhi par bariki se vichar kar ek chunna chahie. rinatmak paksh - nishchayon aur ichcha ka achcha upyog. ek nishchit pariyojna ka chayan. yah jivan ki dainandin vastaviktaon ke prati laprvahi ka sanketak bhi ho sakta hai. siks aef kapsa: yah kard suraksha, prem aur samanjasya ka pratinidhitva karta hai sath hi bachapan se juri yadon ka bhi tatha samuhik jurav, parasparik sanbandh, parivarik sanbandh, premiyon ke bich prem, doston ke bich dosti ya guru-shishya ke bich madhur sanbandhon ka bhi parichayak hai. jab yah kard prakat ho to ap bal sahaj anand ke upbhog ke lie tatpar rahen. aise men svayan ko sakaratmak rakhen aur bachapan ki yadon men vyakul n hon. rinatmak paksh - yah uddeshya se bhatkne ka suchak hota hai. vyakti men karvahat bhi hoti hai aur vah har samay jahar uglta hai. bhrasht aur krur ho jata hai. faiv aef kapsa: yah hani ka kard hai jo ingit karta hai ki sachet hokar ap ane vali hani ke khatre ko tal bhi sakte hain, use kam kar sakte hain ya apekshit upay karke us khatre ko samapt kar sakte hain. jo bit gaya use bhul jaen aur bhavi jivan ke nirman men sanlagn hon. rinatmak paksh - apman aur ati ki pratipurti ko ingit karta hai. atit men hue nuksan se vartaman men sabak lene ke prati vyakti ka rukh sakaratmak hone lagta hai. for aef kapsa: yah kard anishchit sthiti ki or sanket karta hai. yah kard bigri paristhitiyon par drishtipat karne ke lie ek sakaratmak vakt ki jarurat prakat karta hai. vishesh paristhitiyon men yah kard nirasha ki suchna bhi deta hai. yah kard vyavsay ke falne-fulne ka sanket bhi deta hai aur naye rojgar ke avasar bhi pradan karta hai. rinatmak paksh - nae sanbandhon ke lie achcha samay hai. kam karne men man lagta hai aur uddeshyapurn hota najar ane lagta hai. saflta ke anek avasar samne ate hain. thri aef kapsa: yah kisi mahatvapurn mitra ya dosti se sanbaddh bhavnaon ko abhivyakt karta hai. bhavnatmak najriye se apne jivan se jure hue samajik logon ki janch parakh karen. yah khushi aur anand ki bhavnaon ko bhi darshata hai. rinatmak paksh men yah - nirasha ki abhivyakti karta hai. mitrata aur rishton ki tutan jor pakrne lagti hai. vyakti pura bhrashtachari ho jata hai. khana, pina aur mauj-masti hi uske dhyey ho jate hain. tu aef kapsa: is kard ke niklne ka arth hai prem men saflta, bhagidari, sagai ya dosti, vivah, romans, josh aur bhavnaon ka praktikaran. yah sundrta aur shanti ki rachna ko darshata hai. yah kard do samuhon, logon, vicharon ya pratibhaon ke jurav ki or bhi sanket karta hai. avivahit yuva ke lie yah nishchit hi uske lie jivan sathi ke chayan ka uchit vakt hota hai. rinatmak paksh - anand ka dard men rupantaran, vyasan khatrnak ho sakta hai. ai sanpda lut jane ka bhay. ais aef kapsa: jab yah kard khulta hai to jivan men apki sabhi ichcha aur abhilashaon ki purti aur anand ko ingit karta hai. yah antrik rup se akarshan, sashakt anubhuti, antajrnyan ya sanvednatmak pratikriya ke rup men ho sakta hai. yah kard prakat karta hai ki prem se ap kisi bhi viprit sthiti ko apne paksh men kar sakte hain. rinatmak paksh - jhuth se bhara hriday, virodh, banjrta, prem men kshati, tuta dil, talak, ekakipan, algav, udasi, duahkh, svarthaparata. svordas grup king aef svodarsa: yah kard vyakti ke bhrashtacharmukt acharan ka parichayak hota hai. yah ingit karta hai ki king ki shakti unke lie pravahit hain, ve ise apne jivan men grahan karke apekshit labh hasit kar sakte hain. rinatmak paksh - asantulan, kathinaiyon bhare sanbandh, talak, avishvas, algav, jhuthe mitra, virodh, apurnata, ekakipan, krodh, jhagre, bhavnatmak kasht, karvahat, sanvednhinta, ashishn auta, nirasha. kvin aef svordsa: yah shakti aur paripakva buddhimatta ka parichayak hai, jo bhavnaon se rahit kaha jata hai. is kard se prabhavit vyakti imandar, bharosemand aur jimmedar hote hain, manviya murkhata ko samjhte hain, lekin uski ninda nahin karte. bahumukhi pratibha ke dhani, antrik shakti ke josh se bharpur aise vyakti vinodapriya aur milnsar hote hain. bahanebaj nahin hote. is kard ka rinatmak paksh kamjor vyaktitva, karvahat, ashishnuta, sankirnata, tarkikta ka abhav, avishvasniya, kanun bhanjak, durbhavnapurn. nait aef svodarsa: yah kard vyakti ke gyani, spashtavakta aur anant sanbhavnaon vale vyaktitva ko ingit karta hai. yah vyakti dil se kam aur dimag se adhik kam leta hai. prashnakarta ke khinchne par yah kard nikle to yah uske lie achche daur ki shuruat ho sakti hai. rinatmak paksh - takat aur urja ka prayog svarth purti men. dusron ki khushi ko barbad karne ki chah. yadi koi mukdma chal raha hai, to usmen parajay ya kshati ki sanbhavna. pej aef svodarsa: yah kard chunautiyon ka sanket deta hai aur batata hai ki unnati ka ek avasar apke marg men ek samasya ya duvidha ke rup men a sakta hai. yah apko chunauti ka samna karne ki salah deta hai. rinatmak paksh yah hai ki adhirta barhegi, is par niyantran avashyak hai. dusron dvara algav. koi bhi achchi shuruat bad men kashtakari ho sakta hai. kai ashcharyajanak ghatnaon se rubru hona par sakta hai. ten aef svordsa: yah deth kard se bahut milta julta hai tathapi ise mrityu ke kard ke rup men nahin liya jana chahie, balki aise badlav ke rup men len jise prayah shuru men svikar karna bara kathin hota hai. yah kard kisi bakaya mudde ke band hone ka bhi sanket deta hain jisse nibtna behad mushkil hota hai. apko yah vichar karna chahie ki sabse bura vakt gujar chuka hai. nae tanebane bhi isi samay bante hain. rinatmak paksh hai barbadi ka bhay, aisi sthiti jahan sanbandh/paisa adi kam karna band kar dete hain. sandeh, vishvasghat, avishvas ka samna karna par sakta hai. nain aef svordsa: yah bhay aur daravne svapn ka kard hai jo is kard ka sandesh hai ki yadyapi ham sabhi jivan men kabhi n kabhi bhay, nirasha aur anishchitta ki sthiti se do-char hote hain, lekin hamen in nakaratmak bhavnaon ko hamare upar havi nahin hone dena chahie aur satat apne uddeshya ko prapt karne ki disha men age barhte rahna chahie. rinatmak paksh - dusron ke kam men hastakshep. asatya sanbhashan, dhokhadhri aur beimani. et aef svordsa: yah kard sthiti men samasyaen utpann hone ki bhavishyavani karta hai. ap is damnkari sthiti se niklne ki koshish karenge. yah nirasha, avrodh aur vikalpon ke abhav ka kard bhi hai. aisa kaha jata hai lekin vastutah aisa nahin hai. is kard ka chitran nakaratmak hokar bhi iska sandesh sakaratmak hai. rinatmak paksh - garva se bachen. khatra abhi tala nahin hai. shatru samne hain. ve jit bhi jate hain lekin ap ko adhik kshati nahin uthani parti. pichli bhulon ko kshama karna shreyaskar hai. sevan aef svordsa: yah dhokhe aur vishvasghat ka kard hai. is kard ka samna ho to avashyak hai ki beimani ke sadhnon se apne lalach ki pratipurti karne men buddhi ka sahara avashya len. kabhi-kabhi yah kard vyakti ko akela aur mukt bhav se daurne ko prerit karta hai. lekin smaran rakhen, bina kisi ko sath lie ham sukhi aur utpadak nahin ho sakte. yadi ap akele kam karne men protsahit hote hain to isse sunishchit ho len ki yah algav apke lie vastav men karagar hai. rinatmak paksh - avashyakta se adhik ki prapti. apki chori hui vastu vapas mil sakti hai. sanbhavit ichchapurn hoti hai. siks aef svordsa: is kard ka prakatan lanbe sangharsh kal ke bad shanti aur aram ka kal ho sakta hai. is daur men yatraen bhi ho sakti hain. is kal men apni sabhi urjaon ko sakaratmak karyon men vyay karna kafi labhaprad hoga. sanbandhon, bhagidari ya vyaktigat sanpatti se sanbaddh samasyaon ko hal karne ka yah uchit vakt hota hai. rinatmak paksh - samne upasthit samasyaon ka tvarit samadhan nahin. ek suniyojit yatra prastavit. jahan ap hain, vahin rahenge. faiv aef svordsa: yah kard vijay ka pratinidhitva karta hai. yadi ap apne sangharsh ke prati akramak hon to apne uddeshya ko apekshakrit adhik jald hasil kar sakte hain. kabhi-kabhi yah kard sanket karta hai ki sabse pahle apne hit sadhne chahie. yah kard shatruta, virodh, thagi, fareb, jhuth, chalbaji, dhokhadhri aur yahan tak ki apradh ko bhi ingit karta hai. rinatmak paksh -garva se bachen. shatru ap par bhari parega lekin fir bhi jit apki hi hogi. for aef svordsa: yah kard shanti aur sthayitva ka parichayak hai. yah sanket karta hai ki kam ki apadhapi ko kam karke apko aram ki jarurat hai. yadi ap kisi bimari se ubre hon to upchar men paryapt samay lagaen. yahan tak ki ap puri tarah svasth anubhav kar rahe hon to bhi paryapt aram n karne ki sthiti men ap punah rogagrast ho sakte hain. apni sthiti se samuchit rhang se nibtne ke lie apko ekant ki avashyakta hai. rinatmak paksh - samajik karyaklapon men vyastata, choti-moti bimari se grastata, asthayi vittiya samasyaen. saubhagya men rukavat. thri aef svordsa: yah kard dukh-taklif, nirasha, virodh, algav, vilanb, karvahat, fut adi vikaronka parichayak hai. yah ingit karta hai ki apko kashton ke sath jine ki adat dalni chahie. kashton ko keval hani, virodh aur bimari ke lie utpann nahin samjhna chahie. yah sanket karta hai ki ap kisi ko chot pahunchane ki pravritti ka tyag kar den kyonki dusron ko bhi chot dena ata hai. rinatmak paksha-hani se ghabrakar dukh jhelna. ghatnakram ka samna karne se katrana. paristhitiyon ko virodhi bana lena. tu aef svordsa: yah kard kahta hai ki apko jivan men santulan kayam rakhna behad jaruri hai tatha thore samay ke lie sab kam chorakar aram aur tanavmukti avashyak hai. kutniti se kam len, samjhautavadi banen ya chijon ko apne hal par chor den. sthitiyon ko samjhen aur satya ko manen. muskarate samay bhi bhayankrta n darshaen. samasyaen hote hue bhi unse munh n moren varna ve bhayankar rup dhar lengi. rinatmak paksha- vyakti ke asantulit mastishk ka parichayak hai. vyakti dusron ke kamon men dakhlandaji karta hai. jhuth bolna, beimani, vishvasghat uske anya durgun hote hain. ais aef svordsa: yah kard prayah aepreshan, injekshan adi ka sanketak hota hai. apne jivan ka sinhavlokan karen. samne upasthit samasya par ganbhir vichar-vimarsh karke uska yathochit samadhan karen. aisa karne men apni antrik shaktiyon ka istemal karen. rinatmak paksha- ashaktata, ashay, nirash, laprvah, digbhramit, mansik vibhramit, svarthaparata, jiddi ityadi durgunon ko prakat karta hai. samasyaon ke nikrakaran ke lie takat ka istemal karna haniprad ho sakta hai. pentakals grup king aef pentaklsa: yah kard kisi rachnatmak karya, vyavsayik upakram ya nivesh ki antim purnata ki abhivyakti karta hai. yah apse kahta hai ki saflta aur takat ke shikhar ko dridhta se sparsh karen. apne vachan ko nibhaen, tute huon ko jorne ka kam karen, dhan arjit karen, naya vyavsay khara karen. rinatmak paksha-lalchi, parajit, dhokhebaj, beiman, akkhar, nastik, murkh, avyavharik, krur, nyayvimukh, nich, jiddi aur ashlil durgunon se yukt vyaktitva ko pragat karta hai. kvin aef pentaklsa: yah kard apko sukhad bhavishya ke lie avashyak suraksha pradan karta hai. is kard se prabhavit logon ke ghar sada bachchon, paltu janvron, paudhon aur mitron se bhare-pure hote hain. ye vyakti sandevdnshil aur vyavharik hote hain. yah kard apki joshili prakriti aur antarbhut dasha ka darpan hai jo ap ko bahumukhi kshamataon vala, vafadar aur drirhnishchayi vyakti ghoshit karta hai. rinatmak paksh yah hai ki ap aspas ke parivesh se samanjasya baithane men aksham hain. ap men atm vishvas ki kami hai, mel-milap se ap hichkte hain. yah apke sath bari badha hai. nait aef pentaklsa: sakaratmak paksh ke rup men is kard se prabhavit vyakti apne shuru kie karya ko pura karke hi dam leta hai. vah kathin parishrami, samarpit aur jivat vala aur sachchai ki parakh vala vyakti hai. nakaratmak pahlu yah hai ki usmen khilandre aur mazakiya svabhav ka abhav hai. iske lie kam sabse pahle hai. vah parivartan aur khatron ko pasand nahin karta. rinatmak paksha-sachchai se munh morne se pira. kshati ka samna karne se bhay ka anubhav. pej aef pentaklsa: yah kard nai shuruat, prerna aur kisi rachnatmak pariyojna ki shuruati sirhi ka tatha sapnon aur ichchaon tatha padarthik sansar men unhen purn karne ka hai. jo yah batata hai ki ap nae karya ki shuruat men vyast hone vale hain. rinatmak paksh yah hai ki nai chijon ke bare men, diva svapn dekhna choren aur chijen apke hath men hain. un par ganbhirtapurvak dhyan den. ten aef pentaklsa: vah kahta hai ki apko apna akar sudrirh karne ki jarurat hai. apko apna bhagya svayan banana hoga. yah apke jivan men behatar sanpannata aur sanrakshan lekar ata hai. yah darshata hai ki kis prakar hamara parivar hamare lie mahatvapurn hota hai tatha paranpraen aur buddhi hamen hamare baron se prapt hoti hai. rinatmak paksh men yah vittiya star par asflta ko ingit karta hai. nain aef pentaklsa: yah kard anushasan aur atma-niyantran, vyaktigat ekta aur purnata tatha vikas ki antim dasha batata hai. ap apne jivan ke us charam bindu par pahunch gae hain, jahan ap atma-vishvas se bhare-pure hain aur atmanirbhar tatha svayan par bharosa kar sakte hain. apne jivan ko sukhpurvak bita sakte hain. rinatmak paksha-apne buddhihin nirnay ya murkhatapurn karyon ke chalte kare vittiya sankat se ghirne vale hain. apki nivan tak hilne ki sthiti samne hai. yadi aisa hota hai to isse sabak len aur bhavishya men thos aur surakshit ninv khari karen ki visham paristhitiyon ke thapere bhi ise hila n saken. et aef pentaklsa: yah sabak ya prashikshan ka kard hai. yah ingit karta hai ki shiksha, karya ya vittiya kshetra men ap ek bilkul nae anubhav ka samna karne vale hain. yah ek hi karya men kendrit hone ko ingit karta hai. abhi tak apne uddeshya ki prapti ke lie sakriya rup se n jute hon to ab samay a gaya hai ki ap lakshya ki prapti hetu jut jaen. ulta kard apko khatron se khelne ke prati savdhan karta hai. vahi karya karen jismen ap saksham hain. sevan aef pentaklsa: yah kard sabhi udyamon men saflta ko ingit karta hai lekin iske lie paryapt samay aur prayas ki bhi avashyakta hoti hai. yah kard samapti ya antim nirnay ka kard nahin hai. khel samapt nahin hota, balki kuch samay ke lie ruk jata hai. apko apni nirasha par kabu pana jaruri hai. ulta kard kam tivrata ki kshati aur parajay ko ingit karta hai. garva se bachen. ek shatru ap par bhari parega lekin ap fir bhi vijyi hokar niklenge. siks aef pentaklsa: yah kard santulan, udarta aur danshilta ko ingit karta hai. paison ka len-den bhi isse ingit hota hai. yah chetavni bhi deta hai ki dhan sthir rup se apke pas nahin rahne vala hai. atah dan adi men apne sroton ko itna rikt n kar len ki apke pas apne lie kuch n bache. ulta kard chori hone ya vyakti ke beiman hone ko ingit karta hai. yah vyakti thagi ka shikar ho sakta hai ya thagi kar sakta hai. ya samaj se bahishkrit ho sakta hai. faiv aef pentaklsa: yah kard vittiya sankat ki sanbhavnaon ko prakat karta hai. atah is or avashya dhyan dena chahie. yah kard bahut bari kshati aur samaj se bahishkrit vyakti ko bhi ingit karta hai. yah kahta hai jab kathin daur se gujren to apni atmik shakti ka ashray len kyonki yah daur asthayi hai. ulta kard kathin samay ke ant ko suchit karta hai. apke atmavishvaski vapsi aur sukhad jivan ka sandesh hai. yah samay chain ki sans lene ka hai. for aef pentaklsa: yah kard kahta hai ki apni sthiti ko yathashakti niyantrit kijie. ap adhikarbodh ya ishrya ke bhav ke karan pareshani men par sakte hain. sansar sagar ke thaperon se bachne ke lie svayan ko lahron ke havale kar dena chahie. bahav ke sath tairte rahne par hi sahara mil sakta hai. ulta kard vyakti ke lalach aur dansh ki pravritti ko ingit karta hai. yah vyakti garibi se pirit, atyadhik rakshatmak, bhayagrast aur dusron par vishvas nahin karne vala hota hai. thri aef pentaklsa: yah kard rachnatmak upakram, vyavsay ya bhavan pariyojna ke kisi lakshya ya yojna ki antim purnata ko nahin balki shuruati purnata ko ingit karta hai. yah kard ingit karta hai ki drirhta, nishchay aur prayatn se sapnon ko sakar kiya ja sakta hai. apko vah karya karna chahie jo apko santushti de. ulta kard darshata hai ki anushasnhinta ke karya karne se hani aur uphas ke patra banenge. mehnti logon ki bekadri se hani hogi. tu aef pentaklsa: yah kard apko batata hai ki apne hath ki safai se apni sabhi mangen puri kar sakte hain. apne ap men bharosa rakhen. ap apne uddeshya ko pura karne ki puri samathrya rakhte hain. chunautiyon ko lachile rukh ke sath svikar karen. bal se kisi bat ko manvane ki koshish n karen varna asafal rahenge. ulta kard kahta hai ki barbadi ka khatra. bhram, sandeh vishvasghat, avishvas ki utpatti ki sanbhavna hai. es aef pentaklsa: yah kard vipul sanpda aur sukh, taja urja, nai shuruat aur prerna, sanpannata, urvarta, nae vittiya upakram, rachnatmak drishtikon, saflta, mahattvakanksha, padarthik upalabdhi, suraksha, prajanan, purnata, puraskar, adhyatmik khajane, ashirvad, sanprabhuta adi ko ingit karta hai. jab ap is kard ko dekhen to apni jivan ki janch karen ki ap iski thos urja ko kis prakar svayan ke lie upyogi bana sakte hain. ulta kard mrityu ke bhay, bhrashtachar tatha lalach ko darshata hai tatha paise se khushiyan nahin kharidi ja saktin. thri aef pentakls kard rachnatmak upakram, vyavsay ya bhavan pariyojna ke kisi lakshya ya yojna ki antim purnata ko nahin balki shuruati purnata ko ingit karta hai. yah kard ingit karta hai ki drirhta, nishchay aur prayatn se sapnon ko sakar kiya ja sakta hai.
Kya aapko lekh pasand aaya? Subscribe

Kya aapko lekh pasand aaya? Subscribe


Vastu Visheshank  दिसम्बर 2016

ज्योतिषीय पत्रिका फ्यूचर समाचार के इस वास्तु विशेषांक में बहुत अच्छे विवाह से सम्बन्धित लेखों जैसे वास्तुशास्त्र का वैज्ञानिक आधार, वास्तु निर्माण काल पुरुष योग, वास्तु दोष शांति हेतु कुछ सरल उपाय/टोटक,वीथिशूल: शुभाशुभ फल एवं उपाय आदि। इसके अतिरिक् प्रत्येक माह का राशिफल, वास्तु फाॅल्ट, टोटके, विचार गोष्ठी आदि भी पत्रिका का आकर्षण बढ़ा रहे हैं।

Subscribe

Apne vichar vyakt karein

blog comments powered by Disqus
.