विवाह में पत्री मिलान की भूमिका

vivah men patri milan ki bhumika  

Ank ke aur Lekh | Sambandhit Lekh | Views : 1445 |  
manushya samajik prani hai aur samaj ka nirman parivar se hota hai. parivar ka nirman do vyaktiyon ke milan se hota hai. is milan ko ham vivah kahte hain. parivar samaj ki mulbhut ikai hai. ek svasth v khushhal parivar hi ek svasth samaj ka nirman kar sakta hai. bhartiya vivah paddhati hi sirf ek aisi paddhati hai jismen vivah yogya larke v larki ki janm tithi v samay ke adhar par kundliyan banakar unka melapak karke vivah ki anumti dete hain. kundli milan men 36 gun hote hain jinmen kam se kam 18 milne chahie par hi vivah karna chahie. is milan ko ashtakut milan kahte hain. kundli milan ke do bhed hain - grah milan aur nakshatra milan/rashi/pukara jane vala nam grah milan men donon ki kundliyon ke vibhinn bhavon men sthit grahon ke milan v sthiti par vichar kiya jata hai. ismen grahon ki shatruta v mitrata dekhi tatha apas men yuti dekhi jati hai. nakshatra milan men jis rashi men chandrama ho uske anusar nakshatra ganna kar nakshatra milan karte hain. ajakal pukarne vale nam ke nakshatra ka milan kiya jata hai, patri ke nakshatra ka nahin jo ki ek galat tarika hai. ashtakut milan men nimnalikhit ath baton ka adhyayan kiya jata hai jiske anusar ankon ka jor 36 hota hai. 1. varna jatiya karma 1 2. vashya svabhav 2 3. tara bhagya 3 4. yoni yaun vichar 4 5. grahmaitri apsi sanbandh 5 6. gan samajikta 6 7. bhakut jivan shaili 7 8. nari ay/santan 8 36 yadi ashtakut milan men 18 gun milte hain to vivah ki anumti de di hai. adhunik sandarbh men ashtakut milan men se grah maitri aur bhakut ko sarvadhik mahatva prapt hai. vivah ke lie kundli men pancham, dvitiya, saptam aur ashtam bhavon par vichar kiya jata hai parantu inmen saptam v pancham mukhya hain. keval ashtakut milan paryapt nahin hai, apitu var aur kanya ke saptam bhav ka shubh hona bhi vivahit jivan ki saflta ke lie avashyak hai. iske atirikt dvitiya, chaturth, pancham tatha dvadash bhavon ka vishleshan parivarik talmel sukh, prem tatha shayan sukh ke lie avashyak hota hai. saptam bhav jivan sathi ka bhav hai. isse svabhav, rup, rang, prem vivah, vyavhar adi ka vishleshan kiya jata hai. vartaman samay men vivah ek samajik avashyakta bhi nahin raha hai. pati patni sath rahakar bhi ek dusre se mansik v vyavharik donon staron par dur rahte hain. is vivah ka kya arth hai jab donon vyakti anjanon ki tarah puri jindgi vyatit kar den. yahan kuch dampatiyon ki kundliyon ka vishleshan prastut hai jo sath rahakar bhi alag hanai. asha v arvind ka vivah 2003 men hua kintu samanjasya men kami ke karan ek dusre se dur rah rahe hain. asha ki kundli men lagn kunbh hai tatha ketu virajman hai. saptam men shani, surya v rahu hain tatha ketu ki purn drishti saptam ki sthiti ko aur kharab kar rahi hai. is yog ka jatak ki mansik sthiti par to bura prabhav parta hi hai, saptam ki sthiti bhi kharab hoti hai. mangal v chandrama pancham vivah se purva tatha bad men purush varg ke prati akarshan darshate hain. rahu ki antardasha jab-jab ai to donon men manmutav barha. asha sasural chorakar dusre shahar men rahti hai. pati patni milte hain parantu atmiyata se nahin. arvind ki kundli men kalasarp yog saptamesh v pancham bhav ko purnatah prabhavit kar raha hai. donon ki kundliyon men rashi maitri ka bhi abhav hai. shani kutunb men baithakar kutunb sukh men kami kar raha hai. donon ka vivah nam se milan karke kiya gaya. aj bhi shadi ke bad ekaki jivan ji rahe hain. dusre udaharan men anuja ki kundli mesh lagn ki hai jiska svami mangal surya ke sath hai, surya pancham ka svami hai aur saptam men shukra ki rashi men chandrama hai. yah jatka ko adhik kami banata hai aur purush ke prati akarshan utpann karta hai. iska prabhav jivan sathi par bhi parta hai. chaturth men rahu hai jiske karan ghar ka sukh adhik nahin hai. jatka tin sal ke vaivahik jivan men do sal mayke rahi hai. vartaman men shani men ketu ki dasha chal rahi hai islie jatka pita ke ghar par hi rah rahi hai. sanni ki tula lagn ki kundli ketu v budh se prabhavit hai. lagn ka svami shukra surya se yuti kar shashth men sthit hai aur jatak ki svabhav ko garm v bhramit kar raha hai saptam par ketu, rahu v shani ka prabhav hai aur saptam tatha jivan sathi ke sukh men kami kar raha hai. is tarah aise anek dampati hain jo gari ke do pahie to hain parantu unmen talmel nahin hai. iska ek karan samajik parivesh men aya badlav bhi hai. aj sabhi svayan sanpurn hain, kisi ko kisi ki avashyakta nahin hai. vivah do vyaktiyon ke talmel, unke apsi samanjasya ka hi nam hai. kahin n kahin hamara prarabdh karm bhi iska karan hai. pichle janm ke dushkarm hamare is janm ko bigarte hain. hamen apne karmon ko sudharna chahie. bhagavat gita men bhi karmon par updesh diya hai, n ki fal par.
Kya aapko lekh pasand aaya? Subscribe
Kya aapko lekh pasand aaya? Subscribe


  October 2007

research journal is mainly astrological magazine in which you shall find research oriented articles on astrology.

Subscribe

Apne vichar vyakt karein

blog comments powered by Disqus
.