सुखी दांपत्य के अनिवार्य मेलापक बिंदु

sukhi danpatya ke anivarya melapak bindu  

Ank ke aur Lekh | Sambandhit Lekh | Views : 3528 |  
sukhi dampatya ke anivarya melapak bindu dae. bi. el. sharma dharm, arth, kam aur moksh prapti ke liye grihasth ashram shreshth kaha gaya hai jo shubh panigrahan par nirbhar hai. hamare maharishiyon ne bharatavarsh ki dharmik avashyakta tatha bhaugolik sthiti-paristhitiyon ko dhyan men rakhakar kar kuch niyamon ka pratipadan kiya, jinmen pati-patni ke sahi chayan se uttam parivarik jivan ki kamna nihit hai. shastron ne svagotra men vivah varjit kiya. uska vaigyanik karan yah hai ki bachchen svasth hon. antrjatiya vivah is karan amanya kiye ki un parivaron men sanskritik bhinnata ke karan pati-patni sukhi nahin rah sakte hain aur bhinn sanskriti se aye parivaron men apas men sahanubhuti ki kami dekhi gai hai. inhin karnon ko dhyan men rakhakar hamare maharshiyon ne jyotish shastron men kuch niyamon ka pratipadan kiya, jinhen kundli milan aur manglik vichar ki sangya di gayi. janmakundli milan men anek vicharniya vishay hain, parantu yahan sabse mahatvapurn binduon ka vishleshan kiya ja raha hai. donon janmapatrikaon men yah dekhna avashyak hai ki larke-larki ki ayu kitni anumanit hai. ayu ka vichar ashtam sthan se kiya jata hai. ismen tritiya, ekadash, dvitiya, saptam sthan ka bhi vichar kiya jata hai. sadharan taur par markesh ki dasha ka vichar kiya jata hai, jaise min lagn ya min rashi vale ke lie markesh shukra ki dasha svasthya ke lie hanikarak hogi. yadi aisa samay nikat bhavishya men ho to dhyan den. saptam sthan vivah evan jivan sathi ka hota hai, atah saptam sthan ka parikshan karke dekhen ki sukhi danpatya jivan men vighna-badha to nahin aegi. yadi kisi larke/lrki ki janmapatrika ke vivah sthan men mangal (urja) evan shukra (anand bhog-vilas) sath men ho to aise vyakti ki kam vasna se bahut hi grasit rahne ki sanbhavna banti hai. yadi aisa hai to savdhanipurvak unke rahn-sahan, charitra sanbandhi jankari purva men prapt karen, fir vivah sanbandh tay karen. yoni ke gun-milan savdhani se karen, kyonki iske anusar larke-larki ke vaivahik jivan men anand ki kshamata ka parikshan kiya jata hai. gun-milan men sabse adhik ank nari milan ke hain. jo ath hain jabki kul gun chattis hote hain. jismen chaibis pratishat gun nari milan ke hain. iska vishesh dhyan rakhna avashyak hai. ayurved v jyotish shastra men nari vibhajan is prakar bataya gaya hai. vatnari pittanari kaf nari ashvini bharni kritika adrra mrigshira rohini punarvasu pushya ashlesha uttara purva magha hast chitra svati jyeshtha anuradha vishakha mul pu.sharha u.sharha shatbhisha dhanishtha shravan pu.bhadra u.bhadra revti uparyuktanusar nari bhinn ho tabhi vivah ke lie uttam milan mana jata hai. larke-larki ki rashi milan men nimnalikhit baton ka vishesh dhyan rakhen. (a) larke ki rashi se larki ki rashi barhvin n ho. ismen vichar-bhinnata v kalah sanbhav hai. (ba) larki ki rashi se larke ki rashi tisri, chaithi, panchvi tatha chathi n ho, yah hanikarak rahti hai ya vichar-bhinnata darshati hai. larke-larki ki janmapatrika men saptam sthan pati-patni ka hota hai. atah ek dusre ki saptam rashi uttam mani jati hai. larki ke vivah ka karak grah guru hai aur larke ke vivah ka karak grah shukra mana jata hai. atah saptam sthan, saptamesh ya guru-shukra pirit hon to vaivahik jivan sukhamay nahin rahega. iska sukshm parikshan hai. rashi milne ke sat ank hote hain. jyotish niyamon ke anusar nimnalikhit grahyog vale var ya kanya se vivah karen to grihasth jivan sukhi rahega. 1. kanya ka saptamesh, chaturth bhav men athva dasham bhav men gaya ho to vah pativrata stri hogi. 2. var ka saptamesh surya athva shukra ho aur vah shubh grah se drisht ho to vyakti ki stri pativrata hogi. 3. var ke saptam bhav men guru ho ya saptam bhav ko guru dekhta ho to uski stri dharmashila aur sushil hogi. 4. var-kanya ki rashiyan ek dusre se saptam, chaturtha-dasham, tritiya-ekadash hon ya donon ki ek hi rashi ho to aise pati-patni sukhi jivan vyatit karte hain. 5. rakshasagan vali kanya devagan var ke liye uttam nahin mani jati. var-kanya ka ek hi gan ho to uttam mana jata hai. 8. var kanya donon ki rashi ek hone aur nakshatra bhinn hone par vivah karen. usi prakar donon ka ek nakshatra hone par rashiyan bhinn honi chahiye tabhi vivah karen. udaharan ke liye yadi kanya ka janm krittika ke pratham charan men tatha var ka janm kritika ke dvitiyadi charan men ho to donon ka nakshatra ek tatha nari antya hogi. parantu kanya ki rashi vrish hone se nari dosh nahin hoga. isi prakar krittika nakshatra ke dvitiyadi charan men var-vadhu men se kisi ek ka janm ho tatha dusre ka janm rohini nakshatra men ho to donon ki rashi vrish hogi, parantu donon ke nakshatra bhinn honge. is karan vivah shubh mana javega. nari dosh ke karan kai vivah prastav sab prakar se yogya hone par bhi amanya kar diye jate hain. is sanbandh men jyotish granthon men nari dosh ka purn vivechan kiya gaya hai. uske anusar-ek nakshatra, ek nari, ek rashi hone par vivah prastav amanya kar diye jate hain. parantu iska bhi apvad hai- nari ka nirdharan nakshatra pad ke anusar karen. ayurved men nari vat, pitt, kaf manya hai: usi ke anusar yahan vishleshan kiya ja raha hai. anya nakshatron ka bhi isi prakar vishleshan karen aur is vishleshan se yadi donon var-kanya ki nari bhinn ho to vivah karna jyotish niyamon ke anusar manya hoga. jyotish granthon men yah bhi varnan hai ki sam varsh men kanya ka vivah aur visham varsh men var ka vivah shubh mana jata hai. var-kanya ke kundli-milan ke pashchat shubh muhurt men unka vivah sanpann karna chahiye. yadi var-kanya donon pratham santan hain jo jyeshth mas men vivah karna varjit hai. isi prakar guru v shukra ke ast kal men bhi vivah varjit hain. mesh, vrish, mithun, makar, kunbh ke surya men vivah shubh mana jata hai. vivah nakshatra par chandra, guru, shukra ho to vah nakshatra vivah men manya nahin hai. isi prakar kshay mas, adhikmas aur sinhasth guru (kuch apvad chorkr) vivah muhurt men manya nahin hain. var ka surya, rashi se 3/6/10/11 men uttam mana jata hai aur kanya ki rashi se 2/5/7/8/11ven sthan par guru vivah-muhurt men uttam mana jata hai. vivah muhurt men var ka surya aur kanya ke guru ka vichar avashyak hain aur donon ki rashi se 4/8/12 van chandra chorakar anya rashiyon men muhurt uttam hain. vivah sanpann karate samay margashirsh mah ko chorakar anya mahinon men godhuli lagn muhurt upalabdh nahin ho to, mithun, kanya, tula lagn ke muhurt men vivah uttam mana jata hain. yah bhi dhyan rakhe ki vivah lagna-muhurt men saptam men koi grah nahin ho aur ashtam men mangal aur chathe sthan men shukra nahin ho tatha us din chandra ki yuti kisi grah se nahin ho, aur pap grah lagn men nahin ho, guru lagn, kendra trikon men ho to uttam hain.
Kya aapko lekh pasand aaya? Subscribe

Kya aapko lekh pasand aaya? Subscribe


diabetes and astrology issue  जून 2017

आज प्रत्येक व्यक्ति खराब जीवन शैली एवं गलत खान-पान के कारण किसी न किसी बीमारी से ग्रसित है। उन्हीं में से एक बीमारी है मधुमेह, जो प्रत्येक वर्ग को बड़ी आसानी से अपनी गिरफ्त में ले लेती है। फ्यूचर समाचार के जून 2017 के मधुमेह एवं ज्योतिष विशेषांक में मधुमेह पर योग्य ज्योतिषियों ने अनेक अच्छे लेख लिखे हैं। साथ ही ज्योतिष के अच्छे आलेख भी प्रत्येक मास की तरह प्रस्तुत हैं जिनमें से मधुमेह पर कुछ लेख इस प्रकार हैं- मधुमेह रोग होने के कारण और निवारण, मधुमेह के ज्योतिषीय कारण व निवारण, मधुमेह रोग और और ज्योतिषीय दृष्टिकोण, मधुमेह रोग से संबद्ध मुख्य ग्रह एवं भाव नक्षात्रादि विवेचन, मधुमेह आहार और सावधानियां, ज्योतिष और मधुमेह, डायबिटीज और प्राकृति चिकित्सा, हस्तरेखा से मधुमेह रोग का ज्ञान, मधुमेह की गिरफ्त में सेलिब्रिटी वल्र्ड आदि। इनके अतिरिक्त ज्योतिषीय लेखों में स्थायी स्तम्भों में भी अच्छे लेख पूर्व की भांति रोचक व ज्ञानवर्धक हैं। सत्य कथा में इस बार एक चर्चित सैफ की कुण्डली का विवेचन किया गया है - क्वीन आॅफ इंडियन वेजिटेरियन रेसेपीज-निशा मधूलिका, पावन स्थल स्तम्भ में बाबा तारकेश्वर की महिमा को बताया गया है वास्तु में फ्लैट के नक्शे का वास्तु समाधान आदि।

Subscribe

Apne vichar vyakt karein

blog comments powered by Disqus
.