वर-वधू का मिलान

var-vadhu ka milan  

Ank ke aur Lekh | Sambandhit Lekh | Views : 6318 |  
var-vadhu ka milan prashna: var-vadhu ke gun v manglik milan ke atirikt kaise nishchit karen ki donon men milan uÿam hai. ayu, santan, svasthya, dhan v sanbandh adi par vichar kaise karen? var-vadhu ka uÿam milan: var-vadhu ke bich gun-milan vivah sanskar ke lie kiya jata hai. achcha vivah dampatya jivan men sukh ke alava jivan ke sare sukh deta hai. var-vadhu ke bich jivan ke sare sukh prapt karne ke lie nimn tarah se milan kiya ja sakta hai- gun-milan manglik sthiti milan kundli milan hastarekha milan ankshastra milan pati-patni ko jivan ke sare sukh mukhyatah kundli milan ke anusar hi milte hain kyonki kundli se hi jivan ke sare sukh jaise- vaivahik jivan, santan, svasthya, ayu, dhan, parivarik adi dekhe jate hain. hastarekha shastra dvara milan bhi kundli sthit grahon ki sthiti ke anusar hi hota hai kyonki kundli men jaisi grahon ki sthiti hoti hai, thik vaisi hi pati-patni ki mansikta v soch hoti hai aur vaisi hi hath men rekhaon ki sthiti hoti hai aur uske anusar hi vyakti karm karta hai aur sukh-dukh bhogta hai. ismen bhi purvajanmon men kiye gaye karmon ka niyam lagta hai aur uske anusar bhi vyakti sukh-duahkh bhogta hai. dusre shabdon men yah bhi kah sakte hain ki kundli men sthit grahon ki sthiti ke anusar hi vyakti karm karta hai aur uske anusar hi hath men rekhaon ki sthiti banti-bigrti rahti hai, lekin sabhi ke mul men 9 grah 12 rashiyan aur 27 nakshatra hi hain. islie sabse sarvashreshth milan kundli milan hota hai. isse yadi jivan ke sare sukh mil jayen to baki ke milan-gun, manglik v hastarekha ka mahatva to rahta hai lekin kam rahta hai. udaharan ke taur par, kai bar aisa dekhne men ata hai ki vyakti ke 36 men se adhikatam gun 28 ya isse jyada ya kai bar 36 gun milte hain aur manglik dosh bhi nahin hai tatha kundli milan ki hai to bhi dampatya jivan kharab rahta hai aur kai bar yah bhi dekhne men aya hai ki vyakti ki janmapatri achchi mili aur gun nyunatam 5, 10 ya 15 hi milte hain evan manglik dosh bhi hai to dampatya jivan achcha bitta hai. in donon hi sthiti ko nimn udaharan se siddh bhi kiya gaya hai. kabhi-kabhi aisa bhi hota hai ki vyakti ke nari dosh evan rashi dosh hain aur kundli milan achcha hota hai tab bhi santan sukh mil jata hai kyonki nari dosh men samanya yah mana jata hai ki kam sukh ke abhav ke karan santan sukh n milna hota hai. kyonki kundli milan se inka santan bhav bali hota hai. atah sabse jyada mahÿaa kundli milan ki hi hai. udaharan 1. gun: adhikatam 35 tatha kundli milan sahi nahin. atah dampatya jivan kharab. uprokt men 35 gun milne ke bad bhi var-vadhu ke dampatya jivan men tanav bana rahta hai kyonki larke ka saptamesh shani mitra rashi men hai, lekin is par shatru grahon surya, guru ka prabhav ashubh hai, karak shukra bhi shatru rashigat ashubh hai, iske alava saptam vivah bhav par rahu, ketu ka pap prabhav ashubh hai. larki ki kundli men saptamesh chandra, rahu-ketu se grahan dosh men pirit hai. saptam bhav men shatrurashigat budh sthit hai. vivah, kam, saptam bhav karak shukra nich rashi m ne hai tatha stri ke lie guru bhi shatrurashigat ashubh hai. uprokt karan se 35 gun milne ke bad bhi dampatya jivan sukhad nahin hai. atah gun milan ki apeksha kundli milan isse bhi adhik mahatvapurn hai. udaharan 2. gun: madhyam 18 tatha kundli milan shreshth. atah dampatya jivan achcha. jivan ke sare sukh mile. donon ke madhya rashi dosh tatha nari dosh aya tha. nari dosh ke karan santan sukh ka abhav hota hai. lekin donon ke santan evan vivah karak tatha dhan, parivar karak ‘brihaspati’ pancham trikon bhav men shubh sthit hai. larke ke brihaspati svagrihi hai tatha larki ke samrashi men guru sthit hai. donon ko santan sukh prapt hua. larki ke lagnesh shukra ne vivah karak brihaspati se pancham bhav men yuti ki tatha larke ke vivah karak shukra tatha lagnesh surya men bhav parivartan hokar shukra lagn men sthit hokar vivah bhav ko shubh drishti se dekh raha hai. atah dampatya jivan adi sare sukh prapt hain. 3. vibhinn binduon par vichar: kundli milan (uÿam) ke dvara nimn binduon ke antargat vivechan karna achcha parinam deta hai- svasthya: samanyatah svasthya ka vichar pratham lagn bhav, shashth rog bhav tatha inke svamiyon se kiya jata hai. iske alava man, mastishk ke karak grah chandra par bhi vichar karna avashyak hai. iske atirikt in sabhi par pap (ashubh) evan (punya) grahon ke prabhav par bhi vichar karna ati avashyak hai. var-vadhu ke lie yah avashyak hai ki donon ka svasthya ajivan achcha rahe. iske lie uprokt grah sthitiyan honi chahie. lagn, bhav bali hona chahie inmen koi ashubh (nicha/shatrurashi) ke grah sthit nahin hone chahie tatha iska svami bhi bali hokar achche bhav men sthit ho, is par pap grahon ka ashubh prabhav nahin hona chahie. uprokt sari sthitiyan donon ki kundli men maujud honi chahie taki donon svasth rahakar khushiyan, sukh bhogen. svasthya badhak rahna kharab dampatya jivan ki pahli nishani hai. ayu: is sansar men jivan ke sare sukh tabhi bhog sakte hain, jab var-vadhu ki ayu purn ho. yadi donon ya ek jaldi mrityu ko prapt ho jayen to bhi dampatya jivan adhura rah jata hai. atah aisa n ho, iske lie yah avashyak hai ki donon ka ashtam bhav bali ho arthat ashtam bhav men koi ashubh, pap grah (shatru/ nich rashi) sthit n ho, ashtamesh balvan hokar shubh bhav men sthit ho, karak shani bhi achchi sthiti men ho. iske sath hi lagnesh ka vichar bhi mahatvapurn hain. yah bhi bali hokar shubh bhav men sthit hon. iske alava in sabhi par pap grahon ka ashubh prabhav nahin hona chahie. ayu men bhi chandra ki balvan sthiti hona atiavashyak hai tatha sath hi amavasya ka chandra, chandra kalasarp yog se prabhavit, rahu-ketu se pirit nahin hona chahie. var-vadhu donon ko hi ayu ka purn sukh mile jisse jivan prasannata se vyatit ho. dampatya (vaivahik) jivn: svasthya evan ayu ke pashchat var-vadhu ke bich uÿam milan ka sabse mahatvapurn evan atiavashyak bindu ‘‘dampatya jivn’’ hai. yah donon ke jivan ka adhar hai, is par dampatya jivan ki imarat khari hai. iske lie yah avashyak hai ki donon ke saptam bhav ati bali hane, arthat pap prabhav se mukt hon. saptam bhav kam evan vivah se jure sabhi pahluon ka hota hai. atah is bhav men koi bhi pap evan ashubh grah (nich, shatrurashi, asta) nahin hona chahie. saptamesh evan kam karak shukra bhi bali hokar shubh bhav men sthit ho. saptam bhav men yadi yuti ho to keval saumya/shubh grahon ki yuti ho. jaise- chandra$guru ki kark rashi men, chandra$shukra ki vrish rashi men adi. saptam bhav men aisi yutiyan hone se dampatya jivan ajivan madhur rahta hai. iske alava, purushon tatha striyon ke lie vivah karak grah kramshah shukra evan guru bhi balvan hokar shubh bhavon men sthit ho. iske atirikt donane ka lagnesh, rashish, chandra bhi shubh/bli hona chahie. uprokt sabhi sthitiyan hone ke bad uprokt sabhi par pap evan ashubh grahon ke prabhav bhi var-vadhu donon ki kundliyon men nahin hone chahie taki dampatya jivan madhur bana rahe. klesh, tanav, talak adi nakaratmak sthitiyan utpann n hon. kundli milan ka yahi rahasya hai. santan: vivah ke bad yadi pati-patni ko santan ka sukh nahin mile, to yah sukh naganya ho jata hai. samaj, stri par anavashyak shabdon jaise- banjh, kulta adi ka arop lagata hai. stri ke charitra par bhi sandeh kiya jata hai adi. jisse bhi dampatya jivan men sukh ka abhav ho jata hai. atah santan sukh ke lie kundli ka panchvan bhav, svami, karak guru adi bali hokar shubh sthit men hone chahie. in par keval shubh prabhav hone chahie. pap, ashubh adi nakaratmak prabhavon se kundli mukt honi chahie jisse santan sukh prapt kar pati-patni ijjat se sukhpurvak jivan yapan kar saken. dhan: yadi pati-patni ke pas uprokt sabhi baten hon aur dhan ka abhav ho, to bhi dampatya jivan narak tulya hota hai. kyonki dhan ke abhav men sansar ka koi bhi sukh nahin mil pata hai. pati-patni donon ya koi ek naukri/vyavsay se jure hone chahie taki dhan se jivan achcha vyatit ho sake. iske lie kundli ka 11van evan 2 bhav bali hona chahie. inke svami, karak brihaspati majbut sthit men hone chahie. kundli pap prabhav se purnataya mukt honi chahie. rahu-ketu ka kundli milan par prabhav: saur mandal ke 7 grah, 12 rashiyon ka pratinidhitva karte hain arthat kundli ke 12 bhavon men jo bhi rashi ayegi, unke svami ye 7 grah hi hote hain. ye 7 grah jab chaya grahon rahu, ketu ke prabhav men (yuti ya drishti dvara) ate hain to unse agralikhit ashubh yog bante hain- surya evan chandra se grahan yog ya pitridosh, mangal se angarak, budh se jar, brihaspati se chandal shukra se ashotvak, shani se nandi namak ashubh yog bante hain. iske alava kalasarp yog bhi uprokt 7 grahon ke ek taraf arthat dhuri par ane se banta hai. ye sabhi yog kundli men itne kharab hote hain ki sanpurn kundli ko dushit bana dete hain. ye yog jab kundli men vibhinn bhavon jaise- 2, 5, 6, 7, 8 men bante hain to unse sanbandhit sukhon kramshah jaise- parivar, dhan, santan, ay, svasthya, dampatya jivan, ayu adi men kami kar dete hain. jisse antim prabhav pati-patni ke dampatya jivan par parta hai. udaharan kundli-3: kundli-3 ke saptam bhav par rahu, ketu ka prabhav ashubh hai, faltah dampatya jivan kharab rahta hai. atah achche dampatya jivan ke lie rahu-ketu ka ashubh prabhav uprokt bhavon par nyunatam ya anya bhavon par hona chahie. iske alava rahu-ketu ke prabhav men uprokt bhavon ke svami bhi nahin ane chahie. yadi uprokt ashubh prabhav hon, to bhi anya shubh prabhav hone chahie jisse uprokt ashubh prabhav men kami hokar jivan ke sare sukh milen. ise ek nimn kundli dvara samajh sakte hain. uprokt jor men gun ke keval 15.5 hi mil rahe hain, jo ki avashyakta se kam hain. larki manglik hai, lekin larka mangal dosh se mukt hai. yahan var-vadhu ke gun-milan evan manglik sthiti men dosh utpann ho raha hai, atah niyamanusar inke karan dampatya jivan kharab hona chahie. parantu aisa nahin hai. kundli dvara milan ko sabse shreshth mana gaya hai. larke ka saptamesh shani shatrurashigat navam bhav men rahu, ketu se pirit (nandi yog) bana raha hai, jo ki ashubh hai lekin sath hi vivah karak shukra, budh ke sath mitrarashi men saptam vivah bhav men shubh hai. brihaspati mitra rashigat parivar bhav men shubh sthit hai. faltah vaivahik jivan achcha hai. larki ke saptamesh shani 12ven bhav men mitrarashigat budh ke sath shubh sthit hai lekin pancham santan bhav par rahu, ketu ka prabhav ashubh hai shatrurashigat ashubh is sabke bavjud bhi donon ke 2 santan ka yog prapt hai. kyonki donon ka lagn ek hi ‘karka’ hai. sath hi donon hi sarkari naukri men hone se dhan ki koi kami nahin hai. donon ki rashiyan evan lagn ek hi hone se men hi gahri mitrata bhi hai. larke ka panchmesh mangal trikon bhav men shubh hai. atah kundli milan ke uprokt karnon se dampatya jivan ke sare sukh mil rahe hain. 4. hastarekha dvara milan: hast shastra dvara milan nimn panch baton par nirbhar karta hai- 1. sanvad 2. bahya vyaktitva 3. atmik milan 4. yaun melapak 5. samanubhuti bhav. iske alava jivan men sukh-samriddhi ke paksh, viprit paristhitiyon men dhairya, paraspar prem bhav adi ka bhi vichar kiya jata hai. hastarekha dvara milan ke niyam: milan men anguthe ka mahatva: iske mukhya bindu nimn hain- anguthe ka nichla athva tisra por, jivan rekha dvara jise vishesh akar diya jata hai. shukra parvat ko utkrisht banane men vishashe a bhui maka nibhata hai. is shukra parvat ka purnarup se ubhra hona grihasth jivan ke safal hone ka suchak hai, atah is par vishesh rup se dhyan dena ati avashyak hai. sudrirh anguthe se santulit jivan ka anuman lagaya jata hai. angutha sidha, sudaul tatha lanba ho aur uske poron ki lanbai bhi barabar ho (yah anupat 2ah3 ka ho to sarvashreshth rahta hai) to vyakti buddhiman hota hai aur apni bat ya apne nirnay par adig rahta hai. vah samay ke mahatva ko samjhta hai, atah uska sadaiv sadupyog karta hai. samajik bandhan aise vyakti ke vicharon ko prabhavit nahin karte hain. vah apne kam ke prati pura imandar hota hai tatha svayan apne jivan ko safal banata hai. yadi kanya ka angutha sundar ho aur sath hi lachila bhi ho, to yah apne apko nai paristhitiyon men dhal lene men saksham hoti hain. vah apni vakptuta se dusron ka man jit leti hai. yadi angutha chota aur uska pahla por mota ya mansal ho, to vah jiddi tatha gande svabhav ka hota hai, atah aise vyakti se savdhan rahna chahie. yadi vivah rekha gahri ho v lalima liye ho aur mastishk rekha par shani parvat ke niche yadi kala dhabba (bindu) ho to yah sthiti jivan sathi ke lie pranghatak hoti hai. yadi jivan rekha ka udgam do sthan se ho aur fir vah ek hokar chale to pati-patni ke bich yah algav ke sanket deta hai. yadi bayen hath men vivah rekha, hriday rekha ko katti hui jhukakar shukra parvat par pahunchti ho to talak hone ki sanbhavna rahti hai. yadi yah sthiti donon hi hathon men ho to talak nishchit rup se hota hai. yadi vivah rekha se ek shakha niche ki taraf akar surya rekha ko katti ho, to jivan sathi ko svasthya sanbandhi samasyaon ka samna karna parta hai. yadi vivah rekha se ek shakha nikalakar upar ki or surya parvat par jati ho, to yah shubh rahti hai. is prakar hast shastra se milanakar vaivahik jivan ko sukhamay bana sakte hain. ank shastra jyotish ke dvara melapk: var-vadhu ke chayan men ankshastra ki bhumika: ank jyotish ke anusar bhi ank 1 se 9 men hi tinon kal samaye huye hain arthat bhut, vartaman evan bhavishya ka rahasya chupa hua hai tatha akash men upasthit nau grahon ke bich sansar ka sara rahasya chipa hai. manushya ke svabhav, vyavhar arthat prakriti ko yahi 9 grah evan 9 ank niyantrit karte hain. ank aur uska man: ank shastri kiro ne ank shastra men angreji ke varn ke har akshar ka man, unke dvara pratipadit siddhant ke adhar par diya, jo nimn hai- ank jyotish men janmatithi se mulank tatha janmatithi, mah v varsh se bhagyank nikala ja sakta hai. nam ke aksharon ko jorakar namank nikala jata hai. ank jyotish men pratyek ank par uske svami grah ka purn adhikar rahta hai, jisse vah niyantrit rahta hai. ise nimn darshaya gaya hai- jis prakar jyotish men grahon ke mitra-shatru hote hain, usi prakar se ank jyotish men bhi ankon ke mitra-shatru jyotish ki bhanti hote hain- samuh-1: surya, chandra, mangal, guru. samuh-2: budh, shukra, shani, rahu, ketu samuh-1 ke sabhi grah apas men mitravat vyavhar rakhte hain, usi tarah samuh-2 ke bhi sabhi grah apas men mitravat vyavhar karte hain. samuh-1 ka surya, samuh-2 ke budh se mitravat vyavhar rakhta hai. iske alava in donon samuhon ke apas men arthat samuh-1 ke 2 se tatha samuh-2 ke 1 se grahon ka vyavhar shatruvat rahta hai. iska vilom ankane ka bhi mitravt-shatruvat vyavhar rahta hai. ise ankon ki tarah nimn prakar samajh sakte hain- samuh-1: surya 1, chandra 2, mangal 9, guru 3. samuh-2: budh 5, shukra 6, shani 8, rahu 4, ketu 7. uprokt ki bhanti samuh-1 aur samuh-2 ke sabhi ank apas men mitra hain. iske alava 1 v 5 apas men mitra hain, ise chorakar samuh-1 ke sabhi ank 2 se apas men shatruta rakhte hain. atah uprokt ke adhar par vaivahik jivan ki visham paristhiti jaise- klesh, tanav, talak, algav adi se bachne ke lie ank shastra ki madad se vivah purva hi dampatya jivan ka ankalan kar labh utha sakte hain. jis prakar jyotish men gun, mangal sthiti evan kundli milan ki jati hai. thik isi prakar ankshastra men mulank/namank v bhagyank ka vichar kiya jata hai. uprokt donon sarni evan donon samuhon ki sahayta se nimn udahrnon ki pushti karenge. 1. laila - s.ps. = 3$1$1$3$1 = 9 majnu- d.shra.chan= 4$1$1$1 $5$6=18=9 in donon ka namank saman hain. atah inke (jori) bare men itihas gavah hai. 2. hir - bhmmt=5$5$5$5$2=22=4 ranjha- t.chashrabh. = 2$1$5$1$ 5$1=15=6 in donon mulank men mitrata hai. is jori ke bare men bhi itihas gavah hai. 3. romiyo- tvdaplv= 2$7$4$1 $1$7=22=4 juliyat- shranspl.j=1$6$3$1$1 $1$4=17=8 in donon ke mulank men bhi mitrata hai tatha inke bare men bhi itihas janta hai. uprokt tinon joriyan prem ke itihas men prasiddh hain. uprokt ankshastra ke anusar var-vadhu ke janm nam se hain. janm tarikh se melapk: var-vadhu ka janm 1 se 31 tarikh ke bich kabhi bhi ho sakta hai. ise nimn sarni-3 men darshaya gaya hai. uprokt niyamon ke adhar par janmatithi se mulank/namank ya bhagyank gyat kar apne jivan sathi se tulna kar sahi milan kar sakte hain ki kis ke sath achchi banegi ya nahin banegi. uprokt ke alava, ank jyotish men ‘kiro’ ke sath-sath men ‘seferiyal’ tatha ‘paithogors’ bhi prasiddhi prapt hanai.
Kya aapko lekh pasand aaya? Subscribe

Kya aapko lekh pasand aaya? Subscribe


Vastu Visheshank  दिसम्बर 2016

ज्योतिषीय पत्रिका फ्यूचर समाचार के इस वास्तु विशेषांक में बहुत अच्छे विवाह से सम्बन्धित लेखों जैसे वास्तुशास्त्र का वैज्ञानिक आधार, वास्तु निर्माण काल पुरुष योग, वास्तु दोष शांति हेतु कुछ सरल उपाय/टोटक,वीथिशूल: शुभाशुभ फल एवं उपाय आदि। इसके अतिरिक् प्रत्येक माह का राशिफल, वास्तु फाॅल्ट, टोटके, विचार गोष्ठी आदि भी पत्रिका का आकर्षण बढ़ा रहे हैं।

Subscribe

Apne vichar vyakt karein

blog comments powered by Disqus
.