विवाह मुहूर्त

vivah muhurt  

Ank ke aur Lekh | Sambandhit Lekh | Views : 6186 |  
vivah muhurt prashna: vivah muhurt men kin-kin doshon par vichar kiya jana chahie? avashyak hone par inmen se kin doshon ka parihar upayon dvara kiya ja sakta hai tatha ve upay kaun se hain? kya in upayon ke pashchat vaivahik jivan sukhamay rahta hai? varsh 2010 men vivah muhurt bahut kam upalabdh hain. aise men kya upay avashyak hai? vivah sanskar manav jivan ka ek pramukh aur sarvadhik mahatvapurn sanskar hai. yah sanskar shastron ke dvara pratipadit siddhanton ka palan karte hue vidhi vidhanpurvak karna chahie. jyotish shastra ke anusar var aur kanya ki janm kundliyan milakar kie jane vale vivah ke muhurt men pramukh doshon ka vivechan prastut hai. samanya rup se sabhi shubh karyon men varjit 21 pramukh dosh - panchang shuddhi abhav, suryodyast ya guru, shukrast vibhinn desh ke riti rivaj ko chorakar, sankranti din, pap shadavarg men lagn hona, vivah lagn men chathe shukra v ashtam men mangal, trividh ganant, lagn karÿari yog, vikangat chandrama, var-vadhu ki rashi se ashtam lagn, vishghti, durmuhurt pap grah var dosh, latadi dosh, grahan nakshatra, ulpat nakshatra, pap viddh nakshatra, pap yut nakshatra, pap navansh v krantisamya (mahapap). vivah mas surya sankraman ki mesh, vrish, mithun, vrishchik, makar, kunbh rashiyon ke chandra mason men vivah uttamottam hota hai. shravan, bhadrapad evan ashvin mas vivah ke lie uttam hain. vivah tithiyan dvitiya, tritiya, panchmi, saptami, dashmi, ekadshi evan trayodshi tithiyan vivah ke lie uttamottam hain. pratipda (krishna), shashthi, ashtami, dvadshi evan purnima tithiyan vivah ke lie uttam hain. vivah var somvar, budhvar, guruvar evan shukravar vivah ke lie uttamottam hain. ravivar vivah ke lie uttam hain. vivah nakshatra rohini, mrigshira, magha, uttarafalguni, hast, svati, anuradha, mul, uttarasharha, uttarabhadra evan revti nakshatra vivah ke lie uttamottam hain. ashvini, chitra, shravan evan dhanishtha nakshatra vivah ke lie uttam hain. vivah yog priti, ayushman, saubhagya, shobhan, sukarma, dhriti, vriddhi, dhurav, siddhi, variyan, shiv, siddh, sadhya, shubh, shukla evan brahm yog vivah ke lie prashast hain. vivah karan bav, balav, kaulav, taitil, gar aur vanij vivah ke lie prashast hain. shakuni, chatushpad, nag evan kinstughn karan vivah ke lie samanya hain. vishti karan vivah ke lie sarvatha tyajya hai. guru/shukra ast vichar guru aur shukra grah yadi ast chal rahe hon, to use tara duba kahte hain. islie guru-shukra ka ast kal vivah muhurt ke lie tyajya hai. dev shayan vichar jab surya uttarayan hota hai, us kal ko devtaon ka din mana jata hai. surya dakshinayan kal devtaon ki ratri mani jati hai. yahi kal devtaon ka shayan kal kahlata hai. dev shayan kal men bhi vivah muhurt tyajya hota hai. vivah men vishesh lattadi dosh vivah lagn men mukhya rup se 10 dosh varjit hain, jo is prakar hain- latta pat yuti vedh jamitra banpanchak ekargal upagrah krantisamya dagdha. inmen vedh v krantisamya ati ganbhir dosh hain, atah vivah lagn men inka tyag avashya karna chahie. 1. latta dosh: latta dosh ek ganbhir dosh hai jiska sarvatha tyag karna chahie. iski do sthitiyan hoti hain. ek sthiti men vivah nakshatra ke dayin 2. pat dosh: surya jis nakshatra men ho usi nakshatra men yadi feron ka samay a jae to pat dosh hota hai. magha, ashlesha, chitra, anuradha, revti aur shravan ye 6 patki nakshatra hain. ye sabhi surya ke sanyog se patit ho jate hain. iske atirikt sadhya, harshan, shul, vaidhrit, vyatipat v gand in yogon ka ant yadi us din ke nakshatra men ho, to pat dosh hota hai. ise chandayudh dosh bhi kahte hain. yah prayah sabhi shubh karyon men varjit hai. 3. yuti dosh: vivah nakshatra men pap grah ka vicharan ya yuti ho, to yuti dosh hota hai. surya, mangal, shani, rahu aur ketu pap grah hain. yadi chandra shadavarg men shreshth, uchch, svakshetri ya mitra ho, to yuti dosh ka parihar ho jata hai. shubh grahon men budh aur guru yadi chandra ke nakshatra men hon aur mitra rashi men hon, to bhi yuti dosh nahin mana jata. shukra ki yuti ko shubh mana gaya hai, iska dosh nahin lagta hai. yuti dosh ke shubh-ashubh fal is prakar hain- 4. vedh dosh: vivah nakshatra ka jis nakshatra men vedh ho, usmen koi krur ya pap grah chal raha ho, to vedh dosh or ke 12 ven nakshatra ko surya, tisre ko mangal, chathe ko brihaspati aur athven ko shani lat marta hai. dusri sthiti men bayin or ke satven nakshatra ko budh, nauven ko rahu, panchven ko shukra aur 22 ven ko purn chandra lat marta hai. iska fal is prakar hai. panchshlaka chakra men ek rekha par parne vale nimn nakshatron men grah hone se nakshatron ka paraspar vedh ho jata hai. rohini-abhijit, bharni-anuradha, uÿarasharha-mrigshira, shravn-magha, hasta-uÿarabhadrapad, svati-shatbhisha mul-punarvasu, r e v t i - u ÿ a r a f a l g u n i , chitra-purvabhadrapad, jyeshtha-pushya, purvasharh-adrra, dhanishtha-ashlesha, ashvini-purvafalguni, vishakha-kri ttika ka apas men vedh hota hai yadi vivah nakshatra men shubh grah ka vedh ho to ‘padvedh’ hota hai. padvedh men pura nakshatra dushit nahin hota, sirf charan dushit hota hai. yadi nakshatra ke chaturth charan par grah ho, to samne vale nakshatra ke pratham charan par vedh hoga. yadi grah dvitiya charan par ho, to samne vale nakshatra ke tritiya charan par vedh hoga. vivah muhurt men padvedh ke kal ka hi tyag karna chahie, sanpurn nakshatra ka nahin. papagrahon dvara bhogakar chore hue nakshatra ko yadi chandra bhog le, to nakshatra shuddh hokar vedh dosh dur ho jata hai. ‘ravi vedhe ch vaidhkan, putrashoko bhavet kuje.’ arthat surya ke vedh men vivah karne se kanya vidhva ho jati hai aur mangal vedh se putrashok hota hai. shani ke vedh se mritsantan utpann hoti hai tatha rahu ke vedh se stri vyabhicharini ho jati hai. atah lagn men iska parityag avashya hi karna chahie. 5. yamitra dosh: vivah nakshatra se 14 ven nakshatra par koi grah ho, to yamitra ya jamitra dosh lagta hai. jamitra arthat saptam sthan. vivah ke samay chandra ya lagn se saptam bhav men koi grah ho, to yah dosh hota hai. atah saptam sthan ki shuddhi avashyak hoti hai. purn chandra, budh, guru aur shukra ke hone se jamitra shubh tatha pap grahon ke hone se ashubh faldayak hota hai. saptam ashubh grah vyadhi aur vaidhavya ka karak hota hai. 6. ban panchak dosh: sankranti ke vyatit dinon (lagabhag 16 din) men 4 jorakar 9 ka bhag dene par shesh 5 rahe to mrityu panchak dosh hota hai. yadi gatansh men 6 jorakar 9 ka bhag dene 5 shesh bache, to rog panchak, 3 jorakar 9 ka bhag dene par 5 shesh bache, to agni panchak, yadi 1 jorakar 9 ka bhag dene par 5 shesh bache, to raj panchak aur yadi 8 jorakar 9 ka bhag dene par 5 shesh bache, to chor panchak dosh hota hai. yadi shesh 5 nahin rahe, to ban dosh nahin hoga. yadi ravivar ko rog panchak lage to somvar ko raj panchak, mangal ko agni panchak, shukra ko chor panchak aur shani ko mrityu panchak hota hai. ye sabhi dosh vivah men varjit hain. rog aur chor panchak ratri men, raj aur agni panchak din men aur donon ki sandhi men mrityu panchak varjit hai. mrityu panchak ko chor kar 4 panchkon men dosh ka nirvah ho jata hai. lekin mrityu panchak sarvatha varjit hai. ismen vivah nahin karna chahie. 7. ekargal dosh: vishkanubh, atigand, shul, gand, vyaghat, vajra, vyatipat, parigh, vaidhriti ye ashubh yog vivah ke din hon tatha surya nakshatra se vivah nakshatra visham ho to ekargal dosh hota hai. ismen nakshatra ganna 28 manakar ki jati hai. is dosh men khori (') lagti hai dosh nahin ho to rekha (.) lagate hain. 8. upagrah dosh: surya nakshatra se vivah nakshatra tak ganna men 5, 7, 8, 10, 14, 15, 18, 19, 21, 22, 23, 24 ya 25ven nakshatra men koi grah ae, to upagrah dosh hota hai. 9. krantisamya dosh: jab spasht chandrakranti surya kranti ke bilkul saman ho tab krantisamya dosh hota hai. ek hi ayan men spasht chandra v surya ka yog 360 ansh par krantisamya hone par vaidhriti namak mahapat hota hai. vibhinn ayan men spasht chandra v surya ka yog 180 ansh par krantisamya hone par yah vyatipat sangyak hota hai. krantisamya kal ka nirdharan ganit vidhi se siddhantokt patadhyayon ke anusar kiya jata hai. sadharan taur par mesh-sinh, vrish-makar, tula-kunbh, kanya-min, karka-vrishchik aur dhanu-mithun in rashi yugmon men, ek men surya v ek men chandra ho, to krantisamya dosh sanbhavit hota hai. krantisamya dosh shubh karyon men sabhi shubh gunon ko nasht kar deta hai. vivah patal ke anusar shastra se kata, agni men jala ya sarp ke vishdansh se pirit vyakti to jivit bach sakta hai, kintu krantisamya men vivah karne par var-vadhu donon hi jivit nahin rahte. atah lagn shubh (shuddha) hone par bhi ukt doshon (krantisamya, vedhdosh) men vivah nahin karna chahie. sukshm kranti samya (mahapat) ki ganit ganna hoti hai. ismen sabhi shubh karya vajirt han.ai 10.dagdha tithi: surya rashi se tithi ko varjit mana gaya hai. niche die gae tithi chakra men jis mah ke surya ke niche jo tithi likhi gai hai, vah dagdha tithi mani jati hai. ismen vivahadi shubh karya varjit hain. vishesh rup se tyajya char dosh vivah lagn men nimnokt 4 dosh bhi tyajya hanai. marm vedh: lagn men pap grah hone se marm vedh hota hai. kantak dosh: trikon men pap grah hone se kantak dosh hota hai. shalya dosh: chaturth aur dasham men pap grah hone se shalya dosh hota hai. chidra dosh: saptam bhav men pap grah hone se chidra dosh hota hai. jyeshtha vichar jyeshth mas men utpann vyakti ka jyeshtha nakshatra ho to jyeshth mas men vivah varjit hota hai. var aur kanya donon ka janm jyeshth mas men hua ho, to is sthiti men bhi jyeshth mas men vivah varjit hai. vivah ke samay tin jyeshthon ka ek sath hona varjit hai. do ya char ya chah jyeshtha hone se vivah ho sakta hai. sinh-guru varjit: sinh rashi men guru ho to vivah varjit hota hai. lekin mesh ka surya rahe to sinh ke guru men vivah ho sakta hai. holashtaka: falgun mas ke shuklapaksh men holika dahan se 8 din pahle arthat shuklashtami se purnima tak holashtak rahte hain jo ki shatrudra, vipasha, iravti aur tinon pushkar ko chorakar sarvatra shubh hanai, islie in sthanon ke atirikt sarvatra vivahadi shubh karya ho sakte hain. inke atirikt kuch anya pramukh doshon ka fal is prakar hai. vyatipat men vivah hone par mrityu aur vansh nash ki sanbhavna rahti hai. gandant men vivah hone par mrityu, vajra men vivah hone par agnidah, gand men rog, vaidhriti m ne vadhai avya, vishkabhn a m ne kamatru ta, para n sashn ay, atigand men dhatukshay, vyaghat men mritavatsa aur vyadhi, parigh m ne kanya k e parrai dasi hone ki sanbhavna aur shul men vivah hone par ghav hota hai. vivah men lagn shuddhi din aur rat ke 24 ghanton men 12 rashiyon ke 12 lagn hote hain. sabhi muhurton men lagn ki sarvadhik pradhanta hoti hai. vivah adi shubh karyon men lagn ka shodhan ganbhirta se kiya jata hai. vivah hetu vrish, mithun, kanya, tula, dhanu lagn shubh kahe gae hain, in lagnon men vivah uÿam faldayi hota hai. alg-alag bhavon men sthit grah vivah lagn hetu ashubh hote hain. is sandarbh men ek sankshipt vivaran niche ki sarni men di gai hai. inmen se kuch grahon ki puja karakar lagn shuddhi ki ja sakti hai. inki shanti ke uprant vivah men tatha dampatya jivan men badhaen nahin atin. vivah lagn men shubh grah kendra, trikon ya dvitiya, dvadash men hon aur pap grah bhav 3, 6 ya 11 men sthit hon to shubhafal dete hain. lagn (pratham bhav) se shashth men shukra v ashtam men mangal ashubh hota hai. saptam bhav grah rahit ho, vivah lagn se chandra bhav 6, 8 ya 12 men n ho, to lagn shubh hota hai. lagn bhang-muhurt chintamni ke anusar yadi kisi vyakti ke lagn ke vyay bhav men shani ho, to us lagn men vivah nahin karna chahie. dasham men mangal, tritiya men shukra, lagn men chandra ya pap grah ho, lagnesh, surya, chandra chathe bhav men ho athva chandra, lagn ka svami ya koi shubh grah athvane bhav men ho athva saptam bhav men koi bhi grah ho, to lagn bhang hota hai. vivah lagn men kanya, mithun, dhanu ka purvadhi navansh shubh hota hai, basharte ye antim navansh men n ho. ukt rashiyon ka navansh ho, to dampati ko putra, dhan v saubhagya ki prapti hoti hai. var aur kanya ki janm rashiyon ya lagnon se ashtam ya dvadash bhav ka navansh yadi anek gunon se yukt ho to tyajya hai. shri ramdaivagya ke anusar, lagn ka svami lagn men sthit ho ya use dekhta ho, athva navansh ka svami navansh men sthit ho ya use dekhta ho, to vah var ko shubhafal pradan karta hai. isi prakar navansh ka saptamesh saptam bhav ko dekhta ho, to vadhu ke lie shubh faldayak hota hai. kartari dosh evan parihar: vivah lagn se dusre ya 12ven bhav men yadi pap grah ho, to kartari dosh hota hai, jo kainchi ki tarah donon or se lagn ki shubhta ko katta hai. lagn se dvitiya sthan men papagrah vakri aur dvadash men pap grah margi ho, to yah dosh mahakartari hota hai, iska sarvatha tyag karna chahie. lagn men balvan shubhagrah ho, to kartari dosh bhang ho jata hai. kendra ya trikon men guru, shukra ya budh ho, ya kartarikarak grah nichasth athva shatrukshetri ho, to kartari dosh hota hai. pangu, andh, badhir lagna: tula aur vrishchik din men tatha dhanu evan makar ratri men badhir (bahri) hote hain. badhir lagn men vivah karne se jivan dukhamay hota hai. mesh, vrish aur sinh din men tatha mithun, kark aur kanya ratri men andhe hote hain. din men kunbh evan ratri men min lagn pangu (viklang) hota hai. pangu lagn men vivah hone par dhan ka nash hota hai. diva andh lagn men kanya vidhva ho jati hai, jabki ratri andh lagn santan ke lie mrityukarak hota hai. islie in doshpurn lagnon se bachna chahie. kintu, yadi lagn ka svami ya guru lagn ko dekhta ho, to pangu, badhir adi lagn dosh nahin hote hain. tribal shuddhi vichar var v kanya ki janmarashi se surya, chandra v guru ka gochar nam tribal vichar hai. vivah muhurt ke dinon men se jis din tribal shuddhi ban jae, usi din vivah nishchay karke bata dena chahie. kanya ke lie gurubal v var ke lie suryabal ka vichar aur chandrabal ka vichar donon ke lie karna chahie. surya, chandra aur guru ki shuiddh hone par hi vivah shubh hota hai. varasya bhaskar balan: vivah ke samay var ke lie surya ka balvan aur shubh hona ati avashyak hai. surya ke balvan hone se dampatya jivan men pati ka patni par prabhav v niyantran rahta hai. donon men vaicharik samanjasya rahta hai evan jivan ke kathin samay men sangharsh karne ki kshamata bhi surya se prapt hoti hai. surya ki shubhta se sanpurn vaivahik jivan sukhamay hota hai. vivah ke samay var ki janm rashi se tisre, chathe, 10ven aur 11ven bhav men surya ka gochar shreshth kintu chaithe, athven aur 12ven bhav men anisht hone ke karan tyajya hai. pahle, dusre, panchven, satven aur nauven bhav ka surya pujniya hai arthat vivah se pahle surya ki puja v lal dan karne se hi vivah shubh ho pata hai. inmen pahle aur satven sthan ka surya var dvara vishesh pujya mana gaya hai. dampatya jivan men var ke varchasva ke lie yah avashyak hai ki surya ke uÿarayan kal, shukla paksh v diva lagn men hi vivah kare. diva lagn men bhi abhijit muhurt sarvashreshth hai. surya jis rashi men ho usse chaturth rashi ka lagn abhijit lagn kahlata hai. yah sthaniya madhyahn kal (dophr) men parta hai. sthaniya samyanusar din ke 12 bajne se 24 minat purva 24 minat pashchat tak 48 minat ka abhijit muhurt hota hai. uÿam jati brahman v kshatriyon ke lie yah vivah lagn shreshth kahi gaya hai. dakshin bhartiya brahman abhijit lagn men hi vivah karte hain aur yahi karan hai ki uÿar bhartiyon ki apeksha unka vaivahik jivan adhik safal rahta hai. janmagat jati ke adhar par hi nahin balki janm nakshatra ke anusar yadi var ka varn brahman ya kshatriya ho, to bhi abhijit lagn men hi vivah shubhfldayi hota hai. vivah lagn men surya yadi ekadash bhav men ho, to yah sone men suhaga hota hai. vivah hetu anya lagn shuddhi n ho sake, to abhijit muhurt ya lagn men vivah sabhi vargon ke lie shubh hota hai. kanyayan gurau balan: kanya ke dampatya sukh v pati bhav ka karak guru hai, islie guru ki shuddhi men kanya ka vivah shubh hota hai. kanya ki janm rashi se dusre, panchven, satven, nauven ya 11ven men sthit guru vivah hetu shubh mana jata hai, kyonki in sthanon men guru balvan hota hai. pahle, tisre, chathe ya 10ven men sthit guru madhyam hota hai, jo puja se shubh ho jata hai. kanya se pila dan kara kar vivah karna chahie. chaithe, athven ya 12ven men sthit guru ashubh hota hain, yah puja se bhi shubh nahin hota. atah kanya ki janm rashi se chaithe, athven ya 12ven men sthit guru vivah hetu varjit hai. in sthanon men guru ka gochar vaidhavyaprad hota hai. mithun ya kanya rashi men ho, to kanya ki hani hoti hai. kark ya makar rashi men ho, to kanya ke lie dukhdayi hota hai. kintu ukt sthanon men svarashi ya parmochch ho, to shubh hota hai. sinh rashi ke navansh men guru ho, to vivah nahin karna chahie. kanya ke vivah hetu guru shuddhi ka itna gahan vichar to us samay kiya jata tha jab uska vivah das varsh ya isse bhi kam ki ayu men hota tha. ajakal to larki ka vivah solah varsh ke bad hi hota hai. is umra tak vah kanya nahin rahti, vah to rajasvala hokar yuvti ho jati hai. islie gurubal shuddhi rahne par bhi puja dekar larki ka vivah karana shastrasammat hai. aise men vivah lagn shuddhi ke lie chandrabal dekhna hi anivarya hai. vivahe chandrablan: shri badrayan ke anusar guru aur shukra ke balya dosh men kanya ka aur vriddhatva dosh men purush ka vinash hota hai. guru ast ho to pati ka, shukrast ho, to kanya ka tatha chandrast ho, to donon ka anisht hota hai. atah vivah ke samay var aur kanya donon ke lie chandrabal shuddhi avashyak hai. chandra ka gochar donon ki janm rashiyon se tisre, chathe, satven, 10ven ya 11ven bhav men shubh (uÿam) hota hai. pahle, dusre, panchven, nauven ya 12ven men chandrama pujya hai. chaithe, athven ya 12ven sthan ka chandra donon ke lie ashubh hota hai. vivah patal ke anusar chaitha aur 12van chandra hi ashubh hone ke karan tyajya hai. ekargaladi vivah sanbandhi dosh chandra evan surya ke balyukt hone ke karan nasht ho jate hain, arthat donon uchchasth ya mitra kshetri hokar vivah lagn men baithe hane, to samast dosh dur ho jate hain. chandra budh ke sath shubh aur guru ke sath sukhdayak hota hai. vivah lagn men chandra ki nimnalikhit yutisthitiyan doshpurn hoti hain, inka tyag karna chahie. surya-chandra ki yuti - yah yuti danpti ko daridrya dukh deti hai. chandra-mangal ki yuti - is yuti ke falasvarup marnantak pira hoti hai. chandra-shukra ki yuti - is yuti ke falasvarup pati parai stri se prem karta hai, arthat patni ko sautan ka dukh jhelna parta hai. chandra-shani ki yuti - yah yuti vairagya deti hai chandra-rahu ki yuti - rahu se yut chandra kalhkari hota hai. chandra-ketu ki yuti - yah yuti kasht pradan karti hai. iske atirikt yadi vivah lagn men chandra do pap grahon se yut ho to mrityu ka karak hota hai. vivah men godhuli vichar bhi kiya jana chahie kyonki ismen sabhi dosh tyajya hain. varsh 2010 ke vivah muhurÿa hetu vishisht tathya: varsh 2010 men vivah muhurt kam hain. iska karan shukra tatha guru ka ast ka hona hai. en. si. lahiri ki efemerij ke adhar par 16 disanbar ko shukra ast aur 6 farvri ko udit hoga. vahin 13 farvri ko guru ast aur 15 march ko udit hoga. inke balatva evan vriddhatva kal arthat uday aur ast ke 3 din purva tatha 3 din bad hi shubh karya kie jane chahie. dusra karan chandra tatha surya grahan bhi hai. brihaspati ke kark, sinh ke navmansh men, svayan ke navmansh men tatha mangal ke navmansh arthat uchch mitra kshetri tatha svakshetri hone par vivah kiya ja sakta hai. adhik mas, guru aur shukra ke astakal tatha samay shuddhi ka dhyan rakhte hue vivah kiya ja sakta hai. upar varnit doshon ke bavjud hamare desh men adhikansh vivah abujh muhurÿaon men sampann hote a rahe hain. vishesh mat to yah hai ki var aur kanya ki kundli ka samagra rup se milan kiya jae, jismen mangal dosh, santan, ayu, apsi talmel, vaidhavya sthiti, svasthya aur arthik sthiti, shiksha ke star ityadi par vishesh vichar karne ke uprant shubh nakshatra aur samay men vivah kiya jana chahie.
Kya aapko lekh pasand aaya? Subscribe

Kya aapko lekh pasand aaya? Subscribe


muhurt visheshank  November 2009

manav jivan men muhurt ki upyogita, kya muhurt dvara bhagya badla ja sakta hai, muhurt nikalne ki shastrasammat vidhi, vivah men muhurt ka mahatva, shraddh, chaturmas, malmas, dhanu ya min ka surya ashubh kyon tatha ast grah kal kaise ashubh ? ki jankari prapti ki ja sakti hai.

Subscribe

Apne vichar vyakt karein

blog comments powered by Disqus
.