विवाह

vivah  

Ank ke aur Lekh | Sambandhit Lekh | Views : 5776 |  
vivah prashna: kisi kundli ke adhar par kaise nirnay karenge ki jatak ka vivah premvivah, antarjatiya ya paranprik vivah hoga? tatha bahu vivah ke kaun-kaun se yog hain? yah kaise sunishchit karenge ki jatak ka dusra vivah safal hoga ya nahin? udaharan kundliyon se apne kathan ki pushti karen. bhartiya sanskriti men vivah ko ek pavitra bandhan ke rup men manyata mili hui hai. solah sanskaron men vivah sanskar ek pramukh sanskar hai. samanyatah prem vivah ya bahu-vivah ka prachalan samaj men nahin hai. iske sath hi hindu vivah adhiniyam bhi bahu-vivah ko avaidh karar deta hai. parantu vidhur ya vidhva ki sthiti men dvitiya vivah kanunan vaidh hai. sath hi badlte samajik parivesh men talak ki sthiti anek mamlon men ban jati hai aur vaidhanik talak ke bad dvitiya vivah sanpann hota hai. iske sath hi vivahit purush-striyon ke antrang sanbandh ko bhi vivahetar ya bahu-vivah ki shreni men jyotishiya drishtikon se rakha gaya hai. aise sanbandh liv-in-rileshnship ke rup men bhi prakat ho rahe hain. chunki bahu-vivah avaidh hai atah bahu-vivah ke jyotishiya yog ko antrang sanbandh, up-patni (rakhail) rakhna ya fir liv-in-rileshnship ke rup men bhi dekha jana chahie. jyotish men prem-vivah ke yog: û panchmesh v saptamesh ki yuti ho. û panchmesh ya saptamesh athva pancham bhav ya saptam bhav rahu ya ketu se yut ya drisht ho. û panchmesh aur saptamesh men parasparik drishti-sanbandh hane, donon men rashi parivartan yog ho ya donon ek-dusre ke bhav ko dekhte hon. û panchmesh ki uchch rashi men rahu ya ketu ho. û rahu ya ketu ki drishti guru ya shukra par ho. û rahu ki sthiti kundli ke lagn bhav men ho. û saptam men shani v ketu hon. û saptam bhav tatha shukra par shani ki aur rahu ki drishti ho. û shukra navam bhav men ho. û chandrama, lagnesh tatha saptamesh lagn ya saptam bhav men ho. û mangal saptam bhav ya lagn men saptamesh ke sath ya pancham men panchmesh ke sath ho. û shukra lagn men lagnesh ke sath ya saptam men saptamesh ke sath ho. û lagnesh aur saptamesh men rashi parivartan ho. û lagnesh aur panchmesh ya lagnesh aur bhagyesh paraspar yut ho, unmen rashi parivartan ho ya ve ek dusre ko dekhte hon. û saptamesh aur navmesh ya panchmesh aur navmesh ki yuti ho. û mangal pancham ya navam bhav men ho tatha saptamesh aur ekadash bhav ke svami men rashi parivartan ho. û shukra janm lagn athva chandra lagn se pancham men ho. jyotish men antarjatiya vivah ke pramukh yog: jatak aur jatika ke bich antarjatiya vivah nimnalikhit jyotishiya yogon men hota hai. û saptam bhav men lagnesh shani dvara drisht ho. û saptam bhav, navam bhav tatha guru par shani aur rahu ya ketu ka prabhav ho aur guru navmesh ho. û shukra ki yuti shani ya rahu ke sath ho tatha lagn, chandra aur shukra ka sanbandh saptamesh se ho aur dvitiya bhav pap pirit ho. û shukra aur saptamesh ki yuti ho tatha in donon par shani aur rahu ka prabhav ho. û shukra, saptamesh aur navmesh ki yuti ho tatha in tinon par shani aur rahu ka prabhav ho. dvivivah yog: û lagn bhav ya saptam bhav men ashtamesh ho. û lagnesh shashth bhav men ho. û shashth bhav men dvitiyesh ho tatha saptam bhav men pap grah hon. û pap grah saptam bhav men ho. û nich ya shatru rashi men saptamesh shubh grahon se yut ho tatha saptam men pap grah hon. û kalatra karak shukra pap yut ho. û shukra nich ya shatru grah ke navansh men ho ya ast grah ke navansh men pap yut ho. û saptamesh trik bhav men pap yut ho tatha mangal lagn bhav men ho. û shukra uchch rashi ya svarashi men saptam bhav men rahu ya ketu se yut ho. û mangal mesh, vrishchik, sinh, makar ya kunbh rashi men ho. û lagn bhav men lagnesh ho tatha dvitiyesh aur saptamesh men rashi paritavartan ho. û saptamesh pap yut tatha shukra shubh yut ho. û saptamesh aur shani ki yuti ho. û rahu aur saptam bhav ke svami men yuti ya drishti sanbandh hon. iske atirikt jatak ki pahli patni jivit hote hue dusra vivah hota hai ya usko ek up patni (rakhail) bhi hoti hai. kabhi-kabhi santanabhav ke karan jatak dusra vivah kar leta hai aur pahli patni ko kisi prakar is bat ke lie mana bhi leta hai. do jivit patni yog: û nirbal saptamesh saptam bhav men pap yut ho ya pap drisht ho. û nirbal dvitiyesh dvitiya bhav men pap yut ya pap drisht ho. û dvadash bhav men mangal ho tatha saptam bhav aur ashtam bhav men pap grah hon. û lagnesh ya saptamesh nich ya shatru rashi men ho ya astangat ho. û saptam bhav men rahu aur surya ki yuti ho. û budh saptam bhav men svarashi ka ho tatha shukra shubh drishti rahit ho. jatak ke tin ya adhik vivah ke yog: û dvitiya bhav men ek se adhik pap grah hon aur dvitiya bhav ka svami unhen dekhta ho. û saptam bhav men ekadhik pap grah ho aur saptamesh ki drishti un par ho. û lagn, dvitiya evan saptam bhav men pap grah hon aur saptamesh nich shatru rashi ya ast ho. û chandra aur shukra bali hokar yut ho. û bali shukra saptam bhav ko dekhta ho. û lagnesh, dvitiyesh aur shashthesh saptam bhav men pap grahon se yut ho. û shani saptamesh hokar pap grahon se yut ho. û saptamesh jis bhav men ho usse tritiya bhav men bali chandra ho. û tritiya bhav men dvitiyesh aur dvadshesh ho tatha guru ya navmesh se drisht ho. û saptamesh bali hokar shubh varg men kendra ya trikon men ho tatha dashmesh ki drishti us par ho. û saptamesh aur ekadshesh men paraspar yuti ya drishti sanbandh ho. û shukra, mangal aur rahu dvisvabhav rashi men yut ho tatha pap drisht ho. û ekadash bhav men panchmesh aur saptamesh par tritiyesh ki drishti ho. û lagnesh aur saptamesh paraspar yut ya drisht ho. û shani dvitiyesh hokar pap grahon se yut ho. chunki vartaman samay men bahu-vivah ki avdharna avaidh hai islie ek ke bad ek patni ki mrityu ke bad iski sanbhavna rahti hai ya fir jatak ke patni ke atirikt dusri striyon se yaun sanbandh hote hain. udaharan 1: jatak ki kundli men prem vivah evan bahu-vivah ke yog: û rahu lagn men sthit hai. û saptamesh tatha saptam bhav rahu ketu se yut drisht hai. atah jatak ka prem vivah hua. bahu-vivah ke yog: û shani saptamesh hokar lagn men pap grah rahu se yut aur ketu evan mangal se drisht hai. û saptamesh shatru rashi men hai. û kalatra karak shukra krur grah surya se yut hai. û saptamesh lagn bhav men hai aur usse tritiya bhav men bali chandra hai. jatak ka jatika ke sath prem vivah ke kuch mahine bad hi tanav ke karan algav ki sthiti a gai. donon alg-alag rahne lage aur abhi talak ka avedan lanbit hai. chunki donon paksh ki rajamandi hai islie talak ka matra kort se anumodan hona hai aur fir dusri shadi jatak evan jatika ki hogi. guru saptamesh bhi hai atah jatika ki kundli se bhi prem vivah ka prabal sanket mila hai. jatika ki kundli men dvivivah yog ah û kalatra karak shukra pap yut hai. û mangal sinh rashi men hai. û saptamesh guru aur rahu ka drishti sanbandh hai. uprokt yogon ke karan talak ki sthiti a gai aur dusri shadi karne ki bari ane vali hai. jatika ki uprokt kundli par vichar karen. lagn aur chandrama donon visham rashi men hain jiske karan jatika ka svabhav purush pradhan gunon se purn hai. vah mridu svabhav ki n hokar purush ke sadrish akriti vali hai. chandrama par mangal ke pap prabhav ke karan vah kushila aur gunon se hin bhi hai. saptamesh guru shashth bhav men ketu se yut aur rahu se drisht hai, vahin shukra mangal se yut hai aur saptam bhav bhi shani se drisht hai. shani vichchedatmak grah bhi hai. shayya sukh ke bhav dvadash mane rahu hai. in sab karnon se is stri jatak ka dampatya sukh hin hai. atah iski dusri shadi bhi safal nahin rahegi. udaharan 2: yah kanudli ek jatak ki hai, jatika ki kundli anupalabdh hai. jatak ka vivah pichle varsh hua. shadi ke ek mahine bad hi shadi tutne ke kagar par a gayi. larki valon ne dahej utpiran evan gharelu hinsa ka mukdma larke valon par kar diya. apsi samjhaute ke adhar par talak ho chuka hai aur nyayalay se mukdma vapas liya ja chuka hai. larke ki dusri shadi hone ja rahi hai. larke (jatk) ki kundli ke adhar par yogon ki pariksha is prakar hai- dvivivah yog: û jatak ki kundli men kalatra karak shukra pap yut hai. û ashtamesh shani lagn men hai. bahu vivah yog bhi jatak ki kundli men ghatit ho raha hai kyonki lagnesh chandrama uchch rashi men hai. is prakar jyotishiya yogon ki pariksha uprokt kundliyon ke grah-yogon par karte hain to yah spasht ho jata hai ki nirdeshit prem-vivah ke yog, dvivivah evan bahu vivah ke yog parilakshit ho rahe hanai aur vastu sthiti bhi yahi hai. jatk-jatika ka dusra vivah safal hoga ya nahin, yah bhi kundli se jana ja sakta hai. yah jyotish ka samanya niyam hai ki saptam bhav, saptamesh, kalatra karak shukra nirbal ho, pap pirit ho, pap karÿari men ho to dampatya sukh ki nyunta rahti hai. jab kundli men in chijon ke sath vyabhichar yog adi bhi ghatit ho rahe hon to dampatya jivan ko jhakjhor deta hai. stri ya purush koi bhi pati/patni ke sandigdh vivahetar sanbandh ko svikar nahin karte aur jivan algav evan tanav men a jata hai. fir dusri shadi ki saflta bhi sandigdh ho jati hai.
Kya aapko lekh pasand aaya? Subscribe

Kya aapko lekh pasand aaya? Subscribe


dipavli visheshank  October 2011

dipavli parva ki prachinta, itihas v dharm, vibhinn deshon dipavli jaise anya prakash parva, dipavli ritu parva dharmik parva ke rup men, dipavli pujn: kab aur kaise?

Subscribe

Apne vichar vyakt karein

blog comments powered by Disqus
.