तीर्थराज मनिकर्ण

tirtharaj manikarn  

Ank ke aur Lekh | Sambandhit Lekh | Views : 2011 |  
tirtharaj manikarn da. bhagvan sahay shrivastav devbhumi himachal pradesh men kullu ghati aur kullu shahar ka saundarya apratim hai. vyas v vipasha nadiyon ke kinare base is kshetra ka manbhavan vatavaran, jharnon se futta sangit, prakritik falon se lade vriksh, bhinna-bhinn prakar ke pahari fulon se saji kyariyan, ghas ke hare-bhare maidan adi dekhakar yahan bar-bar ane ko man karta hai. bharat men asankhya tirth sthan v prachin mandir adi hain jinka vishesh mahatva hai. unhin men ek tirtharaj manikarn hai jo kullu ke nikat sthit hai. dharmik paksh tatha namkrn: brahm puran ke tisre adhyay ke anusar ek din mata parvati is sthan par jal krira kar rahi thin. is jal krira men unke kan ki mani gir gai. apne tej prabhav ke karan vah mani prithvi par n tiki aur patal lok men manniayon ke svami shesh nag ke pas pahanuch gai. sheshnag ne ise apne pas rakh liya. shivji ke ganon ne sab or rhunrha, parantu unhen mani nahin mili. isse krodhit ho shivji ne tisra netra khola, jiske karan pralay ane lagi. sab or trahi-trahi mach gai. shesh nag ghabra gaya. usne fufkar mari aur parvati ki karnamani ko jal ke sath prithvi ki or fenk diya. isi karnamani ke prakaran ke karan is sthan ka nam manikarn para. isi sthan par kirat rup men shankar ne arjun se yuddh kar uski pariksha li. aur use pashupat astra diya. is sthan ko harihar tirth, ardhanarishvar kshetram, sarvasiddhi pradayakam adi bhi kaha gaya hai. yahan shivji ne parvati ke sath nivas kar tap kiya tha. yah bhi kaha jata hai ki shri ramchandra aur lakshman ne vashishth muni ke ashram men shiksha-diksha lene ke pashchat yahin par shiv aradhna ki thi. pahle kabhi yahan nau shiv mandir hua karte the. manyata hai ki yahan ke jal men vishnu evan shiv donon ka vas hai. atah yahan ka snan param siddhi tatha muktidayak mana gaya hai. garm pani ke srot: manikarn ghati men garm pani ke chashme kasol se rupganga (7 ki. mi.) ke kshetra men parvati nadi ke dahine kinare par pae jate hain. manikarn men ye srot sthan-sthan par niklte hain. yahan chashme adhik garm hain jo chattanon ke niche se niklte hain aur bhari dabav ke karan upar ki or ate hain. yahan pani ka tapman 880 se 940 selsiyas tak rahta hai. jarmani ke ek vaigyanik ke anusar is kshetra men rediyam ki upasthiti ke karan jal men ushnata rahti hai. jal ka svad bhi achcha hai. jal men kailsiyam karbonet bhi paya jata hai. jiski parat asani se dekhi ja sakti hai. yah garm jal svasthya labh dene vala hai. is jal men snan se gathiya, joron ke dard, pet ki gais adi ke upchar men labh milta hai. anya mandir hanuman mandir: hanuman mandir ram mandir ke samne sthit hai. yah mandir purvonmukh hai. ram mandir ka pravesh dvar uÿar ki or hai. yahan hanuman ji sevak ke rup men vidyaman hain. isi mandir men raja jagat sinh ki murti bhi hai, jiski mrityu manikarn men hui. ram mandir: yah shikhar shaili ka mandir hai jiske upar slet ki chat bhi hai. raja jagat sinh ne ise san 1653 i. men ardhanarishvar mandir ke sthan par banaya tha. iske parisar men hi snan ki vyavastha hai striyon ke lie sita kund tatha purushon ke lie ram kund bane hain. yahan pahle 12 fit upar uthne vale garm jal srot bhi the, jo 1905 i. ke bhuchal men lupt ho gae. is mandir ki dhvaja nyoli mata lagati hai jab vah manikarn ki yatra karti hai, jvani mahadev is samay uske sath hote hain. nayna bhagvti mandir: manikarn men shivji ne tisra netra khola tha jisse nayna devi prakat hui thin, islie ise nayna bhagvti ka janm sthan bhi mana gaya hai. yahan nayna devi ka khash shaili ka mandir hai. yahan nayna devi ka rath bhi hai. devi ke sabhi gahne uch ki khan se nikli chanadi ke bane hain. shri krishn mandir: raja jagat sinh ne vaishnav dharm apnaya tha. uske bad vairagiyon ka kullu men vishesh prabhav raha. yahan vairagiyon ka krishn mandir hai, jiske pas hi surjkund hai. raghuunath mandir: manikarn ke thik madhya men saf-suthra raghunath mandir hai jismen mandap nahin hai. mandir men kamlasan par vishnu ki murti sthapit hai. yah mandir parvati nadi men ai barh ki mitti mane dab gaya tha. is barh ke falasvarup manikarn ka sthan uncha ho gaya, isilie yah mandir shesh sthanon se nicha hai. yah shikhar shaili ka mandir hai jis par slet ki chat bhi hai. shiv mandir: yah mandir narayan hari gurudvare ke pas sthit hai. iske ek kinare par ublte hue pani ka chota-sa kund hai. prayah isi pani ke kund men bhojan pakaya jata hai aur shraddhalugan yahan ke pake bhojan ko prasad ke rup men ghar le jate hain. anya darshaniya v ramnik sthala: manikarn ke 50-60 kilomitar ke irda-gird prakritik saundarya se paripurn kai aitihasik sthan hain. brahm ganga sangm: yah nadi harindra parvat par sthit brahm sarovar se niklti hai. brahma ji ne isi sarovar ke pas parvat par tap kiya tha . anya mahatvapurn darshaniya sthalon men uch, rupganga, pulga, varshaini rudranag, khirganga, malana mantlai adi pramukh hain. vaishakhi par kullu men bari sankhya men shraddhalu is avasar par yahan snan ke lie ate hain. bis bhadon ka mela: bhadane mas ke bis pravishte ke din is tirth par kie gae snan ko vishisht mante hain. kahte hain is din is tirth snan se arogya prapt hota hai. vastutah is samay tak yahan ki jari-butiyan pakakar taiyar ho jati hain aur apne gunon ko prapt kar leti hain. isi karan jari-butiyon se nihit jal men snan karna svasthyavardhak hota hai. parvati ghati: is ghati ke madhya men parvati nadi bahti hai. yah ghati bhuntar se somajot (mantlai) tak faili hai. iski lanbai lagabhag 90 ki. mihai. yah ek tang ghati hai jiske charon or sidhe uthte hue pahar hain jinki himachchadit chotiyan tatha hare-bhare sadabhar devdar ke van prakritik saundarya ko barhate hain. parvati ghati ko hi rupi ghati kahte hain, kyonki yahan rupa arthat chandi ki khanen hain. kaise pahunchen: dilli, chandigarh, pathankot adi shahron se bason athva niji vahnon se is darshaniya sthal tak asani se pahuncha ja sakta hai. basen lagabhag har thore antral par upalabdh ho jati hain. kar se manikarn ki yatra ati ananddayak hoti hai. dilli se solah ghanton men yahan pahanucha ja sakta hai. vayuyan dvara: vayuyan ki yatra suvidhajanak tatha kam samay lene vali hoti hai. dilli se is ghati ki ek matra havai patti bhuntar tak pahunchne men derh ghante ka samay lagta hai. chandigarh v dilli se sidhi havai seva upalabdh hai. suvidhaen: thahrne ke lie yahan paryatan vibhag ka parvati hotal hai. iske atirikt van vibhag ka ek chota vishram grih, gurudvara aur kuch atithigrih v chote hotal bhi hain.
Kya aapko lekh pasand aaya? Subscribe

Kya aapko lekh pasand aaya? Subscribe


rahu-ketu visheshank  August 2008

rahu ketu ka jyotishiya, pauranik evan khagoliya adhar, rahu-ketu se banne vale jyotishiya yog evan prabhav, rahu ketu ka dvadash bhavon men shubhashubh fal, rahu ketu ki dasha-antardasha ka falakathan siddhant, rahu ketu ke dushprabhavon se bachne hetu upay

Subscribe

Apne vichar vyakt karein

blog comments powered by Disqus
.