pra0- bhavan men satrah-atharah sal tak ke bachche ke lie shayn-kaksh kis sthan par banana chahie ?
u0- satrah-atharah sal tak ke bachche ke lie ishan kshetra men shayanakaksh banaya ja sakta hai. is disha men shayanakaksh rahne par bachche anushasit aur maryadit bane rahenge kyonki gyan ke svami guru evan buddhi ke svami budh grah ka sanyukt prabhav is kshetra par bana rahta hai. iske atirikt is kshetra men jal tatva ki adhikta rahti hai jo bachchon ke vikas ke lie avashyak hai.sath hi ghar men vriddh jan jo sansarik karyon se virakt ho gae hain unhen ishan kshetra men sulaya ja sakta hai.
pra0- nav vivahit dampatiyon ke lie shayn-kaksh kis sthan par banana chahie ?
u0- dampatya sanbandho men pragarhta, apsi prem tatha khushiyon ke lie bhavan men nav vivahit dampatiyon ke lie uttara-pashchim ke kshetra men arthat vayavya ki or shayanakaksh banana chahie. ise nav dampati vansh-vridvi ki ichcha rakhne par bhi istemal kar sakte hai. santan ki ichcha rakhne par sir dakshin ya purva ki or kar ke soyen, kafi madad milegi. garbhavati ho jane par dampati ko dakshin ki taraf ke shayan kaksh men sulaya ja sakti hai. achche dampatya sukh ke lie patni ko pati ke bayen sona chahie.
pra0-avivahit bachchon ya mehmanon ke lie shayn-kaksh kis sthan par banana chahie ?
u0- avivahit bachchon ya mehmanon ke lie uttara-pashchim ka bhag shayanakaksh ke lie upyukt hota hai, shighra vivah hone ki sanbhavna rahti hai kyoenki chandra is disha ka svami hai jo shighra vivah evan sthan parivartan karvata hai. atah jo larkiyan vivah yogya hon unhane uttara-pashchim ke kamren men shayanakaksh dene se unka vivah shighra hone ki sanbhavna rahti hai. yah jagah mehmanon ke lie bhi upyukt hoti hai. ve ate to avashya hain parantu shighra hi chale bhi jate hain, kyonki yah kshetra chandra ke sath-sath vayu dvara shasit hota hai jo gatishilta ka dyotak hai. .
pra0- ghar ke bare vyakti ya mukhya vyakti ka shayn-kaksh kis sthan par banana chahie ?
u0- ghar ke bare vyakti ya mukhya vyakti ka shayanakaksh bhavan ke dakshin-pashchim men banana chahie. ise mukhya shayanakaksh bhi kahte hain. yah disha prithvi tatva ka dyotak hai. yah ghar ko sthayitva deti hai evan thos nirnay lene men grihasvami ki madad karti hai. is kaksh men bed dakshin ya pashchim ki taraf nairritya kon men rakhen. dakshin-pashchim ke kamre ka istemal grihasvami aur bare vyakti ko karna chahie, isse ve apne ap ko sukhi mahsus karte hain.
pra0- shayan kaksh men palang ki sthiti kis tarah rakhni chahie ?
u0- shayan kaksh men palang ki sthiti kabhi bhi is tarah nahi rakhni chahie jisse sone vale ka sir athva pair sidhen dvar ki taraf ho. aisi sthiti men rahne par sone vale ko hamesha mrityu saman bhay bana rahta hai. sath hi dampatya jivan sukhamay nahi rahta hai. atah shayan kaksh men palang dvar ke viprit kone men rakhen. palang se dvar dikhta rahe, is bat ka dhyan rakhen. palang ko kisi divar ke sath laga kar rakhen, yah sthiti dampatya jivan men sthirta lati hai. palang ko kabhi bhi ubhre hue bim ke niche n rakhen.
bim donon ke madhya ata ho to usse apsi sanbandh kharab rahta hai aur sharir ko katte hue rahne par svasthay ke lie ghatak hota hai. shayan kaksh ka bistar agar dabal bed ka ho aur usmen gadde alg-alag hon tatha pati-patni alag alag gadde par sote hon to unke bich tanav rahta hai aur age chalakar ve alag ho jate hain. atah shayan kaksh men aisa bistar rakhen jismen pura ek hi gadda ho.
jivan men jarurat hai jyotishiya margadarshan ki? abhi bat karen fyuchar point jyotishiyon se!