लाल किताब के चमत्कारी उपाय

lal kitab ke chamatkari upay  

Views : 417 | March 2011

 

khud insan ki pesh n jae, hukm vidhata hota hai, sukh daulat aur sans akhiri, umra ka faisla hota hai. bimari ka ilaj hai, magar maut ka ilaj nahin, duniyabi hisab-kitab hai, koi dava-e-khudai nahin. arthat bhagya par manushya ki pesh nahin jati, yah ishvar ke adhin hai. ishvar hi manushya ko milne vale sukh, dhan v ayu ka faisla karta hai. jyotish dvara bhavishya ko jana ja sakta hai aur kat sakne vale kashton ko dur kiya ja sakta hai lekin mrityu tulya kashton ka koi ilaj nahin hota, unhen bhogna hi parta hai.


fri men lal kitab prapt karne ke lie klik karen


jyotish shastra men bhi anekanek paddhatiyan prachlit hain jaise parashar paddhati, jaimini sutra, krishnamurti paddhati, lal kitab, bhrigu sanhita, ravan sanhita, nari shastra, adi. in sabhi paddhatiyon men parashar paddhati sabse adhik prachlit v purn hai lekin anya paddhatiyon men bhi koi n koi visheshta rahti hai. aise hi hai lal kitab ek hai jo ki parashar paddh ti ki hi den hai. iski sarlta v am vyakti ke lie upyogita ne ise atyadhik mahatvapurn bana diya hai. ismen vishesh gannaon ko hatakar falit men avashyak mul siddhanton ko apnaya gaya hai jisse jyotishi ek to ganna men nahin bhatkta aur dusre falit men mukhya uddeshya evan sutra ka upyog kar pata hai. iske atirikt is paddhati men die gaye upay bahut hi saral hain jo am vyakti aram se karke apne kashton se chutkara prapt kar sakta hai. yahi hai lal kitab ke mahatvapurn hone ka raj. lal kitab ki rachna jalandhar ke ganv farvala men rahne pan. rupchand joshi ji ne sarva pratham 1939 men ‘‘samudrik ki lal kitab ko farman’’ ke shirshak men chapakar ki thi.

yah pustak us samay prachlit urdu-farsi bhasha men rachit thi. is pustak ka dusra sanskaran ‘‘samudrik ki lal kitab ke arman’’ ke nam se 1940 men chapa. ismen likha tha ki ‘‘farman aur arman donon ek hi nanbar ke hain islie donon ko ikattha milakar parhen, in sharton ke bagair parhne se koi matalab hal n hoga.’’ iske pashchat 1941 men ‘‘’lal kitab tisra hissa (gutka)’’ v 1942 men chaturth sanskarana‘‘ ilme samudrik ki lal kitab’’ chapi. ant men 10 varsh pashchat 1952 men ‘‘lal kitab’’ ke shirshak se panchvan tatha antim sanskaran chapa. in sabhi sanskaranon ke prakashak shri girdhari lal ji the. lal kitab ki sarlta ke bare men khud joshi ji ne likha hai

na 28 nakshatron, n panchang ginti, bhula rashi 12 ko vah deti hai. sirf pakke ghar 12 akhir leti, grah 9 se kismat bata deti hai.

arthat lal kitab men nakshatra, panchang v rashi ki ganna sabhi ko hatakar 9 grahon ke keval 12 gharon ko hi mukhya liya gaya hai. lal kitab dvara kundli banane ke lie pratham lagn kundli ka nirman kiya jata hai. fir lagn rashi ko badalakar 1 likh diya jata hai.

kundli jaise- dhyan rahe ki lal kitab kundli men jahan 4 likha hai vah chaithe ghar ko darshata hai n ki kark rashi ko. rashi nambar hatakar khana nambar likhna is bat ka bhi pratik hai ki lal e paddhati men rashiyon ka adhik mahatva nahin hai v ghar ka mahatva atyadhik hai. vastav men parashar paddhati men bhi rashi ko keval grah ke balabal ke lie upyog men laya gaya hai, falit nirnay to grah ke bhav men pratishthit hone ke karan hi hota hai.

isi prakar lal kitab men dasha v gochar adi ka bhi upyog nahin kiya gaya hai. iske lie 35 sala chakra ka upyog bataya gaya hai jismen kramanusar guru 6 sal, surya-2 sal, chandra-1 sal, shukra-3 sal, mangl-6 sal, budh-2 sal, shani-6 sal, rahu-6 sal v ketu-3 sal. lal kitab men varshafal ka vishesh mahatva hai.

lal-kitab

varshafal kundli tajik paddhati par n hokar vishesh talika dvara banai jati hai jismen ek ghar men sthapit grah dusre ghar men sthapit kar die jate hain. is prakar varsh kundli men rahu-ketu ka amne-samne rahna v budh, shukra ka surya ke pas rahna avashyak nahin rah jata. ve kahin bhi sthapit ho sakte hain. har varsh ka fal v us varsh ko shubh banane hetu upay bahut hi prachlit hain jinko varsharanbh ke 40 din ke andar karna bataya gaya hai. lal kitab men purva janmakrit rinon ka ullekh bhi kiya gaya hai. yah janm pichle janm ki kari ke rup men jana gaya hai. is janm ke kasht pichle janmon ke krityon ke karan hote hain. atah vishesh upay pitri adi rin se chutkara dilakar hamare papon ka kshay karte hain.

lal kitab ke nimn upay bahut prachlit hai

surya pani men gurh baha den guru kesar prayog karen.
chandra dudh/ pani sirahne rakhen subah per men dalen shukra gau dan ya hara chara dan karen.
mangl bad revriyan pani men baha den. shani tel ka chaya patra dan karen.
mangl nek mithai dan karen ya patisa dariya men dalen. rahu koyla dariya men dalen.
budh surakh vale tanbe ke paise dariya men dalen. ketu kutto ko rotiyan dalen.

har upay kam se kam 40 din v adhik se adhik 43 din karna chahie kyonki 28 nakshatra aur 12 rashiyon ka yog bhi 40 din hota hai. upay puri avdhi tak karna hoga anyatha nishfal hoga aur dobara puri avdhi tak karna hoga. agar upay band karna ho aur fir aranbh karna ho to chaval dudh se dhokar apne pas rakhen. lal kitab ke anusar kundli nirman, grahon ki avastha, dasha, faladesh, rin v upay, varshafal evan upay adi sabhi vistrit jankari fyuchar paeint dvara nirmit lal kitab ke saeftaveyar men di gai hain. yah saeftaveyar, inglish, hindi, gujrati, marathi, panjabi, tamil, bangali adi bhashaon men upalabdh hain. is saeftaveyar dvara jyotishi gan is vidha ka purn labh utha sakte hain.


lal kitab ki bistrit jankari ke lie hamare jyotish se sanpark karen


Kya aapko lekh pasand aaya? Subscribe
Kya aapko lekh pasand aaya? Subscribe

Ask a Question?

Some problems are too personal to share via a written consultation! No matter what kind of predicament it is that you face, the Talk to an Astrologer service at Future Point aims to get you out of all your misery at once.

SHARE YOUR PROBLEM, GET SOLUTIONS

  • Health

  • Family

  • Marriage

  • Career

  • Finance

  • Business

lal-kitab  March 2011

lal kitab namak prasiddh jyotish pustak ka parichay, itihas evan anya deshon ke bhavishyavaktaon se iska kya sanbandh raha hai tatha iske saral upayon se kya praptiyan sanbhav hain vah sab janne ka avasar is pustak men milega.

Subscribe


.