खजूर

khajur  

Ank ke aur Lekh | Sambandhit Lekh | Views : 5813 |  
khajur falon aur mevon ki duniya men apna ek mahatvapurn sthan rakhti hai. belnakar sa yah fal pila, lalima lie hota hai, kahin yah gahre bhure rang ka bhi hota hai. sardi-garmi har mausam men paya jane vala yah fal bahut hi svadisht, paushtik aur sarvagunkari bhojya padarth hai. khajur ko ‘‘registan ki roti’’ bhi kaha jata hai. khajur ki utpatti mesopotamiya (aj ka irak) se mani jati hai. prachin kal se hi manav khajur ki kheti karta aya hai. aj vishva men iski kheti ek manak fasal ke rup men ki jati hai. saudi arab, misra, iran, irak, spen, itli, chin aur amerika men iski kheti pramukh rup se ki jati hai. bharat men samudra tat ki retili jamin men iske per adhik matra men pae jate hain. lekin bharat men upje khajur achchi shreni ke nahin mane jate. islie bharat men achchi shreni ka khajur videsh se ayat hota hai. puri tarah se pake falon ko ‘khajur’ tatha adhe pake khajuron ko chuara kaha jata hai. islie yah taja meva bhi hai aur sukha meva bhi. khajur ka varnan sabhi dharmik granthon men milta hai. ayurved men khajur ko sarvagunkari poshak aur rognashak bhi kaha gaya hai. adhunik chikitsa pranali bhi khajur ke sevan ki salah vibhinn rogon ke lie deti hai. khajur men pae jane vale poshak tatva sharir ka poshan teji se karte hain kyonki ye sarlta se pachakar sharir men rogon se raksha karne ki urja ko bhar dete hain. khajur men paye jane vale tatva protin, karbohaidrets, fait, reshe, pani, sodiyam, kailshiyam, faesforas, potashiyam, vitamin-e, vitamin si, vitamin-bi, folik esid maigneshiyam, loha, jink adi tatva khajur men pae jate hain. ye sabhi tatva anek rogon ki roktham men sahayak hote hain. varshon se khajur ka shaktivarddhak prabhavon ke karan aushdhiya upyog hota a raha hai. sarlta se pachne ke karan ye sharirik urja srot rahe hain. khajur ko sukhe meve ki tarah, pani ke sath dudh ke sath jaise ji chahe sevan kar sakte hain. apne rog nivarak gunon ke karan ayurved v prakritik chikitsa men iska upyog kiya jata hai. vibhinn rogon men khajur 1. sardi-jukam sardi jukam hone par khajur ka sevan bahut labhkari hota hai. char-panch khajur din men do bar garm dudh ke sath khane se sardi-jukam men rahat milti hai. khajur men paya jane vala potashiyam sharir men potashiyam ki kami puri karta hai jismen ham sardi-jukam se bach jate hain. 2. sir-dard khajur ka niyamit sevan sir dard men bhi labhkari hai. jin logon ko sir dard ki shikayat rahti hai ve yadi khajur ka sevan karen to sir dard, adha sisi ka dard maigren adi se chutkara pa sakte hain. sir dard ka karan aksar vitamin bi ki kami hota hai. khajur men vitamin-bi kafi matra men paya jata hai islie khajur ke sevan se sir dard men rahat milti hai. 3. kamjor dil (hridy) kamjor dilvalon ke lie khajur ramban hai. rat ko khajur ya chuara ko pani men bhigokar us pani ko pine se hriday ko takat milti hai. 4. anton ka vikar khajur men paya jane vala nikotin padarth anton ke vikaron ko dur karne ke lie atyant upyogi hai. kuch anusandhanon ke anusar khajur ka sevan karne valon ko pet v anton men rasauli nahin hoti. 5. kabj khajur men paye jane vale reshe pachan tantra ko sucharu rakhte hain jisse kabj ityadi rog men labh hota hai. 6. kamar dard khajur men paye jane vale khanij tatva kamar dard men labhkari bhumika nibhate hain. char khajur garma-pani ya dudh ke sath sevan karne se kamr-dard men rahat milti hai. jin striyon ko shishu janm ke pashchat kamar dard rahta hai unhen khajur ka sevan avashya karna chahie. 7. joron ka dard joron ke dard men bhi khajur ka sevan labhkari hota hai. khajur ya chuara ke bane khir banakar khane se joron ke dard men labh hota hai. vitamin ki kami se joron ke dard hote hain aur khajur men vitamin-si kafi matra men hota hai. 8. danton aur haddiyon ki kamjori khajur men paye jane vale khanij tatva maigneshiyam, kailshiyam, faesforas, sodiyam, danton evan haddiyon ki kamjori ko dur kar sudrirh banate hain. islie visheshakar barhte bachchon ko khajur ke sevan se vishesh labh hota hai. 9. khun ki kami enimiya sharirik svasthata ke lie lauh ka vishesh mahatva hai, jiski kami se rakt men paye jane vale lal kanon ki sankhya bahut kam ho jati hai jiske karan sharirik aur mansik kamjori manushya ko ghere rakhti hai, chehra bhi pila par jata hai. khajur men lauh matra bharpur hoti hai islie iske sevan se sharir men lauh matra ki kami dur hoti hai. sharir svasth aur sfurti bhara ho jata hai. chehre par raunak a jati hai. 10. thayraeid jin logon ko thayraeid ki shikayat hoti hai khajur unke lie vishesh labhkari hai. thayraeid aksar ayodin ki kami se hota hai. ayodin thayraeid granthi ko pusht banae rakhti hai. yadi yah granthi apna karya thik dhang se n kare to sharir men vibhinn prakar ke rog utpann hone ka bhay hota hai. khajur men ayodin ki matra bhi pai jati hai islie khajur ke sevan se sharir men ayodin ki kami dur hoti hai jisse thayraeid granthi apna karya sucharu rup se karne lagti hai. 11. manspeshiyon ki kamjori manspeshiyon ki kamjori se vyakti ki sharirik kshamata kam ho jati hai. kam karya karne par thakan v dard shuru ho jati hai. khajur men paye jane vale khanij tatva manspeshiyon ko sudrirh rakhne men vishesh bhumika nibhate hain islie khajur ka sevan karne valon ko manspeshiyon ki kamjori nahin hoti. 12. khansi v dama rog rakt men lauh ki kami hone se fefre thik se kam nahin kar pate tatha fefre jo aeksijan grahan karte hain, rakt us aeksijan ko puri tarah grahan nahin kar pata. parinamtah vyakti ko dama ka samna karna parta hai jisse sharir kamjor ho jata hai tatha anek prakar ke rogon ki utpatti hoti hai. khajur ke sevan se lauh ki kami puri hoti hai jisse dame jaise rogon se rahat milti hai. nitya char-panch khajur gungune pani ke sath sevan se khansi evan dama rog mit jata hai. 13. histiriya/murcha jin striyon ko histiriya jaise rog se dur rahna hai ve nitya char panch khajuron ka sevan aur histiriya/ murcha adi rogon se chutkara mil jayega. 14. sankramak rog vitamin ‘e’ ki kami se sankramak rog hote hain. aisi sthiti men daektar vitamin-e ka kaipsul ya goliyan dete hain jisse rog se chutkara paya jaye. khajur men vitamin ‘e’ kafi matra men hota hai. yadi khajur ka sevan dudh ke sath nitya kiya jae to sankramak rogon se bacha ja sakta hai. 15. chehre ki sundrta chehre ka pilapn-chehre ka rukhapan chehre ki chaiyon se chutkara pane ke lie nitya khajur ka sevan karen. khajur men paye jane vale sabhi khanij tatva labhkari han. not: yadi khajur ke sevan se bharpur labh uthana chahte hon to masaledar, tali chijon ka sevan n karen anyatha labh nahin hoga.
Kya aapko lekh pasand aaya? Subscribe

Kya aapko lekh pasand aaya? Subscribe


hastalekh evan hastakshar visheshank  February 2014

fyuchar samachar patrika ke hastalekh evan hastakshar visheshank men hastalekh se vyaktitva vishleshan, likhavat dvara rogon ki pahchan evan upchar, hastakshar ke prakar evan visheshtaen, bhinn mansikta ki bhinn likhavat, hastakshar evan grah apke hastakshar kya kahte hain, likhavat se janen vyakti vishesh ko tatha hastalipi evan upyog, kaise len hastakshar dvara svasthya v dhan labh adi gurh evan mahatvapurn vishyon par charcha ke atirikt filmon men kariyar, estro pamistri, mahashivratri vrat ka adhyatmik mahatva, panchapakshi ki kriyavidhi, saflta men dishaon ka mahatva tatha adi shakti jivndayini manglrupa man tarini ke tirthasthal par rochak alekh sammilit hain.

Subscribe

Apne vichar vyakt karein

blog comments powered by Disqus
.