ज्योतिष अंतिम सत्य की ओर एक कदम

jyotish antim satya ki or ek kadm  

Ank ke aur Lekh | Sambandhit Lekh | Views : 1754 |  
1. vishay pravesh hamare vedon aur puranon men bharat ki satya aur shashvat atma nihit hai aur inhen samjhe bagair bhartiya parampara evan drishtikon ko samjhna sambhava bhi nahin hai. shastron men jyotish ko vedon ke netra (jyotisham vedanan chakshu) ki sangya prapt hai aur prachin samy se hi jyotishiya gyan dvara manv ki seva ki jati rahi hai. samy ke sath-sath iski alg-alg shakhaen niklti rahin, jaise samudrik vigyan, vastu shastra, ank vigyan, tairo adi. sabhi ka lakshya jan-sadharn ki seva hi hai, jisse manav ane vale samay ki sanbhavnaon ko jan kar svayan ko pratyek paristhiti ka samna karne ke liye sabal evan sakshama bana sake aur jivan ke lakshya ki or nirantar agrasar hone se n bhatke. jivan ka lakshya kya hai aur use prapta karne ki or agrasar hone men jyotish kaise sahayak hota hai, isi ki charcha ham is lekh men karenge. 2. janm chakra aur karm bandhn sarvapratham, ham jivan adhar ko samjhne ka prayas karte hain. isse jivan adh aar aur jivan lakshya par pari dhumilta ki parat saf ho jayegi. gita ke adhyay 2.13 men bhagvan krishna kahte hain ki jis prakar jivatma is sthul sharir men kramshah kumar, yauvn aur vriddhavastha prapt karta hai, thik usi prakar marnoprant jivatma ko anya sharir prapt hota hai. dhir vyakti is jivan ya sharir ke vishay se mohit nahin hote. arthat, hindu vaidik shastron men purvajanma-janma-punarjanma chakra ko purn manyata prapt hai jiska adhar karm hai. jyotish ka adhar bhi karm siddhant hi hai. tatparya yah hai ki manushya ko sharir apne purva janmon ke sanchit karmon ke adhar par aur karma falon ko bhogne ke liye hi milta hai. jitna fal hamen is janm men bhogna hai usi ke adhar par hamen sharir, vansh aur vatavaran prapt hota hai. yahi hamara is janm ka bhagya ya prarabdh bhi hai jo hamari janm kundli men grah-sthiti dvara ankit hota hai. 3. jivan lakshya jivan ka adhar karm hai aur uddeshya rin se urin (mukta) hona hai. shri bhagavatam ke pratham skandh ke dvitiya adhyay ke anusar bhog vilas ka fal indriyon ko tript karna nahin hai, uska prayojan hai keval jivn nirvah. jivan ka fal bhi tatva jigyasa hai. bahut karm karke svargadi prapt karna uska fal nahin hai. sochiye ki agar koi adhar aur lakshya hi n ho to jyotishiya ganna aur shastron ki kya avashyakta hai? adhikanshtah log jyotishiya gyan prapta karte-karte keval bhavishyavakta ya dosh-sudharak ki bhumika hi nibhate rah jate hain aur antim satya ki or kadam nahin barhate ya fir jatkon ko us or jane ki prerna nahin de pate jabki antim satya tak pahunchna beshak kathin ho par us or ek kadam barhana itna kathin nahin. gita men moksh prapti ko hi jivn ka sarvottam lakshya bataya hai. moksh se tatparya hai jivan rupi chakra se mukti prapt karna arthat bhagvan se apne vastavik sambandh ko jan kar use punarjivit karna. uske liye karma bandhan se mukt hona hoga. karm bandhn kis prakar utpann hote hain aur kis prakar hamen bandh lete hain, ise lekh men diye gaye chitra dvara samjhen. gita ke adhyay 5.15 men kaha hai ki avidya (agyan) dvara jiv ka svabhavik gyan dhanka hua hai (jis prakar shishe par dhul ki parat ho to vyakti svayan ko pahchan bhi nahin sakta) aur isi agyan se samasta jiv mohit ho rahe hain. uprokt chitra ke pratham varg men is janm se purva janmon ka chakra darshaya gaya hai. arthat, janm ke upranta agyanavash kriyaman karm karte-karte manav ki ichchaen aur apekshaen utpanna hoti rahti hain, jinmen manav asakta ho jata hai aur isi karanavash karmon ke bandhan se bandhta chala jata hai. karmon ke falon ko bhogne ke liye manv badhya hai. is prakar janma-janmantara se bhogne vale karmon ka paiket (chitra men bara gola) barhta hi rahta hai. us bare gole ka ek chota hissa hamen is janm men (chitra ka chota gola) bhagya ke rup men bhogne ke liye milta hai. bhogya falon ke anusar hi jivatma koi sharir dharan karti hai. prarabdh anusar hi hamen sharir, vansh aur vatavaran milta hai. is janm men fir se vahi chakra chalta hai aur is prakar yah janma-janmantaron ka chakra chalta hi rahta hai. sanbhvtah chairasi lakh yoniyon ke jikra ka tatparya bhi kabhi n khatm hone vale chakra se hi hoga. 4. mukti marga yah sab kuch-kuch samajh men ane ke bad ek nirashavadi prashn ka man men ana sanbhav hai ki n jane kitne janmon se karmon ka sanchay ho raha hai jinka fal hamen abhi bhogna hoga. sanbhvtah uska akar himalay parvat se bhi prachand hoga, arthat ham is chakra rupi bhanvar se to kabhi nikal hi nahin sakte. iske atirikt, karm to ham is jivan men bhi prati kshan kar hi rahe hain aur unmen se kuch us prachand pahar ka akar aur barha denge. samanyatah manav ko unhin karmon ke fal ko bhogna hota hai jiske nirnay men man, buddhi aur ahankar ne yogdan diya ho. tabhi to kahte hanai “bhagvan sab dekhta hai” kyonki hamare andar ki jivatma hi to parmatma ka ansh hai aur fir svayan se chipa kar koi karm kaise karoge? arthat, bhavishya ka nirman to ham svayan hi karte hain aur har pal karte hain. apke uprokt prashn ka uttar bhi shastron ne dikhaya hai. jis prakar anek sukhi lakriyan ek choti si chingari se dhu-dhu karke turant bhasma ho jati hain, thik usi prakar is janm chakra ko torne ke liye aur purva sanchit aprarabdh ko turant bhasm karne ke liye gyan rupi divya agni ki avashyakta hai. gita ke adhyay 9.27 aur 9.28 men kaha hai ki tum jo bhi karm (bhojan, dan, arthik karya yani sabhi karya) ka anushthan karte ho, jo bhi tap karte ho vah mujhe samarpit karte hue karo. is prakar shubh-ashubh fal ke bandhan se mukt ho jaoge. mukti aur moksh paryayvachi hain. jivn chakra se atma ki mukti aur atma ka parmatma ko prapt kar lena hi moksh prapti hai. shri bhagavatam ke pratham skandh ke dvitiya adhyay ke anusar karmon ki ganth bahut majbut hai aur gyani purush bhagvan ke chintan ki talvar se us ganth ko kat dalte hain. shastron aur gita ke updeshon se sikh lekar hamen pratyek karm ko prabhu ko samarpit karte hue hi karna hai. is sandarbh men gita ke dvitiya adhyay ke 2.47 ka shlok to sabhi ko gyat hain: arthat, manushya ka adhikar keval karma karna matra hai aur fal par koi adh iakar nahin. n to manushya ko svayan ko karta manna chahiye aur n hi karm na karne ke lie asakt hona chahiye. 5. nishkarsha nishkarsh yah hai ki gyan (jivan ka adhar, lakshya aur karm siddhant ko janakar us par amal karna) se hi manav, jivan chakra se mukt ho sakta hai. is marg par hamare karya evan vatavaran badhak ho sakte hanai jisse niptne ke liye jyotish hamen ane vali sanbhavnaon se sachet karta hai aur ham unka vahan aur samna karne ke liye svayan ko sabal evan saksham banate hain aur apne mukti-path par nirantar chal sakte hain. iske sath-sath jyotish dvara ham karmon ke siddhant ko bhi achchi prakar samjh pate hain aur apne jivan lakshya ki or nirantar agrasar hote rahte hain. ismen jyotish evan uski sabhi shakhaen apni-apni sarahniya bhumika ada kar rahi hain.
Kya aapko lekh pasand aaya? Subscribe
Kya aapko lekh pasand aaya? Subscribe


lakshmi visheshank  November 2015

devi lakshmi ko har prakar ka dhan evan samriddhi pradayak mana jata hai. adhunik vishva men sabki ichcha aramdeh evan vilasitapurn jivan jine ki hoti hai. pratyek vyakti kam se kam mehanat men adhik se adhik dhan kamane ki abhilasha rakhta hai iske lie devi lakshmi ki kripa evan inka ashirvad avashyak hai. dipavli aisa tyauhar hai jismen devi lakshmi ki puja anek tarikon se inhen khush karne ke uddeshya se ki jati hai taki inka ashirvad prapt kiya ja sake. fyuchar samachar ke vartaman ank men prabuddh lekhkon ne apne saragarbhit lekhon ke dvara devi lakshmi ko khush karne ke alag alag upay batae hain jisse ki devi unke ghar men dhan-dhanya ki varsha kar saken, achcha svasthya pradan karen tatha padonnati den. bahuayami mahatvapurn lekhon men sammilit hain: panch parva dipavli, lakshmi prapti ke achuk evan akhand upay, dosh tantra- niranjni kalp, lakshmi ko khush karne ke upay, dipavli par dhan prapt karne ke achuk upay, shri vaibhav samriddhidayini mahalakshmi archana yog, kyon nahin rukti man lakshmi, lakshmi prapti ke lie vibhinn prayog, dipavli ke 21 upay evan 21 chamatkar adi. iske atikti kuch sthayi kaelam ke lekh bhi upalabdh karae gaye hain.

Subscribe

Apne vichar vyakt karein

blog comments powered by Disqus
.